Video
5-min walk from Exit A1, Fanling MTR Station
continue reading
Telephone
34829688
Opening Hours
Today
06:30 - 23:00
Mon - Sun
06:30 - 23:00
Above information is for reference only. Please check details with the restaurant.
近些日子，需要北上工作時，我總會在上水或粉嶺停一停，找個好地方食早餐。這兩次，就選擇了在粉嶺落車，貪個充滿早餐店既商場就在車站旁，夠方便。不過，當我行到入商場，我被一個路牌吸引到了，說是連接祥華邨的天橋。原來一出去，就是祥華邨的冬菇亭。我見《雅景餐廳小廚》充滿了人氣，就決定來拜訪了，而且一黎，就黎左兩次。這是一個真正獨立屋的冬菇亭式大排檔，如今，這類型的屋邨食肆，已經是買少先少。所以，每一次來，都有一個令人懷念90年代的感覺。第一次來，已經發現這是一間包包羅萬有的茶餐廳。有香港式的公仔麵餐，扒餐。有粥品，有點心，更有盅頭飯。單是早餐，已經會令人覺得花多眼亂。第一次來，心只想快快趣食個麵再北上，所以我點了一份雞扒蛋麵。沒想到，公仔麵的湯底，是一個蘿蔔清湯，仲有大大舊蘿蔔助陣。而雞扒是煎到脆皮的出品，醃得入味，配合2全熟的煎蛋同爽口的麵條，可真是一個好質素的公仔麵餐，自己未必煮得出這質素。另一次北上，又選擇停在這餐廳用餐了。上次，眼見鄰檯的一盅兩件，搞到的心思思。而這也是我決定再訪的主要原因。這一次，我就叫了一盅鳳爪排骨飯。然後，店員端出來的蒸飯非常之特別。因為有排骨，有鳳爪之餘，仲有好好味既 "味菜"，即是咸酸菜。因為有咸酸菜，令本來已經食慣的排骨飯味道，增添一種好獨得的味道，直接令到個飯更香，更味美。而且細細盅的飯，剛好夠一個人早上的能量需要。兩天的早餐，我都要一杯靚靚的熱奶茶。雖然，說不上是滑，但勝在夠濃，也充滿了茶味。沒花假，是一杯可以令人精神爽利的一杯早餐茶。很開心，很好味，又好親切的早餐。眼見來者，都是多年的街訪。幾乎人人入到來，店員大媽都叫得出名字。頓時感覺到，這餐廳，多了許多分的窩心。
continue reading
好食冬菇亭茶記係以前冬菇亭的感覺啊😍今次呢間茶餐廳地點好近粉嶺火車站都算方便嘅，雅景餐廳小廚之前食開午市，早餐今次真係第一次來食！坐底就好快揀左個豬扒煎蛋米食豬扒煎炸好香口，唔柴唔乾身👍🏻另外煎蛋我叫左熟DD，唔會過熟，有蛋香米粉無特別整體合格有突啦！🤤仲有火腿奄列同牛油餐包跟👍🏻再黎多杯回魂奶茶🤤😍💦環境夠冷氣 好舒服的，一開始坐風口位要求換位，靚女都好好服務幫我跟進👍🏻👍🏻👍🏻
continue reading
去食早餐啦！雅景餐廳小廚就正正經過粉嶺火車站附近，返工叮點都要去食一下沙嗲牛肉米線41$沙嗲香濃美味嘅，幾好食的🤤跟左個火腿奄列同牛油餐包，一杯熱奶茶個奶茶真係要讚！香滑係基本啦，一上枱嗰下係勁熱的，奶茶一定係飲熱，啲茶香奶滑出矖黎👍🏻🔥👍🏻🔥就係茶餐廳標準，份量足夠！有室內外，室外坐位寬敞 👍，還有戶外傘之擋太陽，日間坐得非常舒服👍下次可能下午時間去hea，推薦推薦🤤👍🏻🤤👍🏻
continue reading
放假決定留港消費，真係要多啲幫襯香港嘅餐廳，支持一下！今日去咗位於粉嶺祥華村冬菇亭入面嘅雅景餐廳食Tea，下午時間簡簡單單叫咗一個咸牛肉炒蛋厚多士，飲品叫咗杯熱奶茶。鹹牛肉炒蛋，厚多士份量十足，厚多士都真係幾厚，炒蛋蓬鬆柔嫩，與鹹香適嘅牛肉巧妙融合，每一啖都好滋味，厚多士外層烘烤得好香脆，內裡保持著綿密嘅質感，恰到好處。多士吸咗炒蛋與鹹牛肉嘅精華，相當美味。呢道真係經典港式下午菜令人最滿足之一，滿足感滿分。飲品方面，杯熱奶茶好香滑，茶香十足，成個餐都係30幾蚊，呢個價錢相當抵食。大家多啲一齊支持香港嘅小店，振興香港經濟！
continue reading
細細個成日去冬菇亭🍄食嘢，雖然已經冇乜熱辣辣大排檔🥲，但轉成有冷氣❄️嘅餐廳都坐得好舒服😉。前幾日去粉嶺祥華村嘅雅景餐廳小廚食下午茶，咸牛肉炒蛋厚多士🥪 + 熱奶茶☕️， $36 都算抵食，個炒蛋夠乾身🍳，咸牛肉🐄份量都 ok，厚多士雖然唔係好厚，但有烘底，少少烤香＆有煙韌感👍🏻奶茶有茶甘味🤗🤗，呢個set真係我嘅 comfort food😃😃。下午茶時間唔多人，可以慢慢嘆，慢慢食👍🏻。
continue reading