亞萊泰 (T Town North)

Open Now

Now Closed

間中都會出入天水圍，皆因有我的親友住在這裏，所以前幾天來個郊區一日遊，去完濕地公園，晚上到親友推薦的亞萊泰用膳，原來這裡有正宗泰國廚師，那我們就可以吃到正宗的泰國菜啦！場地非常寬敞，佈置好有泰式風格，傢俬以木及滕的材料製成，感覺輕鬆寫意，環境潔淨舒服。這裡餐牌有多款優惠特式泰國菜，包括咖喱、冬蔭公湯、柚子沙律、泰式小食、芒果糯米飯等，亦有些特價小菜、2人套餐、4人套餐及8人套餐，組合選擇不錯，適合不同數量人士需要。看到最新優惠的二人套餐 $298，食品款式及價錢都很適合我們，所以都選擇了這個餐，套餐包括有泰式小食、湯品、主菜、蔬菜、甜品，可升級優惠加 $10 點指定泰式特飲2杯、加 $50 蝦頭油海鮮炒飯、加 $50 泰式鮮蝦金邊粉及啤酒半價。炭燒泰式雞肉及豬肉串燒，賣相精緻的串燒，見到都好吸引。雞肉和豬肉嫩滑鮮美，陣陣炭燒風味，香脆可口，再配合自家製的沙嗲醬，蘊含粒粒花生，串燒沾上沙嗲醬，非常惹味。陣陣椰子味非常濃郁的泰式椰汁雞湯，亦帶有淡淡雞湯香氣，味道清甜，湯料豐富包括有嫩滑雞肉、秀珍菇、洋蔥、香茅、小蔥頭、椰子肉等，滋潤喉嚨，香甜可口。隻隻都飽滿厚肉的泰式辣椒膏炒蜆，鮮美多汁的

今晚剛好走到天水圍吃晚飯，走到頌富輕鐵站旁的T Town逛，商場都算新淨，連鎖店舖都應有盡有。走到累便選擇了一家泰菜餐廳吃。「亞萊泰」以木色作為主調，帶簡單泰國風裝飾。 餐廳內設有舒適卡位，空間闊落，不會太侷促。餐廳最近都會用高溫消毒餐具，令人很放心食用。看看餐牌，$298的二人套餐甚為抵食，有泰式小食、湯、主菜、蔬菜、甜品和飲品。 泰式小食有炭燒泰式串燒，雞肉及豬肉各二串。串燒燒得香口，調味亦做得不錯，伴上沙嗲汁調味很醒胃，很有泰式風味。沙嗲汁不會太辣，反而帶甜，很易入口。 湯是二選一，有冬陰功湯和椰汁雞湯，是一大碗上的，足夠兩個人份量。泰人大頭蝦冬陰功湯泰式的冬陰功湯酸酸辣辣的，特別開胃，也有2隻大頭蝦，非常足料。泰式海南雞(半隻)半隻無骨的海南雞最適合怕吮骨的我享用，少油不膩，雞皮薄脂肪少，雞肉鮮嫩爽口！另外三個不同調味的配搭醬料也不會陌生，甜豉油質感濃稠，味道甜，很適合用來蘸點雞肉。馬拉盞炒通菜爆香的蒜蓉加入馬拉盞非常香！而這個馬拉盞蝦醬本身不會辣，適合大部人口味，也十分惹味。通菜口感爽，不會太多渣，吃過不停！泰式甜品斑蘭椰汁千層糕清甜，帶有淡淡椰子香。椰汁珍多冰粉條軟滑、椰漿

