阿閒泰 (K11購物藝術館)

Open Now

Now Closed

尖沙咀坐得好少少又唔算貴嘅午餐，呢間泰式菜就係唔錯嘅選擇。炭燒雞扒濃湯船麵，揀了幼麵。呢碗船麵可以話係一個非常豐富嘅選擇！炭燒雞扒香氣十足，外層微微焦香，雞肉嫩滑多汁，夠哂入味。配埋濃郁嘅湯底，湯底醇厚，帶有微辣同少少香料嘅甘香味，幼麵口感煙韌。冬蔭功虎蝦湯麵，揀了米粉。湯底好香辣。虎蝦新鮮爽口，米粉滑嫩，好惹味。小食加了泰式單骨雞翼及鹹蛋黃薯條。泰式單骨雞翼，雞翼炸到金黃香脆，但內裡肉質仍然保持嫩滑。調味方面用咗泰式風味嘅醬汁，帶少少酸辣味，完全唔會覺得膩口，非常適合作為小食。鹹蛋黃薯條外層均勻地裹上鹹蛋黃醬，鹹香濃郁。飲品泰式季節茶及即磨咖啡。熱泰式季節茶帶有微微嘅香料氣息，而即磨咖啡就充滿香濃嘅咖啡豆味道。

今日出尖沙咀逛街，晚飯同阿女去食泰國菜，K11《阿閒泰》是一個好選擇，食物品種夠多，環境唔錯，感覺舒適。脆炸軟殼蟹米紙卷配牛油果醬(3件)~軟殼蟹香脆可口，用軟軟米紙捲著，配牛油果醬令味道更上一層樓。豬肉肉丸濃湯船麵(泰國卷粉)~大大件豬肉夠淋，泰式豬肉丸好彈牙，卷粉掛滿香甜船麵湯汁，其他配菜有豬紅、炸豬皮、芽菜等等。大蝦冬蔭功濃汁燴有機糙米飯~辣辣地嘅冬陰功好醒胃，鮮蝦大大隻，仲有青口、八爪魚，有機糙米飯好有益，食落有口感。泰式奶茶忌廉牛角包窩夫~甜品在手機落單時可以按"叫起"，熱辣辣即叫即做，鋪上奶茶忌廉又香又滑，仲有佢出名嘅奶茶雪條，唔會太甜，正！阿閒泰奶綠 ~賣相好靚，飲落好香。

話說K11 Art有兩間餐廳成日都見到但都冇食過，喺正電梯口都幾大間～有時真係好掛住泰國嘅嘢食，所以今次終於去咗試！舖頭裝修得都幾靚，見到都幾多女仔去食！睇咗一陣佢哋餐牌覺得好多種類好多都想叫😂因為佢哋啲嘢食都幾特別咁~-泰式生蝦刺身🦐第一次見生蝦係用shot杯嘅形式上！另外隔離仲有個沙律，上面有兩個炸咗嘅蝦頭～蝦頭炸得啱啱好！好好味！另外生蝦肉質鮮甜，搭配的綠色泰式醬汁恰到好處，好開胃😋-棕櫚糖炭燒三黃雞半隻🐔呢個因為製作需時，要等20分鐘左右～但係覺得好值得！炭燒三黃雞的外皮酥脆，肉質嫩滑，充滿了棕櫚糖的香甜味，如果份量多啲就好啦🥹另外側邊仲有新鮮嘅菠蘿，同埋有啲應該係自家製用糖炒咗嘅Nuts，好香脆！-印度薄餅🍕第一次見係冇切開🤣外皮都算酥脆-泰式醉貓炒黑毛豬肉手工卷粉🍜佢嘅手工卷粉，有啲似平時中式腸粉～做得非常Q彈！反而覺得黑毛豬如果豬味濃郁少少就完美啦～-冬陰功冰涼特飲🍸呢一個係諗住試伏嘅心態去叫嘅🤣佢可以叫無/有酒精，我哋叫咗冇酒精～入面真係有冬陰功嘅材料，好有冬陰功的獨特風味！第一次嘗試辣嘅飲品，都幾特別🤣平時同我一樣鍾意食辣嘅人可以試吓依杯🤣比起一般冬陰功辣！加埋佢係有

