香港仔魚蛋粉 (Closed)

食lunch去呢間。皆因附近就腳。座位寛落。同朋友坐得舒服。甘咪入去試下。D侍應有D忙。等左ㄧ陣才到。態度正常。叫左碗鱼蛋河。牛腩米。加杯凍奶茶。正常份量。味道都幾好味。魚旦弹牙。牛腩炇得淋入味。不過不失啦。

叫人座底左之後，我叫寫野吖唔該！之後個阿姐見到我而又聽到我叫佢；但佢唔理我！好，我再等一陣！之後大叫寫野吖唔該；最好笑既係完全冇人應我！之後我決定唔食走人！我唔會再黎食野了！工作服務態度很差！

哩日睇戲睇晏左大部份餐廳都已經收鋪 行過香港仔魚蛋就決定食佢喇因為都有d餓 我地每人叫左一個米線 再叫碟牛腩同生菜我就係叫哩個豬軟骨米線米線既湯底好一般 基本上冇咩味 豬軟骨偏酸 肉質有d鞋男朋友d雲飩幾好味哩一碟牛根腩反而有d驚喜牛根煮得夠林 好入味牛腩亦好鬆化 肥瘦適中但豬軟骨d汁同佢真係唔多夾早知叫個淨米線我就可以撈多d腩汁生菜都新鮮同爽口

昨晚，我從該店店舖外的櫥窗相片見到它推介馳名的魚蛋河，相片中有三粒魚蛋球和幾片魚蛋片，由於當時店舖內都好多人，我亦想嘗試它的牛腩，於是我就點了一碗「魚蛋河加牛腩」外賣，其中加牛腩是需要另加$10。但係，喺俾完錢之後，我就等左足足15分鐘都仲未攞得，於是我就跟一位服務員阿姐詢問：「阿姐，請問點解要等咁耐嘅？」點知嗰位服務員阿姐居然答我話：「個個都係咁等㗎啦！」跟住佢就唔睬我，冇幾耐，我見廚房裏面個哥哥就整咗碗魚蛋河加牛腩出嚟，但係我見到該碗外賣嘅「魚蛋河加牛腩」當中只有兩粒魚蛋，魚蛋片就更冇咗影，明顯與廣告的照片有出入，於是我又再問嗰位服務員阿姐：「請問點解得兩粒魚蛋咁小嘅？出邊個廣告張相明明有三粒㗎喎！仲有啲魚蛋片連半塊都冇，點解呢？」點知唔問由自可，一問個阿姐又發火說：「你知唔知啲魚蛋幾貴呀！係得兩粒架咋！」於是我就同佢講，我話：「阿姐唔係喎，出邊張相明明係有三粒㗎喎！」跟住佢就鬧番我轉頭，仲話：「你知唔知啲魚蛋幾貴呀？個個都係得兩粒㗎啦！」嗰一刻，頓時令我諗起劉德華嗰個廣告：「今時今日仲有咁嘅服務態度⋯」自此之後，我就決定以後都唔會再幫襯呢間店舖！

呢間♥香港仔魚蛋粉♥喺旺角都已經好多年，睇住佢慢慢變，雖然而家主要做遊客嘅生意，不過我依然好鍾情佢呢到嘅其中一碗麵🤗金牌豬軟骨河粉呢到嘅豬軟骨係我食過咁多間以來最好食嘅一間，佢同出面一般嘅豬軟骨好唔同，佢嘅味道真係好好食✨👍🏻唔好睇佢啲豬軟骨係橙橙地色以為係辣，但其實佢係甜甜的，一啲辣味都冇㗎！佢嘅軟骨就唔係一食落去淋哂/入口即溶果種，相反佢嘅軟骨係比較硬身，係有咬口嘅，不過佢好容易咬，啲骨係一咬就斷嘅，只不過佢唔係好淋身嗰種軟骨💁🏻一碗大概有四舊豬軟骨，都唔算係細舊架！佢嗰汁陪埋個湯，真係好好味，好味到我每次食，啲湯我都會飲晒😋

一句說話總結【香港仔魚蛋粉的早餐】今朝一早出旺角眼科覆診見有時間就求其去隔離街間香港仔魚蛋粉食個靚早餐可惜事與願違雪菜肉絲米粉淡而無味亦沒有圖片的辣椒絲炒蛋蛋汁過剩餐肉只有一塊仲薄過薄扶林多士夠厚身但牛油份量太少杯凍奶茶茶味有少少怪味或者餐廳係希望以食物原材料風味呈現給食客雖然未必人人懂得欣賞但識食的螞蟻似乎對此趨之若鶩都係我衰我應該叫返主打的魚蛋粉嚟食一時唔精神犯下腦筋上的錯誤下次都係睇完眼科證明視力正常先好去搵食。

