味道樂居酒屋 (元州街) (Closed)

今日同同事食lunch 黎到味道樂, 同事都食過好幾次, 話呢間野唔錯, 晚市水準都唔錯~Lunch 黎到唔洗點等位, 岩岩好滿座~ 坐低係位同事A笑說同事B既背景好似去左日本, 無錯, 因為味道樂既裝修都係佢特色之一, 走懷舊老日本小店路線, 木板牆身, 加上好多大大小小懷舊車站鐵牌及玩具, 係度食野的確有去左日本旅行既感覺。講番正題, 我地一人點左一個定食, 都係跟日式蒸蛋, 味噌湯, 沙律;3 個定食分別係海膽三文魚籽甜蝦蓉丼三文魚親子手卷拼湯烏冬蟹柳蟹膏手卷拼湯烏冬我主要講下我點果個 - 三文魚親子手卷拼湯烏冬定食 $68三文魚親子手卷魚生新鮮, 魚子亦有咸海水味, 手卷Size 如果再大份D會更吸引! 雖然噤講, 但食完跟餐既日式蒸蛋, 味噌湯, 沙律, 再食埋手卷, 再食個烏斥, 就會覺得個烏冬冇特色, 同埋有D 飽… 好明顯呢個定食黎講烏冬就係為左比D驚唔夠飽既人頂頂肚, 好食係BONUS黎, 冇特色係正常既呢個價錢黎講都算接受到, 雖然要加一服務費, 但職員上菜都快手, 又helpful, 會主動為客人加茶, 再食指數4 粒星!

喺長沙灣見到呢間居酒屋，裝修幾靚， 於是入去試試，結果冇令我失望。明太子雞翼 雞翼燒得十分香脆，裏面的明太子熱辣辣，味道辣辣地，配合雞肉十分可口。軟殼蟹手捲 軟殼蟹炸得香脆，紫菜唔會韌。海膽手捲海膽分量十分多， 意想不到地分外鮮甜，配合壽司醋飯，好味。火炙北海道帆立貝蟹膏卷又係一個抵食高質嘅卷，北海道帆立貝很鮮甜，配合少少鹹的蟹膏， 味道豐富。燒日本播磨蠔有三隻味，100蚊3隻好抵食， 味道有雙色芝士，煙肉櫻花蝦，辣蒜。整體來說是好的質素，很不錯，都頗大隻，尤其欣賞雙色芝士味， 濃濃的芝士味配合 生蠔的嫩滑，正， 下次會再叫。柚子酒正常甜甜的柚子酒， 容易入口。

今晚去左居酒屋同朋友傾計食飯，這裡雖然店舖細，但非常舒適，食物很好。網池刺身，池魚非常新鮮，肉質爽，配少少酸的醬油，令魚更鮮味。左口魚邊火炙壽司，左口魚邊加少許海鹽，用火鎗輕輕燒過，帶出魚的油香，上面再加蔥花，非常配合好味。炭燒岩鹽美國封門柳牛肉，牛柳嫩，用炭火燒，配合廚師特製的黑蒜黑醋醬及蒜片，很配合，好好味。日式炒野菜，蔬菜新鮮，野菜面舖滿木魚絲，令野菜更加鮮甜可口。鹽燒雞翼，鹽的分量剛好，不咸但有鹽香味，好味。

之前行尖沙咀時經過味道樂，已經好想食，但因為已book 另一間餐廳所以放棄，原來長沙灣都有分店！海葡萄油甘魚刺身野菜沙律-油甘魚刺身超級新鮮，好鮮甜好肥美-海葡萄獨有的鹹香味好特別火炙珍寶蟹膏帶子壽司-火炙後的蟹膏蟹香味更香濃，好彩有叫火炙！-帆立貝好鮮甜，係厚切！日本生蠔刺身-睇個殼以為好細肉但其實肉好大粒好肥-唔係海水味好重個種但蠔味好足仲有after taste 好強勁蟹膏蟹肉炸豆腐-豆腐好滑，重點係蟹膏好重手，同豆腐好夾！蟹膏燒虎蝦-先要讚下隻虎蝦，肉好厚實好爽-蟹膏燒過後真係冇得輸，成件事再昇華左明太子燒玉子-超級有驚喜，燒過後的明太子鹹香味完全䆁放哂-玉子好厚切，重點係唔會死甜！保留到蛋的香味。

