味道樂居酒屋 (元州街) (Closed)

平民嘅日本菜向來是我等喜歡食日本料理食客的尋寶之地，往往會搵到平靚正之選。今次去的是位於長沙灣的平民日本小店「味道樂居酒屋」，店內座位不多，裝修明顯精心設計過，帶有點點和式居酒屋的味道，值得細味。我點的是當天 Lunch set中的三文魚親子丼，擺盆相當精緻，三文魚有厚切的四片再加上滿滿的三文魚子，三文魚子十分爽口彈牙，咬落粒粒也是「卜卜」聲，很有口感，而且鮮味十足，配上三文魚的口感，很是出色。然後是朋友點的香蔥吞拿魚丼，我試了一口，吞拿魚蓉，切得相當細膩，不會有忽大忽細的感覺，配上香蔥，及特調醬油，很是下飯。人均約$100，日本料理中是相當合理的價格，很高性價比。

柚子酒 $48柚子酒以魚鱗般的透明杯子盛下，透出清新的淺綠色。喝下之後第一口迎來的是淡淡柚子味，柚子酒在咽喉處時湧來陣陣酒香。清爽、冰涼的口感，配壽司等食物簡直一流。原條成田醬炭火燒鰻魚飯 $138超大條鰻魚～配上惹味的成田醬，鰻魚肥美，一入口即溶，加上蛋絲，伴飯吃一流。火灸北海道帆立貝蟹膏卷 $88帶子大隻又豐厚，肉質彈牙。如果蟹膏再多一點，味道一定會更豐富濃郁。不過這盤壽司勝在分量誠意十足，壽司裏面還包著青瓜、蟹柳，而且一盤有六塊壽司，幾個朋友相聚也不怕吃不到。大葱特上吞拿魚腩卷 $88吞拿魚腩分量飽滿，味道鮮美。配上滿滿的大葱，壽司裏面同樣包著青瓜絲和蟹柳，飽肚感十足。燒日本播磨蠔 $100三隻有三款燒蠔可以選擇，因為我同朋友都不能食辣，最終揀咗雙色芝士同煙肉櫻花蝦。以為芝士同櫻花蝦嘅味會蓋過蠔嘅味道，但其實沒有，仍然有香濃嘅燒蠔味～芝士控嘅我當然提介雙色芝士。

之前喺呢一間食過壽司、刺身、都覺得水準非常之高，今日想分享其中少少。卷物當中，火炙北海道帆立貝蟹膏卷真係唔錯。帆立貝好大塊，好厚肉，仲有好新鮮既蟹膏，兩個人分都啱啱好。另外試過三文魚腩刺身、深海池魚腩、大赤蝦都係好厚好新鮮，特別赤蝦爽甜又大隻新鮮！有時仲會有啲精選刺身添。作為一間居酒屋，選擇都唔少，而且仲好爆，建議真係可以book定位。睇返OpenRice發現原來佢佐敦都有分店，睇嚟下次又有新嘅地方食飯啦！

兩個人食，一男一女嗌咁多道餸最後食唔晒，大家去就建議量力而行，控制好個份量。檸檬威士忌梳打友人話有啲似洗潔精味，飲落口威士忌味比較出，唔鍾意酒精味重嘅朋友就唔推薦嗌呢杯。白桃燒灼梳打呢杯就好啲，甜甜地易入口。香炸一口芝士不過不失，但芝士味唔算濃。帶子兩個字——鮮甜，十分推薦👍🏻炭火燒鰻魚飯大大份，鰻魚夠大條，但應該都係包裝鰻魚黎，飯就普普通通炒飯底，一試無妨。牛肉壽喜燒大份兼抵食有豆腐、南瓜、娃娃菜等。明火爐仔，keep到個溫度，記得得閒就攪下，以免黐底。最後like social media送黑松露溏心蛋，味道都不錯。總結：環境靜謐，唔會覺得店員滋擾。值得特登去食，而壽喜燒同帶子就必嗌。