今日又約左friend 放左工之後係天水圍聚一聚。搬左屋之後，真係好少係天水圍食夜晚飯。因為個friend 話好耐冇食泰國野。所以就係佢公司附近簡左依間泰菜試試佢。咁岩做緊春日優惠，可以用優惠價加上面3款菜式，比起原價平成半，都真係幾抵，我地當然唔會執輸，叫左一份泰式串燒。佢係豬肉串同雞肉串，啲串燒燒得岩岩好。唔會太乾。加埋串燒醬汁👍🏻我地仲叫左個泰式小食併盤。好中意佢份泰式春卷。香口又入味。魚餅都好彈牙👍🏻椰香青咖哩雞鋪頭好細心，啲咖哩係會用火座熱，等啲咖哩可以keep住暖，雞肉好嫩，咖哩唔算太辣。拎黎點印度燒餅，完美😁😁我地仲叫左個冬蔭功湯，但就真係有少少辣，但椰香味都好濃，食得辣嘅朋友仔可以試試。總體黎話，依間泰國菜都唔錯，下次會再同朋友再去食👍🏻

最近無得外遊，想念泰國味道，於是去左呢到食泰菜。每次必點鮮青檸泰式明爐蒸烏頭 $68推介指數 ：***** （5*滿分)魚質嫩滑，配合香料，邊食邊滾。鮮味出晒黎。見呢排做緊優惠價，今日仲Encore，多一round ！鐵板泰式無骨滷水豬手$58 推介指數 ：**** （5*滿分)豬手煮到好淋，好入味。無骨淡淡肉，配啤酒一流！蔥油餅$30 推介指數 ：***** （5*滿分)唔想食白飯，但係點都要有啲主食，於是嗌左蔥油餅。上枱嘅時候仲係熱辣辣，非常酥脆。

朋友介紹呢間泰國菜抵食，性價比高。嗌左4人套餐。$768有齊小食，湯，主菜，蔬菜，飯，甜品同飲品。泰式小食拼盤（細）大頭蝦冬陰功湯（大）用爐上菜，誠意十足，椰汁味濃，仲有2隻大頭蝦添。至尊泰式海南雞（大）雞肉嫩滑，有雞味。青咖喱牛腩惹味，最啱送飯飛天炒通菜無渣，炒得幾香口原個菠蘿海鮮炒飯抵幾多配料泰式甜品拼盤（6件）及芒果糯米飯糯米飯煙煙韌韌，推介椰汁紅豆冰x2 涼粉冰x2值得一提，餐廳不停用滾水浸住碗飯，可以更安心食用

今日同屋企人去咗天水圍食泰國嘢，呢間餐廳環境都唔錯，見到佢哋門口放咗幾個大煲，原來係煲滾啲熱水，用嚟消毒餐具同埋碗碟！今日同屋企人去咗天水圍食泰國嘢，呢間餐廳環境都唔錯，見到佢哋門口放咗幾個大煲，原來係煲滾啲熱水，用嚟消毒餐具同埋碗碟！大頭蝦冬陰公湯一向都鍾意飲冬陰功湯！開頭飲落酸酸辣辣好開胃，飲多幾啖愈飲愈辣！好正！大頭蝦好大隻，味道好鮮甜！泰式菠蘿海鮮炒飯呢個炒飯係原個菠蘿上，賣相已經好吸引，有勁多海鮮做配料，個飯炒得好香！好好食！泰式海南雞隻雞好肥美！雞肉好嫩滑，三隻醬汁各有不同，我比較鍾意酸甜味既醬泰式檸檬蒸烏頭我地叫左少辣，條魚有淡淡嘅檸檬香味，魚肉好鮮嫩好滑！青咖喱牛腩配薄餅薄餅薄餅配咖喱真係絕配！馬拉盞炒通菜個通菜好大碟，炒得好野味芒果糯米飯糯米飯好軟熟，個芒果都好甜！椰青食泰國嘢一定要飲椰青，個椰青好清甜呀！龍眼冰唔算太甜，好飲！