招牌魚蛋粉- 因看到店外宣傳版而光顧，上面寫着：「招牌鮮魚湯底 真材實料：好過亞媽煲㗎！」- 奶白色的魚湯以鹹香為主，繼而是白胡椒的辛，以及中芹和蔥花的香氣，魚味很淡。在我而言，湯底尚算有層次，惟魚味似有若無，不細味便難以察覺，喝得不夠過癮- 魚蛋及炸魚角的魚味濃郁，兩者都尚算彈牙，後者不油膩亦不香口- 米粉一貫地吸湯*辣椒油辣勁足，辛香惹味*我媽從不煲魚湯，故不能與店比較，只能記下食後感

剛剛洗完牙，醫生吩咐不要吃易上色的食物，可以選擇既lunch 都冇咩，只係諗到粉麵類，唔想又係食譚仔，結果選咗香港仔魚蛋粉。看了一輪菜單，選了一個全白的招牌墨魚丸河粉，墨丸和河粉份量不多，墨丸內藏一些墨魚粒，爽口彈牙，有墨魚淡淡香味🦑🦑，惟有墨丸給筋痴住，進食不便😶，但以33蚊來算仍是可接受範圍，醫肚的平價之選。👌👌服務態度一般，上菜時間稍耐，一碗簡單的墨丸河粉卻要十多分鐘先嚟到，有待改善...😓😓

我和朋友兩人晚上到香港仔魚蛋粉準備晚膳，店員安排我們坐4人圓枱，當準備點食物時，店員通知因外面有5位客人，要求我們調往附近卡位答枱，但我們覺得既然你們的店員已安排我們入座，為何要我們再調位置呢？所以我們一口拒絕店員的要求，但當我拒絕後，店員覺得我們不合作，對我們的服務態度開始轉差，所以我們決定離開及準備向有關部門作出投訴，臨離開前拍照已作投訴之用，但店面職員得知我們拍照離開後，竟沖出店外用粗言穢語鬧我們，作為一位消費者，為何只是想食一個晚飯，換到既係咁既服務態度呢？我們和店面職員理論，但他竟然說我們來搞事，收”陀地”還說唔做我哋生意……作為一個服務性行業，我完全接受唔到店員咁既服務態度，最終只好報警求助，我亦已向消委會作出投訴，我只想呼籲，如果你哋真係想去尼間鋪頭食嘢，真係要諗清諗楚……店員對顧客既服務態度簡直係極度差劣……

第一次在這間食，平時去尖沙咀多。叫了個牛肚魚片河，d 牛肚淋到爛，質感好像格了好多晚。好難食！魚片只有兩片。服務態度超差！等了很久食物都未來，叫啊姐幫我跟下，她就話，係咁㗎啦，等下啦！真係無下次！

Stopped here for some noodles.The drink I had was gross because the ice was speckled with some brown weird stuff.Anyway removed the ice and just had coke with lemon which just tasted like coke with lemon.The noodles were ok but not amazing.

年初三，一行五人去食魚蛋粉，其餘四人為遊客。估唔到魚蛋粉可以做得咁差！同n年前的水準冇得比。湯淡而無味，d辣油好似用左好耐，而且d侍應冇禮貌，落單時乜都得，又話比水我地，提佢時竟然黑我地面，落單後竟然夠贍喝我地自己斟水！而且好大聲話自己好忙，離譜！真心覺得呢間店一個字，差！其實冇，一早可以講，等大家唔好有expectation . 仲有地下好dirty ..... 又多水，油，自問以前幫襯多年，估唔到佢地可以淪落至此，不會再來！新年流流，d員工可以咁對客人，不知所謂！實在氣憤！

这家店以前貌似有好几家分店，但现在已只有五家，都在九龙的油尖旺地区。而且位置互相之间离得还特别近......搞得跟莎莎似的。针对这一点而言，我对香港一些商户的布局也是有些吃惊，在临近的两条街各开一个分铺，不知道是基于怎样的客流量预计模型。当然也可能是空间大小的概念不一样......我刚来香港时在这里吃过两次便餐，基本就是饿了，又一个人，又懒得折腾，于是就在家附近解决了。香港的小餐厅善于用夸张的广告词做自我宣传，什么香港第一啊之类的广告到哪儿都能找出几家。一些观光客或许会觉得鱼蛋粉之类本地特色是要尝一尝的，于是就可能乱跑进这家店。不过吃吃君觉得，鱼蛋这个东西粉那么多，能有多少鱼。要吃真正的鱼丸自然是不能来这种街边小馆的.....说你呢，别进去了！换一家。

平時係旺角都會去指定麵檔食，今日想改下第間！*香港仔魚蛋。叫左個四寶丸河$36。湯底無味，四寶丸都唔算好味，相比其他麵檔，明顯比下去！或許人成長左，口味都改左，但只可講，今次都幾失望！ 另外，叫個豬仔包$12，同澳門既豬仔包差得遠，高估左呢度既品質！本應都唔想叫野飲，來到舊式麵檔，無理由唔試下傳統奶茶，點知都伏左，完全唔掂！普通！整體來講，失望。幾年無食過，『店名不變，味道已逝。』

以前個招牌魚旦粉好好食，魚湯又鮮又真料，依定你比個味精湯我做咩？又咸又味精，連胡椒味都無，我寧願你加價都好，以前重要話好過阿媽煮，湯色就奶白色好靚，依家咁難食，無下次啦！