入到門口覺得雖然地方雖小，但係環境、氣氛俾我感覺好舒服，好似日本當地居酒屋🏮難怪餐廳好多人等候先叫刺身作為頭盤深海池魚王刺身我地揀左薄切，伴碟有蔥花、辣味明太子、芝麻、Wasabi、酸汁配搭池魚王，我最中意都係夾酸汁，帶出池魚刺身既鮮味👍🏻三文魚腩刺身🍣每件都肥美，而且厚切原條炭燒鰻魚飯目測差唔多餐廳每一枱食客都有叫呢一個招牌菜式😂上碟淨係份量都不得了，原條鰻魚有一整個前臂咁長，經過炭燒食出魚香味道，配搭埋鰻魚燒汁同蛋花送飯一流😋😋香煎鵝肝帶子卷🍱冇諗過卷物都會跟咁大件帶子，中間搭着煎香左的鵝肝同埋清新既青瓜絲，口感豐富

味道樂之前食過尖沙咀分店一直都好欣賞佢地嘅食物好多選擇 而且樣樣都有質素今日路過長沙灣就順便同朋友又試下長沙灣分店都係類似裝修好濃嘅居酒屋氣氛兩個人叫左煙肉櫻花蝦煎廣島蠔四隻 鐘意食蠔的朋友必試好香好惹味 一定要上檯趁熱食香炸日本池魚仔 可以係餐前小食炸得外脆內軟 唔油膩火炙帆立貝蟹膏卷 有6件 用料好足 好新鮮蟹膏同帆立貝味道好夾明太子雞翼兩隻 好香口 明太子嘅辛辣味好正黑蒜黑豚肉捲有驚喜 我唔鐘意食豬肉都覺得好味道燒得外皮有焦香 整體黎講食物高質 價錢合理

朋友在長沙灣工作，正好可以到這間他經常推介的居酒屋吃晚餐。首先來一碟七味魚翅，口感像牛肉乾，很香口。流心芝士魚餅，魚餅彈牙，一口咬下去，內裏滿是流心芝士。香炸日本池魚仔， 每條都炸得金黃香脆，正。火炙帆立貝蟹膏卷，一碟有六件。 洋蔥絲下面是滿到漏瀉的蟹膏，再下面便是軟滑的火炙帆立貝，加上新鮮的 wasabi及香脆的青瓜絲， 這個配搭吃起來超正，而且性價比很高。七味唐楊魷魚鬚， 這個真是邪惡之選。大大份，入口香脆。香煎鵝肝什菌石鍋飯，石鍋熱辣辣上枱，鵝肝大大塊在正中間，雜菌和飯粒完美混合在鍋內， 一口雜菌一口鵝肝，感覺很滿足。

又係同媽媽食飯拍拖嘅日子，諗諗吓真係好少同佢食日本菜，於是就同媽媽嚟咗長沙灣嘅味道樂居酒屋。一入門口見到呢到嘅裝修拍得住日本嘅居酒屋。媽媽就唔鍾意食刺身，所以都係叫咗熟食為主。點咗嘅嘢食包括：- 黑松露帶子刺身沙律配柚子醬- 三點漬物- 蟹膏帶子壽司- 流心芝士魚餅- 泡菜黑豚肉- 黑蒜豬軟骨拉麵黑松露好香，配埋柚子醬酸酸嘅味道好啱夏天食。三點漬物包括有牛蒡茶漬、蒜子同芥辣八爪魚。蟹膏帶子壽司嘅帶子大大隻好飽滿，配上蟹膏嘅香味真係好好食。流心芝士魚餅都幾特別，芝士又爆出嚟，啱哂芝士控嘅我。泡菜黑豚肉熱焫焫，黑豚肉夠滑。黑蒜豬軟骨拉麵嘅豬軟骨係超淋，媽媽牙力唔係咁好都食得到，最緊要夠入味！

