Amica

Open Now

Now Closed

今日同小朋友去太子始創中心西3樓買床褥，意外發現咗一間隱藏版西餐廳！之前行過好多次都冇為意，今次試完真心驚喜～ 服務態度好貼心，店員見我帶住小朋友，主動送上兒童餐具，仲耐心介紹菜式。食物質素出乎意料，尤其係招牌菜，味道濃郁得嚟唔會膩，小朋友都食到舔舔脷！價錢亦合理，人均百零蚊就有交易，性價比超高。 整體環境乾淨舒服，雖然唔算好大，但坐得自在。下次再嚟買傢俬，一定會再幫襯呢間餐廳～ 推薦俾鍾意發掘街坊好嘢嘅食客！ #太子美食 #隱世西餐 #親子友善 #性價比高

市道差 經濟差 服務都差老細睇Post 汲實你的倒米員工再咁落去 冇人回頭 又要入執泣谷叫個男士應野飲後上冇回應 黑面冇反應行左去 唔想勞 出聲西湯意大利飯意大利粉偏咸食完後勁口渴奶茶要加$2

情人節前夕到訪，二人餐太多食唔晒，散叫左兩個一人餐。soup 係today soup: mushroom soup其中一個upgrade 左加28蚊飲龍蝦湯，幾出色，湯味濃！主菜就點了：牛油果藍蟹肉沙律配檸檬olive oil $108蟹肉很少，沙律菜又唔太新鮮，仲以為走左oil. 很乾！Angus Beef Ragu Spaghetti $128很普通的，不過不失。peach 🍑 tea. 淡味跟餐追加開心果mochi 牛角waffle. 勁好味！賣相又得！開心果味好出！現金埋單有88折。

同幾個朋友聚舊，之前食過覺得好好食，推介朋友試吓，大家都好滿意。叫咗兩個抵食二人餐，有湯 麵包 前菜 主菜 飲品同甜品。前菜：魷魚圍炸得非常香脆，內裏爽滑白酒煮澳洲黑青口份量等同一個主菜，澳洲黑青口唔算細隻，肉質嫩滑唔靱，好鮮甜新鮮，加塊麵包配埋白酒忌廉煮好香。主菜：野菌意大利粉配牛肝菌醬有朋友對海鮮敏感，叫呢款主菜。每條意大利粉高級滿濃郁的牛肝菌汁，好好味。海鮮意大利飯海鮮包括帆立貝，青口，魷魚鋪滿整個番茄🍅意大利飯，海鮮risotto味道香濃。燒格陵蘭比目魚燒得剛剛好，比目魚肉質鮮嫩味道鮮味。炭燒紐西蘭有骨肉眼（350g）5成熟肉眼扒係五成熟，入口好Juice唔會靱。甜品：二人餐雜莓窩扶雪糕最後梗係要叫個甜品先圓滿飲品：熱蜂蜜柚子茶熱薄荷朱古力熱特濃朱古力

高質西餐廳🍽️套餐適合2個人來「撐枱腳」木系設計令人放鬆自在。晚飯點肚子正餓著，點餐後侍應馬上送上圓滾滾的芝麻餐包🍞和濃滑溫暖的椰菜花忌廉湯🫕，非常合適開胃來墊墊肚子。自選前菜：黑松露薯條🍟香脆厚身薯條加上黑松露沙律醬和茄汁，醬量夠多❤️🥘海鮮意大利飯蕃茄海鮮湯煮開意大利米，米飯粒粒分明，酸而不膩。飯中有4隻青口、4隻爽脆大版和墨魚仔，海鮮料充足。🥩炭燒紐西蘭T骨肉眼重頭戲😍T骨大大塊，網狀煎痕很養眼。雖然是5成熟，但肉眼是近乎熟透。牛味不算濃郁，但勝在肉質軟腍一點也不柴，很易於入口。配菜也是亮點🤩🤩手指紅蘿蔔、薯粒、西蘭花和青瓜花，炒得香口，美味程度不下於牛排，可見餐廳對配菜也很用心烹煮。🍦🧇雜莓窩夫雪糕窩夫鬆軟，淋上草莓和藍莓果醬，加上朱古力雪糕球，甜蜜滋味暖入心🥰🧃🍹🥃套餐配送荔枝冰茶和蜂蜜柚子茶👍🏽

