another hound café

Open Now

Now Closed

Southside呢個商場都幾好行，唔會太多人，又多店舖餐廳見到有間泰式cafe，原來係Greyhound副線‼️而家仲有85折添🍵「大頭蝦冬蔭功湯」食泰國菜一定要飲冬蔭功湯，大頭蝦完全係焦點，好大隻，口感爽彈鮮甜，不過個人對椰奶唔係特別鍾意，如果多啲香茅，少啲椰奶會更好～～🥗「鮮蝦牛油果沙律」因為見到有牛油果🥑 所以吸引左我，當吸到嘅時候，見到咁GREEN嘅心諗瀨嘢……抱住無咩期望食，竟然有驚喜Dressing好好食，有微微嘅芥末味去提味，又有creamy口感嘅牛油果香，配火箭菜係好夾，呢個沙律好岩我口味「泰式豬肉炒河粉」鑊氣十足，一放低已經聞到好香❤️粗身河粉非常Q彈，材料好足，好快已經KO哂成碟🍹「Passion Fashion」熱情果味道好強烈，但又唔會好死甜，應該係有lime juice & mint neutral左，味道剛剛好又可以解渴

帶位及埋單男侍應服務態度極差，佢應該希望無人入去間餐廳食。柚子沙律唔好食、 柚子好乾，沙律無汁。蟹肉飯，味道不錯，不過偏貴。菠蘿炒飯，Ok。燒和牛飯，牛肉幾好食。不過下次唔會去，因為個男侍應真係趕客。

本來中午兩個人放Lunch開心到店裡想豪食，點知接待既係一位帶口罩的中年男人，用煩躁的聲音求其叫我地坐。中午Lunch Set特別點了蛋糕，最期待就係百忙中享受佢，點知食完叫左好耐先上了一塊蛋糕，另外一隻蛋糕又要再提佢先識再上。上蛋糕時完全無叫我地選擇咩口味 然後問都唔問個叉叉左入去。 埋單既時候見到檯邊有好多唔同味但同樣價錢既蛋糕（綠茶，泰奶，etc) 問佢我：「套餐係唔係其實有得選擇其他味既蛋糕？」男侍應：「咩啊！！！？」我：「我指蛋糕 係唔係套餐可以選擇口味」男待應：「係係係係係！！！」態度非常之差 首先一開始唔知道有其他味道 所以以為Menu上所謂蛋糕就固定一隻味，到埋單問佢又問非所答。

5個人坐低, 枱面只有叉同湯匙, 可能諗住個個都叫set 所以無俾碟, 明既。到我地order 完, 因為全部都係share, 想問拎碟 揮左手好耐先有人應。當時好似只有3,4個侍應serve 全場 完全唔夠人手。其中一個男侍應帶住口罩 態度勁差。我問佢個手機app 落單點㨂set, 我一路講 佢一路好惡咁啤住我, 真係啤, 跟住我講完 佢一粒聲都無出 都係勁惡咁樣 好大力篤我個電話mon (當時我手拎住 差d 跌左), 去到果一頁, 佢都係一句聲無講過 就咁用食指指住我個mon, 啤實我 跟住行左去。全程嗯都無一聲, 好似我好阻住佢咁。到埋單 我地起身問左聲, 係咪出去埋單? 佢勁燥 好大聲咁講左 4次 "係呀係呀係呀係呀", 連隔離枱都嚇親。其他侍應係正常既。價錢都中等 唔算好貴野食一般 唔特別好食 但唔難食。冬陰公湯上枱時係出煙 但飲落係凍既, 我估計因為佢用個好大既碗懶靚咁裝 但個碗係凍既 所以一上枱即飲已經凍晒。 蠔餅煎得好, texture 係好既, 但完全無味 好似無落調味咁。蟹肉炒飯出色 乾身 好味。公司係附近, 成日都去呢個mall 食飯。不過因為呢個侍應 我以後都唔

