Video
4-min walk from Exit D4, Causeway Bay MTR Station
continue reading
Telephone
98062628
Opening Hours
Today
11:30 - 22:00
Mon - Fri
11:30 - 22:00
Sat - Sun
12:00 - 22:00
Public Holiday
12:00 - 22:00
Above information is for reference only. Please check details with the restaurant.
-
Online Booking Service Not Available
約咗朋友係CWB見面，朋友想食泰菜，諗咗一輪，醒起世貿嘅阿閒泰~炭燒虎蝦串燒 $64串燒一共有兩串，比一般鮮蝦大隻，聞到明顯嘅炭燒香，雖然有醬汁可以點，但係就咁食都有蝦嘅鮮味泰鹹蛋黃金單骨雞翼 $78有兩款單骨雞翼，不過梗係要揀鹹蛋黃味啦，單骨雞翼有10件，外皮沾滿鹹蛋黃醬，鹹香十足，亦都可以點酸辣醬來改變口味脆炸軟殼蟹米紙卷配牛油果醬 $128軟殼蟹米紙卷有3件同6件嘅選擇，今次叫咗6件，用米試卷包裹住軟殼蟹，底下就用上牛油果醬，牛油果醬可能落咗薄荷，食落清爽，正好可以中和返炸軟殼蟹嘅油膩阿閑泰虎蝦冬蔭功湯 $78冬陰功湯份量係一人份，材料除咗有虎蝦、仲有青口、菇菌、蕃茄仔同埋冬陰功嘅香料，湯汁比想像辣，幾開胃香辣炒通菜 $88炒通菜表面灑咗啲花生碎，叫咗走辣，連埋蒜頭落去一齊炒好夠味蟹肉炒飯 $158叫咗款主食蟹肉炒飯，炒飯一上枱聞到好香嘅炒飯香味，除咗蟹肉之外，炒飯仲加入咗雞蛋、三色椒、蘆筍等配料，炒飯乾身香口，味道調味得宜，唔會太鹹
continue reading
銅鑼灣泰菜 🇹🇭店內裝修優雅舒服 坐得舒適餐牌上主打傳統泰菜同泰西Fusion菜餚種類繁多 性價比高👍🏻🌟虎蝦炒金邊粉虎蝦新鮮爽彈仲有鮮甜青口金邊粉炒得好有鑊氣 又夠乾身再混合花生碎,芽菜同辣椒粉等真係色香味俱全💯🌟又話啦菠蘿雞肉炒糙米飯清甜多汁既菠蘿🍍搭埋營養價值高既糙米飯,嫩滑雞肉同肉鬆等口感更豐富 呢個配搭又幾有特色🌟泰鹹蛋黃金單骨雞翼雞翼炸到好酥脆全部都沾滿左鹹蛋黃醬😋🌟炭燒泰北豬頸肉條配青芒沙律豬頸肉外脆內嫩又彈牙 炭香味濃搭埋酸酸甜甜既青芒沙律 中和左個膩感🌟香辣炒通菜通菜青綠爽脆 味道鹹香惹味
continue reading
🇹🇭泰國菜 🚹1-8人——————餐廳靠窗位會見到海景🤣不過今次🐻🐻❄️7點幾嚟就坐唔到海景位啦～💯🍲泰式咖哩雞$158咖哩入口有椰汁香，但後勁辣，雞肉都嫩，配菜有驚喜💯，配菜包括烤香咗嘅紅蘿蔔🥕同翠玉瓜，翠玉瓜食落仲好濕潤😆🫓印度薄餅$28成塊上睇落有啲…簡約，仲要得一塊，要自己切🤣但食落ok嘅🤣💯🦪勿洞脆脆炸蠔餅$148好薄嘅炸粉，咬落好脆👍🏽係有空氣感得嚟脆🤣蠔都幾多，真材實料👍🏽完全估唔到呢個價錢、仲要海景餐廳有咁大份🤣🤣最特別係連青檸🍋🟩都有烤過🤣🤣🥙烤原個椰菜花配青咖喱醬$98椰菜花…本身係無味嘅🤣要靠點青咖喱，雖然青咖喱汁個顏色好青綠，但幾好味😋最後🐻🐻❄️決定將成盤整碎撈🤣撈嘅過程好似整緊巫婆🧙♀️料理😛🌽沙律醬烤粟米條$58味道上，加咗沙律醬直情係敗筆嚟，有啲辣之餘仲要蓋過咗烤粟米🌽嘅味。另外，🐻❄️正式宣布烤粟米已經成為淑女謝絕菜式！個芯令到每次食都非常唔優雅🙈一係要落手，用叉食仲好易周圍跌😳最後太多餸食唔晒，要攞走，外賣盒🥡每個要$3，我哋攞咗2個盒，餐廳有送埋袋方便攞走😛結論：餐廳野食水準ok，環境坐得舒服，如果book到海景枱就更好👍🏽約朋友、工作夥伴傾偈都係唔錯嘅選擇～
continue reading
餐廳主打泰西fusion菜, 裝修走時尚清新風格, 帶一點異國情調, 門口有隻可愛嘅兔仔🐇, 內在環境有綠色植物佈置🪴, 俾人一種舒適休閒嘅感覺⸝⸝ 𓆸𓌈⸝⸝ 烤原個椰菜花配青咖喱醬原個椰菜花🥦好有份量！烤焗後更香口, 清甜嘅椰菜花吸收晒青咖喱醬嘅味道！推介點一份印度薄餅🫓, 蘸上青咖喱好正呀😋！ 🌽沙律醬烤粟米條粟米條烤得焦香, 醬汁微辣幾惹味～𓌈⸝⸝ 炭燒香茅雞肉串燒推介👍🏻 雞肉肉質好嫩滑, 一啲都唔乾, 食落有獨特嘅炭烤同香茅香味～𓌈⸝⸝ 紅菜頭芒果米紙卷裏面包住大量紅菜頭、蘿蔔絲、芒果粒, 好足料, 啖啖清新嘅味道～𓌈⸝⸝ 泰式醉貓炒黑毛豬肉手工卷粉炒得好有鑊氣！手工卷粉質地滑身, 帶少少煙韌口感, 唔會太油膩, 食落有啲似炒腸粉; 黑毛豬肉好嫩, 烹調得香辣惹味！𓌈⸝⸝ 椰香芒果黑糯米賣相相當精緻！黑糯米軟糯綿密, 配上鮮甜嘅芒果🥭、香滑嘅椰奶, 好滋味！
continue reading
最近去世貿中心見到呢間落地玻璃．望著銅鑼灣避風塘景觀嘅餐廳門外Menu價錢好抵食平日午餐 $78起．下午茶$48起假日午餐 $108起．下午茶$63起多款泰式口味選擇仲可以加配多款小食同特飲難怪吸引不少上班族✨冬蔭功大蝦意大利麵大大隻鮮蝦．青口．魷魚意粉沾上酸酸辣辣嘅冬蔭功汁非常惹味✨和牛芝士漢堡．太陽蛋．沙律薯條足料嘅Burger夾著和牛．芝士配上沙律同香脆薯條另外追加小食同甜品✨香草蒜蓉法包香脆蒜蓉味香濃✨芒果柚子沙沙 配 芒果柚子凍充滿芒果香甜味嘅甜品加上粒粒水晶爆珠上面仲插上酸酸甜甜嘅雪條為今餐劃上完美句號
continue reading