味道樂居酒屋 (元州街) (Closed)

阿女定咗位，去長沙灣一間不起眼的居酒屋小店補祝母親節。6:45去到未算多人，7點幾越嚟越多人，基本上已經滿座，店鋪細細座位並不多。但內裹的裝修恍如置身於日本居酒屋一樣。我哋都係第一次去食這間，睇到餐牌樣樣都想試，總共點咗6樣食物。其中一款佢嘅招牌菜，原條成田醬炭火燒鰻魚飯。鰻魚飯一上枱，隔離枱即刻嘩咗一聲，因為鰻魚真係好大條，而且飯嘅份量亦都好足，$138黎講絕對係超值嘅。我好怕食到啲霉霖的鰻魚，好彩佢條鰻魚大大條好新鮮，厚肉兼爽彈，配埋鰻魚汁好正！小食方面，我叫咗流心芝士魚餅，中意食芝士嘅人絕對會中意食，魚餅煎得好靚，帶點金黃，入面包住流心芝士，一個人食一塊剛剛好，食曬兩塊就好滿足。另一款好特式嘅你蟹膏蟹肉炸豆腐，豆腐外皮非常薄脆，內裹很嫩滑，上面再鋪咗一層厚厚而又濃香嘅蟹膏蟹肉，一濃一淡呢個配搭出奇地夾。吉列蝦配芥末沙律醬，蝦炸得非常酥脆而不油膩，點上店家自製的芥末沙律醬同吃實在好味到不得了，吉列蝦就算放咗半個鐘，食落仍然非常脆口，證明大廚功架了得。另外一款我好欣賞嘅燒汁大白鱔，一碟有2串。雖然大白鱔製作時間係最耐，大廚燒得外皮非常香脆，除保留肉汁外仲佷彈牙夠新鮮，真係值得等嘅。牛

這是我很喜歡一間居酒屋環境小小，食物水準穩定親民小店！餐牌很多選擇，今次吃迷李丼三文魚籽甜蝦蓉丼，最適合女仕吃！玫瑰裝飾很浪漫三文魚籽卜卜口感，咸咸地，配上甜蝦鮮甜，壽司飯有醋味，互相搭配！完全不用加豉油調味雖然看似細碗，店家疊到很高，賣相也超級漂亮富士蘋果蟹籽沙律很豐富：沙律菜、日本甜薯、粟米、足一個富士蘋果，切成條狀，蘋果爽甜，遇沙律醬蟹籽粒，味道酸酸甜甜非常喜歡厚切日本煙豚腩完全不肥膩，燒過後油已經不在，口感非常爽口，和大蔥味道很夾，特別香口，就是比較份量比較細件。蟹膏蟹肉炸豆腐豆腐嫩滑就一定，加上蟹膏味道豐富起來很惹味螢光尤魚漬物也是我最愛，時令必吃！ 爽口咸香，加青瓜同吃最配！

朋友喺呢邊放工，呢日想近近地食下日本野，就黎試下呢間餐廳！Like 餐廳 社交平台 同 openrice 會送一隻黑松露糖心蛋，我同友人當然要試一試黑松露味好濃，配合埋糖心蛋，又真係幾夾，幾得意！三色魚海鮮丼魚生都好新鮮，份量都多，絕對唔馬虎！唔錯！蟹膏蟹肉炸豆腐豆腐好嫩滑，配合埋蟹膏蟹膏味道好清 唔濁！ 而且熱辣辣上枱，好味！火炙帆立貝蟹膏卷帆立貝同蟹膏既配搭都好fresh,估唔到有青瓜絲減輕番個濃味既感覺 煙肉櫻花蝦煎廣島蠔拎上嚟仲係熱辣辣出晒煙！ 蠔煎得乾身，硬淨，唔會有水。配合埋櫻花蝦嘅香味同口感，成件事好夾！好好味！仲有叫咗個牛肉壽喜燒正常發揮，唔錯！黑松露和牛炒飯！唔錯　！ 幾惹味！

