為食魚海鮮火鍋專門店 (Closed)

一間以蜆為主題嘅火鍋店.真心伏_到爆炸. 蜆肉鍋除咗辣之外就乜都冇. 蜆肉又細又腥又有沙,越食越腥,食出人生各種辛酸苦澀. 叫咗一碟松露墨魚丸.我同我嘅朋友仲要玩遊戲猜輸食.真心食枱面嘅嘢係一種懲罰. 除咗雞泡魚乾同啤酒係正常之外,完全係個伏. 食完之後仲成身臭蜆味. 當你離開餐廳嘅時候.由你嘅衫褲袋都會發出你對呢間餐廳嘅厭惡味.究竟自己啱啱食咗啲咩. 埋單俾錢.我哋四位朋友位位二百幾.真心覺得自己蝕_左. 真心不可一不可再.

招牌龍蝦海鮮煲👍👍👍味道簡直一流真係好正，第一次帶男朋友黎，佢第一時間試飲啖湯，成個幸福樣咁就知好正喇！！！海鮮係好足料嘅 一隻龍蝦 四隻蝦 有好多蜆同雜菜菇😋，叫左幾款邊爐料，最生猛就係隻田雞，仲識郁架，但有個美中不足係想叫卜卜蜆煲個時同我講冇優惠，$98 原價($168)我Book左9：00，因為計入座時間，優惠時間係9：30 冇同我講過亦冇寫明，我問先講😒👎，氣憤唯有下次先再食過!!!$20蚊隻生蠔 係好低嘅 好重海水味，不過有小小腥 有1/2隻有少量殼粹 但都OK嘅。

食物質素相當麻麻， 九點半後追加嘅生蠔更加一早已經賣曬， 根本就冇可能食到， 所謂嘅海鮮湯底所謂嘅龍躉湯底海鮮數量同龍躉數量都非常少， 完全一啲都唔新鮮， 六個人食咗二千四蚊我靜係食左豆腐，黃牙白，牛內(好通透既)同烏冬， 所謂嘅帆立貝刺身我淨係見到檸檬， 我相信争鮮廿零蚊嘅都仲好食過佢十倍， 員工服務質素就見仁見智啦有啲好有啲唔好啦， 但係連醬料都要加144蚊， 嗰啲卜卜蜆仲衰過我係大排檔食嘅炒蜆 ，湯底冇嚟味道， 呢間都會畀我 bad list 唔會再去㗎喇， 上述只係個人意見。

不愧以魚、海鮮為名，芫茜皮蛋湯底也是奶白的魚湯，一上檯，魚香襲來！鯇魚片、鯇魚腩：鮮、脆👍🏻👍🏻鯪魚釀冬菇：一上來，六集飽滿脹卜卜，已引人，吃了，魚彈牙加冬菇香，正到呢⋯⋯😋😋😋芝心墨魚丸：彈牙，有咬口，真材實料😋牛肉、黑豚肉、萵荀、淮山，都是水準啦！響鈴呢⋯⋯吃過最好的了，其他食肆的，只是一般般啦🙊訂檯入座時，雖講明限時1.5小時，因是閑日，沒人等可繼續吃；服務又殷勤又寬容！在此打邊邊，簡直是享受😊😊btw，三丁友，沒點的蜆鍋，隔離檯狂讚，邊吃邊說好食，想點呀⋯⋯他們四人每人都是滿滿一碗殻，太多蜆了吧，下次集齊人馬要試！

友人介紹此火鍋店，就去試試。原book了7:30,因7:00早到了，卻因限時關係，明白的便於門外等候。坐低了，因剛剛shopping完一袋二袋，問可以有多張椅擺放，各侍應懶忙回覆等等，明白的，再過一會再問回覆沒辦法，算了自己想辦法。柯打了：雞鍋、牛、餃子、炸腐皮...（食物ok的一般啦)、水晶粉（好味道的) ⋯ 而中途追加了一次柯打，死追懶追都未有，服務欠佳。明白的，我不會再來了。

