阿純山東餃子

Open Now

Now Closed

兩個人食咗$352，感覺上有d貴，不過除咗個地瓜拔絲外，其他樣樣都唔錯。細份的手抓羊肉，唔韌，少少肥，羊肉味香，每人都有3舊。鮮淮山炒木耳，$78，清爽新鮮，唔係好大碟。茴香鮮肉餃，可放湯、煎或者好似咁樣嘅淨餃，淨餃有10隻，餡料真係茴香，幾好食，$56。第二款餃子揀咗西紅柿雞蛋餃，都好食，不過都係茴香鮮肉餃香d，可能有肉啦，$52有10粒。拔絲地瓜就真係好麻麻，開頭以為d絲係自己拔，但係原來佢已經幫你拔好，地瓜個味都麻麻。

平時行過唔多覺，以為系舊式餃子店，同事講開先知道佢攞過12年嚟米芝蓮榮譽🫣🫨lunch time即刻拉埋同事去試，唔算多人，但見到有外國人入嚟食，我哋叫咗：🥢青島墨魚餃子($56八隻)🥢洋蔥牛肉餃 ($68蚊十隻)🥢set lunch芝麻冷麪+手拍青瓜+酸梅湯($56）🥢set lunch，排骨麵+涼拌海帶+酸梅湯($56)🥢蔥油餅($4×)個人較欣賞佢嘅餃子，因為係現成手包即叫即做，所以要時間等😅個青島墨魚餃外表睇落唔吸引，因為黑色，但係咬落去系爆汁，我成個衣䄂濕曬😆😆而且系有墨魚嘅彈牙，出面好少食到。 最正有成盒手磨嘅蒜蓉俾你自己落，配醋點去陪坐點餃子，真係正到不得了！另推介個芝麻冷麪，好清新嘅汁，配得好好，好開胃😊

前排突然想吃餃子，體到呢間米芝蓮餐廳，諗住試下。白菜餃子，上桌嘅時候，賣相已經好吸引。每一隻餃子都包得好飽滿，望落去就知師傅手工好精湛。咬開一啖，啲肉汁即刻爆晒出嚟，白菜嘅清甜同肉嘅鮮香完美 mix 埋一齊，啲餡料調味啱啱好，一啲都唔會覺得鹹或者淡。涼拌海帶絲，摆盘好精緻，海帶絲切得幼幼哋，均勻鋪喺碟上面。海帶絲爽脆彈牙，嗰個醬汁調得超正，酸酸哋又帶少少辣，開胃到唔得了，而且感覺好新鮮。

上次第一次食～D羊排好好食～今次想試一下其他菜式所以叫了個羊面同羊餅！羊面就係用羊肉皮～個湯就好熱～但個味道像用少少羊湯加鼓油開出來～我食左小小～不吃了～5分巴！都不太鐘意食！羊餅即叫即做～外皮係硬同乾身的～肉係熱～好味～多汁～8份吧！所以來呢道吃餃子 ok,要大量醋胡椒粉才好吃的～東北特色～ 羊排 ok, 其他就一般般！不過～價錢係不貴的～得閒去食下羊係一個不錯的選擇！羊肉餃子超級好食～所以又打包了俾屋企人

今日放假～好想食羊肉～結果網上看米芝蓮推介～猖到呢間～研究左D相食評就決定去試一下！好彩有巴士到太子號再行2分鐘就到～幾易找到！入面環境一般～但 ok的～為的是食物～手機自己下單～我就立刻叫了香炸羊排～好多孜然辣的～仲有勁多羊蔥～個羊排入囗酥化～超級好食～應該是鎮店之寶～我仲叫咗羊肉餃子～湯冇乜未～不過～我地加好多醋～辣椒～胡椒粉先自係食東北餃子嘛～又係好好食～好大隻～好多汁～D肉好多～滿足！佢有免費菜甫食～好好食！我甘遠去～又打包了多一個羊排～東北大餅返屋企俾屋企人食！不過～食完～味道不錯～但俾到我驚喜係香酥羊排～超讚！

-餃子都米芝蓮-Bookmark咗好耐的餃店，入去見到成幅牆都貼滿米芝蓮有啲驚訝。現場即包的手工餃子皮比較厚韌，食落都少少彈牙。。蕃茄雞蛋湯餃微咸嘅餃皮，包住甜嘅蕃茄炒蛋，口感同味道都少怪（朋友越食越鍾意😂），覺得薄皮啲好食啲。。青島鮁魚湯餃（無乜見過）白身魚肉餡少少粉，清淡但算幾鮮，唔好魚嘅就🙅🏻‍♀️。青島墨魚餃（蒸）餃皮比較唔同無咁韌，好香墨魚味似墨hin ~不錯！。京蔥羊肉餡餅皮薄餡靚，調味剛好，唔算騷。。麻辣海蜇Menu好多嘢食，下次要公平啲試下豬肉餡，仲要試埋啲北方小菜。

🧶糾結一：多年沒有來阿純了 ，原來已經改用QR code落單；但二人枱只有一個固定QR code，搭枱就要跟同枱食客共用QR code 。（由阿純手動分單）🧶糾結二：改用QR code落單之後，不像以前可以雙拼餃子了 ；薺菜、西洋菜、茴香、沙葛⋯⋯，實在決定不了，最後放棄了餃子，點了山東手撕雞麵 。🧶糾結三：食客不乏洋人，可是手機餐單只有中文，眼見旁邊的洋人很努力找「韮菜鮮肉餃」但不果，唯有出手相助 。（但最後由阿純手動落單）📝結論：科技上的事只跟上一半，仍帶來不少問題；不過阿純的食物，我還是喜歡 。