自從肺炎出現後，每日都喺屋企食外賣或煮飯仔。見近期確診者數目無增長，終於捨得出去呼吸吓新鮮空氣。第二次嚟亞萊泰食晚飯，呢度定期都會推出特價菜式，價錢最少平1/3，相當抵食。因為疫情影響，餐廳亦有供應優惠價小菜外賣自取，但一場嚟到我哋都係選擇堂食。春日優惠$40，表面燒得金黃微焦，厚實鮮嫩，唔係柴皮串燒。塗上蜜汁燒成，不需額外調味已帶甜香，兩者比較之下豬肉串更為出色。肥瘦交雜，口感近似台式豬肉乾，稔滑而又有咬口。豬頸肉比一般餐廳大份，有一隻半手掌長，肉質爽嫩，入口帶油香，又唔會覺太膩。伴碟醬料食落帶魚露香，又帶微辣，蘸配食用更香口惹味。本來想點明爐烏頭，但朋友唔食魚，最後決定點呢道沙律，佢食青芒我食魚盲鰽裹上薄粉炸香，盲鰽本身肉不多，經油炸後連骨食更有份量更香脆。醬汁酸甜醒胃又夠辣勁，青芒絲比柚子或木瓜更爽脆清甜，如果再多啲就好啦實物同描述成正比嘅18吋潛艇包，長到影唔哂呀～～～盛滿顏色飽和濃郁嘅咖喱同豐富嘅海鮮配料，魚柳、八爪魚、鮮魷、蝦球，一次過試哂咁多樣海鮮，樣樣爽彈嫩滑，果然不失為「海中寶」。咖喱稠密香甜，美中不足係法包烘得唔夠香脆，又唔夠軟熟，咬落偏韌，只有內圍索滿咖喱嘅麵包比

疫症爆發期間，好多人都唔敢出街食飯，今日行過T town間間餐廳都好靜局好冷清🙈同朋友去亞萊泰食飯貪佢舖面乾淨又闊落卡位又好坐，最岩朋友們慢慢食慢慢傾👍🏼入到去店員會分派經熱水殺菌嘅餐具俾我地👏🏼👏🏼食得好安心💕本身想飲冬蔭公同食串燒，發現個二人餐一次過滿足曬兩個願望🤩另外仲叫左份青木瓜沙律清新下～加10蚊有兩杯咁大杯嘅特飲，個人認為十分超值😆淨係個二人餐巳經擺滿一枱，先講個湯除左味道夠香夠濃用料亦都夠曬豐富入面有隻好大又有膏嘅蝦🤤🤤雞、豬串燒各有兩串，兩款都好惹味，特別係豬肉同個燒汁味道非常夾，而且一啲都唔乾又唔韌👏🏼👏🏼二人餐嘅主菜就係呢個咖喱海中寶兩個女仔食，份量其實有啲多因為下低係個好結實嘅長包面頭就係好豐富嘅咖喱汁同埋好多好多海鮮❤️❤️❤️必食！飲完冬陰功湯又食完咖喱包，有個青木瓜沙律清新下都係一個唔錯嘅選擇💕這一餐非常滿足，亦都飽到反艇🤭

阿萊泰餐廳位於天水圍T town商場。香茅冰和菠蘿冰分別$30，菠蘿冰的菠蘿還挺新鮮，香茅冰我還是第一次喝，清清涼涼的挺開胃。碳燒泰式豬頸肉$88一看豬頸肉表面那層顏色就知道燒得整好，豬頸肉的外圍焦香，但內裏切開還是肉汁滿滿。香烤過的肉地外脆內軟，點上甜甜酸酸的特製醬料，10分惹味。小食拼盤$88有炸春卷、炸魚餅、炸蝦球等，一碟滿足幾個願望，點上泰式酸辣醬，好味到停不下來。蝦頭油海鮮炒飯$88海鮮炒飯本來就已經非常好吃，再加上是用上特色的蝦頭油來炒，更加是美味萬分。飯的份量挺多，兩個人才吃得完。泰式魚露燒鯧魚$148倉魚燒到香香的，魚肉嫩滑，外層香脆，一條魚的份量夠兩個人吃，食過返尋味。如果來到天水圍，又想吃泰國菜的話，這間餐廳推薦囉哦。