性價比不高的all day breakfast($118) lunch set, 沙律或餐湯二選一，㨂了沙律，一般水準，朋友點了餐湯較好，當日是南瓜湯，夠熱同埋食到有南瓜蓉，可惜份量太細。講返個all day breakfast，覺得有點失望賣相是okay的，但覺得係欠奉了應有的特色和水準，第一呢個set無煙三文魚及茄汁豆，呢兩樣都係All Day Breakfast嘅靈魂，改為沙律菜同埋焗黑糖麵包，令人覺得好唔抵食。同埋煙肉、腸香都似係半煎炸咁去煮，煙肉實在太乾，好難咬腸仔亦都係偏乾身，而且size比較細，啡菇同樣係唔太理想，味道ok，但整到個賣相唔太吸引(望上去好乾身咁）…蛋同薯仔係個set入邊較為好食既! （圖中見到一細碗既係牛油） 而個set入邊既哈密瓜係要讚嘅，新鮮同埋都甜嘅最後，想講嘅係餐飲包一杯$32的餐飲，咖啡嘅話Americano或者Espresso選擇，其他latte Cappuccino等咖啡就要再補差價，$32唔㨂咖啡類仲有其他一般嘅熱飲，我就揀咗一杯柚子蜜（正常水準），朋友㨂了espresso就偏苦（可能我太唔習慣吧）整體而言，水平一般，無咩服務（要自助落單）

Amica的二人套餐可謂最強套餐，我只能說真的是最強，完全沒有之一，那個CP值高到周邊每位朋友都盛讚。Amica是大家聚餐的首選，每道餐點都相當用心細膩，對於食材和醬汁也十分講究。精選餐湯是蘑菇湯，Amica認真用了多種蘑菇去熬煮，湯中釋出獨有的菇菌鮮美，忌廉與蘑菇天衣無縫，天然的蘑菇香味喝來挺順口，嚐得到蘑菇肉，湯品濃郁不死鹹，喝完感覺心暖暖的。熱騰騰的餐包上桌不沾牛油也好吃，配上蘑菇湯一起享用，完全是天作之合。單吃餐包黑、白芝麻味迷人極致，抹上牛油那融化之感更是好不邪惡，餐包全數都被我們解決。燒醋漬鯖魚沒有漬得很重口味，反而有著醋淡淡的酸香，皮脆肉嫩，重點是燒醋漬鯖魚沒有魚骨，一旁有些青瓜、車厘茄、火箭菜、沙律菜、脆片作陪襯，使燒醋漬鯖魚不單調，不錯的吃。綠茶牛奶使用日本的綠茶粉，搭配牛奶調配而成，綠茶牛奶一入口就感受到綠茶的濃厚韻味，尾韻帶點甘味，綠茶有了牛奶的加持更為香滑，綠茶牛奶整體喝起來醇厚好喝。玫瑰士多啤梨牛奶一直是熱門飲品，充滿少女心，玫瑰士多啤梨牛奶甜度不高，奶香濃濃，將底部的士多啤梨果醬攪勻，能喝到細小的士多啤梨果粒，還有玫瑰絲絲芳香。蟹肉三文魚籽意大利粉配海膽汁讓

