亞萊泰 (T Town North)

Open Now

Now Closed

呢排都嚟過幾次，發覺啲下午茶餐幾好味😋 今次又嚟，順便留下食評💻泰式豬扒湯河，個人喜好，我一定要走芽菜，仲要加好多好多青檸魚露，夠晒開胃。豬扒肉質鮮嫩，並沒有煎到好乾身，湯底有點像雞湯/豬骨湯，比較清，不太濃，吃後不致太口渴。還配上少許炸蒜，作點綴。可能是下午茶關係，海南雞飯切左近雞翼位置，肉不太多，比較多骨。上次午餐時叫的海南雞飯，就切脾位，當然，價錢也比較貴一點😌串燒豬肉味道一流，醃料好入味，肉質夠淋，加上傳統沙嗲醬，超正。反而，串燒雞肉，比較乾身，有點失色。最失望的應該是「西多士」，同奶醬多無分別，仲要收30幾蚊，西多士沒有傳統的厚度，難道泰式西多士是這樣的嗎？！ 下次一定唔會叫😡

我很喜歡吃泰菜，可惜天水圍的泰菜餐廳寥寥可數，T Town這間泰國餐廳自開張以來，我不時光顧，今天又和媽媽一起吃了頓令人滿意的午餐我點了春卷雞扒撈檬，醬汁酸酸非常開胃！春卷好味，內裏用粉絲為餡，加上不同香料，充滿東南亞風情，媽媽亦讚不絕口！雞扒煎得香脆入味，相信事先醃了一段時間，沒有雪藏味，值得加分媽媽點了滷水豬手拼海南雞飯，豬手很稔，入味非常；海南雞亦充滿雞味，配上三種調味料各有千秋～喜歡這裏的柯華田，沖得很夠味，落足粉，亦加了淡奶

亞萊泰依間野價錢就一般水平啦，但如果計埋佢個食物水平就完全唔得，唔可以食用。最近去左食，叫左1條特價泰式鳥頭、菠蘿炒飯、生菜包同黃咖哩蟹肉蒜蓉包。首先講條鳥頭，得個酸字同青檸味，冇咩特色，d鱗又未清好，98蚊都俾多，完全唔好食。第2生菜包，d肉好多都係肥豬肉，同埋味道偏酸，好難食。第3黃咖哩蟹肉蒜蓉包，個蟹肉份量都ok，但蒜蓉包基本冇咩蒜蓉，只係一塊普通焗過既多士，咁就收138蚊，真係呃錢。第4樣菠蘿炒飯味道正常，算係4樣野比較正常個樣。唯一比較可取係依間野唔收加一，但都係一次無回頭。2個字難食。味道:2環境:3.5態度:5 性價比:4總分: 14.5評級: E+(極度惡劣)

I like the breakfast and dinner here. Usually for breakfast, I will have an instant noodles with Tom Yum, along with a fried egg, sausages, toast and a hot drink. This set cost less than forty dollars. Dinner offer set meals and they usually have better prices. I like the curry crabs and seafood there. Their salad is a must-try as well. The decorations inside the restaurant is special and pretty. They even got a single room for you to have personal gathering so that you can have a room all by yo

天水圍好少可有泰國餐廳，呢間一開張果陣大排長龍，依家靜番好多。我地食左兩樣野，菠蘿海鮮炒飯同埋鮮魷沙律。個炒飯份量幾多，面頭有蝦同魷魚、肉鬆、青豆等等，味道偏甜，炒得唔係好香。魷魚沙律好多西芹，有小小渣，都係不過不失。

喺正屋企樓下，平時晚餐都好抵食，例如：$6x有條泰式明爐魚。而家仲有個外賣雙拼晚餐，對於正常胃口嘅人份量剛剛好。$68有一款飯（有泰國豬手/海南雞/咖哩牛腩）一款小食（有青木瓜沙律/酸辣鳯瓜/串燒），仲有湯同飲品吖！我前後食咗三日，第一次食$68雙拼餐。侍應姐姐唔記得俾支泰式奶茶俾我！第二次再叫一個$68雙拼餐，再點一個咖哩蟹肉配蒜蓉包。蒜蓉包真係靈魂所在，好香好脆口。不過咖哩係屬於唔辣，愛好食辣及椰香嘅朋友請跳過這道菜。第三次叫了兩份餐，青木瓜沙律雖然唔算好足料，但味道係冇影響，一樣有家鄉味。你見我餐餐都叫海南雞及酸辣鳳瓜，就知道更係好食先至餐餐有份喇！唯一要彈一定就係嗰隻海南雞醬，好難食，成唚跌打酒咁。。。。