這一篇食評寫得有點遲已經是去年8月新居入伙時的入伙餐了一直忘了要寫食評這我們一行6人有預先訂座因為聽說迢家店也蠻多人吃的WALK IN是比較難果然當天我們去到全都被預約好了店內有準備BB椅, 歡迎家庭聚餐前菜我們點了金柚子沙律很清爽醒胃明爐烏頭例牌吃泰國菜必點份量蠻大的肉質也不錯炒菜一碟沒什麼特別哦18寸軍艦咖喱海中寶咖哩不是很辣的小孩也能吃一上枱要馬上吃等久了麵包會變軟沾上了咖喱汁吃真的很滋味泰式海南雞煮得剛剛好, 沒有未夠熟肉質嫩嫩的就算不點醬料也很好吃這個湯羹也好好吃材料很多, 感覺像在吃豌仔翅泰式鮮蝦少金邊粉不會很油膩鮮蝦也蠻多的 芒果糯米芒果甜甜的配上糯米好吃還有幾件甜點附送吃得好滿足總結:保持了此店一向的水準在天水圍區來說可能是偏貴了一點但是食物的質素還是值得一去的。

泰國菜是我喜歡的頭三位，前幾天與好友聚會，隨即選擇了泰國餐廳的亞萊泰，這裡的泰菜特色又正宗，可以讓我們品嚐一下的美食。餐廳裝修雅致，以泰式時尚設計，地方寬闊，座位之間沒有壓迫感，舒適悠閒，這裡享用美食，真的很不錯。我一入到餐廳裡就見到有4個大煲，煲裡盛載著的碗碟、筷子、刀叉、水杯都是正在進行高溫消毒，到我們入座後，侍應細心地向我們說，器皿及餐具都很熱，因為剛剛消毒完，我們亦輕輕掂過，真的非常熱，要待幾分鐘先可用這些餐具和器皿，所以覺得在這裏用膳安全又放心。餐牌裡有多個套餐，包括二人套餐 $298、優惠套餐 $768 四位用、冬日優惠小菜、芒果料理菜式、泰式咖哩炒肉蟹，另有多款不同種類的泰式料理，選擇很多。我們揀了二人套餐，有泰式小食、湯、主菜、蔬菜、甜品，可升級優惠加 $10 指定泰式特飲2杯、加 $50蝦頭油海鮮炒飯、加 $50泰式鮮蝦金邊粉及啤酒半價。炭燒泰式雞肉及豬肉串燒大大片的豬肉串燒，肉質鮮嫩，雞肉不乾身，烤肉香氣四溢，沾上濃濃的自家製沙嗲醬，醬料裡有粒粒花生，令串燒味道層次提升，香濃惹味，口感豐富。泰式椰汁雞湯散發濃郁香氣，椰子和雞的味道甚濃，湯裡材料有秀珍菇、洋蔥、香茅等

與另一半閒逛完香港濕地公園後，便走入了天水圍覓食，另一半想食泰國菜，所以在Openrice揀選了食評不錯的「亞萊泰」！餐廳裝修充滿泰式風情，環境寬敞舒適，店員送上餐具時，又多番提醒小心經熱水燙過的餐具燙手，非常貼心！椰香青咖喱（牛腩）青咖喱除了牛腩外，還加了我喜愛的茄子烹煮，味道香濃而且有少少辣，充滿椰香，配飯真的一流，所以另一半即點了一個白飯😆此外，鍋底燃點着蠟燭，令咖喱保持溫熱，確是抵讚👍🏻金磚四國蒜蓉包咖哩怎能沒有蒜蓉包？！這配搭是我的最愛！蒜蓉包烤得金黃，香脆熱辣辣，蘸上青咖喱同吃真的停不了口，但若蒜蓉味再重點會更好！炭燒泰式豬頸肉豬頸肉烤得不會太乾身，肉嫩爽口，而且是厚切，所以啖啖肉，配同醬汁同吃，真的好味道！馬拉盞炒通菜這是我每次食泰菜的必點菜式，爽脆的通菜配以惹味的馬拉盞烹煮，真是百吃不厭！泰國鮮椰青食泰國菜怎能不點椰青？！椰青冰涼清甜，甜得像加了糖一樣，連平時不太喝椰青的另一半都覺得好喝！菜式尚算色香味俱全，值得回頭幫襯！