The Southside 應該是南區最大的商場，作為南區人當然要去行返個圈。是日睇完戲就即場搵個地方食晚飯，挑選了Greyhound旗下的another hound café。環境寬敞舒適。鮮芒果酸辣鳳爪鳳爪去骨，味道酸酸辣辣，加上香甜鮮芒，更為開胃～酸辣火山骨酸辣火山骨的湯滿充滿蒜頭、荽茜及檸香，辣度非常小，喜酸的我喝了好幾碗湯！豬骨肉瘦脂肪少，吃上來非常香口。海鮮冬蔭公炒螺絲粉螺絲粉掛汁力十足！沾上濃厚的冬陰汁，開胃又惹味!海鮮份量亦十足！有大蝦及帶子！泰冰爽原隻椰子沙冰打卡一流！椰子味濃，不會太甜，不錯！

原來southside都開左another hound!!菠蘿海鮮炒飯呢個炒飯真係好正！炒得香噴噴，米飯粒粒分明，海鮮新鮮，菠蘿嘅甜味同海鮮嘅鮮味交融，帶出咗一種清新嘅口感。#馬莎文甜咖哩牛肉牛肉煮得剛好，軟嫩入味，搭配咗香滑嘅咖哩醬，真係好下飯。最正嘅係，佢哋嘅咖哩味道有層次，唔單止係甜，仲有啲微辣，食完令人回味。泰式蠔仔煎蛋配甜酸醬蠔仔鮮美，煎蛋外脆內嫩，配上甜酸醬，味道正好，可以中和啲海鮮嘅鮮味，作為開胃小食非常合適。大頭蝦冬陰功湯呢碗冬陰功湯真係唔可以錯過！湯底濃郁，香料味十足，蝦大隻又鮮甜，仲有香茅同青檸嘅清香，飲落去非常開胃。辛辣程度適中，唔會太過刺激，適合大多數人享用。

點咗個 雞肉菠蘿炒飯，作為午餐，嚟到嘅時候，買相好吸引！第一啖即刻試吓個雞肉，鞋到阿媽都唔認得，醃得好鹹！仲要裏便送咗舊魷魚圈俾我，估計係隔籬枱同一時間點咗海鮮菠蘿炒飯，啲料唔覺意跌咗落我度，不過個魷魚圈淡而無味！但食落啲飯就好好味，炒得啱啱好，仲有鮮菠蘿！正！如果可以揀走肉，我一定會揀菠蘿素肉飯！不過可惜冇得揀，只可以撩走啲雞肉，食其他材料同個飯！值得一讚，signature嘅凍檸茶，好好飲，除咗本身檸檬同茶嘅味道，仲隱約有一陣香味，不過我講唔出係咩味道！呢度地方闊落，都坐得好舒服！

Another hound cafe 位於黃竹坑新開於大型商場Southside 內，商場內不同食肆開始成型，吸引不少同區甚至外來遊客。它是出名精緻泰國菜Greyhound cafe 的副線，餐廳裝潢時尚，空間感十足，連餐牌都很精緻。鮮蝦牛油果沙律一看已經覺得放得太多沙律醬，多到睇吾到鮮蝦和牛油果，食落亦好膩，連食材味道都吃不出來。脆炸蟹肉粟米餅配酸甜汁一客五塊，剛炸起所以香脆可口，最重要入口不油膩，可能加左粟米粒，感覺冇咁邪惡；加埋酸甜汁令味道更多變化。菠蘿海鮮炒飯超喜歡原個菠蘿上，份量十足，海鮮用料不少，菠蘿粒也非罐頭貨，飯粒不會太濕，很易入口；淡淡的薑黃味是亮點，更添泰式風味。綠茶千層蛋糕可能放得耐了，連抹茶cream 都雪到硬晒，如果晚上想吃甜品，建議可以試吓即整大路甜品芒果糯米飯之類。整體來講食物有改善空間，價錢可以接受，環境完勝😃👍🏻

