天月居酒屋

Open Now

Now Closed

好夜啦，但可能因為星期五晚，好彩仲有開，好多年前食過佢嘅拉麵轉蕎麥冷麵，個汁同麵底都相當出色，今次再食都冇令我失望今次叫咗佢嘅松葉蟹肉冷麵，轉左蕎麥麵底首先係個面質好爽身，一啲都唔似平時食到嘅蕎麥麵；個汁啱啱好，少少酸，又有少少好似麻醬味，我都唔太肯定，不過幾開胃。好多地方食冷麵，食食吓就會覺得好膩，但佢冇呢種感覺上面有塊好香脆嘅蓮藕脆片，係成個面最好食嘅配料再配上蟹柳蟹肉，同埋我諗係豬肉粒，唔會驚唔夠餸撈麵糖心蛋上有蟹籽，令件事更有口感總言之食完，我真係冇乜嘢好挑剔，真心感覺到，做好每一個細節嘅重要性，最少我食得出嚟囉

本身好肚餓 睇度間餐廳都幾多人食 就想來試下啦，兩個人叫左份泡菜豚肉飯同吉列豬扒飯 泡菜豚肉呢有怪味 豬扒又係好酸！！明顯d野都係唔新鮮 同個服務員講左豬扒有酸味 服務員只係同我換個餐 仲係要我加錢換 有冇搞錯 明明係你哋嘅問題喎 咁ok啦 飯有問題 咁我埋轉拉麵食咯 拉麵又難食 湯味唔夠濃 好淡 真係好撈啊 從頭到尾一句道歉都冇！！換完餐叫個服務員收返豬扒飯個碟 個服務員又話你食左先啦，搞乜嘢 個台咁細張 d碟好阻住啊知唔知 態度真係好差好差 唔會有下次來食！！！

拉麵同天丼都一樣出色🍜翠月叉燒拉麵 莞荽湯底~ 湯濃度同味道調配得剛剛好~ 麵條軟硬適中而掛湯~ 雞胸肉似係慢煮仲配上叉燒~ 而炸蓮藕片同玉子都做得好出色🍤天月丼~ 本身以為主打拉麵，但原來天丼都係主角~ 材料仲好豐富，特別係炸蛋外脆內軟~ 所有炸物都係新鮮炸所以要等耐少少~ 加上佢地個天婦羅汁甜甜地真係好好味🍢燒白鱔~ 燒鱔上面有少少鹽味道調得剛好~ 白鱔外脆內軟而且冇咩骨其實今次巳經係2訪，但因為真係好好食所以想推介下不過但地方好細而且好旺場所以要試都可能要排隊等下

🎈食物：🌕🌕🌕🌕🌕行行下大埔，覺得好肚餓，又想食d野，見呢間拉麵未閂門，平時麵係經過，都無入過去食，於是就膽粗粗試下，叫左個黑月雞肉叉燒拉麵做外賣番屋企食，一打開，超級有驚喜，香噴噴，睇落都覺得幾好食，食落去又係不得了，好好食🤤，真心推😁😁😁另外叫左枝桃味氣水，無特別，正常味😂🎈環境：間舖入面都唔多位，我食外賣，就不批評，保持中立😂🎈服務：🌕🌕🌕🌕🌕職員都好有禮貌🎈回購：🌕🌕🌕🌕🌕會再幫襯，想試埋其他，期待既🤩🤩🤩

拉麵味道一般雞肉柴價錢與味道不符合覺得要認真想想再去試這間比這間便宜的好吃多了我還要另外花錢去吃晚餐 真心真心不推介吃拉麵 其他食品不知道如何拉麵可以不要選了差評真心

平時去大埔都唔知道有咩好食有次有住大埔朋友推介 嚟天月居酒屋🏮外貌其貌不揚，店內環境比較窄 就唔算坐得舒服不過食物味道真係估佢唔到咁好！我因為本身好細食，就叫咗呢個石頭鍋飯真係有超級超級多牛肉勁好味，$79 嚟講分量真係唔少朋友們就有叫串燒同埋其他食物 例如天龍「噹」但係全部野嘅等待時間都好長呀 應該因為即叫即做等到頸都長不過佢地話味道OK最後人均消費 $170左右不過太好味，會再嚟！下次踩單車嚟大埔有多個新選擇lu