夜晚經過見到呢間泰國菜價錢親民，而且性價比高，所以決定晚餐喺呢度解決。呢度二人餐$298免加一，有湯、小食，主菜、炒菜、甜品，加$50 仲可以有一碟泰式鮮蝦金邊粉, 認真抵食椰汁雞湯馬拉盞炒通菜主菜我地簡左招牌咖哩海中寶，其實即係法包上面再配咖喱，而咖喱入面再有海鮮，海鮮有魷魚、魚柳同埋蝦，成個咖喱海中寶都幾大份，同我隻手臂差不多咁長，基本食完都已經飽晒。泰式串燒有4串，配合沙爹汁一齊食更好食。甜品有3款，分別係亞麻籽椰青糕、椰汁西米糕同泰式千層糕近排講究衞生呢度嘅餐具都用滾水不停滾去消毒

武漢肺炎殺到香港， 大家都人心惶惶，唔敢出街食飯，但其實大家都唔使太過擔心，因為其實餐廳都做左好多消毒準備，就好似用Gas爐煲左啲滾水，再將餐具放入滾水入邊進行高溫消毒， 所以我哋用嘅餐具係非常之熱辣辣，根本就唔可以用手去捉碰，病菌當然都生存唔到啦餐廳嘅二人套餐都非常抵食，有小食、湯、主菜、菜同甜品，仲可以加$10有兩杯泰式特飲，唔夠喉嘅仲可以加多$50要個金邊粉或者炒飯添奶白色嘅椰子雞湯椰汁味濃，仲有好多秀珍菇、雞肉同泰式香料添呢度嘅沙嗲醬非常正宗，又唔會太辣，而雞肉同豬肉都非常滑溜馬拉盞炒芥蘭夠晒惹味，但係就會有少少辣加$50就有咁大碟金邊粉確係抵食個法包潛艇嘅長度足足有成張枱咁闊，佢嘅泰式咖喱醬非常正宗，裏面仲有唔少魚柳、蝦仁、墨魚仔用嚟點包一流$88呢款熱辣辣嘅花膠煲都非常抵食，仲有唔少海鮮同粉絲添

天水圍想掃街會去新北江，想坐得舒服又多選擇除咗銀座，就要數頌富T town啦。地下有茶記、糖水舖，一樓有酒樓有火鍋，而二樓就有齊中、韓同泰菜呢間亞萊泰同一般泰菜餐館一樣，沿用暖色調嘅燈光同藤木桌椅，卻無一貫昏暗殘舊嘅感覺，一行入嚟感覺光鮮企理。因為疫情影響，顧客並唔多，但店員嘅熱情態度同衛生意識非常值得嘉許。碗碟餐具長時間以gas爐滾住熱水消毒，令客人食得安心又放心餐廳定時定候都有特價菜式，呢碟鐵板豬手就係其中一道，上枱jarjar聲出哂煙，鹵水味濃郁，未見其貌已聞其味豬手切件上碟，大小均稱易食。豬毛袪得乾淨，豬皮煙韌彈滑，肉質稔軟不肥，鹹中帶甜非常入味。青木瓜沙律以木瓜殼盛上，充滿原汁原味木瓜絲絲絲分明、粗幼均一，新鮮爽甜，配埋香脆嘅花生同辣椒提味，更醒胃。呢度嘅青咖喱偏甜不辣，相信唔好辣嘅朋友都啱食。咖喱質感濃郁稠密，椰香突出，啱哂用嚟送飯送薄餅，而且夠足料，魚柳茄子各有六七件同樣jarjar聲嘅鐵板料理唔係間間泰菜都有供應嘅蠔仔餅，有啲似中式蠔餅，但製法偏向半煎炸，入口更保留到蛋香同蛋餅嘅綿密口感，不同於中式嘅酥脆。蠔仔有一節指頭大小，軟嫩爆汁，不帶腥味，配埋底下爽脆嘅芽菜，口感