今晚約咗老朋友聚一聚，就大家方便，地點晌太子，搵嚟位處「始創中心」嘅「Amica」，因為印象中大概5年前到訪過（記得喺疫情前），知道佢哋嘅出品有質素，疫情都難佢哋唔到，就更加有信心。鋪面比較開揚，從外面已睇到部份用餐區，再走入啲就另一個用餐區區域，可以講地方都幾大，裝修簡約，枱櫈嘅編排唔會有種逼夾感，加上燈效，予人感覺舒服。此外，更有一部份用餐區喺餐廳之外，好似商場嘅一部份咁，佈置得比較似啲咖啡店嘅優閒座，等人可以賣杯咖啡坐低嘆吓。講返有啲咩嘢食揀先，先睇睇餐牌，主要都喺做套餐，包餐湯或沙律，以所揀嘅意大利麵或飯、主菜嚟定價，配埋基本餐飲，由$108-$328，豐儉由人。另外，仲有啲其他嘅湯品、沙律、小食、甜品供選擇！此外，仲見到有款二人用嘅晚餐，賣$408，包括湯品、小食、意大利麵、主菜及餐飲，選取部份菜式需額外加錢，又可以以優惠價追加甜品，計過數，確喺划算少少，所以，簡單啲，我哋都喺揀咗個二人餐。餐具、紙巾已放咗晌枱旁小木盒，重點喺俾咗兩杯熱水，尤其近日外間天寒地凍，先飲杯熱水暖吓胃都鎳好。是日餐湯是日餐湯喺橙紅色嘅蕃茄湯，看似喺平平無奇，不過，一入口真喺好對辦，蕃茄味好濃郁，酸香

星期日去咗嚟呢間餐廳食晚飯，二人套餐幾抵食， 有2碗餐湯+1份前菜+1份意粉+1份主菜同2杯野飲，好豐富，夠哂飽。餐湯：南瓜湯南瓜湯熱辣辣，味道香濃，仲有配餐包~前菜：煙三文魚沙律煙三文魚份量都多，搭配各款嘅新鮮嘅蔬菜，清新可口意粉：蟹肉三文魚籽意大利粉配海膽汁份量好多嘅意粉，意粉彈牙、好掛汁。意粉裡面有好多三文魚籽，同意粉一齊食口感層次豐富。主菜：炭燒美國黑毛猪鞍扒配柚子燒汁黑毛猪鞍扒燒得啱啱好，肉質嫩滑，柚子燒汁味道清新，非常特別，增添咗整體風味。飲品：是日特飲-熱柚子茶熱柚子茶味道啱啱好，唔會好甜但又保持到柚子味道。甜品：二人餐芒果窩夫雪糕 （加$38）我地加咗$38追加窩夫甜品，一共有四大塊窩夫，外層夠脆但唔會乾，雪糕香滑，仲有大量芒果、棉花糖同cream，食得非常滿足！

✳️周日不入廚房，我和老婆在太子始創中心的Amica西餐廳嘆下兩人套餐晚餐。✨二人套餐~$398真心性價比超高！首先上桌的是南瓜忌廉湯，湯身滑順，帶有淡淡的南瓜香氣，讓人一口接一口，心情瞬間明亮起來。✨前菜是魷魚圈🐙，外脆內嫩，配上特製的醬汁，味道鮮美，讓人停不下來。接下來是海鮮意大利飯🦑，米飯吸收了海鮮的鮮味，粒粒分明，還有大蝦🦐和貝類的點綴。✨然後是我們的主菜：炭燒美國黑安格斯西冷（300g），我們點的是七成熟，肉質鮮嫩多汁，搭配香濃的醬汁，啖啖滋味！✨飲品方面☕，我們選了熱柚子密和凍荔枝梳打🥤，熱柚子密的清香和微酸剛好平衡了肉的油膩，而凍荔枝梳打清爽提神。✨最後，我們加了$15享用當日精選甜品：藍莓士多啤梨餅🍰。餅底鬆軟，水果新鮮，甜而不膩，為這頓飯畫下完美句號。