打邊爐最緊要湯底同食材新鮮，為食魚就能夠一次性滿足晒我地，大飽口福。先來龍蝦湯底、鮮甜滑口、 味道香醇，回味無窮，涮起黎别有風味。將海鮮的鮮美之味原本呈現出黎，食起黎清潤可口十分鮮美。再加上新鮮火鍋菜品。 正。新鮮既蜆都係活着上桌，煮熟之後蜆張開殼会有“卜卜”的声音。 上桌開火，看着挺清淡，其实味道微辣，又唔會覆蓋蜆肉的鮮味，蜆肉鮮甜爽口，香味撲鼻！手切肥牛，肥瘦均勻，具有肥而不膩，瘦而不柴等口感，色鮮味美，肉質鮮嫩多汁，回味無窮。黑松露墨魚丸， 表面色澤潔白，入口富有彈性，口感爽脆，係食火鍋必選的食品之一。

打邊爐聚舊最佳選擇，可以一坐幾個鐘，一路食一路傾噶，又可以品嚐吾同既美食，一樂也。我地哎左個龍蝦海鮮鍋，看似清淡的海鮮鍋底，其實係經過多種食材精心熬制而成的，營養豐富，極具滋補功效。 湯底味道鮮美，龍蝦鮮甜彈牙，依靠食材本身的自然鮮味就足够了，我最鍾意這種自然的味道。手打牛丸采用純鮮牛肉打制，使之味道更香，口感爽脆、柔嫩，且丸中帶湯，口嚼鲜汁四濺。鹹蛋皇蝦丸，鹹蛋黄色澤鮮美，質地細膩，味鹹鮮醇厚，回味綿長。手切牛頸脊，肉澤紅潤，肥瘦均勻，肉質細膩，入口即化， 味道香甜悠長，回味無窮。凍豆腐， 豆腐形態呈蜂窩狀，有好多孔隙，令其更容易入味，豆香味十分濃郁，味道也更加鮮美。翠綠萵筍， 營養豐富，而且味道鮮嫩味美，色澤翠綠，鮮香爽口、清淡可口，增强食慾。太滿足啦，有機會再來品嘗。

胡椒豬肚鷄煲，湯底濃中帶清，飲一啖湯入肚，首先有一股辣辣的胡椒香氣直衝味蕾，除了胡椒的辛辣外，湯中仲有豬肚的香甜，鷄肉的鮮美和藥材的醇厚，細細品嚐，口感飽滿豐富，不油不膩，回味悠長。手切肥牛，色澤紅潤，肥瘦似雪花，經涮過的肥牛，肉质細腻，入口滑嫩，其口味香甜悠长，回味無窮。串串蝦，蝦十分新鮮，色澤光鮮透亮，蝦肉飽滿鮮嫩，清甜爽口。芝土蝦丸， 滿滿蝦肉口感鮮嫩彈滑，既有蝦肉的鹹鮮，又有芝士的香濃，十分美味。娃娃菜，口感細膩潤澤，鮮嫩清甜可口。

Happy friday 的晚上，沒有book枱的情況下，要在旺角吃上一頓飯，實在千辛萬苦。既然每間都要等，就揀了最近頗有人氣的為食魚海鮮火鍋專門店。竟然一等就是90分鐘，為左食突然變得好有耐性㗎我，滿心歡喜立刻點菜。十月推廣的酸菜龍躉鍋$168。乍看之下，好大一鍋，以為單憑兩個人肯定吃不完。但，原來魚的份量就如圖示。其餘的都是芽菜和芽菜。魚肉是經過事先製作的，並不是平常食的那種鮮魚片。因此，不大吃到魚本身的味道，亦不滑嫩。而湯底亦無甚酸菜味，很正常，因為酸菜只有幾小片而已。要待滾到最後，才能嘗到些許味道。所以整個鍋真係有點三不像，純粹喺將幾種食材湊埋一齊。失望大哭ing~另外，叫了咸檸七$18、薯粉$22。薯粉一落鍋，瞬間就熟哂，很Q，吃畢很飽足。回想起大學的時候和hallmates喺街坊小店食酸菜魚，那種好味道。唔通細個乜都好食，大個先黎揀飲擇食？

