Angry Oppa Restaurant & Bar (Closed)

好耐冇食過韓國嘢喇～見到呢間Angry Oppa Restaurant & Bar嘅廣告，見到佢嘅極邪惡拉絲，就忍唔住拉埋個朋友一齊嚟試！原來韓國菜唔只得炸雞、啤酒同韓燒，仲有好多野食架！大醬五花肉熔岩比薩（$198）一嚟到就叫咗呢個邪惡pizza！真係極極極多拉絲，因為佢用左超多mozzarella整！上面嘅茄醬比平時pizza嘅酸，可能係想中和返芝士嘅膩感啦😂五花肉唔多，烤到好脆，增添口感～雖然佢得四件好似好少咁，但其實一人食一舊已經好夠，我哋都食唔曬要打包🙈韓國傳統金便當（$129.9）食之前記住要整爛個蛋黃，kum返實個蓋，再搖個便當盒，咁先係正宗韓式嘅便當食法！咁樣搖完，啲材料（泡菜、紫菜、餐肉、蛋、魚仔）撈埋曬一齊，會有泡菜炒飯嘅效果！韓式炒年糕（$95）夠曬辣呀！連我個食得辣嘅朋友都話辣！飲品就嗌左呢兩個～真露蜜桃泡泡氣酒（$38）韓國果肉果汁（提子）（$28）其實睇食評呢度嘅煎餅都好多人介紹，呢度仲有得比你diy添。不過今次就食唔到咁多，下次再黎先食啦！我地一路食，人客就一路轉，出面仲有人等位添。所以大家如果想黎嘅話可以考慮book枱～Menu：

今次為左補祝朋友仔嘅生日， 一行4 人黎左揾嬲嬲嘅oppa 。店面不大， 一貫韓式作風， 有幾部大電視播韓仔MV 。全店面得一個oppa serve 客， 佢真係好忙呀！我地叫左小pizza ，金便當， 泡菜炒五花肉， 海鮮鍋同煎餅。小pizza 真係同佢個名一樣， 好小。同平時食銅鑼燒差唔多size 。其實90 蚊兩件， 整大少少都唔過份啫！而且味道真係好普通，不試也罷！金便當🍱要自己大大力shake shake 個便當盒， 味道都夠味，不過除左有得shake 之外， 就無咩特別。海鮮鍋ok , 湯都唔錯， 同埋可以加錢加韓式魚蛋一齊食。五花肉好好食， 好惹味， 好想加白飯一齊食， 值得一試！

已經好耐無食韓國野啦一講起即刻流晒口水🤤🤤今次一於去韓國街搵野食，黎到呢間韓國小店仲即刻有OPPA 黎招呼你餐廳是小店形式，但座位都舒服今次我地好瘋狂地點辣野辣一辣佢🔥🔥—------------------------------🐶泡菜煎餅$158好喜歡呢個泡菜煎餅，一個充滿泡菜的餅，煎餅超級熱辣辣底面都煎得好香脆，但又能保持內裡的軟口感，帶有少辣，好滋味🐶韓式豆腐泡菜湯$128用石鍋上，最喜歡飲湯既我呢個岩晒豆腐切片放上湯面，全個湯都有很香濃泡菜味，唔係太辣🐶泡菜芝士拉麵$85最鐘意就係韓國既麵，呢款拉麵先攪伴蛋、紫菜和芝士辣湯都幾辣，配上有口感的韓國麵，絕配！🐶韓式煎餃子$58唯一一樣唔辣既小食，餃子有份量，內裡包著肉和粉絲餃子皮炸得超香脆，但又不會乾身，好好味！

泡菜韓式醬牛肉煎餅🥘 $158首先估唔到原來幾大塊，第二佢基本上只係超微辣🌶而夾係煎餅中間既牛肉就烤得好香脆🍖,而且份量都唔少,每一啖都會食到牛肉片🥩成個煎餅既材料份量都分配得好好。醬汁味岩岩好，唔會過濃搶晒牛肉既香味，不過KY話如果可以辣返少少會更惹味🌶🌶🌶加上個煎餅薄身，又煎得香脆，味道夠濃，點唔點醬油食都一樣咁正🤤整體評分:7.0/10·大醬五花肉熔岩比薩🧀🥩🍕 $198先唔講大醬五花肉既味道，呢個熔岩pizza既芝士量同拉絲力係絕對絕對唔會令你失望🧀🧀🧀因為批既底部+批邊都係充滿厚厚既芝士😭而且批邊既麵包亦都好好咬口好軟熟🍞而大醬五花肉🥩首先講下大醬，大醬係韓國既味噌，味道就好似加強版既豆瓣醬，都幾濃郁下，而佢既五花肉都烤得好香脆🍖表面睇落平平無奇，但係咸香煙韌，配搭蕃茄醬料🥫，味道好正👍🏻成個pizza嘅感覺就好似西式同韓式嘅fusion，真係一流😈整體評分:7.5/10.Angry Oppa Restaurant & Bar (尖沙咀)尖沙咀金巴利道73號地下A舖.#hk #hkig #hkigfood #hkfood #food #couple #hkeat #eat #

