喜乙

Open Now

Now Closed

嗌左6球 $22🤓論價錢係抵嘅但到味道呢…⬇️按排名（1最好6最伏🥵）1. 地球（薄荷雲呢拿）雖然有好重嘅色素，不過係好食嘅薄荷味如果齋論樣，佢係最大反轉嘅驚喜不過有啲太冰，似食冰沙多過雪糕2. 提子冧酒不過不失，多提子粒有咬口嘅okay好食(接下嚟係唔好食嘅66.667%🙂3. 士多啤梨類似Fruit Plus嘅士多啤梨味係唔expect係雪糕入邊食到嘅味道🥲如果係鍾意膠膠哋嘅士多啤梨味嘅人應該會鍾意😵‍💫4. 朱古力Cheap朱古力奶味🥲未至於入唔到口但有陣膠味，我個人食過最伏嘅朱古力味雪糕5. 豆腐首先都係有啲冰，食落去颯颯聲然後就係feel到食咗好多豆腐渣，成口都渣🥲6. Cookie & Cream人生第一次食到難食嘅cookie n cream雪糕😦心諗Cookie and cream已經係最唔伏嘅雪糕口味，點解可以咁難食冇cookie味，冇cream味🫥總括：如無意外唔會有下一次🫥

喜乙💚6球雪糕 $20選擇咗嘅味道如下：蜜瓜 椰子 香芋 曲奇 朱古力 波子汽水(雪葩)人均消費: $10 (2人)-椰子🥥有清新椰子味😝仲要好驚喜 有粒粒椰子喺入邊·朱古力🍫好香濃朱古力味但又唔會話太甜🫶🏽·波子汽水(雪葩)🍾質感真係唔同啲個顏色好靚😍不過食落去除咗波子汽水浸味仲好似有少少怪味🥺可能係雪嘅味道❄️·蜜瓜🍈 香芋 曲奇🍪味道正正常常 冇咩特別🤣·整體所有味道 都打卡able📸·🐖：6隻味都同嗰個名一樣嗰陣味 唔會話食唔出😏但係本身以為波子汽水係超好食 不過唔係好特別 有啲麻麻哋 常見嘅味道仲好食🙈不過冇諗過豆腐味叫做特別味要+$2 因為坊間嗰啲都唔需要加錢 sad jor🥺·以上評價 同🐖一齊寫所以帶返頭盔先👷🏽 -11/1/2023 ate個老細態度好好🥰邀請我哋可以坐低食🪑個座位雖然得2-3個不過都幾乾淨 同埋幾好唔需要企喺度食🥹-好味程度：🌕🌕🌕🌑🌑抵食程度：🌕🌕🌕🌗🌑環境靚靚：🌕🌕🌕🌑🌑服務態度：🌕🌕🌕🌕🌑會回頭率：🌕🌕🌕🌑🌑·希望疫情快啲完結啦💛大家都要身體健康💛

看到朋友IG post 了一張十分可愛的熊仔雪糕相，細問之下原來該雪糕店藏身西九龍中心，剛好去深水埗，一於買杯來呃like!雪糕店不大，但有幾款產品都蠻受歡迎，而且價格比想像中便宜～買了杯期待已久的啤啤熊雪糕三重奏，三重奏包括珍寶脆筒+雪糕+裝飾花 。珍寶脆筒、熊仔雪糕 及托住熊仔的底層雪糕均可以自選顏色、口味～有得揀就最開心！最後選了深啡色熊仔及 粉紅色脆筒。朱古力雪糕沒有過分死甜，底層雲呢拿雪糕味道一般。脆筒卜卜脆，裝飾由士多啤梨朱古力及脆米造成，味道偏甜。整體味道做得比想像中出色，以這個價錢來說，值得推介！