長沙灣區比較出名的日本居酒屋小店，算是數一數二，尤其鰻魚最出名， 要必食日式居酒屋裝飾，由於小店坐位不多，長期都比較滿座，所以記得要預早訂位menu 多選擇，有刺身/壽司/拉麵/小食/串燒石鍋饅魚炒飯事源我見隔離枱有對夫婦不停贊賞這個石鍋鰻魚炒飯，原本打算叫原條鰻魚壽司既我，即改叫這個鍋飯嘩～ 一上枱，熱辣辣，一食入口，驚喜萬分，炒飯很香口乾身，還帶一點飯焦香味，超級好食，饅魚亦夠入味，我認為系我食過最好味既鰻魚炒飯！！！每款串燒都很惹味特別推薦芝士免治雞肉棒亦十分出色，厚厚芝士，香濃又彈牙，一流壽司卷物亦很新鮮香濃蟹膏配燒火炙帶子卷，味道很匹配流心芝士魚餅內裡流心芝士很正，熱辣辣，拉絲芝士，搶了魚餅不少分最後加杯巨峰乳酪梳打， 透心涼快感覺記得必食石鍋鰻魚炒飯，包無介紹錯！

木系裝修的日本餐廳，放了日式擺設，有一種日式懷舊風感覺。 午餐套餐選擇多，花多眼亂。套餐配了前菜沙律，日式蒸蛋，味噌湯。沙律菜爽口，配芝麻醬，還有小甜薯。日式蒸蛋滑溜。再飲碗味噌湯。 點了兩個日式刺身丼飯套餐。火炙四色魚生丼飯。刺身面輕輕用火燒過,令刺身更香。丼飯面加了燒汁。火炙三文魚厚切。左口魚燒過，油脂更香。帶子大大粒，鮮甜。還配了蟹柳 ，甜蛋等等，十分豐富。 另點了海膽三文魚籽甜蝦蓉丼飯。鋪滿整個飯，顏色很漂亮。海膽食到甜味，一點也不苦。將甜蝦成蓉，軟綿綿，每口都食到鮮甜味。甜蝦蓉配上脆身三文魚籽，很特別。

前兩天約了朋友在長沙灣的味道樂居酒屋吃晚飯，店舖不大，只二十多個座位，但裝飾擺設很地道，恍如走進日本的居酒屋，一解無法去日本旅行的心癮。先上菜的是香炸日本池魚仔，食材相信由外地進口，因為池魚仔在本地很難見到。每條池魚的尺寸不大，炸的金黃，香脆可口，用沙拉醬伴著食，一口一條，非常過癮。原條成田醬炭火燒鰻魚飯，鰻魚有十幾寸長，肉質厚實肥味，口感柔軟細緻，再加上獨特的醬汁炭燒，入口美味，難怪是這間餐廳長期的人氣菜式。明太子雞翼，將雞翼拆骨，釀入明大子，然後煎至焦香酥脆，非常香口，食落內裡肉嫩多汁，加入明太子美味的辛辣味，可謂別有一番風味。三色魚生飯也不錯，分別有三文魚、油甘魚和甜蝦。三文魚非常厚切，色澤新鮮，油脂飽滿，食落滿口魚油香味，甜蝦的肉質也非常鮮甜，拌飯來吃十分不錯。最後看到牆上寫着當天的海膽壽司特價，賣38元一件，於是便幫我朋友點了兩件來試試。雖然海膽壽司比一般的日式壽司店便宜，但食材的質素絕對沒有因此而將貨就價。海膽顏色略呈金黃，味道新鮮，入口鮮甜，口感creamy，完全沒有苦澀味，值得一試。

放工有時想dap兩杯舒緩吓壓力，都會嚟呢間居酒屋坐吓飲吓嘆吓！呢度除咗飲酒之外，嘢食都好OK ！特大牡丹蝦壽司🍣😋😋😋😋😋超巨型的牡丹蝦非常震撼眼球👀厚厚的背肌刺激着我的口水分泌🤤軟綿綿嘅口感和甜美的味道，大隻到讓整個舌頭都可以充分感受到，完全係味覺大滿足！30幾蚊一件真係抵爆！記得仲有個非常鮮甜嘅大蝦頭😎貪婪地給啜着當中的蝦膏，爽😊火炙北海道帆立貝蟹膏卷😋😋😋😋鮮甜的帆立貝會議香濃的蟹膏，蟹膏一放入嘴裏面即刻醬住舌尖，清新嘅帆立貝在其中跳脫了出來，so yummy!黑松露和牛炒飯😋😋😋😋😋超足料炒飯！有和牛粒雜菜碎還配上濃郁的松露香氣，和牛黑松露的香味互相輝映，一放入咀就好似香味炸彈咁正！這個配搭比較少見估唔到咁好食！原條成田醬炭火燒鰻魚飯😋😋😋😋😋小腿咁粗嘅鰻魚睇見都心心眼！隊友至愛！食到啖啖血的口感，軟綿綿嘅質地，仲加咗啲蛋絲，佐飯佐酒都一樣咁正！網池刺身😋😋😋😋份量剛剛好兩個人食，而且價錢唔貴，幾十蚊就食到新鮮刺身！魚肉爽實鮮甜，就算完全唔加Wasabi都唔腥，夠晒鮮味！

