Video
Above information is for reference only. Please check details with the restaurant.
豆腐花店黎講，呢間都算多分店。佢其他幾間分店我都食過，水準一致。我成日覺得豆腐花店好難做，因為豆腐花又唔賣得貴，賣既產品又單一。所以如果經過，自己都好想支持下呢間店。店內有多款豆腐花既口味，其實都係放唔同既料，溝黎溝去咁。我始終最鍾意都係食薏米豆腐花，薏米有益，難得係同豆腐花好夾。呢度既豆腐花豆味唔可以話好濃郁，但滑度絕對係滿分。配合住薏米咁食，更加有口感。店內得企位，係枱上擺住幾枝薑汁同糖水，方便客人按自己口味落，不過其實原汁原味已經好正。如果想懷念一下從前食豆腐花既感覺，則可以落黃糖。店鋪仲賣腐乳同豆漿，我未試過，鍾意食既人不妨一試。
continue reading