朋友最近推薦位於太子始創中心有間新開Cafe餐廳，因為價錢吸引食物質素高。話要帶我去試試😋餐廳半開放式分兩個區域，座位夠闊落開揚，特別木系裝修，帶有文青風格🥰餐牌確實吸引，二人套餐只需$398包括：2餐湯＋1前菜＋1意粉＋1主菜+2飲品，另外優惠價額外叫甜品，正👍🏻是日特飲 ⭐️⭐️⭐️有凍荔枝梳打和熱柚子蜜兩個選擇。凍荔枝梳打清爽可口💕而熱柚子蜜則帶著淡淡的甜味和微微的酸感，特別適合用來暖胃💕精選餐湯 - 蘑菇湯⭐️⭐️⭐️濃郁的蘑菇湯。質感順滑，味道濃厚，蘑菇的鮮味充分釋放，Yummy💕前菜 - 黑松露薯條⭐️⭐️⭐️薯條炸得香脆，搭配上黑松露的獨特香氣，令人忍不住食不停口💕意粉 - 野菌意大利粉配牛肝菌醬⭐️⭐️⭐️⭐️意粉煮得剛剛好，搭配醬汁口感非常豐富，juicy💕牛肝菌的風味和香氣令整道菜更加出色😋主菜 - 炭燒美國黑安格斯西冷（300g）⭐️⭐️⭐️⭐️一上菜，我同朋友嘩了一聲，份量十足，肉質鮮嫩多汁。炭燒使得牛肉表面帶來焦香味，內裡卻保留了肉的原汁原味，十分惹味，真是令人滿足💕甜品 - 雜莓窩夫配雲呢拿雪糕⭐️⭐️⭐️⭐️甜品胃既女生們，當然會揀我哋至愛嘅窩夫窩夫外脆內軟，搭配新鮮的雜莓，增添了酸甜的口感，加上

上年仲係未加價都還可以，今晚去食已$398+10%／2人餐，2個餐湯+選一個餐前小食+1個意粉/飯+選豬扒/牛要再加錢+2杯飲品(熱檸水/熱蜂蜜茶/荔枝茶)唔使加錢。講真加埋10%$440蚊 完全唔值，出面叫塊扒都包湯包嘢飲都係百零蚊佢呢度只可以揀豬扒唔使加錢，一個意粉值唔值200蚊呢？塊豬扒食唔食200蚊呢 未加價都食開，而家嚟完呢次加價真係唔值。 我朋友食完落樓 兩個都唔飽要再搵嘢食 怪得知今日望落去少咗咁多客。

今日放工去咗旺角行街，之後約咗朋友喺太子市場食飯，佢帶咗我呢間西餐廳，之前下午茶經過，見到佢好多人飲咖啡，第一次嚟食正餐嘢食唔算貴，二人套餐都係講緊$400左右，價錢都合理不過今日我哋唔算好肚餓，都係散叫飲咗個龍蝦湯同埋頭盤嘅薯條，龍蝦湯好夠味，薯條都好好味沙律都幾大份，沙律菜全部都新鮮，呢個生菜可以必點最後呢個都好味，除咗溫度啱啱好之外，瞓得好有韌度，鍾意食意粉嘅電視呢度價錢唔算貴，放工同朋友約會嘅話都唔錯，下次會再聯

最近在始創中心發現了一間意想不到的大餐廳，如果不是朋友帶路，我還真不知道這裡有間咁舒適嘅餐廳！餐廳環境寬敞舒適，還分隔了幾個獨立的場地，特別適合朋友聚餐。二人套餐 $398餐湯：蘑菇湯濃郁的香氣，湯底滑順前菜：黑松露薯條搭配黑松露醬，薯條外脆內軟意粉：野菌意大利粉配牛肝菌醬份量多，醬汁濃郁，吃起來十分滿足主菜：炭燒美國黑安格斯西冷 (300g) (+$28)選擇了5成熟。這款牛肉的肉質非常嫩滑，脂肪分佈均勻，口感豐富，吃起來不油膩是日特飲：荔枝梳打 & 柚子蜜甜品：雜莓窩芙雪糕 (+$38)窩芙外脆內軟，搭配香滑的雪糕，簡直是完美嘅句號😋

估唔到始創中心有間咁高質素嘅西餐廳，餐廳座位好舒服，而且唔限時，同朋友可以慢慢食慢慢傾，最重要係食物質素非常之高，而且價錢非常合理，用呢個價錢食到咁高質素嘅西餐，性價比非常非常高！！西班牙燒春雞個雞好嫩滑，外皮有少少脆，個醃料好好味，唔會太鹹，味道啱啱好，有時喺街食嘅雞都淡而無味，但係呢隻雞做得好出色，半碟嘅蔬菜都精心炮製，烤到焦糖化，好好味😋安格斯牛扒叫咗五成熟，牛扒厚身，有肉味，高質嘅牛，基本上唔使太多配料，食到原味更好味🤤