這次在長沙灣覓食，經過見到有家日式小店，所以決定進去吃吃吧。店舖位於元州街，環境燈光柔和舒適☺。餐牌上有多款不同的壽司/刺身/小食/主食等等供應，選擇多元化。-💥流心芝士燒年糕 HKD$58 / 香炸一口芝士 HKD$48，食物即叫即做，上菜時聞到很香的味道🤩。芝士味道濃郁，燒年糕口應煙韌，還有流心芝士很香口。一口芝士口感酥脆，熱辣辣味很棒，芝士控表示喜歡❤。-💥辣三文魚魚碎卷 HKD$78，這個卷物口應豐富，一份有六件。微辣的三文魚碎拌著蟹籽，卷物裡面有青瓜絲所以口應豐富😋。這個直接吃味道也不錯，可以不用放醬油☺。-💥三色魚生飯 HKD$128，這個魚生飯賣相不錯，三色魚生有正文魚/油甘魚/牡丹蝦。魚生食材新鮮，而且是厚切版本😍，口感嫰滑無骨無筋，配著醬油吃味道更好😚。-💥原條成秋醬炭火燒鰻魚飯 HKD$138，這個鰻魚份量十足，原條鰻魚鋪上飯上，鰻魚是厚切版本賣相吸引🙈。醬汁味道咸咸的拌飯不錯的，吃完這個很飽肚。-我們也吃到飽飽的，食物價錢一般，食物份量挻多的。

早前係FB見到有個芫茜關注組。不經意底下發現依間日本餐廳。非常叫好的有芫荽醬免治雞肉棒及芫荽軟殼蟹反卷弄得很出色。免治雞肉棒很有咬口再伴上芫荽醬，食到停不了。反卷上淋上特調芫荽沙律醬加蟹子，軟殼蟹炸得香脆，配上芫荽沙律醬，令味道更為豐富。所有海鮮及魚生都非常新鮮好味😋海膽肥美，生蠔仲好有海水味👍🏻炙左口魚裙邊壽司既油脂更加叫好，非常甘香，4口子叫完再叫🤣其他既食物都質素很高，驚喜不斷❣️極力推介更多朋友去試😚

今晚訂咗喺荔枝角公司附近的味道樂居酒屋食晚餐，6:30入座。見到餐牌有一個二人套餐，約五百元，睇落好多嘢食，就試吓叫來一家三口吃。食物質素及份量也好令人滿意，怪不得星期一晚都差不多全院滿座啦！先來一個麻醬豆腐沙律，好清新開胃。當然唔少得叫杯生啤飲下啦！好夠凍，正！餐前小吃嘅雞翼同脆卜卜魚都非常之好味，送酒絕對一流。再上枱嘅壽司拼盤也絕對不馬虎，牡丹蝦刺身好鮮甜，蟹膏帶子壽司係我最愛。幾款燒物都好好味，隻虎蝦大隻到不得了，兩隻燒生蠔仲可以揀唔同味道。個燒帆立貝雜菌非常嘢未，啲雜菌用來送飯一流。仲有燒鯖魚同燒秋葵，認真豐富。二人餐，三個人食都飽到不得了。呢個價錢，呢個質素，絕對係返轉頭的好理由。下次可以試吓嚟買外賣返屋企食，佢有個好豐富嘅外賣便當，下次一於試吓。