K11 都有好幾間餐廳，今次黎食阿閒泰，主打泰國菜，但係又加入西式元素，既有傳統泰菜，亦都有啲創新菜式，泰式調味配上意粉、燴飯，幾新鮮～1⃣️ 炭燒牛肉配青芒沙律（$128）牛肉食落好香，有肉汁，而且都幾多片～底下既青芒沙律夠爽，配合埋一齊好開胃。2⃣️ 脆炸軟殼蟹米紙卷配牛油果醬（3件）（$78）軟殼蟹好脆，仲包入幾片酸薑，牛油果醬帶少少青醬香味同酸甜感，味道豐富。3⃣️ 炭燒香茅雞肉串燒（$56）雞肉好大塊而且厚肉，用原條香茅貫穿，好食！4️⃣ 炭燒魷魚鬚（$58）魷魚鬚食落彈牙，面頭仲有啲蔥蒜👍5️⃣ 沙律醬烤粟米條（$58）粟米粒粒爽甜，面頭加上沙律醬去烤，再灑上芝士粉，幾特別～6️⃣ 大蝦冬蔭功濃汁燴有機糙米飯（$158）冬蔭公醬汁好濃，而且辣度比我想像中高，好惹味🔥配料幾多，有大蝦、魷魚鬚、菇、青口，呢個冬蔭功燴飯既配搭我鍾意！

🌴萨瓦迪卡！今天发现了一家超棒的泰式餐厅——阿闲泰！🐔【白切鸡】保留了鸡肉的原汁原味，皮滑肉嫩，每一口都散发着鸡肉本身的鲜香，搭配上特制的蘸料，那滋味，绝了！🍜【泰式牛肉牛丸粉】牛肉与牛丸的组合堪称完美，牛肉鲜嫩多汁，牛丸 Q 弹有嚼劲。粉条爽滑劲道，浸润在浓郁醇厚的泰式汤汁里，嗦上一口，满满的幸福感！🦑【串烧鱿鱼】鱿鱼被烤得恰到好处，外表微微金黄，带着一丝焦香。刷上独特的泰式酱料，鲜香麻辣瞬间在口中散开，一串接一串，根本停不下来！🥭【芒果糯米饭】泰式经典甜品！芒果香甜多汁，糯米饭软糯可口，淋上浓郁的椰浆，每一口都是芒果的清新与椰香的浓郁完美融合，仿佛置身于热带海滩。🥥【椰青】清甜的椰青，是解腻的绝佳饮品。天然的椰汁纯净透明，入口清甜，喝上一口，仿佛感受到了东南亚的海风拂面，清爽宜人。

餐廳半開放式，裝修簇新，整潔光亮，座位寬敞，尤其是卡位，椅背裝上軟梳化，坐起來很舒適。“慢煮牛肋肉紅咖喱意大利麵”餐廳推介菜式，牛肋肉煮得既腍軟又彈牙，牛肉味突出，配菜有磨菇、車厘茄、青檸、香葉等，加上秘製紅咖喱汁，香辣惹味。“泰北咖喱雞”份量不少，大大塊去骨雞件，肉質鮮嫩入味，配菜有紅蘿蔔、青瓜等，咖喱香而不辣，椰香味濃。“椰香芒果黑糯米”賣相精緻的甜品，上面鋪上網狀糖膠，在燈光之下散發閃閃金光，黑糯米香甜有咬口，配上新鮮芒果肉和濃郁的椰奶，味道更提升一個層次。“阿閒泰奶茶配自家奶茶雪條凍”非常有特色的飲品，泰式奶茶、鮮奶和奶茶雪條三合一，在杯中倒入奶茶及鮮奶，將雪條攪動，讓雪條慢慢溶化，茶味、奶味可自己調校。