長沙灣好味日本店不多, 真正美味的,唯獨這間居酒居能讓我再度光顧。餐廳日本居酒屋的格局,非常適合三五知己把酒暢談一番。軟殼蟹鰻魚手卷手卷份量大,紫菜很脆,加上它的鰻魚很足料,大大塊的,一點也不吝嗇。軟殼蟹炸得很脆很香,吃落有叮一聲的感覺。赤貝&特大蝦刺身他的刺身也是出奇新鮮,份量大,入口像是有條魚在口腔游水一樣,非常夢幻,令人非常難忘。香炸池魚仔這道菜非常獨特,出面很少地方可以食到。池魚仔非常新鮮,炸完後更是又鮮又香, 香脆好味,拿來配酒真是一流。

在長沙灣青山道轉角處，有間很有日式風情的餐廳---「味道樂局酒屋」，我約了朋友特來試試。門面一派江戶風，木門木框。裏面也裝飾得充滿日本懷舊風格。“原條成田醬炭火燒鰻魚飯”，大大塊的厚切鰻魚，肉質肥美，鮮嫩多汁，烤得恰到好處，加上美味的醬汁，份外惹味。“牛肉壽喜燒”，我最愛吃的日本菜式之一。材料有牛肉、生雞蛋、娃娃菜、大蔥..... 等。牛肉嫩滑不靭，牛肉味濃。吃完牛肉後，還剩下濃郁的牛肉汁，非常可口。“鹽燒澳洲羊架”，沒有太多的調味，反而更能品嚐到羊肉的原味----羊肉燒得很香。“汁燒大白鱔”，兩串新鮮的鱔肉，燒得香噴噴，不太乾，魚肉仍保持肥美多汁。

尖沙咀都有分店嘅人氣居酒屋😳 環境夠哂日系好有日本feel🤣晚市餐牌有單點 亦都有二人前 鵝肝多士 $178有兩件大大件 鵝肝煎到好似炸咁有層脆衣😂 幾搞笑鵝肝入口即溶 多士脆卜卜芝士免治雞肉棒 $58兩串邪惡嘅雞肉棒 芝士冇得拉絲 一塊放喺雞肉棒上面雞肉棒有口感 加上甜甜地嘅醬幾好食 但加埋芝士會漏咗啲帶子壽司 $58兩件價錢都幾貴😳 諗住會好好食 有少少失望壽司飯略嫌太軟太癡 帶子就一般質素鐵板蒜片香煎厚牛舌 $78佢嘅牛舌唔係爽口嗰種而係有嚼勁有肉絲嗰種我就麻麻地呢種🤣 不過蒜香好重 加上佢用鐵板上 夠哂熱

長沙灣e區都不乏一啲好好味嘅餐廳，今次就嚟咗味道樂居酒屋。呢間居酒屋，如果你唔book枱嘅話，好難walk in有位，所以吸引到我哋慕名而來。居酒屋內部唔算好大只係容納咗幾張四人枱同埋二人枱，難怪要book位先食到，裝潢懷舊日式為主，牆身掛滿好多日本酒。呢度食物菜色種類豐富，上至壽喜燒，下至丼飯,刺身,串燒等日式名物應有盡有。而我哋就畀呢個細細哋嘅迷你火炙左口魚邊丼飯吸引住。左口魚邊火炙之後香氣滿溢，而且入口即溶。淡淡左口魚邊嘅油脂融入口中，再加埋甜甜地嘅日本糙米飯，簡直就係人間美味，果然冇令我失望。流心芝士魚餅，係非常邪惡之選。魚餅之上加咗一層厚厚嘅芝士，燒過之後味道非常之夾，魚肉口感彈牙，入口陣陣鱈魚香。蟹膏帶子火炙壽司，大大隻嘅帶子絕冇欺場，而且蟹膏份量亦多。入口鮮味濃郁充滿蟹香，帶子肉質軟淋，回味無窮。金菇肥牛卷，份量大。用鐵板呢上鎖住肉汁同埋熱度，黑椒汁非常惹味，咬落去好多肉汁，金菇亦非常爽脆，口感一流，係略嫌有啲油，可以接受。燒白鱔係我哋食串燒嘅至愛，因為白鱔味道濃沃又沒有骨，魚皮燒到好香口香脆，而魚肉口感嫩滑，醬汁亦沒有搶過白鱔嘅鮮味。煙肉櫻花蝦煎廣島蠔，係非常惹味嘅一道