天水圍比較少有泰國餐廳 另外一間又屬於貴嘅 味道方面都唔錯架 冬陰功味道好接近泰國 仲有兩隻大蝦添 仲有串燒都幾好食 個汁好好味 另外小食併盤都好抵食啊 不過咁多味菜 我最中意馬拉盞通菜 都真心好好食 有機會來天水圍既朋友 可以試試啦

下晝入去食個lunch，包杯熱飲，合計$56。個份量幾夠，難得炒得個烏冬幾乾爽，唔油，加上落左啲香葉，起到牛肉嘅香味，食得過🤓就算呢排疫情關係，枱數量有限，我一個人入去食都唔洗搭枱，幾好

嚟天水圍做嘢，做完之後冇乜特別事，食一個遊閒早餐跟住出返去，行過呢度諗起好耐冇食過泰國菜，一於試吓歐陸早餐，選擇款式比較多，一早想食得豐富一點充實充實一下，慰勞晨早起身辛勤工作既自己，魚柳大件厚肉唔會散，魚肉外脆內juicy，唔腥滑溜有魚紋，茄汁焗豆正常，薯仔栗米什果份量足，喜歡多汁人士大愛，厚多士脆脆香口有麥味，個人喜好搽沙律醬比牛油出色，薯餅脆到一切清脆聲脆卜卜，以份量嚟計無得輸，好充實既一餐

今天心情大起大落，所以晚餐想食餐好，見到亞萊泰有明爐烏頭做特價，飲品仲要買一送一，就決定係度開餐，泰菜一直都係我同大人的首選餐廳好闊落，唔駛等位，我地在側邊卡位坐下，侍應奉上剛從滾水拎上來的餐具，感覺好清潔乾淨！買一送一真係好抵飲好多選擇，杯杯都好吸引！2人入座，可以揀一款(星期六日公眾假期+$10)，當然要揀明爐烏頭！飲品先到。奇亞籽椰汁涼粉冰：奇亞籽咬落得意，椰汁香滑，涼粉好食，100分！珍珠奶茶：奶茶好飲，但珍珠痴埋一堆，要扣d分。重頭戲：泰式青檸蒸烏頭(選左少辣)聞落好香好正宗，肉滑，有骨但正常唔算多，條魚亦都唔算細條，整體非常唔錯。唯一要扣分，就係魚尾部分比較多魚鱗，清乾淨d就完美了香芒蟹肉炒飯，算大碟，芒果唔酸，可惜蟹肉唔多。但奇怪地加左咸蛋黃，d味完全唔夾，要扣分。泰國人都唔會落咸蛋黃，唔知個廚師想點？食完，夠飽又滿足，如果唔係咸蛋黃扣左分，今晚呢餐幾近完美。冇加一

T Town 食早餐去亞萊泰因為早餐供應到11:30am，當brunch 食。早餐時段好多人，要排隊拿票，一去到食完早餐的午市時間，明顯人流少了好多。早餐$33，有麵有腸蛋，多士及熱飲，不是貴！而且麵好有誠意，有蔬菜，之後無的，有進步喎！味道就正正常常無特別可言。

由於晚上無堂食，宜家外賣自取六五折覺得好抵，於是夜晚試三樣野。預先打左電話去叫外賣，去到唔洗等~豬頸肉$68，配個甜甜酸酸微辣既醬汁，係好夾！個醬真係一流，少少似魚露，塊塊肉都好厚實，好重炭燒香味，份量都好多下，有十幾舊，好食！無骨豬手$68，好滑好軟、入味，不過偏淡少少。而且都好大舊，好滿足。底下配有些菜墊底。鮮蝦炒金邊粉$68，有四舊大蝦、花生碎、豆乾、芽菜、蛋碎、韭菜、好似仲有少少洋蔥，甜酸既炒粉好開胃，係好味既！三樣野都係$68，都幾滿意，不過最高分我認為係炭燒豬頸肉！點醬食送飯無得彈~~外賣加盒，折左總共$207三樣野，抵食既！有下次呀~而且打去叫外賣，接聽既個位員工好好禮貌，把聲好溫柔同有耐性。