之前見雜誌介紹過呢間在西九龍廣場中，蘋果商場內的小小雪糕店，有個幾創新的雪糕擺款，所以黎潮聖一下。男友一向鍾意食蜜瓜/哈蜜瓜類既甜品，所以就要咗個火焰哈蜜瓜雪糕試吓，價錢$45。 見到店員在雪糕櫃攞咗個冰到好硬，切半挖空的哈蜜瓜出黎，之後放咗d蜜瓜雪糕落去 （無錯係綠色的蜜瓜雪糕，不過也沒所謂吧）再放返d哈蜜瓜波波粒蓋面，灑少少糖，之後用火槍燒一燒，個面就出現了少少焦糖，燶燶地的效果。個底會比一張廚房紙你墊著，因為真係好凍好凍！講返味道，上面的哈蜜瓜暖暖地加凍冰冰既雪糕係幾特別，哈蜜瓜因焦糖而提升了本身的甜度。 雪糕是類似手x之店的平價雪糕，不過這個價錢也不會要求什麼。焦糖水果是第一重口感，雪糕是第二重，那第三重呢？ 就是面層的果肉，不過雪得太勁的關係，要用匙慢慢鋤成刨冰一樣再吃，要很有毅力冰也是很甜，加上自己努力鋤就覺得更好味。論好味，主要來自生果本身，不過論創意，都有90分。

食完個lunch, 梗係要食甜品啦！去左西九龍中心一間買特色雪糕嘅店舖，佢地係7樓我地叫左兩支熊仔雪糕$35@，一個火焰菠蘿$45@，一杯$12有5個球既雪糕個熊仔真係好吸睛！原來熊仔食落都係雪糕黎！佢地雪糕揀左朱古力味同蜜瓜味！朱古力味嘅雪糕就配蜜瓜味熊仔，而蜜瓜味雪糕就配朱古力味熊仔！🤣🤣個火焰菠蘿係冰櫃攞出黎，再加3球雪糕，老闆再係面頭放黃糖加火槍變焦糖正呀！食到尾時d 雪糕都未溶過下次試埋個蜜瓜

西九龍中心7樓小店出售🉑️愛的立體啤啤熊雪糕甜筒，$35可自選熊仔顏色、雪糕和甜筒款式！幫襯當日只剩下紫色熊仔🐻，是香芋味雪糕💜邊吃啤啤熊，邊享受啖啖香芋味，真是透心涼💋底層選了菠蘿味🍍雪糕，竟然有果肉，這杯雪糕味道和賣相都有驚喜啊🤩

西九龍中心發現有可愛熊仔雪糕筒，味道就懷舊雪糕味，但熊仔雪糕與雪糕筒都有很多不同款式選擇，小朋友看到非常開心，賣相與價錢真的有誠意。試埋蜜瓜冰，有成半個蜜瓜加雪糕面再加左脆皮焦糖，價錢都係$35，平靚正透心涼。

平時間中都有去吓西九龍中心，雖然都算幾多野食，但又冇話覺得有咩特色又好好食嘅，因為喺網上見到編介紹好吸引，第一次見有可愛bearbear雪糕，仲要噤抵食，所以今日特登同朋友黎試吓開心吓支持一下小店啦！嘩果然係好開心好興奮，老闆好nice，由揀雪糕筒款式、雪糕味道同bearbear雪糕味道，對我地都好有耐性，而且我見佢都好用心去整，仲有又忍得到我同朋友兩個喺度自high發神經，係噤喺度話好得意好靚唔捨得食，真係救命，老闆見我地噤興奮所以問要唔要幫我地影返張相添基本上由你影相、食緊到食完，都仲興奮緊可能社會令人壓力大啦！而且小店嘅人情味、雪糕嘅外觀同創意仲有抵食度，真係令人放鬆同開心嘅！食物質量係形容為物超所值，唔可以話去到外國進口名牌子雪糕噤好味，但絕對係有正常雪糕噤好味，而且雪糕都keep到好耐都未溶，有足夠時間比你影夠相打咭，食落雪糕質感都好好，唔係雪芭噤冰，佢係由細食到大嘅正常雪糕質感，噤嘅價錢比到噤嘅質素宜家香港真係買少見少！真心覺得值得支持一下呢間小店，下次會去試埋個焦糖蜜瓜*雪糕筒+單球雪糕(普通雪糕球，有幾款味道選擇)+裝飾(糖膠小花花)=$25，雪糕另有幾款味道需另加$2