🌟 阿閒泰 - K11 Art Mall 🌟🍚 *鹵水豬肉飯配溏心蛋*今日我哋叫咗呢個鹵水豬肉飯，配上溏心蛋，味道真係一流。豬肉嫩滑入味，溏心蛋流心十足，飯香撲鼻，每一口都係享受。🍛 *泰式黃咖哩雜菜飯*泰式黃咖哩雜菜飯，咖哩味道濃郁，雜菜豐富多樣，咖哩醬汁入味又唔會太辣，非常適合各類口味嘅食客。🥢 *米紙卷豬肉小食*呢個米紙卷豬肉小食，外皮薄而彈牙，內餡豬肉鮮嫩多汁，搭配特製醬汁，口感豐富，非常美味。🍢 *照燒豬肉串小食*照燒豬肉串，燒得剛剛好，豬肉外脆內嫩，照燒醬汁甜而不膩，每一串都係極致享受。☕ *班蘭鮮奶咖啡*班蘭鮮奶咖啡香氣撲鼻，班蘭葉嘅香味與咖啡完美結合，口感香滑，係一款清新嘅特飲。🥤 *泡沫泰式奶茶*泡沫泰式奶茶，香濃奶茶配上豐富嘅泡沫，每一口都係享受，冰涼消暑，非常適合夏天飲用。🏠 餐廳裝修非常華麗，超多打卡位，中間仲有一個超大月球，可以打卡影相，真係超靚！另外，佢哋呢度仲有紅白餐酒提供，又或者可以叫啲特色飲品，選擇非常多樣。📍 地址：尖沙咀河內道18號2樓219號舖K11購物藝術館#阿閒泰 #K11ArtMall #泰國菜 #鹵水豬肉飯 #泰式黃咖哩 #米紙卷豬肉 #

尖沙咀 K11 購物藝術館, 可以由地鐵站直達, 女朋友最喜歡去購物.   阿閒泰在商場二樓, 供應泰國美食, 我們都鍾意.餐廳裝修好別緻,   門外有 綠色大兔守護,  好 Cute.設有大型水吧.   餐廳座位多, 店員服務好.我們用 QR Code 自行落單, 方便快捷.   第一個小食來了,  紅菜頭芒果米紙卷,  顏色鮮豔, 芒果, 紅菜頭 , 蘿蔔絲好新鮮, 藏在米紙卷內, 酸酸甜甜, 吃得健康又好食 !接著是 豬肉肉丸濃湯船粉,   泰國船粉係我喜愛的湯粉, 熱騰騰大大碗送到.有多塊豬肉片, 豬肉肉質優,   肉味甘香.    豬肉丸,   好滑, 爽口彈牙. 食完一粒又一粒,  真爽 !再食滑滑豬紅.   最後吃到泰國手造卷粉,  彈牙糯軟,  吸收了濃郁湯汁,   配搭上芽菜,  食得滿意.阿閒泰幸運炭燒拼盤,     包括有燒牛肉, 魷魚鬚, 虎蝦, 手作香茅雞肉串燒, 雜菌, 蕃茄,  每款兩件, 燒得冇過火, 有炭燒般既香氣,  配泰式酸辣青醬.    還有一件 大烤菠蘿.   非常豐富 ! 烤虎蝦,  選用了巨型虎蝦, 十分好肉又鮮甜. 烤牛肉,  薄切牛味濃

泰式風味西式店，店內裝修很高雅，朋友想吃泰國菜，這餐廳是餐廳美味融合，打破了傳統口味，創新感泰西料理，滿滿之地道泰式豬手骨膠原滿滿，肉質配上濃郁魯水汁，份量大，棒！醬汁香口惹味，吸引的味道，香口熱辣辣，豬手份量多，豬皮薄又脆，肉質軟腍，骨位的肉香，醬汁酸甜，香口好吃，滿滿彈牙，骨膠原之快樂。泰式主吃，有風味。冬陰公海鮮龍蝦湯卷粉湯底用上新鮮之大蝦熬製，滿滿鮮香，新鮮感滿滿。鮮味十足，味道很好的，大蝦新鮮爽彈，有驚喜，爽口，加上香料，清新又好味，很惹味，冬蔭功香濃，辣中之驚喜，非常惹味青咖喱椰菜花泰國風味青咖喱，醬汁濃稠，甜中辣，很下飯的味道地道椰子雪糕滿滿快樂的味道。連甜品也有伴碟，泰式甜品，美味綿密之香濃，散發著濃郁椰香。快樂的味道！亦有泰國地道之味道

