味王日本料理

Open Now

Now Closed

紅磡海逸豪園基本上唔可以稱為美食沙漠，因為只可以清做食物沙漠。幫襯咗一間日本餐廳，價錢略高，不過食物嘅味道同份量算係不過不失啦。我哋三個人不約兒童咁叫咗午市日本便當，個餐未嚟就先嚟三小碟日本小食，分別係螺肉、中華沙律同埋魷魚仔，呢啲嘢貪口爽味道唔會特別好啦，不過半埋半送係ok嘅。便當b有韓式泡菜炒豬肉加燒鯖魚，刺身就可以轉做餃子。便當d有和風牛肉粒同燒鯖魚，再加刺身。便當a就係天婦羅加芝麻雞翼再加刺身。每份$72，味道正正常常，份量大家都睇得到算係多啦。

去睇樓經過呢個商場就入嚟搵嘢食！見佢座位闊落、乾淨、企理就坐低咗！餐牌種類算多、有拉麵、烏冬有便當！我哋叫咗Set E，天婦羅鯖魚仲有兩片魚生便當🍱！天婦羅炸得乾身，脆口，個天婦羅汁夠香口，真係唔錯！$68包餐飲，低食！再嗌咗個滑蛋豬扒丼，豬扒炸得啱啱好，滑蛋都炒得夠滑，飯一大碗，係珍珠米！$58包餐飲，都係低食！四件炸餃子，餃子🥟夠juicy！唔錯！唯一麻麻地，係個日本叉燒udon，udon同湯都ok嘅，不過叉燒真係好乾，食唔落！個蛋全熟感覺都係太乾！$60包餐飲！以呢個價錢，坐得舒服，服務又好，俾個like😁

Lunch 想食下日本野就去左而間空間都幾大 坐我都算舒服，但上菜速度真係慢 兩個set餐都要等成15-20分鐘。午市餐牌都幾多選擇但通常我同同事都會選擇點便當🍱餐，貪佢一個set內面有幾款餸。但lunch $65 係而區就唔算平。平時佢就有4個固定餐，而E F餐就日日唔同首先未點菜前 每枱都有兩款前菜我今日就同同事一人叫左一個set Set A 燒餃子釀雞翼 天婦羅特別要提一提佢個餃子釀雞翼 都幾好味幾特別天婦羅-都算幾新鮮 好似岩岩炸起都重有熱度刺生-就麻麻地 不過不失Set E 勞軟殼蟹 燒青魚炸軟殼蟹—成只都幾新鮮燒青魚—還可以 普通要講一講而間野d杯真係洗得好唔乾淨 未飲個杯就已經有漬

選擇都好多吓有1x款烏冬/拉麵又有壽司刺身又有定食又有便當我揀咗好耐自己想食咩最後揀咗 燒帶子烏冬唔記得幾錢不過佢啲價錢唔算好貴話說我想像中嘅帶子係雪藏 大粒啲冇裙邊嗰隻點知... 只能怪自己諗多咗所以並唔係佢地貨不對版烏冬麵質好好扁扁地但係超彈牙 超有咬口直頭有少少咬唔斷嘅感覺😂湯底就遍鹹 基本上係醬油湯隻滷水蛋如果係溏心蛋會加分 令日式風味重啲至於燒帶子... 我自己就唔鍾意啦因為佢好難咬裙邊又大過粒帶子 而裙邊感覺好難消化食完6粒 有啲濟住個肚另外叫咗個炒雜菜炒得香 菜都新鮮 而且唔油👍🏻其實依間味王真係做咗好耐一路都覺得佢唔錯見到佢負評多過好評都替佢覺得唔抵只不過今次揀錯咗燒帶子 自己唔啱食如果係其他料 例如照燒雞排/牛肉應該會好食 因為勝在佢足料或者便當都好豐富同好食 (之前食過)價錢合理 服務唔錯 食物幾好😋下次嘅我會試嗌架啦🙈