今天午餐日本菜~~真係好期待食日本菜lunch set.這間好抵食。這里裝修好日式。雖然不大但好舒服。今日是是期六仍有set.仲有不同款式及刺身定食！！！58起今日叫了兩個lunch set係.....鳕魚燒大蝦丼。這個set includes了沙律, miso soup 及蒸蛋蒸蛋超滑~~~好重份量！鳕魚好有油脂及大蝦鮮甜（勁大隻！！！）。飯好大碗忘了叫少飯。配了蛋絲。個sauce燒汁不多不少剛好~~~仲有温泉流心蛋。好好味道。一定要再來試其他。

今日去左長沙灣附近光顧左間小店 ,場內嘅裝置擺設頗具和風。我地叫左個味道特盛九份料理2人份,同香蔥吞拿魚腩碎手卷。味道特盛九份料理2人份 $388高身富有立體感的九宮木製食物架奉客,九款食品，各以不同的盛器裝載,當中有三款魚生飯和六款小吃。三款魚生飯分別是賣相最漂亮,也最好味的「三文魚子甜蝦蓉飯」香噴噴,但鰻魚有點乾身的「炭燒鰻魚飯」,和味道尚佳的「火灸左口魚裙邊飯」。當中最得我歡心的,自然是最好吃,也最美麗的「三文魚子甜蝦蓉飯」。三文魚子富油脂香,配以甜蝦蓉,味覺雙重震撼。鰻魚飯上的鰻魚淋滿醬汁,醬汁杰稠,鮮甜入味,甜度剛好,拌飯一流。左口魚本身並不肥,但接近背鰭和臀鰭中間裙邊的脂肪含量卻十分高,在吃火炙左口魚裙邊時見到一層油光，是炙燒時迫出的油份,伴飯一絕。至於六款小食,既有較普通的「牛蒡」、「青瓜芥末八爪魚」、「炸軟殼蟹」和「熒光魷魚漬」,也有較另類的「炸三文魚鱗」和「炸獅子狗脆片」。「炸三文魚鱗」薄而微脆,少鹹而味道好的「炸獅子狗脆片」我就頗為喜歡。香蔥吞拿魚腩碎手卷 $68日本吞拿魚碎用的是吞拿魚中拖羅或大拖羅中間部位的新鮮肉碎,濃郁既魚香配上白飯及紫菜,超級讚!

之前去過呢間喺尖沙咀嘅分店，今次經過長沙灣再嚟食日本料理😍 全店以極為和風🇯🇵嘅裝飾，木製嘅枱櫈，日式嘅掛飾，入到去好想講番幾句日文😂 深海池魚王刺身（薄切）成碟都有好多塊，每一塊都晶凝通透相當吸引🤩 池魚入口爽脆清甜，仲有淡淡魚油香😌，再點中間嘅醋，鮮味更突出😍大蔥特上吞拿魚腩卷另一推介，吞拿魚腩蓉呈粉紅色，鮮甜香濃，配上大蔥和芝麻，味道好豐富煙肉荔枝卷半肥瘦嘅煙肉，肉香滿滿，包住清甜嘅荔枝，食落香口，完全唔覺膩。清酒煮大蜆蜆肉大大隻脹卜卜，湯底清酒味香濃，伴蜆肉食，更顯鮮甜。香煎鵝肝雜菌石鍋飯熱騰騰🔥嘅石鍋，滋滋聲，發出陣陣鵝肝及雜菌香😌 鵝肝外脆內軟，甘香鮮味，同雜菌飯好夾

今天去長沙灣幫屋企人買曲奇，經過這家居酒屋，門面和內部裝潢都很日本風，吸引到我和朋友決定在這裡吃晚餐。打開餐牌都有很多選擇，想吃魚生，但天氣凍了，又想有點熱食，最終我們點了石鍋飯、壽喜燒、卷物、炸物，滿足晒我的要求。石鍋鰻魚炒飯 ─ 鰻魚好大件，細嫩肉滑的肉質，配以濃度適宜醬汁，令人食慾大增。炒飯配料不馬虎，很豐富美味，而熱騰騰的石鍋能保持食物的溫度，是冬日的良伴。牛肉壽喜燒 ─ 湯頭甜美，牛肉和蔬菜都很足料。 香煎鵝肝帶子卷 ─ 這個配搭是第一次吃，一口咬下去的第一個感覺是帶子非常鮮嫩，然後再慢慢細味到鵝肝的味道，很不錯呢。七味唐揚炸雞 ─ 估不到炸雞也很有驚喜，雞肉嫩滑不乾身，實在可口味美。其實這裡的丼飯都好吸引，但天氣凍，想吃熱食多一點，下次有機會再來吃。