1️⃣✨酒槽冰鎮南非鮑魚 ($58)✨🌰先吃頭盤小吃 色沉得閃亮的它已熟了 入口爽滑😼帶一點醬油的鹹鮮 肉質彈牙又夠入口 很不錯吃！Rating💁🏻(7*/10*)-2️⃣✨燒三色珍寶蠔拼盤 ($168)✨🧀💥極大隻！成部iphone 6s最巨大！📱蠔肉爽脆帶膏又新鮮 入口不腥肉質軟綿🤘🏻好吃🤘🏻👉🏻黑松露芝士🧀 菌香在表面纏繞 但芝士太淡～👉🏻麻辣🌶 有辣油和蒜蓉加持 惹火但狂野的辣😋👉🏻蒜蓉🍴量多香濃 切成碎屑的蒜頭爆得香口😌Rating💁🏻(8*/10*)-3️⃣✨笑蝦蝦冬陰功海鮮鍋 (9月限定！晚巿$168/原價$278)✨🍲很辣的冬蔭公！酸味中附上絲絲麻辣 開胃但刺激🤓吃到有點頭暈😂其實都幾香口 但蝦很多又爽脆～還有薯粉 木耳 娃娃菜等 份量夠三四人 也不太膩🙂Rating💁🏻(6.5*/10*)-4️⃣✨墨膠流心奶皇包 ($78)✨💦墨魚丸配上奶皇餡 彈力雖強但可惜丸身膠感重～鹹奶皇太少也不太夾味 感覺是gimmick為亮點🤔Rating💁🏻(5*/10*)-5️⃣✨黑松露鮮蝦餃 ($88)✨🍤配上豬肉蝦仔黑松露口感爽脆 滿香口但有筋稍膩😳Rating💁🏻(6.5*/10*)-6️⃣✨自家製酸梅湯

平日都超旺場嘅海鮮火鍋店！！冇諗過平日都坐滿人，訂滿枱！好彩我哋6：30PM找到，WALKIN都仲有位點佐個8月限定嘅"龍蝦湯水煮龍躉"($148)，上枱時見到紅色一大鍋真係呆咗， 因為我哋完全睇漏佐"水煮"兩字，唔知係辣， 結果真係好辣下，食到後期可能條脷麻佐，又反而覺得接受到喎。值得一讚嘅係， 龍躉魚肉有成斤咁多，非常足料，而且魚肉嫩滑，啖啖鮮肉，之後會加龍蝦湯，食落仲會多佐份鮮味個鍋仲有d薯粉喺底，不過份量比較少，如果多啲就仲好啦～～～

今次同同事食飯又吾知食咩好，當然都係去返openrice找野食啦，我地成班邊爐人有咩選擇當然都係邊邊啦，我見未試下就話不如我地去，一行5人去到原來待應話$1000可以包房而且仲吾限時，當然即話OK啦去到房入面仲有電視睇添，我地冇咩理價錢加上飲左少少酒，每人$330價錢可以接受。我地叫左2個鍋加野食好快滿晒桌面，但因為桌面吾太大所好快已經滿而已因為有2個煲關係都幾焗，要最後有一個吾要才感覺舒服一點。小食豆腐一黎係脆口但味道吾覺有味，之後軟身就吾再好食。雞煲食落雞嫩但醬汁吾夠麻辣，配菜洋蔥都吾少。而蕃茄薯仔魚就原來係冇魚見到，湯都冇魚味，配料都新鮮，牛肉食落都好有牛味而吾硬身，蠔好味又夠大隻，芝士蝦丸都彈口而且芝士味都香，響鈴都脆口而吾大件。飲品叫左啤酒同特飲，菠蘿沙冰飲落好淡但應該係堅肉生果整因為有果肉係度。