呢間日式居酒屋，位於大埔的一個街角，門口好日本feel。店內不大，但佈置咗好多吉卜力動畫的海報，掛上好多動畫角色的飾物，和播放動畫的歌曲，好似進入咗吉卜力的世界裡。我就被安排坐吧枱，可以對住龍貓和Mei一齊食，我超開心的😁🍜 翠月叉燒雞肉拉麵(HK$92)．呢碗就係芫荽湯底的雞白湯拉麵．湯頭有濃厚creamy的雞上湯和打成蓉的芫荽，2種味道出色同而好夾，作為 #芫荽控 的我覺得好夠芫荽味👍🏻．拉麵好會掛湯，口感微煙韌，但煮得比較腍身一點．配搭三款不同的叉燒 — 黑豚叉燒 (最深色)、華味鳥雞肉叉燒、慢煮雞胸肉 (最淺色，白色個片)，每一款肉質軟滑、肉味香濃．片蓮藕炸得幾脆口．半隻溏心蛋，留到最後食，幾溏心，口感軟身，不過就係原本蛋味囉📌提提你：此店有加一服務費喔！

居酒屋🏮坐低第一時間緊係嚟杯啤酒 爽爽先喇⋯太心急 太爽了 無影相😆見到黑板寫著「燒明太子」😍一流的佐酒小食先嚟兩份先嘩燒得好好 外面少少焦香 入面啖啖咸香，第一次食明太子跟蛋黃醬，仲配有紫菜，原來咁樣食 又另一番風味，讚即刻叫支酒飲下先，明太子配清酒🍶超夾，打開sake list 見到朋友仔喜歡的燒酌，好喇！今晚飲燒酌八千代 就咁飲 都好順好滑 一啲都唔搶喉，加冰🧊，加檸檬🍋，加埋梳打水 炸雞好脆脆，雞又滑依隻嘢 👆🏻真係無得彈「原隻魷魚🦑」燒到這個水準 係我最喜歡的燒法，魷魚燒得剛剛好 夠香 夠乾身 乾得嚟入面好嫩 魷魚鬚勁香 口感一讚重點：師傳只係加左少少少汁無蓋過魷魚味，令鮮味更提升雞胸沙律🥗無乜居酒屋食到嘅雞尾，都係燒得好好 好味到要叫多份嘅燒魷魚天丼比起其他名氣天丼店 天月的天婦羅炸得更好 味噌汁&天丼汁略咸左少少

琴晚同男朋友去放鬆一下，所以近近地食一間附近嘅居酒屋🏮。其實整體而言味道幾好，但係真係等太耐，等緊嘢食嘅時候仲要有好大隻甲曱，連店員都驚慌左🤣😂而出餐都等好耐，3串串燒等左45分鐘…

呢日行完大帽山搭車來到呢間朋友介紹嘅居酒屋，行完山最緊要補充返蛋白質！食物質素：1. 鰻魚天婦羅&雜菜天婦羅: 有兩舊算厚肉嘅鰻魚，雖然系炸但係都有鰻魚味，同一個流流地嘅流心蛋覺得好得意，食到一半先記得原來底下有飯！絕對滿足到男人嘅食量！2.燒和牛:筆者先生最高評價，因為佢軟林，而且唔會好似放題啲串燒咁一舊肥肉吞唔落肚；3.燒五花腩:筆者呢餐最高評價係五花腩，咬落去油脂味啱啱好，有機會會再食多次！4.燒大蒜&大蔥:好少會燒大蒜，同韓燒自己燒嘅大蒜好唔同，呢個係粉甜食完唔口臭架；大蔥相比起就比較普通可以skip；5.蠔天婦羅:筆者先生本來唔'好‘蠔物，但係呢個脆皮包住嘅天婦蠔，食落多汁唔腥；6.燒茄子:出面好多串燒都會落好多油燒茄子，因為油份會令茄子軟滑同香口，呢間反而食落去覺得佢係少油甚至無油，靠調味粉帶出茄子原本嘅甜，條茄子真係超大條，半條都可以塞住先生把口

自己去吃烧烤喝小酒，这里的山琦梅酒，一口心动！没有点主食，但是之前外卖吃过这里的两款冷面，都很不错～这次吃了烧茄子当主食，其他的都是烧烤小物，还搭配了一个清酒煮蚬，主要是因为我最近对蚬汤念念不忘。烧烤小物除了鲍鱼没太大味道，其他的都蛮好吃。清酒煮蚬，汤稍微放凉一点喝，会更甜，没有这么辣。上菜比较慢，因为都是现烧估计，不过我是带着一股随便吃到什么时候的舒服的心态过来的，所以等着，整个店的氛围也特别舒适。