左諗右諗才都唔知食乜好，星期日周圍都好多人，兩個口淡淡想食刺激味蕾嘅泰菜，咁啱通過「亞萊泰」，又見到有啲優惠，就揀咗佢！座位寬敞，夠多卡位，感覺親切！我同我老公分別炭燒泰式豬頸肉、馬拉盞炒通菜、泰式鮮蝦金邊粉同泰式鮮青檸明爐烏頭。店員好細心問我哋碟烏頭要唔要少辣？本人唔食得太辣，就揀咗少辣！馬拉盞炒通菜呢款菜式雖然普通，但要炒到每條通菜入哂味，仲要唔係好鹹，並唔係間間泰國餐廳能夠做到，佢炒到入味之餘，仲要啲菜夠爽👍🏻炭燒泰式豬頸肉啲肉唔夠乾加硬，咬落都有好多肉汁，配埋泰式魚露汁，夠哂風味😋泰式鮮蝦金邊粉～食就前當然要唧啲青檸汁先，帶少少酸加清香，而且呢碟金邊粉炒出嚟有光澤，但食落又唔會好油，炒到條條分明！仲有四隻大蝦🍤正🥢泰式鮮青檸明爐烏頭適逢做緊優惠，$78就可以食到成條，但星期六，日要加$10！份量十足，配上泰式冬蔭公湯汁，惹味夠香！美中不足就係魚鱗太多，如果去鱗乾淨啲，食落都會方便啲！最後忍唔住叫咗杯泰式奶茶同椰汁珍多冰，泰式奶茶如果甜多少少就好啦！而椰汁珍多冰都算Ok,多椰奶！

放假屋企人想食泰菜，就揀左呢間，見到價錢合理咁就試吓。講咗最嚴重嘅問題先，我唔記得呢碟野個名叫乜，但係佢for客人生食嘅生菜上面，竟然有發泡膠粒同死蚊螆。 好彩食前有望一望，竟然有發泡膠粒。隻蚊螆有翼有腳。本身係叫咗呢一碟，佢for客人用生菜包肉丸。呢個係我嗌嘅飯，味道唔差嘅，但係見到發泡膠粒同蚊螆，真係驚d食材無洗乾淨。最後埋單，佢有幫我取消返果碟有發泡膠粒同死蚊螆嘅菜。不過我幾肯定唔會再幫襯。講完衛生，可以講吓服務方面：一開頭侍應落錯單，咁佢有幫我改返單，都係小問題。發現侍應落錯單之後，就有兩碟唔屬於我地嘅野落左枱，因為落完單下一秒就有野食到，我地都覺得好奇怪。同傳菜嘅侍應講左聲，佢無拎返走果兩碟餸，任由個兩碟餸繼續放係我地張枱。我地不斷搵人黎收返，點知佢收返之後直接將碟餸俾返隔離枱...雖然碟餸唔係我食，但係感覺上都好唔衛生，尤其是而家疫情好嚴重，放完喺我張枱再俾返其他人食，其他人又介唔介意呢？

在上水總站搭巴士，總站落，好方便T Town 勁多嘢食，連街市多嘢食。消費力强，有酒舖，不過我無時間入去睇。也有賣長者產品的樂康軒，因附近有專為長者的公屋細細佬食過早餐和下午茶唔錯三人食二人餐，豬手好大份，但無辣醬點解腩肉是燒肉，變了香港式香港式味道無加一我食完等巴士，才記起餐送甜品。我打番去問，是送椰汁官燕，我當然衝上去拎番回家食，是有燕窩，好多也細粒，好過無啦。椰汁唔太甜，不錯隔離居酒人山人海等位，我想試