Video
5-min walk from Exit C2, Prince Edward MTR Station
continue reading
Telephone
61729291
Opening Hours
Today
07:00 - 19:00
Mon - Sat
07:00 - 19:00
Sun
Closed
Above information is for reference only. Please check details with the restaurant.
行過見老闆一個人坐左係鋪頭然後有個街坊講：老細係咪好攰啊？老闆答：啱先忙完個早市，又未都到午市依家恰下咁囉~休息下係佢講呢句時望到我然後我就同老闆眼神接觸左喇老闆問：你要咩啊？（禮物地問）我答：兩份碗仔翅、一份燒賣同一份腸粉老闆答：好然後佢開始行番入廚房煮野喇期間有另一個人客黎買腸粉我見老闆同佢有講有笑人客仲同老闆傾起仔女經睇黎老闆同d熟客關係都幾好等左一陣兩份碗仔翅就煮好老闆仲問我係咪第一次食我話係佢就建議我今次第一次食 可以咩都唔加食原味再有下次時可以話佢知想點加調味（胡椒粉、醋、麻油）番到屋企打開黎食個碗仔翅仲係勁熱 而且好多料原味都好好食腸粉就係幼身嘅 同燒賣一樣正常水準不過真係估唔到碗仔翅係即叫即煮好新鮮下次可以預先經whatsapp落定order好方便
continue reading
雖說深水埗係個好多野食嘅地方，但我發現早餐小食店好似愈來愈小。對於一啲來去匆匆嘅上班族，有一間嘅左近係好重要！呢間小食店有齊一般早餐會見到嘅小食，例如燒賣、粉果、粢飯都有！我通常食魚蛋同燒賣，咖哩魚蛋啲汁好濃厚，但又唔會好咸，不過佢個質感就唔係好彈牙。我會推薦燒賣，熟度剛好，我好怕嗰啲蒸左好耐，個面都爛哂嗰種燒賣，佢真心抵同有誠意，因為而家都幾難搵到6蚊5粒燒賣，而且係高質的。
continue reading
我好少會買外賣食🥡，但這一間，朋友推介的，不得不去外賣一份回家試吓。不過試咗又真係好味，好抵食👍🏻滷肉飯 (HK$28)．老闆幫我揀咗一舊半肥瘦嘅滷水豬肉，切件，都有8大件㗎！．肥瘦均勻有層次㗎，肥肉部份滷到晶瑩剔透，又有點煙韌，不是肥淋淋咁．滷水汁調味不錯，撈飯一流👍🏻．沒有想到叫少飯，但都係滿滿一盒飯😮*流心蛋 (HK$6/隻 x2)．朋友推介必食流心蛋，所以我買咗2隻．回家切開，蛋白半流心，蛋黃似溏心多啲．滷水汁不錯，所以蛋嘅味道也不錯👍🏻生磨蛋白杏仁茶 (HK$15)．老闆推介，話是自己新鮮生磨的．綿滑細緻的口感喎！．少甜，有滋補養顏效果㗎👍🏻
continue reading
每朝有不同是日靚粥，再配腸粉燒賣加牛肉，想試粢飯同手打漢堡出名豉油雞及流心鹵蛋。不單是食物味道好食，更有份難得的人情味，老闆友善也十分健談，這類小店绝對值得支持！
continue reading
好開心可以為啲間新開嘅小食店寫第一個食評！做完運動要搵啲嘢食補充下蛋白質，就試吓呢間小食店嘅豉油王雞髀。之前已經見啲地區谷谷友話呢度嘅雞髀好食，真係一食難忘！一拎到隻雞髀，係香到隔住口罩都聞到！係好想即刻大大啖咬落去嗰種香味返到屋企即刻食，大大隻，肉質唔會煮得過老「鞋」口，好重豉油王香味，調味適中唔會過鹹！下次會繼續幫襯，仲會試埋佢哋嘅流心蛋，好似都係佢哋嘅名物仲有，老闆真係好好人，服務態度非常之好！離開之前仲見到好多街坊喺度排隊，希望佢哋生意可以越做越好！
continue reading