🇯🇵成日覺得喺香港好難先食得到有日本風味嘅拉麵，呢幾年食黎食去都係幫襯金田家多，但呢次終於畀我搵到間有得同金田家battle 下嘅拉麵店。雖然舖面毫不起眼，但入到𥚃面就好似置身日本嘅local 拉麵店一樣。店子細細只可以同時容納十多位客人，細心留意你會發覺店內有好多日本漫畫家宮崎駿系列嘅裝飾同海報，如果係fans 黎到就會彷彿去左間主題餐廳一樣。🍜雞白湯叉燒拉麵 $➐➋平時多數食嘅拉麵都係豬骨湯底多，呢碗用雞白湯做湯底反而畀到個好清嘅感覺我。一啖拉麵同湯一齊食完全唔會油膩唔會太鹹，就算飲哂成碗湯之後都無口渴嘅感覺。兩片叉燒輕輕燒香表面，肥瘦適中又唔會太薄。配埋勁流心嘅糖心蛋、木耳絲同埋紫菜，最基本嘅配搭但煮岀左非一般嘅味道，的確係幾impressive。加上呢個價錢，好值得一試。👅燒牛舌串 $➌➏一串三片嘅燒牛舌每片都大大塊，灑上粗鹽同香料黎燒味道極之吸引。牛舌爽口程度都爆哂燈，如果用黎送酒就一流啦。🐷燒五花腩串 $➊➑肥瘦均勻嘅五花腩片，同燒牛舌一樣有粗鹽同香料帶岀香味，燒好新鮮熱辣上枱又香又爽口。兩款串燒都好值得嗌！🍤天月雜錦天婦羅 $➒➎雜錦天婦羅有齊五六款蔬菜同埋三隻炸蝦，to

本身諗住去運頭街另一間餐廳，但係實在太多人等位👨‍👩‍👦‍👦👨‍👩‍👦‍👦所以改去附近搵其他野食，見到依間居酒屋喺正轉角位，雖然鋪頭細細，但係牆上貼咗好多日本電影海報，裝修好有日本居酒屋嘅風味🐔雞白湯豬軟骨拉麵拉麵嘅賣相唔錯，但係拉麵好唔好味就好睇個湯底，依個雞白湯飲落唔太覺得有雞味，湯底較為淡同埋薄，麵條普普通通🥚溏心蛋係幾流心但係個人喜歡入味啲嘅醬油溏心蛋，反而豬軟骨就真係夠軟同入味，咁其實佢始終唔係一間拉麵店，以一間居酒屋嘅拉麵嚟講算係合格啦🆗

原來我同朋友曾經經過呢間居酒屋好多次，但係最近先知道佢既存在。一句總結︰超高質天丼！！舖入面座位唔多，充滿宮崎駿動畫既周邊，包括有Poster、畫、公仔等等，好有feel。店員喺客人離開之後會噴野清潔，非常乾淨。我同朋友嗌左海膽天丼、鰻魚天丼。MenuMenuMenuMenuMenu食物合照整體黎講，天丼超多餸！誇張到我哋要問店員拎隻碗，擺開啲餸先可以食到飯。餸包括有︰茄子、蛋、菜心、秋葵、冬菇、翠玉瓜等等。海膽天丼既話會多一舊茄子，有洋蔥圈同埋南瓜。值得點名讚既係南瓜超甜，菜心好好食。炸蛋係流心既，超好食，但係食既時候要小心，因為好熱。海膽天丼︰海膽係用左紫菜包住既，幾好食，略嫌紫菜唔夠脆身。鰻魚天丼︰鰻魚超正！有兩舊，幾厚身，炸左之後口感同味道都係一流既小店座位唔多，野食即叫即整所以要等。不過野食超正，極力推介天丼！下次再去試其他野食

大埔多美食應該新界嘅朋友仔都知道，講起運頭街，大家就會諗起日式野，因為呢條街真係好多唔同種類的日本食物店！呢晚去左1間係街邊轉角位當眼處的地區小店，裝修什有心思，滿佈宮崎駿大師作品的海報和擺設，店內歌曲當然係林林種種的日文歌啦，包括「小夫我進來了」日文版主題曲🤪鋪頭位置真係唔大，計埋吧枱，可能都係有12-20個位到，但係因為佢夠細間，所以當晚就有d老顧客係到把酒談歡，夠晒人情味。不過如果你怕嘈吵/需要空間的話，呢間鋪頭嘅定位就未必岩你了😫黑蒜油豬軟骨拉麵：豬軟骨夠腍身，食落去係上等豬肉，唔會好多肥膏，再配上半隻糖心蛋，推薦👍👍雞泡魚乾：河豚乾，唔識整食落肚會中毒架！當然，佢梗係識整啦，呢道菜都考師傅功力，有d鋪頭會燒到乾爭爭過晒火喉，以為自己食緊樹皮。呢間鋪頭的雞泡魚乾係中上之作，唔會過乾，想叫小食可以一戰！