Video
11-min walk from Exit B, Tai Wo Hau MTR Station
continue reading
Telephone
26963188
Opening Hours
Today
12:00 - 15:00
17:00 - 22:00
Mon - Sun
12:00 - 15:00
17:00 - 22:00
Public Holiday
12:00 - 15:00
17:00 - 22:00
Public Holiday Eve
12:00 - 15:00
17:00 - 22:00
Above information is for reference only. Please check details with the restaurant.
Recommended Dishes
今日（15-6-2024 Sat） 同老公拎嘢落荃灣回收，而因為落雨我哋就入去熊貓酒店避雨兼搵嘢食，我哋睇吓食乜嘢，見到好耐都未食過嘅呢間，除咗食放題之外都重可以揀定食，於事試吓。店員安排座位需要搭枱，坐低後睇menu同用QR code落,單睇完menu後，我哋要咗:2. $15.00嘅罐裝生啤老公飲，我冇飲到。4. 跟餐嘅熱柚子蜜份量啱啱好，唔太甜。3. 壽司定食$92.00嘅海之戀壽司定食因為我見到佢有北寄貝壽司所以就揀呢個，而其他有 三文魚，黑松露油甘魚，蟹棒，赤紅蝦，三文魚籽軍艦，龍蝦沙律軍艦同日式餅卷，上到嚟睇，多咗迷你真打烏冬同是日沙律，原來係配埋，而睇返，多咗件墨魚壽司。先試真打烏冬，口感腍咗啲，個湯幾好味。而壽司呢?日式餅卷就只係將龍蝦沙律放喺梳打餅上面，變相我食咗兩份龍蝦沙律，不過龍蝦沙律算好食，其他嘢其實都普普通通，唔好有太大期望。1. 魚生丼系列$98.00嘅登別火隻天丼呢個又係跟是日沙律同味噌湯，魚生有三文魚，油甘魚 帶子，鱈魚同龍蝦沙律。成個都係老公一個人食，我冇食到，佢話帶子同味噌湯有沙，但佢就話呢度以呢個價錢係可以嘅。2.5分呢喥如果係散叫同食定食就限時一個鐘。服務:都OK有禮貌，同會自動放低兩杯水，而凳底同一啲梳化凳都有籃同可揭開放嘢。價錢:連加一係$226.00。2.3分
continue reading
姪仔DSE 放榜，家人高興之餘，預早BOOK 定炙和味。話之前食過Lunch set 都唔錯，份量足，唔駛食放題。因為住附近，所以就專登走過嚟留枱，已當面講明book 7位食套餐，但店員話7位要落$500訂金。心諗，可能人多就要俾訂金啦！之後就安心等食。去到入座後，就俾QR code 落order， 但係放題menu，於是就叫店員俾過個套餐QR code 我哋。店員一聽到我哋食套餐就變臉，話要叫經理搞。個女經理一嚟就黑口黑面。訂座時有誤會大家都唔想，又唔係話你有錯又唔係拗著數，駛唔駛先下口為強，一直响度強調你哋規規矩咁咁咁…… 「要放題先可以book位，套餐定食冇得book 位，要响出面等位。」咁我問：而家點呢？我哋唔食放題，要食套餐。個女經理諗咗一陣，答：「你哋唔好坐呢度，坐另一張枱」，於是我哋就轉咗去隔離枱，其實真係唔知有咩分別。女經理強調：「你哋食套餐得60分鐘咋，話你知。」簡直係三等公民嘅感受 。食物質素 份量足，一個人食絕對夠飽。魚生都算新鮮。鍋物烏冬係普通嘅即食烏冬。牛柳粒就係平日常見嘅一口和牛。牛味一般。壽司飯鬆軟彈牙。套餐平均$100一個，格價同品質相乎，CP值一般。飲品方面 選擇幾多，有台式飲品（各款珍珠奶茶），又有港式檸茶，奶茶。味道都唔錯。最後，到食完埋單俾錢時，個女經理仲講：「下次食套餐冇得book位，要响出面等位。」放心！絕冇下次。🤬 而且食完呢餐，真心覺得食套餐定食就夠，食放題就去第二間好過。🙏🏻
continue reading
一碗暖既橙色烏冬價值90主力講下有咩食材個set有中華沙律2舊唔知點解要加芝麻醬既飯卷一碗橙色溫暖既烏冬有6樣佢話係北海道海鮮海鮮有一粒帶子一隻青口2隻細蝦2條蟹柳2塊魚蛋3隻蜆好想知以上物品同北海道咩關係個2塊魚蛋係我食過最不知所謂粉同鞋既個湯先係重點我叫辛辣湯但黎到唔熱不特止個橙色湯唔知咩黎我唔敢飲落去草草食左一半「北海道」海鮮同少少烏冬之後放棄本身唔想打負評但夠膽食賣90一定要寫出黎告誡大家做食物係要用心無心就唔好做（無論餐廳定個廚師）劣評同埋唔會再食！
continue reading
有好多特飲，但係無一樣嘢係好飲，連珍珠奶茶都可以難飲。刺身一般，唔算好難食。蝦同油甘魚不太新鮮，無口感。手卷嘅紫菜超硬，食咗一兩件，頂唔順夾走魚生食，放棄食紫菜。唯一比較正常嘅係炸物。炸物超油，雖然炸物係會油，但係每咬一啖都噴油。真係唔掂。
continue reading
已經一段時間冇嚟啦，相隔一年再嚟因為荃灣已經冇乜日式放題店，今次再俾機會佢嚟食吓啦！出乎意料之外，今次質素回復返平時以前一樣咁好食，刺身好新鮮唔錯，終於回復返水平，牛舌比較韌咗啲，天婦羅可以唔食，鰻魚啊燒雞翼呀都唔錯，特飲方面都好多款式，啤酒亦都任飲，平日298一位加一服務費，呢個價錢保持住呢個質素都唔錯，因為佢比起其他荃灣嘅放題呢間算係我食過嘅保持水準，大家可以嚟試吓食得過，午餐放題仲有3小時任食真係好抵
continue reading