天氣有點凍就想食韓國菜，少少辣，於是上網找一找，見到這間，店員是韓國人，電視播韓文歌，真有點似去了韓國。首先叫了豬肉鍋，賣相不錯，料也很足，最重要是超夠味，追求韓國那種酸酸辣辣口味的話這個會滿足到你，即時覺得溫暖，而且可以再追加點配料。蒸餃子，沒想到這麼大一隻，點了提供的醬汁，味道提昇了不少，而且餡料也好多海鮮煎餅，本來就很喜歡吃煎餅，又香又脆，海鮮料如果更多會更好迷你五花肉芝士pizza，這個尺寸剛好，一人吃不會膩，內有香軟的芝士，簡直是滿到流出來，好香口，好味

尖沙咀好多韓國菜式餐廳，而好多鋪頭都係韓國人親自主理，由樓面到廚房都係韓國人打理，先至係名正言順韓國料理。 其中有一間 Angry Oppa Restaurant 係由釜山嚟嘅新派fusion韓國菜， 食得多傳統嘅韓國料理當然要試下啲新鮮嘅fusion菜式。迷你微辣大蝦熔岩比薩 $90一份兩個迷你pizza，我哋兩個每人一個剛剛好，pizza裏面充滿韓國大醬，所以有啲微辣，而且加埋裏面嘅芝士新鮮熱辣流出嚟就好似溶岩一樣，面頭仲有一隻大蝦，口感非常好，大蝦彈牙，裏面芝士濃郁，再加上一啲微辣，必食之選。泡菜韓式醬牛肉煎餅 $158一個份量充足嘅煎餅，充滿泡菜同埋牛肉，煎餅厚薄適中，煎得底面香脆，裏面保持一定嘅軟度，而牛肉份量又多，充滿泡菜嘅微辣，開胃好味。泡菜芝士拉麵 $85泡菜味辣芝士濃郁，兩樣嘢加埋一齊，放入韓國拉麵，熱辣辣嘅一鍋拉麵令芝士半溶，沾上拉麵非常好味。牛肉湯鍋 $99湯底係牛骨湯底，配料主要係牛肉、雜菜、冬菇、韓式年糕等，配料豐富，加埋濃郁嘅湯底，連湯都飲埋，絕對推介。

話說, 今次已經係第二次黎幫襯Angry Oppa啦~上一次黎係比佢個極邪惡芝士拉絲Pizza所吸引~而今次.. 其實都係掛住個Pizza 所以又再返黎食XDD估唔到成個裝修都變左幾多下,, 係變靚左~加上臨近X’MAS, 水泥牆上掛住聖誕裝飾~ 勁有聖誕氣氛呀!!今晚睇鋪既得一位.. 而且 仲係一位真真正正既OPPA! 😍 (錯重點?)雖然佢唔識中文, 但係感受得到佢良好既服務態度呀~先叫既係我最愛既 青提子汁 $25我知.. 係supermarket買係平好多.. 但係, 平時我又真係唔會特登買黎飲XD係黎到呢度先好想品嘗返青提子汁既清甜~! 特別岩feel XD最先黎到既係 牛肉湯鍋(牛骨湯底) $99 !! 呢幾日突然又凍返.. 可以食返個熱辣辣既鍋真心好正!😍牛肉唔會太多肥膏, 食落亦都幾重鮮味呢~而鍋入面仲有好多其他配料架, 但我最鐘意既係:: 洋蔥同紅白蘿蔔片!欣賞店家將配料都切到盡可能咁薄身, 好快就滾熟可以食得!湯頭亦都清甜, 整體黎講呢個鍋係值得叫~跟住黎既係平時比較少食既小食XD 韓式蒸餃子 $48!有三粒, 好大粒下, 入面係滿滿既韭菜同豬肉~我覺得加埋醬油一齊