約了同學出來吹水行街。因我倆皆很喜愛食日本嘢，而她在長沙灣收工；故提議在附近有間日式酒居很想去試。於是當晚就由她帶路和發版。食肆裝修得有日本格調，但地方不大只能容納二三十人；但餐廳內坐滿食客，好有氣氛。富士蘋果蟹子沙律這道沙律在夏天食最佳因蘋果爽口清甜，菜新鮮翠綠；加埋蟹子不單令口感豐富，還顏色搶眼。燒汁銀雪魚腩銀雪魚本身肉質嫩滑唔多骨是我的favour。今次揀選魚腩部份贪其油脂豐富，加上燒汁來燒烤皮脆肉滑。鹽燒澳洲羊架用秘製醃料來醃製的羊架，以燒烤烹調後，把水份銷住令肉質鬆軟唔鞋口；而且一點都唔膻。牛肉壽喜燒  Beef Sukiyaki熱辣辣的壽喜燒末食已香噴噴。牛肉份量很多，上檯時已半生熟。我們不喜愛太熟;所以淥一陣便可。牛味濃郁和很嫰滑，再沾上煱內半生熟蛋更覺香甜。而配菜豆腐亦很多，吸收哂甜甜地D湯底;食落更添味美。梅子梳打酸酸地很開胃。

太耐冇一家出去食飯今日就約左家人一齊去深水埗食味道樂只要like 左餐廳社交平台同OpenRice 就可以送糖心蛋👍🏻👍🏻首先我地叫左一份魚干魚干熱辣辣 好香作為餐前小食一流蟹膏豆腐清淡嘅豆腐配上濃郁嘅蟹膏可以中和返個味道原條鰻魚飯鰻魚嘅份量完全毫不吝嗇鰻魚肥美 加上鰻魚汁送飯一流牛肉壽喜燒甜甜嘅湯底 配上牛肉同蔬菜十分下飯甲羅燒食完蟹膏豆腐覺得唔夠喉就encore左一個甲羅燒蟹膏十分濃郁 軟殼蟹反卷軟殼蟹上餐嘅時候仲係卜卜脆好香口燒牛舌大推！ 牛舌10分彈牙牛味十足必食黑松露帶子帶子份量都好多有足足四隻黑松露味好出齒頰留香

一班朋友聚餐諗唔到食咩的話，通常都會去日式居酒屋。 刺身，串燒，壽司，鍋物，總有一款啱。 飲唔飲酒都各得所好～偶然放工經過在長沙灣元州街這間「味道樂居酒屋」， 都好想入去飲番杯🍻食串燒， 可惜每次都趕頭趕命。 今晚不用 OT 就約咗屋企人去開餐。坐低咗之後更加覺得店內好有日式居酒屋氣氛。座位唔多， 六點半已差不多坐滿～炸軟殼蟹蟹子沙律即叫即炸， 軟殼蟹好脆好香口。 原三色魚生丼飯量好多， 三文魚，吞拿魚和甜蝦不過不失沒有太大驚喜。 假如甜蝦換上一隻牡丹蝦會比較有睇頭～三文魚鮮甜， 如果厚切更加美妙～明太子免治雞肉棒免治雞肉混合少許雞軟骨， 配上燒汁和明太子醬， 經典美味！香煎鵝肝什菌石鍋飯估唔到鵝肝反而厚切， 煎得好香又唔會散開， 入口甘香美味～ 更出色嘅係佢嘅鍋飯， 夾雜著許多雜菌， 香氣十足， 調味啱啱好唔會過咸， 越食越滋味，吃不停口。 難得個鍋熱辣辣又唔會有飯焦。 推介！服務唔錯，店員會主動斟茶。總括熱食比較出色～ 下次唔趕時間必定再來。