香港尖東一流泰國菜 - 阿閒泰呢日CK放假同姐妹去左尖東K11食午餐，好耐無食過泰國菜所以我地去左阿閒泰餐廳度食，阿閒泰位於K11內，餐廳開揚，坐得舒服，同西鐵尖東站或港鐵尖沙嘴站極近，食完都方便大家坐車 ! 「阿閒泰」主打泰國Fusion菜，供應沙律、主食、小菜、甜品、特飲等多元化選擇，餐廳裝潢簡約清新，走西式田園風，又懸掛唔少綠色植物，以打造休閒舒適嘅用餐環境🌿無論係相約家人或三五知己相聚都非常適合❤️簡單介紹一下我地叫左咩野食啦 : 🛎 $88 豬肉肉丸濃湯船麵豬肉肉丸彈牙有鮮豬肉味，豬肉肉丸厚度適中，易咬易食，船粉卷粉睇落長長粗粗，其實都易咬斷易入口，湯底濃郁，飲到一滴不剩。🛎 $118 冬陰功番茄醬海鮮焗飯一個非常足料既焗飯🤤有魷魚同蝦，仲有唔少菇類，雖然焗飯有芝士，但唔會令客人覺得"漏"，可能因為加左冬陰功酸酸地，幾開胃🤔以上呢個飯仲送餐湯1碗同泰式季節茶，性價比非常高，餐湯濃濃栗米香，飲完暖胃飽肚，泰式季節茶鹹香馥郁、濃醇回甘，顛覆想像！店員服務態度好好，我地坐左一個鐘都無趕我地走，又好有禮貌咁解答有關泰國菜既問題😳會再黎食！阿閒泰 Ahan Thai地址 : 尖沙咀河內道

餐廳位於有藝術成分的K11購物商場內，環境優雅帶點摩登田園風格， 這晚就在這裏吃吧! 🐇香辣炒通菜翠綠爽脆的通菜， 上枱熱度十足，香味撲鼻，小小辣， 更加惹味！ 🐇阿閒泰幸運炭烤拼盤色彩悅目兼不同款式的炭燒拼盤 ，一共有7款美食，有虎蝦，牛肉， 香茅雞串，魷魚鬚 ，蕃茄，菠蘿及雜菌 。充滿肉汁牛肉， 香茅味渗入雞肉， 零舍好味， 大大隻虎蝦非常彈牙 ，一次過嚐到不同的味道，非常滿足喔I 🐇阿閒泰虎蝦冬陰功湯鮮蝦熬製冬陰功湯，先嚐一口原味的，之後再上加椰奶，兩種飲法，我就比較後者，多一層椰香，增添鮮味亦可解辣，材料豐富，邊飲邊食，yummy yummy ~ 餐廳內播放著悠揚樂曲，坐在其中非常舒適，環境氣氛我真心喜歡😍!

每次經過都見到好多人，終於去咗食個Lunch ，平日午市一樣人氣高企。裝修以木系+ 綠植佈置感覺舒服。泰西Fusion菜幾有特色，午餐$78 起，Menu多選擇。🔶泰式醉貓肉碎炒新鮮卷粉第一次食卷粉好特別，質地煙靭滑身而不油膩，配上醉貓肉碎炒微辣香口很惹味。🔶泰南白咖喱燒雞扒飯雞扒肉質嫩滑，食落有肉汁唔會鞋，白咖喱幾香撈飯一流。🔹斑蘭椰香奶咖啡香濃咖啡結合斑蘭及椰奶味道幾特別，斑蘭同椰奶香又唔會蓋過咖啡味，飲落口感順滑。🔹泰式季節茶