由於餐廳唔大, 座位唔算多, 所以黎之前記得卜位呀☎️ 去居酒有個難處就係好多款式揀, 樣樣都好似好好食咁, 但係個肚又冇咁大😮‍💨 好彩有個夠果斷既朋友可以幫我做決定😍芝麻雞翼🐓($68)每次食芝麻雞翼都會諗起放題, 呢度既雞翼新鮮熱辣辣, 外脆內嫩, 完全唔會覺得油膩👍🏽醬油燒年糕🍡($48)永遠都抗拒唔到年糕既誘惑😂 煙韌既年糕外面搽滿左鹹鹹既醬油, 再配一塊紫菜, 食完有種莫明既滿足感🤩香脆薄魚片🔥($48)遠睇真係完全唔會知佢係外脆內軟, 滿滿既魚香, 拎黎配酒一流💁🏾‍♀️ 日式炒野菜🥬($68)每一餐不可或缺既就係蔬菜類, 呢度既炒野菜有菇, 椰菜,木魚碎, 蔥段, 紅蘿蔔超豐富, 最重要係唔油膩‼️油甘魚腩刺身🐟($88)3塊厚切軟綿新鮮既油甘魚腩非常肥美😌深海池魚王刺身🐠($128)唔鐘意食薄切既可以選擇厚切($88) 薄薄既透嫩池魚王配上醬油, 蔥花, 白芝麻, 蘿蔔蓉簡直係一流😍日本生蠔刺身🦪($128)可以揀單點一隻($50)或者三隻($128)😌 生蠔每隻都脹卜卜非常飽滿, 食落鮮甜完全冇討厭既腥臭味🥰 另外仲配左啲辣辣地既醬, 青瓜絲去提升鮮味, 係正既, 重點係

今日接男朋友收工 去附近食個晚餐先番屋企 哩間野由讀緊書個陣已經成日睇相睇到佢個鰻魚飯望左幾年 終於今日的起心肝去試下佢———————————————————-大葱特上吞拿魚腩卷（$88）吞拿魚蓉無筋飯糰中間有青瓜絲上面灑滿左葱圈表面仲加左少少芝麻令味道更豐富煙肉荔枝卷 2串（$58）荔枝味唔算非常突出煙肉軟熟唔乾柴芝麻雞翼 3隻（$68）外皮香脆唔油膩鐘意食雞翼既男朋友話好好食原條成田醬炭火燒鰻魚飯（$138）期待左好耐既鰻魚飯終於上枱果然好大條 比想像中厚身 食落無細骨哩道菜性價比好高牛肉壽喜燒（$108）一開始店員會幫手點火助熱個鍋 個鍋好夠熱 食到最後都未熄火鍋入面既野保持到熱辣辣 選胃之選牛肉份量甚多 湯底味道濃郁仲有豆腐 蔬菜 芋絲 煮到入哂味—————————————————————-店鋪環境唔大 係典型日式居酒屋既裝潢小店格局 所以位置唔多 枱櫈距離比較近 如果同時嗌太多野食既話張枱就未必擺得落喇不過店員服務好好 手腳快又會主動卙茶同問要唔要碗碟share黎食如果多啲人黎食就可以試多幾樣野喇

迷你火炙左口魚邊丼$78呢一個迷你檔都真係幾迷你下，上面大概有$4左口魚，燒到啲油香別晒出嚟滲落去個飯度，加上啲飯唔多，食落去唔會好滯，出嚟食火炙最驚就係啲魚燒唔到甘香，好似兩頭唔到岸咁，呢一個就冇呢一個問題啦。脆炸軟殼蟹飯卷$88明顯睇到軟殼蟹嘅蟹腳，呢個份量都相當之多，上面嘅蟹子落得一啲都唔吝嗇，當然沙律醬都係，軟殼蟹揸得好酥脆，比飯包住都唔覺得佢變諗，而且味道好夠，再加埋沙律醬，豉油都唔使舔。牛肉壽喜燒$108呢一個係今晚最抵食嘅，份量好大，一夾起就見到有好多牛肉，而且下面有個爐慶住，幾時都保持住熱辣辣嘅感覺，牛肉加上蛋黃食落非常滑，當然亦都有功於佢係放生牛肉而唔係煮熟咗嘅牛肉咁樣上，普通嘅蔬菜豆腐不在話下，令我最驚喜嘅係裏面有粉絲，仲要係比較近似韓國嗰種粗少少，煙煙銀銀嘅粉絲。流心芝士魚餅$48係一個睇上嚟好似年糕嘅魚餅，但係咬落去又真係魚蛋嘅質地，中間夾住左芝士層，唔算係拉斯嘅芝士但係有好濃郁嘅芝士味，有啲似水牛芝士嘅質地，魚餅燒到表皮有少少脆，樣子好吸引，而且味道都好鮮甜，有別於一般嘅魚蛋。香炸日本池魚仔$58呢一個份量幾多，炸得好酥脆，池魚頭部少少甘脆，而魚身就好滑好似食

