Video
5-min walk from Exit B2, Long Ping MTR Station
continue reading
Telephone
94301433
Opening Hours
*Last Order 22:30
Mon - Sun
12:00 - 23:00
Above information is for reference only. Please check details with the restaurant.
Recommended Dishes
話說朋友仔話元朗有間好勁嘅咖啡, 世界 500 強 , 一聽到嘩 ! 香港仲要喺元朗竟然有間咁勁嘅咖啡點都要去朝聖下啦！首先由於疫情關係只能最多4人而且要相隔 1。5米, 所以預咗要等一段時間, 去到真係多人排隊, 正常佢有本嘢俾你落名, 有枱會 call 你。最後我地等咗一個半鐘終於打嚟 ! 入到去打開 meun 嘩好多唔同種類嘅咖啡, 啲名仲好得意未見過, 呵……大鄉里出城 ! 想叫嘅時候噢最想點佢嘅冠軍咖啡竟然無, 失望 ! 原來成份 meun 有一半都係無。最後都係點咗 Flat white , 另外食物品種亦唔算多, 因為主要以咖啡為主。 較多品種以 cake 為主, 我就叫咗件 cheese cake , 另外叫咗個包, 有3種選擇 : 鴨肉 , 雞肉素食者專食嘅蕃茄。價錢都算合理, 不過坦白佢地人手唔夠, 同埋佢要人齊先入得。
continue reading
近日唔可以周圍去，又唔可以約得多人，又忍唔到日日都留守家中，點都要出嚟充吓電🔋,所以兩條友仔，一早一口氣由菠蘿山🍍行到下白泥，平時行呢過會2、3點先行 可以順便睇日落，但今日唸住早行少d人 順便又可出元朗可以試吓攞獎☕，順便可以潮聖吓🙇🏻♀️🙇🏻♂️上到試上層，發覺有7-8張枱，但只有2pair,唔明點解要等🤨🤨一睇就知，有3張枱係食完無人執抬，出面客人又要等30-40分鐘......12點開，12點半到，點知都要等位，前面有4~5pair客，大家都好似熟客咁，自動留名留電話，到有位，職員必要打電話確認才可進入🤭🤭其實應該試攞獎虹吸或手沖，但俾佢拉花吸引左，但嚟到拉花好普通之如，食晒2碟食物，咖啡仍未到，店員行過，見到食完都唔收碟，上咖啡時，仍不懂收碟😑😑而且店員都有點黑面，可能太好生意，做到無晒表情，有待改進伯爵茶忌廉窩夫🧇~賣相有驚喜😍😍,伯爵茶忌廉好有滑，而且有淡淡伯爵茶味，覺得好清新，放鬆左，配上朱古力醉粒雪糕🍫🍨,味道偏濃，有黑朱古力偏苦味，超正(本人不好甜)。窩夫真心有驚喜👍🏿👍🏿👍🏿,趣卜卜，外趣內軟，出面食過幾間都無呢個水準~推介鴨🦆胸肉意式香草包🥐~賣相吸引，小妹勁鍾意食芝士🧀🧀🧀,所以必叫，雖然鴨肉係厚切，但皮超肥，已是整片鴨胸1/3，而且非常細片， 有點失望，芝士包已經好好味，但只是芝士包這個價錢就唔抵🙄🙄Mocha~本身想飲手沖咖啡，但見其他post嘅拉花相，點都要叫嚟打吓咭咁，朱古力味唔夠，而且拉花普通，不似預期😔😔Latte~正常小店味道，比連鎖店好，但唔驚喜不過真係幾勁，飲到底，個心心💕仲係到遲d搬舖，請留意😎
continue reading
專登黎飲香港大賽冠軍虹吸咖啡，等位+等食物，足足等了3.5鐘，已到呆左，但最失望，飲不到冠軍級咖啡及香草鴨胸法包，最嬲是；等左1小時左右，先話買晒鴨胸包，但隔離檯遲過我地，都有，超嬲爆 😡😡😡食物方面： 「豆腐紅豆慕絲蛋糕」豆腐味濃，香滑「蘋果金寶」 香脆，蘋果，不太甜，桂花味香，推介好食【紫卡杜拉】虹級綠色卡杜拉是堅果、柑橘與烘焙香料，紫色卡杜拉更多花香、葡萄糖果、巧克力。「Sidva」虹級濃烈花香、柑橘香、蘋果香、蜂蜜或者楓糖的甜味。
continue reading
鍾意飲咖啡既香港人，都一定聽過Accro個名，因為呢度高手雲集，佢哋既咖啡師係世界虹吸式咖啡比賽冠軍，仲係世界咖啡沖煮大賽冠軍！🏆-打開本咖啡menu，咖啡種類多到嚇親😵，虹吸咖啡手沖咖啡精品咖啡冰搖咖啡。。。絕對唔係一般coffee shop提供得到❣️-如果飲唔慣精品咖啡苦澀味既你，試下大路啲既latte都相當有驚喜！因為佢哋既拉花好特別，絕對唔係常見既拉花圖案，帶女仔去打卡一流！📸
continue reading
之前平日經過都會見到有唔少客喺鋪頭入面，雖然近西鐵站，但明明依個位平時都會好靜，好好奇點解平日都有咁多人幫襯。咁啱個friend想喺元朗搵間Cafe坐下，hea下時間，就搵咗呢一間Accro Cafe，原來佢攞過好多獎，太專業，所以我唔知係咩嚟嘅，淨係知好勁。都知假日去Cafe會多人，依間佢出邊就擺咗本硬皮簿，俾啲客寫低自己電話，有位嗰陣時就會打俾你，咁你就唔使企喺門口等，都幾貼心。因為啲技術上嘅問題，聽唔到電話響，等左一個鐘先有得坐，但就咁岩得咁橋安排左我哋坐吧枱位。可以近距離望住成個沖咖啡嘅過程。第一次近距離睇虹吸咖啡嘅製作過程，好靚呀。依間餐廳嘅咖啡好多選擇，但嘢食就唔多啦，但係真係樣樣都令人有驚喜，分數有滿分一百但101嘅感覺，鹹嘅就叫左意式香草包配鴨胸肉，而甜嘅呢就叫咗Waffle 配 Earl Grey Cream，Maple Syrup & Chocolate Ice Cream。個包有流心嘅芝士，配埋啲洋蔥煙鴨胸，同蛋黃醬真係無得輸，仲要個包本身係有味嘅，令平日麻麻哋麵包既我都深深俾佢吸引到。而個Waffle係心型㗎，造型都OK特別，但個cream先至係重點，伯爵茶味超級出，即使配埋朱古力雪糕，都有種唔膩嘅感覺，個cream有現貨買的話，真係要即刻買一支返屋企看門口。咖啡方面個friend就叫咗杯勁野，而我就簡簡單單叫咗杯Rose Latte，真心唔錯。
continue reading