朋友介紹這間餐廳是米芝蓮，於是抱著很高的期望去試一試。我和朋友二人本想叫蝦仁帶子餃，但由於無帶子，最後叫了一碟白菜鮮肉餃和青島墨魚餃，再加了一份小的酸辣湯。先上酸辣湯，被它的份量嚇呆了一下，從未見過這麼小碗的酸辣湯。但看一看價錢，$20, 覺得還好吧。等了會，先上青島墨魚餃，可能在其他餃子店吃過的墨魚餃都很彈牙，所以期望這個青島墨魚餃味道大概也是差不多。怎料一咬開餃子，不但只不彈牙，而且是爛蓉蓉的，難道這就是青島墨魚餃的特色嗎？而且餃子只有韭菜味，完全沒有墨魚味。再等多一會，白菜鮮肉餃終於來了，這次是被它的賣相嚇呆了餃子的皮很厚，而且感覺是包得很隨意。心想，好吧，可能味道很不錯。怎料很大陣孜然味….但我叫的是豬肉，不是羊肉，可能這是山東餃的特色？這個米芝連是如何拿下的？真的是匪夷所思….

之前試過一次外賣 落單餃子同面。有一說一，嚐起來麵粉味道同其他家唔一樣，感覺好食！ 餃子餃子大小中等，但也算夠吃。第二次外賣自取，落佐一個木須肉，打開一看，份量極少….連飯盒一半都未到…肉較少，仲要70幾蚊…..勸戒都係食餃子，炒菜就算了，誠意不足。

🥜性價比超級高🥜服務同環境ok，唔要求高超值麵套餐$58麻辣雞絲拌麵⭐️⭐️⭐️⭐️芥香木耳⭐️⭐️⭐️⭐️⭐️冰鎮蜜糖青島嶗山綠茶（凍）⭐️⭐️超值麵套餐$58韭菜鮮肉餃⭐️⭐️⭐️⭐️⭐️拍青瓜⭐️⭐️⭐️⭐️⭐️酸梅汁（凍）⭐️🥜完全唔似酸梅湯，所以可能叫做酸梅汁京蔥羊肉餃$68⭐️⭐️⭐️⭐️🥜冇乜羊肉味，想要兩碟韭菜餃🤣東北窩窩頭$78⭐️⭐️⭐️⭐️⭐️🥜第一次食，原來係炸饅頭嘅朋友🥜啲餡料唔夠多，但好彩有辣菜脯雞絲粉皮$38⭐️🥜個粉皮質地偏硬同厚🥜醬汁偏淡，冇麻醬味

呢排胃口麻麻打算食下輕食先搵到呢間好似幾好食既餃子店，點知就係中哂伏。入到去已經覺得衛生一般⋯⋯調味料，餐具都痴立立咁。諗住快快食完就算啦，都知店舖有返d歷史，好食就ok啦，點知⋯⋯叫左份西洋菜餃同麵，我都未試過食餃子會食到唔會想再encore間舖🥲皮又厚，又咸，好似味精好重，食左幾隻已經頂唔順。期間仲有位員工係到推銷食物，講左一次又一次，前後起碼3次，其實好滋擾😖推唔到就即刻變面環境又唔太好，食物又差，態度又衰衰地。米芝蓮？🤭

今日同屋企人去食晚飯，其中叫咗個煎餃子，但係佢嚟咗個蒸餃子，我哋要求佢換返個煎餃子畀我哋，佢就攞咗個蒸餃子入去再煎就算， 出嚟嘅效果好濕，因為蒸過嘅餃子裏面好多水分，再煎完都係好濕，其餘嘅菜式味道普通， 結帳嘅時候，餐廳話電子系統付款故障，所以不能用電子付款，只能用現金，但我沒有帶備現金，我同餐廳講我沒有帶備現金，就見到個收銀嘅男人面色變黑，我估佢應該係餐廳嘅老闆， 佢仲跟住細細聲話有冇搞錯現金都冇，因為我啲朋友已經行咗出餐廳門外，所以我就打電話畀我朋友問會唔會有現金，當我啲朋友行到入嚟嘅時候，餐廳個老闆開始發脾氣，喺收銀枱度掟部付款機，掟到嘭一聲好大聲，嚇到我及其他客人都跳起來，跟住我朋友付了現金給他，我們便離開了，呢次晚餐嘅經歷覺得好恐怖

羊肉餃做得非常出色嘅餃子店👍🏼京蔥羊肉煎餃 (10隻) $78即叫即煎，一咬就會爆汁，食每一隻都會，食到成張枱都係汁🤣 強力建議一啖食哂一粒。未算爆餡料，但做到好多汁，size唔會過大，10隻啱啱好。酸辣湯 (細) $15味道比平時食開嘅辣少少，但係舒服嘅辣，如果酸返少少會好啲，或者自己加返啲醋好飲啲。青島墨魚餃(8隻) $58無/少豬肉嘅關係，但口感無咁實在。加返多啲墨魚肉粒會好食啲。睇住佢逐隻逐隻餃子咁樣包，落足功夫。

去阿純餃子千祈唔好食餃子， 因為其他山東菜式實在太好味 😍價錢實惠，非常滿意👍洋蔥牛肉餅，料足汁多到流出嚟土豆絲，略嫌唔夠酸牛肉麵湯頭清甜拔絲 香蕉做飯後甜品Perfect池呢😋

分別叫左，香燒羊排同京葱羊肉餃子。香燒羊排，上枱個下完全覺得中伏，88蚊只有6小舊，連一舊係完整既羊排都無。份量真係小到不合理。京葱羊肉餃子，味道正常，無咩特別。總結，沖住去食羊既心好失望，覺得俾人搵笨。非常唔推介。