我哋真係太鐘意打邊爐 啦，一個星期唔打，個心就總係囉囉攣!!! 今日去咗旺角白布街為食魚海鮮火鍋專門店!!!我哋叫嗰咗龍蝦湯水煮游水龍躉，真係十分足料，成條龍躉!!! 魚，全部都係魚!!!! 嘩!!! 好大個魚頭呀!!!!! M佬，你唔好同我爭嗰面豬dum 。龍躉片塊塊都好厚肉，又滑又香!! 講真嗰湯底一開始唔係好重龍蝦味，因為啲水煮辣油好出味，不過加咗幾次湯底之後，就好香龍蝦味!! 用水煮湯底打埋邊爐，真係第一次，好特別!!! 食得辣嘅朋友一定要試!!嗱!! 考吓大家，食水煮魚 最正係咩?水煮魚就梗係魚啦!! Sorry 唔係。咁呀? 嗰水煮湯? 都唔係喎。吓，玩嘢呀?識食一定係食水煮魚裏面嘅薯粉啦!!! 吸晒啲精華，入晒味!!!! A姐食到流晒眼水同鼻水，搞到人哋以為我整喊佢囉。 不過認真好好味，食到條脷都麻痺，又愛又恨。再加埋自家製炸響鈴，吸晒嗰湯，無得頂!!!打邊爐一定唔少得四寶丸，啱晒我哋呢啲想試最多嘢嘅人 (哈哈，姐係貪心嘅人)!!! 四寶丸係包括牛丸，鮮蝦丸，墨魚丸同鯪魚丸，每樣兩粒，啱啱好，唔洗爭!!! 手打嘅真係唔同啲，好彈牙!! 我哋最鐘意手打牛丸，好濃牛味，有驚喜

【冬蔭功笑蝦蝦海鮮鍋】HK$168 (優惠價至2016年9月30日) 冬蔭功湯底mix左龍蝦湯湯底, 味道更加突出鮮味同濃郁, 加上入面有好多隻蝦,同埋蜆, 相當足料! 湯底酸酸辣辣令人胃口大增!【燒三色珍寶蠔 拼盤】HK$168 三隻蠔大得如手掌般大, 一個拼盤可以食哂三款唔同味道! 每隻蠔都大大隻好肥美!一d都唔腥...原味珍寶蠔: 海水味比較重, 食落好肥美, juicy~芝士忌廉黑松露珍寶蠔: 煮法比較創新, 有好重既黑松露味, 好香....火焰珍寶蠔: 夾住蒜蓉同辣椒一齊食, 食落辣辣地, 又香口, 好惹味【酒糟冰鎮南非鮑魚】HK$58@1 以冰墊底, 鮑魚有清醇既酒味, 但唔會cover哂本身鮑魚既清甜味, 口感爽口煙韌...【墨魚奶皇包】HK$78 少少彈牙又甜甜地既墨魚丸包住入面既奶皇蓉, 有好香既奶味...味道比較特別,唔係周圍有得食! 【黑松露鮮蝦餃】HK$88 皮包比較薄, 擺入火鍋稍為滾一滾, 滲左少少湯汁入去, 咬開入面有頗多既蝦粒同香蔥, 食落有口感又鮮甜, 正!!!

餐廳以＂為食魚＂作招徠，顧名思義是以魚類菜式為招牌菜，立即點了8月特價限定，龍蝦湯水煮龍躉來試試。水煮龍躉用石鍋上菜，風味與氣派十足，十分有睇頭。由於石鍋比較厚身，所以需要更多時間來煮滾，但同時亦能令食物更入味，溫度保持得更好。龍躉不是很大的一條，二人份量剛好，而且已經切片，魚頭魚尾亦一拼下鍋煮，十分足料。湯底辣味足夠，不會單一層次，而且還鋪上生蒜泥和指天椒粒，絕對是重口味人士之選。魚本身肉質結質但容易咬開，魚味亦有，不會太膩。鍋底內藏了大量芽菜和小量扁薯粉，如煮得太耐，真的會得辣，所以我建議先把它們拿起，放涼後才吃，又可清除辛辣感。火鍋配料點了黑松露餃和奶黃墨魚丸。水餃十分足料，每隻亦包含一隻鮮蝦，小量雲耳和黑松露醬。水餃的黑松露香味足夠，蝦新鮮蝦牙，吃得出是新鮮包的！但一客6隻對2人來說太多，建議可點半份。奶黃墨魚丸有點創意，流必奶黃餡不會太甜，反而是有點creamy，而墨魚丸彈牙，不錯吃。這裡的特大生蠔也是招徠之一，可生食和作燒烤。上菜上真的大得很，有iphone之大，十分吸引。燒烤的話，無限蒜泥和指天椒鋪面，蠔味濃，吃得過癮！