聖誕季節至中意約朋友岀黎交換禮物，今次聚會地點揀咗呢間充滿聖誕氣氛又坐得舒舒服服嘅韓國菜！叫咗必叫嘅迷你熔岩pizza，有三種味：大醬五花肉、微辣大蝦、蒜香雞肉，每款兩件，全部都好入味又勁多芝士，每咬一啖都拉絲！最中意嘅係大醬五花肉，成件事好match!之後再叫咗個卡邦尼年糕，超好食！年糕勁煙韌，配埋個汁一流！煙肉、西蘭花等配料都好多，食極都仲有，好抵食！最後再叫埋韓式餃子，有四大隻咁多，炸得岩岩好，餡料都好豐富！當然唔少得食韓國菜嘅蜜桃酒！佢會比個細杯你慢慢飲

平安夜個晚同朋友約咗岀黎玩，就揀咗間韓國菜食飯～之前已經食過，覺得質素好好，價錢又唔貴就決定再黎～因為係平安夜既關係，我同朋友決定5點鬆啲就去，廢事夜啲坐滿哂無位。入到去見到有DIY剪餅，好似好得意，但始終同朋友係煮野黑洞，所以都係決定唔浪費食物最後叫咗個魚糕青口湯鍋，入面勁多魚糕腐皮，湯底都好鮮甜，我地仲加咗兩碟肥牛，超新鮮又夠薄！我哋仲額外叫咗個泡菜芝士拉麵，芝士勁多夠哂邪惡，麵質勁好食，配埋個汁無得輸！野飲大約20蚊一罐，選擇都幾多！成個感覺好似去咗韓國咁，一定會再encore！

黎到韓國街，有很多選擇，不過不想食燒肉又想找一些特色，所以便選了這間Angry Oppa!!!有什麼特色？哈，可以自製韓式薄餅！ 另外，我們還點了特大煎餃，泡菜豬肉鍋和青口湯。首先來到的青口湯，有濃厚的豆醬味並帶出青後的鮮味，除了青口外，還有很多蘿蔔配菜，吸收了湯的鮮味，超好味！泡菜豬肉鍋很貼心地是有個火爐烘著食的，在寒冷的天氣最好不過了！豬肉很新鮮，本身是很肥的五花腩但煮熟後就不覺得很油膩。加上有泡菜作醃料，辣辣的去除了肥膩感！特大煎餃，餃子皮很薄煎起來很脆卜卜的，餡料是豬肉，雖然餡料不是太多但是太足夠了！最後要介紹的就是自製韓式薄餅！一上來便是一個有3個小圈的煎鍋，一杯蛋漿，一支油和六種配料，有蝦帶子牛肉泡菜等。職員教我們先下蛋漿再下配料。我們一邊做一邊吃，大概也做了九個小薄餅！比起平時在餐單上一個大煎餅，這款小薄餅更適合我們女生的胃口呢！可以一邊吃一邊玩，味道也是很不錯的！真的是韓國街的驚喜喔！

好耐冇食韓國嘢啦，今晚去到金巴利道搵間韓國嘢食先～ 最後決定再食呢間Angry Oppa～ 餐廳細細，但氣氛同食物唔錯～迷你大醬五花肉熔岩比薩 $90我哋怕叫大Pizza食唔晒，所以叫咗兩個迷你Pizza～ Pizza焗得好香，熱辣辣～ 原來一咬落去裏邊係充滿芝士，芝士迷一定要食，配上大醬同五花肉，味道唔錯，一人一件啱啱好👍🏻😋牛肉湯鍋$99係用熱鍋上，煮熟材料，牛肉切成薄片，仲有好多配菜，幾清新健康，湯唔算好濃，味道好好👍🏻泡菜芝士拉麵$85賣相非常好，有好多配菜同埋芝士，加上半熟蛋，口感一流🤤 又滑又好味，拉麵都幾彈牙，味道香濃😋泡菜韓式醬牛肉煎餅$158份量好多，而且煎餅好厚身，唔會好多油，泡菜唔算好辣，韓式醬牛肉甜甜地，整體味道好好😋餐廳一播放住韓文歌，氣氛好好，食物質素亦係好好，而且仲有韓國Oppa嘅招呼，值得再去😝