今晚放左工，突然間想食居酒屋，於是叫老公上OpenRice望望有乜好嘢食，佢揀咗長沙灣味樂道居酒屋店舖唔算好大，大約有30個座位，好彩老公預先book咗位～啲枱幾乎爆滿打開餐牌，價錢都唔算太貴，我哋order左芝麻雞翼、餃子、壽司、拉麵、石鍋煲芝麻雞翼，熱辣辣，外脆內軟，好Juicy芝士鐵板餃子，用鐵板上熱辣辣，皮脆餡多辣三文魚碎卷內裏係青瓜卷，上面鋪咗碎三文魚，有少少生洋蔥及蟹子，所以有啲辣嘅感覺泡菜黑豚肉鍋內裏有紹菜、豚肉、泡菜、粉絲，湯底夠濃，非常足料黑蒜豬軟骨拉麵豬軟骨入味，有濃厚的骨膠原，湯底十分正乳酸巨峰梳打，唔係太甜，幾好飲，好舊戲整體來說，配合服務及價錢，可以再encore

今日同朋友係長沙灣睇完戲，在附近揾食，行過一間食日本嘢的餐廳，朋友話好想食，咁就入去一試。餐廳唔算大間，但座位尚算舒適。我哋坐落服務員話睇完餐牌可以用QR Code直接落單就得，我哋 order 咗醬燒鰻魚反卷，鰻魚有口感，用醬燒汁包住好好味，芝士吉列海虎蝦卷，海蝦炸得鬆脆，這二樣都得好出色有驚喜。三文魚壽司魚就好新鮮，但壽司飯我就覺得少咗D醋。鐵板金茹牛肉卷，牛肉好juicy又有牛味，包住金菇煎，非常香口。鹽燒厚切牛舌，牛舌有口感，咬落牛味香濃唔太酥真係唔錯。最後食埋石鍋鰻魚炒飯，廚師用雞蛋炒咗飯再加鰻魚及紫菜放上面，提升炒飯的口感，真係食唔停口。食飽結賬五百多元，朋友話都幾抵食，可以下次再來試其他食物！

今日收工好想食日本居酒屋🏮 長沙灣搵到這間「味道屋」環境唔錯喔😍同朋友吹下水先👭👫「味淋魚干」今次不是雞泡魚干，但魚肉厚身yummy😎「蟹膏蟹肉炸豆腐」脆炸豆腐，外脆內軟👍🏻外層加了蟹膏醬「芝麻雞翼」好有沖繩雞翼感，炸至表皮剛好，內有滑嫩雞肉😍😍「海膽壽司」爽身海膽好正呀😋😋「火炙北海道帆立貝蟹膏卷」豐富口感，帶子夠大隻🤩🤩「牛肉壽喜燒」好耐無食壽喜燒😎 這個獨立上，而且有火保溫🥳「煙肉櫻花蝦炒飯」可叫一碗👍🏻而且好香花蝦味🦐備註🔺環境十分有日本的感覺👘🔺自助落單，方便，清晰😌🔺好多人食原條鰻魚飯🤩🤩

長沙灣呢間日本餐廳，星期六都有lunch set提供，而且有幾多選擇，味道都唔錯。每個lunch set都包左前菜沙律、麵豉湯、茶碗蒸。沙律菜都幾新鮮，生菜爽脆，仲有蕃茄同埋日本小番薯，配料一啲都唔馬虎，配上日式麻醬味道好好。麵豉湯就正常嘅質素，唔會過鹹。茶碗蒸都好味，蛋非常嫩滑，配料就有啲蟹柳。便當$98選擇困難症揀呢個就啱晒，因為咩都有啲，可以食到好多款嘢食。有三點刺身、餃子兩隻、唐揚炸雞兩件、枝豆、黑松露糖心蛋、鰻魚飯。刺身新鮮，三文魚厚切，而且肥美。餃子脆卜卜，炸雞炸粉厚度剛好，啖啖肉。黑松露糖心蛋松露味好香，出奇地好食。鰻魚飯估唔到有成半條鰻魚，非常足料，鰻魚都算厚身，肥美，冇骨而且唔腥，配上鰻魚汁撈飯味道好好。牛油香煎銀鱈魚拼大蝦丼$108我本身好鍾意食銀雪魚，魚油豐富，肉質嫩，魚味亦都好香。呢個銀雪魚係煎香左之後再加上黑椒燒汁，所以味道都幾惹味，唔腥。大蝦亦都煎得好香，肉質爽口。配料仲有半隻糖心蛋，用黑椒燒汁加上紫菜絲撈飯，食到舔舔脷。