喺呢個商場入面，餐廳唔多，人流亦都唔多。但係普遍呢度既鋪頭都可以經營得耐～「味王」就係其中一間啦！幾年前已經黎食過一次，當時只係得一個鋪位，但今次黎到，見到餐廳範圍已經擴展到商場既中間😳睇落好舒服😌門面商場中間，餐廳位置環境比起坐鋪頭入面仲舒服😌午市餐牌前菜餐飲便當B餐$65豬軟骨拉麵🍜$52九州拉麵🍜$52拉麵好幼身上菜快，整體味道一般適合喺附近返工既人快快脆脆食個lunch，抖下全單$169 唔需要+1

小店不知有幾個年頭，本身漁人碼頭裡嘅食肆並不多選擇，味王都係我經常幫稱嘅幾間次次都叫便當lunch 或者三文魚頭煲今日同阿媽兩人一齊用餐照舊選擇🍱便當每次都會附送中華海草➕螺肉都是我的最愛今日點左照燒牛肉+吉列蝦便當 牛肉唔柴 醬汁味道唔錯，吉列蝦岩岩炸起，好好味道，自己本身唔係好鍾意食三文魚，如果有其他刺身就好了.白菜與牛肉好夾.阿媽叫做牛肉烏冬，選肥牛與溏心蛋搭配，湯頭清甜,冬天吃起來好溫暖！

剛剛去咗紅磡黃埔嘅漁人碼頭食午飯, 今日好想食西式日本料理, 於是去左間最鍾意食嘅"味王"日本料理叫咗個定食便當A餐！個午市便當A餐裡邊有刺身, 天婦羅蝦、茄子同番薯, 仲有個釀雞翼同埋白飯, 本身有個前菜添, 個賣相已經夠靚同好吸引！個餐仲跟埋個餐飲熱飲同凍飲又唔需要額外徵收費用, 午市食仲係冇加一添...個雞翼約咗啲豬肉喺裏邊唔硬好軟淋淋仲好好味, 啲三文魚雖然得兩件但係都切得好厚好長, 另外我叫咗杯熱飲嘅椰香牛奶, 甜度適中, 午飯嚟講整體都算唔錯！

伏！拉麵隻蛋竟然得兩片！？豬軟骨飯完全無味，落勁多七味粉都唔夠味……但啲七味粉都係冇味……係咪大陸入貨咖？韓國泡菜得一塊半塊，撈埋啲娃娃菜當泡菜！唉！咁都得？？一樣係冇味……勁難食勁難食

原本係晌附近飲茶，點知間酒樓比乜乜聯會包場，逼住要換地方。商場食店唔多，見呢間比較大同幾多人食，而同行有十人，搵位有難度，所以決定食呢間。 我地都等左差唔多十分鐘先有位。有個同事要豚肉拉麵，一黎我就聞到好大陣梘水味加味精湯味。佢飲左啖湯，話無味。我就要豬扒蛋飯。其實都係普通野，點知可以咁難食。賣相唔好都算，成碗野撈晒味醂豉油，又唔熱。豬扒又唔脆，腍滋滋。除左味醂豉油味，咩都食唔到，完全稱唔上係日式料理，應該係煮熟晒D野撈味醂豉油就扮日式，衰過茶餐廳。唔會再去～

除老闆外，所有侍應態度欠佳😡我昨天入去時揀了一個位子坐下，個女侍應叫我起身坐另一邊，話我單人要坐埋一邊，食食下又話要轉位！不知所謂😡我於是揀入面近角落嘅位置，費事煩！其間個侍應又出出入入，不斷有心無意咁踢我椅腳！完全貼錢買難受！呢間野唔去好過去，食物質素中下😡👎👎👎樓面有異味，昏昏暗暗，前菜賣吾去就recycle recycle , 尤其是晩上，非常冷淸好差！ 受騙一次就唔好再上當了！劣評如潮！