一群朋友聚會，因為有人說要吃Pizza，就選了尖沙咀的Angry Oppa Restaurant & Bar。點了Lunch Menu中的菜式。先來個韓式牛肉飯($78)，牛肉調味鹹中帶甜，送飯一流，但白飯則有點硬及乾。泡菜芝士拉麵($58) 其實就是辛拉麵加泡菜加芝士，味道正常可想像，沒甚驚喜。最後當然要了Pizza，配料選大醬五花腩($108)。餅底鬆化，有芝士心，而豬肉鹹鹹也有味道。不過不知是否因為Lunch Menu，Pizza未有如介紹的瘋狂拉芝。這店一直播K-pop，讓友人經常聽不到對方說話。

韓國料理真係百吃不厭，假期出左去尖沙咀有活動，完咗去搵Angry Oppa 就喺金巴利道。 中午時分人流唔算太多。魚糕拉麵$85橙橙哋色嘅湯底帶少許辣， 味道唔錯， 趁熱打勻隻生雞蛋, 令湯底更濃郁更滑。魚糕薄片有6，7塊， 煙韌有魚味索滿湯汁，仲有數件韓國年糕， 拉麵唔會太腍好煙韌。韓式鮮蜆湯$138湯底好鮮甜，大量洋蔥絲蘿蔔絲， 鮮蜆比較細隻， 還好沒有沙， 湯裏面仲有幾塊年糕架！迷你微辣大蝦熔岩pizza （$90 有2小個）唔係好想食 一個pizza嘅份量， 店員介紹咗可以試吓個迷你pizza。 点了微辣大蝦熔岩pizza，等到最後才上， 應該係即叫即做。 芝士熔岩真係做得好融，咁細個pizza也極有拉絲效果， 熱辣辣又香又軟熟， 配上焗得脆脆嘅外皮，滋味呀！ 大蝦肉質爽, 配咗韓國嘅辣醬, 可帶出蝦嘅鮮味但稍嫌多会搶味。迷你Pizza 份量剛剛好一人一個😃， 滿足想食芝士但又唔食得多嘅人。韓式醬牛肉韭菜煎餅$158依度既煎餅我覺得做得非常出色， 不愧為知名煎餅專門店。 韓式醬牛肉甜甜地，肉碎唔會乾，佢嘅韭菜好嫩帶甜， 餅皮外層煎得香脆裡面又有蛋香，麵粉層厚薄適中， 配合韭菜牛

今日同家人出尖沙咀行街食飯，去左韓國街那邊搵食，經過見到好多間，最終就簡左angry oppa，入到去雖然細細間，但店員服務很好！韓式鮮蜆湯 $138好鮮味的鮮蜆湯，蜆肉粒粒新鮮，有蜆肉仲有年糕、洋蔥等等既配料👍🏻好味道😋😋😋泡菜炒五花腩 $108泡菜是自家製，好夠味道又新鮮，唔會特別辣；五花腩整得十分入味，肥瘦均勻😋😊吞拿魚金便當 $129.9好清新的吞拿魚便當🍱好有番學帶飯的風味，用料很新鮮，很韓式風味，食落很開胃又美味可口，正呀👍🏻Soju $72食韓國野點都要學韓劇的主角點番枝soju飲下，去配食韓國的菜色，很有身在韓國的風格😆

之前睇過大台介紹， 知道呢間韓式小店出名食芝士熔岩pizza。 喜歡試新嘢嘅我，選擇先食飽飽，再去尖沙咀睇燈飾。本身對pizza不感太大興趣嘅我，點咗小店出名嘅年糕pizza， pizza如其名，果然充滿熱騰騰的芝士。 pizza嘅餡料主要有卡邦尼，同韓式年糕，所以口感QQ的 有少少似食緊珍珠奶茶嘅珍珠~~ 幾特別，可以一試!!不過我推介嘅係海鮮青口韓式火鍋呢個火鍋嘅好處十分適合女孩子食， 原因係火鍋湯底嘅蔬菜量充足，而且海鮮亦十分鮮甜， 火鍋配料可自行另外加配，我就加咗一份豬肉同蘑菇。最後仲叫咗一個幾野味嘅泡菜炒豬腩肉， 不過泡菜多過腩肉，而且腩肉嘅肥膏比較多總括而言， 小店嘅服務非常好，雖然繁忙時間人較多，而且店內的服務員只有一至兩位，(因為我唔小心打瀉咗一壺開水都無黑面)