上次嚟呢個商場，啲舖頭都未開，今日再嚟，發現多咗好多新舖和餐廳。用手機影二維碼落單，簡單方便。🌱Fruity Shaky Yogurt呢杯健康飲品有菠蘿、蘋果、橙和益力多製成，酸味和果香味多啲，味道微甜。而紙飲管夠實淨，唔會飲飲下就溶。🌱炸蝦香芒米紙卷炸蝦香脆，脆漿唔厚，米紙卷口感煙韌，芒果清甜，牛油果嫩滑，沙律菜，醬汁甜甜辣辣。🌱脆炸蝦餅蝦餅酥脆，蝦肉味道濃郁彈牙，外面仲有九層塔點綴🌱泰式河蝦冬蔭功湯河粉冬陰功湯酸味多過辣味，仲有陣陣香茅味，味道不錯，而河粉形狀一片片，口感屬微軟身。🌱泰式柚子沙律柚子清甜唔苦，加左炸魚仔、椰子絲和花生，香脆可口。生菜新鮮爽脆。呢間餐廳有泰式風味，而味道自然，正合我心意。

The Southside不定時有新餐廳開幕，Another Hound是其中一間，Another Hound主打泰菜，是次點了以下菜式：🍽單骨雞翼味道一般，炸得過火，有點硬。🍽豬肉丸河好味，有泰式湯河風味。🍽啖啖蟹肉飯好味，想食多啲飯。🍽泰式海鮮意粉好味，但偏辣，怕辣的人未必適合。🍽雙重炸魚餅正常發揮。🍽泰式肉碎飯味道一般。🍽栗子千層蛋糕，綠茶千層蛋糕味道一般，無驚喜。

黃竹坑新商場THE SOUTHSIDE一開幕已經人潮洶湧.當中Geyhound 副線「another hound café」亦進駐其中.裝修簡潔有格調,除主打泰式菜外亦融合多種西餐菜式.多心朋友😏單單睇餐牌都用了十多分鐘~🔸招牌脆炸單骨雞翼($68)🔸泰式炸魷魚仔($98)兩種小食惹味脆口,魷魚仔配上紅綠椒及椒鹽. 雞翼香脆,單骨亦方便進食🔸泰式蠔仔煎蛋配甜酸醬($118)大大一份,雞蛋皮煎得金金黃黃.用鐵板盛著,内有芽菜及蠔仔🔸啖啖蟹肉黃咖喱飯($148)🔸Roti Bread($28)黃咖喱濃稠,配上雪白蟹肉,非常好送飯.醬汁挺多,忍不住多叫一份煎餅🔸泰冰爽原隻西瓜沙冰($78)🔸Innocent Voyage($52)用小西瓜承載非常可愛,啖啖西瓜冰,夏天透心涼.而另一杯Mocktail用西柚,菠蘿及橙打造,非常清新!

今天和友人去完主題公園後，友人提議去黃竹坑的一個商場吃飯，我們見到這裡食泰國菜，一見泰國菜我們想不用想就入去了。入到去環境都相當寛敞時尚，入座時雖然還很早，但已經有好幾枱人，入座後就當然看看有什麼好東西吃啦，這裡是用ＱR Code落單的，都很方便。大頭蝦冬蔭公湯，份量都幾大，可以兩個人叫一個，冬蔭公酸辣適中，裡面還有很多蘑菇，味道較得很好，大頭蝦都很大隻，肉質結實，筫素不錯。啖啖蟹肉奄列，奄列都算大份，奄列煎得很香，很有蛋香味，裡面充滿著豐富的蟹肉，真的啖啖蟹肉，和奄列一齊吃很有口感，非常好吃！泰式炸魷魚仔，裡面有很多魷魚，炸得很香口，魷魚吃上去又不靱，加上香料一起，佐酒一流！泰式柚子沙律，裡面除了柚子，還有花生，魚仔乾和炸過的椰絲，入口香甜，花生，魚仔乾和椰絲都很香脆，和柚子一起吃很好的配搭，魚仔乾有一種畫龍點晴的效用，椰絲梗加錦上添花，非常好吃可口。，特色小食拼盤，一上枱已經很震撼，用一個很大的藍子盛載著，裡面有春卷，蟹餅，魚餅，芋絲餅，炸魷魚圈和炸雞翼，每樣最少都有兩件，還有一些菜和薄荷葉供人客配搭，春卷很香脆，蟹餅很大件，裡面全是蟹肉，很飽肚，魚餅加香料造成，很香，很有泰國風味