在黃埔 Laguna Mall 的食店中, 味王算是日市和夜市都撐得住的日式料理店, 與朋友午市幫襯, 各式料理也味道不俗!和風燒雞及炸天婦羅蝦定食, Tempura 不會太油膩, 和風燒雞的肉汁很 juicy, 很下飯! 便當內附的三文魚及蝦剌身也很新鮮! 珍寶魚餅拉麵加辣湯底, 適合不喜歡豬骨湯底, 需要辣味提提神的朋友日式咖喱牛肉飯, 十次幫襯當中八次也會點這個, 肉片厚薄適中, 日式咖哩味不太鹹也不太辣, 剛剛恰到好處!

士別五年，見侯貴妃大力擔保，而小齊子又和議，好啦好啦，比多一次機會味王，長途跋涉走到漁人碼頭。要坐係商場中間用餐，人來人往最討厭！感覺好似圍欄中的白白豬，歡迎各位欣賞食相。前菜依舊中華沙律海藻，香辣半透明螺頭，兩者皆是外購貨無意見。燒帶子地獄拉麵，整體合格唔難食。雪藏迷你無味帆立貝連辣湯同吃還可以，全熟蛋都無意見。拉麵腍過腍，尚可接受，掛著濃味辣湯啜入口，滿意。凍奶茶小甜，我要小甜喎，點解成杯奶水咁既？

今日放假就陪財政大人去佢公司附近食LUNCH, 依間好多年前食過, 其實冇咁差架.前菜 - 普普通通 , 又唔係造話好難食.便當 B - 刺身淡味,  鯖魚唔太燶加左擰汁都OK架, 係個泡菜豬肉太辣啦!便當 D - 刺身,  鯖魚唔講啦! 牛肉粒睇落好濃味, 食落冇乜味...而家度度食個午餐都50~60蚊, 當然依間唔係好好食好抵食, 但總算可以食包頂下肚.好食既日本野閒閒地都百幾二百. 有時要張貨就價既... 香港地就係咁! 

上幾天打風在公司附近用膳，看見装修不错便入去， 没来貨吾新鲜？日本菜著重新鲜。。賣相 壽司三文鱼，熟蝦不太新鲜，軟彀蟹炸粉佷厚，燒鲭魚很腥。。難食。。應該食拉麵穏陣些包一罐汽水

不熟識這附近的地方見到這間餐廳正正常常、價錢合理而且不用等位便進去了但，竟然令我失望至極憤怒到要開openrice acc來評論它！前菜有中華沙律和螺肉份量不多但味道是不錯的而當送上我的「泡菜炒豬肉拉麵」時實在令我太疑惑和傷心是我太當黑？還是豬肉只是配菜？在眾泡菜中左翻右翻後竟然只拾到幾塊薄薄的豬肉片全部集合也鋪不滿我一個湯匙！！幸好的是問過店員後，她也額外送上了一小碗豬肉片態度也不錯，那便算了另外是送上飲品的時間落單時同時點了附送的餐飲在進食的後半段催了一次，沒有上吃完後再催，仍要等（當時有4個樓面侍應，而餐廳只有6-7成滿）好不容易終於送來，但只上了一杯凍檸茶，朋友的熱奶茶還沒有蹤影凍檸茶的杯不小，不過只有8成滿好像已被人喝了兩口的感覺但凍飲不用額外加錢，所以也不多挑剔了我喝完整杯，再坐了一會萬眾期待的熱奶茶這時才被送上來但！！！這杯「熱奶茶」只有看上去像是奶茶聞起來和喝起來也完全沒有奶茶味的！！！！很奇怪，沒有嘗過的味道是奶不是奶，是茶不是茶！！真不知道它是怎樣被混出來！！可怕！！究竟是甚麼原因令這杯東西要製作這麼久才送上來？真的要問店員才知道了種種因素加起來，只能說以後肯定不會