尖沙咀區嚟講價錢算係中規中矩，但如果期望食一個好正宗泰國菜就唔建議，食咗幾款食物味道都唔夠濃郁，少少失望，但環境幾舒服，輕鬆小聚地方都唔錯～～～𝑭𝑶𝑶𝑫𝑺1〉泰式生蝦刺身 $98 泰式醬汁超級加分，配搭得好好，唔算太辣！生蝦新鮮彈牙～蝦頭都會炸埋可以食2〉阿閒泰虎蝦冬蔭功湯（一人份） $78 （推薦🌟）未落椰奶之前味道好濃郁，比較辣！加唔同份量嘅椰奶後，係另一種味道，又辣又帶甜，建議倒落一個碗嘗試慢慢加入椰奶再調自己喜歡嘅味道3〉香草蒜蓉焗包條 $58脆度足夠，但蒜蓉味唔夠突出，作為一個蒜蓉包愛好者，有少少失望4〉脆炸豆腐配泰式魚露 $58豆腐配魚露汁有驚喜，但單獨食豆腐就一般，口感唔滑而且味道偏淡5〉炭烤牛肉牛筋丸濃湯船麵  $94湯底濃郁，捲麵麵質唔錯，配料味道口感略為一般，配料份量算多-𝑫𝑹𝑰𝑵𝑲6〉氮氣冷泡檸檬茶 $58 （推薦🌟） 唔算太甜，清新入口，茶味足夠，唔澀，賣相特別，打卡一流-𝑫𝑬𝑺𝑺𝑬𝑹𝑻7〉泰式街頭椰子雪糕 $58味道偏淡，泰式雪糕杯配咗粟米粒、合桃同埋脆餅，食法新鮮但食唔慣-環境．8/10服務．8/10人均．$200-300污嘴狗覓食指數．7/10

這間位於K11 Art Mall的阿閒泰，是一間以西式田園風為主題的餐廳，還加入了兔仔、月球和綠色植物等元素，給人一種雅致清新的感覺 ！餐廳主打泰西合璧的fusion菜，菜式創新，味道與別不同～炭燒牛肉配青芒沙律💰HK$128炭燒牛肉帶有微微焦香，而且軟嫩多汁，牛肉的鮮味與煙燻香味互相交融，味道誘人！青芒沙律口感爽脆，味道酸酸甜甜，為整道菜增添了一絲清新～冬蔭功濃汁虎蝦意大利麵💰HK$138有虎蝦、青口、魷魚和菇類等配料，非常豐富！秘製的冬蔭功濃汁味道酸酸辣辣，口感Q彈的意大利麵能夠好好地吸附醬汁！給人感覺經典得來又創新～泰式奶茶忌廉牛角包窩夫💰HK$78微熱酥脆的牛角包窩夫與泰式奶茶雪條形成了鮮明的對比，還配搭了絲滑的泰式奶茶忌廉，營造出一種冷熱交融的口感，令到整個味覺體驗更為豐富～冬陰功冰涼特飲💰HK$48賣相吸睛，在整杯飲品中有桔子、辣椒和薄荷葉等等做點綴！這次喝的是無酒精的版本，味道以酸酸甜甜的桔子味為主，後勁才慢慢感受得到冰涼感及微微的辣，味道充滿不同的層次～餐廳不止環境舒適，店員亦親切有禮，值得一讚👍🏻下次到尖沙咀逛街，必定會再來光顧～

去開河內道K11 , 經過此泰國餐廳， 感覺環境食物唔差， 便入內試試。午餐時段只有午餐， 沒有其他食物可以另外叫。 有點兒失望。 因想食下其他小食都沒有。2人只好叫了1＞ 封門柳牛筋丸濃湯船幼麵🍜 ， 熱咖啡☕️$89幼麵質感普通， 都係食湯河好d.牛筋丸幾彈牙封門柳較韌， 唔得滑2＞咸蛋黃醬卡邦尼意大利麵🍝， 熱咖啡☕️。$88初食頭幾啖唔覺咸蛋黃味， 越食味就好濃反而終於衫頭淡淡味多d, 食到底味太濃， 唔喜歡。環境。 8分服務。 8分食物。6.5分。唔係好有泰國feel.價錢。 6分。食午餐加一平均$95。