說話已經吃過 🇹🇭𝐆𝐫𝐞𝐲𝐡𝐨𝐮𝐧𝐝 好多次了🌟，原來這間𝐀𝐧𝐨𝐭𝐡𝐞𝐫 𝐡𝐨𝐮𝐧𝐝 𝐂𝐚𝐟𝐞曼谷泰菜品牌，最近在黄竹坑的 𝐓𝐡𝐞 𝐒𝐨𝐮𝐭𝐡𝐒𝐢𝐝𝐞開設新姊妹店，當然要去試試啦～【 泰式糩牛肉牛丸米粉🥩 $𝟗𝟖 】這個泰式米粉真心高質呀!!! 湯頭濃郁入味，濃濃的牛香，米粉吸滿湯汁，牛腩軟腍，牛丸彈牙，好吃。【 豬肉餃子配生菜包🥟$𝟔𝟖 】豬肉餃子炸得香口，用生菜和薄荷葉包，更有風味。【 特色小食拼盤🥢$𝟏𝟗𝟖 】小食拼盤好豐富，有蝦餅、魷魚🦑、雞翼、魚餅、芋頭餅等等，好多款式。【 泰式咖喱沙嗲串🌟$𝟖𝟖 】沙嗲雞肉串都不錯，雞肉彈牙，沙嗲醬微甜呀。經理和服務員都好有善，值得讚賞呀•🍽️ 𝐚𝐧𝐨𝐭𝐡𝐞𝐫 𝐡𝐨𝐮𝐧𝐝 𝐜𝐚𝐟𝐞́🗝#黃竹坑 𝐓𝐇𝐄 𝐒𝐎𝐔𝐓𝐇𝐒𝐈𝐃𝐄 𝟏樓𝟏𝟎𝟏號舖

約了朋友去南區晚飯，自從黃竹坑Southside商場開了，去的次數多咗，今晚揀選泰國菜。Innocent voyage 橙，西柚，菠蘿清香，清甜，夏日炎炎最佳飲品。泰式柚子沙律清新開胃。加入了炸魚乾，鹹香滋味。泰式沙嗲雞柳串惹味十足，雞柳口感軟熟。沙嗲醬是靈魂所在。另有蔬果串，可減輕肉嘅膩感。炸蝦香芒米紙卷米紙透白，煙煙靱靱。炸蝦，芒果，沙律菜，最佳拍檔。泰式炒通菜鐵板上，熱呼呼，飄來香味。非常爽口，少少辣度增添食欲感。

以前我仲喺黃竹坑工作時，呢個地方係無咁多美食既選擇，但現在開左The Southside 之後多了選擇。第一次到訪新商場裡的就係呢間泰國菜。店裡既環境同色調就好似我平時影相後調出來既色，有灰有啡，小學同學來到亦好喜歡這種泰式風味小清新空間感。我地既頭盤是signature 的粟米蟹餅，外脆內軟，粟米清甜，口感豐富。主菜是串燒豬肉配香飯、黃咖哩蟹肉燴飯。黃咖喱香甜而不辣，好啱送飯，啖啖都是幸福的感覺。最後是肉碎爆炒豆角，簡單的材料但炒得很有鑊氣，我同小學同學都一致對呢個炒豆角有滿滿既大愛！呢度唔一定要食個大大豐富既飽肚晚餐，甚至happy HR 食下小食同串燒一樣不錯。