店面不大，帶點舊舊年代感的居酒屋的風格。 但用餐的人流確是不少，7點半過後基本一直保持著滿座的狀態，來取外賣的也挺多。流心芝士魚餅，魚餅質地彈牙，芝士粒粒分佈在不同位置，咬到就會出現小流心，豐富了魚餅的味道。汁燒大白鱔，皮脆肉嫩，滿口油香，大讚。芝士免治雞肉棒，免治雞肉中還帶了點雞軟骨，口感多了層次。鹽燒豬肋條，與餐牌照片有點不同，感覺份量比較少，不過豬肉也是燒得香口，肉味濃厚。流心芝士燒年糕，年糕軟綿，中間大流心，芝士較淡口，不會過膩。火炙帆立貝蟹膏卷，反卷包裹著蟹柳和青瓜，上面還加蓋著帆立貝、蟹膏和大蔥，想要一口吞有點難度。但若能，那口感和味道是絕對的豐富。牛肉壽喜燒，發現每桌都點了壽喜燒，傳來的味道太香甜令我們也跟著點了一份試試。材料超多，每人足足盛了三碗，好吃之餘也是飽肚之選。食物水準不錯，尤其是燒物，果然是居酒屋。

最近香港的疫情不斷好轉，加上本地個案，也不斷減少，今日來到了一個舊區，長沙灣嘗試一間比較有特色的日本餐廳，感受一下日本氣氛，懷念一下日式風情.這食店充滿了日本和風味道，加上午餐的套餐種類選擇十分之多，價錢也十分之合理性價比十分之高.套餐包括了沙律蒸蛋及麵豉湯等十分之豐富.這個牛肉飯，火候控制得十分之好，配上少少牛油,少少菇，簡直是美好的配搭.這個西京燒，加上大蝦也是十分夾的美食、魚肉十分之細滑大🦐十分之爽口.

點左牛舌飯同埋炸雞, 牛舌鹹到飛起，啲炸雞粉漿太多,飯係珍珠米，但煮得黐埋一舊舊。優點係佢有沙律加麵豉湯㗎蒸蛋，但食完夜晚肚痛，好似有啲腸胃炎🙁😢😢😢😢😢

lunch無咩idea，見到味道樂居酒屋🏮咁多好評諗住實無死啦，點知就中伏喇🥲入座於窗邊既二人枱，窗外人來人往車水馬龍。突然見到有好幾隻蚊滋飛來飛去以為係窗外就無理，點知原來係入面仲停左係樽豉油度🤮好啦我當見唔到！叫左午餐A照燒美華雞雞扒丼飯我個腦剩係得一個字可以形容到佢就係dry，我請店員加翻少少汁比我🤗再出黎都係dry加左等於無加🙃食舊雞唔熱，諗住d飯熱可以平衡翻點知都係凍既😌成碗飯係又凍又乾咁食。🥲餐跟沙律，日式蒸蛋，味噌湯。沙律🥗正常，湯無味無期望，蛋就係蒸水蛋。唔知食左乜既一餐，食完翻到公司仲要即刻肚屙😶大家謹選。

今日突然心血來潮想食居酒屋 即刻上網搵下 見到呢間既評語都唔錯 就去試試佢呢間餐廳都離地鐵站有一定既路程，地點有D偏僻但入面既環境的確幾有日本FEEL，如果食完野行返出去就係心齋橋你話幾好1️⃣ 原條成田醬炭火燒鰻魚飯見到呢個幾乎係必叫ITEM，鍾情於鰻魚既我地，點可以唔叫呢到上菜既速度都幾快，叫左無幾耐就已經上第一樣野條鰻魚大到係可以完完全全COVER哂成舊飯飯加埋D鰻魚汁，本身都已經好天衣無縫。條鰻魚好厚身同好肥美每食一啖都好滿足。美中不足係無論條鰻魚同個飯都唔夠熱，上枱個陣都只係微暖什至可以話係凍凍地如果可以熱D，會更加好!2️⃣ 火灸左口魚邊壽司每一次食壽司，如果有既話都會一定點火灸左口魚經過火灸之後，左口魚邊會變得更香，本身魚邊都好滑，所以一定要食呢到既火灸左口魚略嫌遜色，無平時食到個種經火灸後既香氣同埋滑溜感有D失望。如果係呢個質素，就完全唔值$483️⃣ 芝麻雞翼100分 炸得好香脆，仲熱辣辣。外皮好脆但係入面D肉仲好嫩同好JUICY鍾意食雞翼既一定要試4️⃣ 鹽燒厚切特上牛舌又係另一出色之作，牛舌厚度岩岩好，咬落去有應有既口感同埋燒得岩岩好，唔會韌，加埋灑係面既黑椒粒同鹽，好滿足5️⃣ 芝