Aroma

Open Now

Now Closed

真係樣樣餸都超水準！！作為pizza愛好者 佢哋嘅pizza依然驚豔到我 🍕個餅底同埋邊真係烤得又香又卜卜脆 🤤上面嘅toppings都好入味 🙂‍↕️重點係！超級拉絲！🧀 另外想特別推薦嘅係甜奶球🥛雖然我啲朋友嫌佢太甜 🍬但係我自己係覺得幾好食嘅 👍🏻口感類似係煉奶蛋糕 幾特別！ 🫶🏻價錢方面非常合理💰我哋6個人食 平均每人只係$127 🥳個個都食到好飽㗎 😋環境方面 餐廳入邊都坐得幾舒服 位置寬敞 🪑出邊都掛滿燈飾 非常有氣氛 🏮不過係略嫌冷氣有啲太凍 大家記住帶件風褸去啦～

I am disappointed to say my recent experience with Arome Restaurant has changed my opinion. On August 25th, 2024, the delivery person's rude language about my late payment was highly offensive and unwarranted. I've been a regular customer who recommended their services, but this incident has led me to no longer patronize their establishment. I expected better treatment, and this has completely shattered my trust. I hope management reviews their customer service practices to prioritize respect an

咖喱同個烤餅非常好味又夾好味到我吃完一份烤餅再叫多一份熱辣辣，蒜蓉味又香，仲有莫明既薯仔味，襯埋個咖哩 🤤🤤🤤🤤我唔知係咪正宗，但就非常之啱我口味 ❤️個Pizza叫咗個最基本既Margherita🍕,無諗過個餅底咁好味🤤🤤🤤🤤非常之脆，口感好特別👍🏻 3個人叫12"都吃唔曬 其他野既份量都好大，叫咗份孜然飯，好香口，餸咖哩都好好味。不過，真盡咗力了，真係吃唔曬。下次再去東涌都要再試呢間👍🏻推薦

禮拜六夜晚黎東涌嘅Aroma印度餐廳，唔係好多人，應該因為交通唔係咁方便。係地鐵站有車黎正記同東昇樓。如果自己黎可能要係地鐵站行15分鐘或者先搭車去逸東村。Papri Chat係一道印度風味十足的開胃菜，由酥脆嘅餅乾、香辣的薄荷醬、鷹嘴豆同薯仔組成，非常推薦。Chicken Tikka係我每次都叫嘅野食，佢燒得超香，完全無雪味而且肉質非常嫩滑、味道濃郁。我地仲叫左Shahi Korma，係北印度嘅咖哩。裡面雞有勁多舊，有豐富嘅奶油和香料，個人口味問題可能比較鍾意masala 雞。配咖哩當然唔少得naan。我地貪心地叫左Garlic Naan同Roti。Garlic Naan超級香蒜蓉味，而roti比較清淡唔油膩。總括黎講，Aroma味道非常正宗，配料新鮮，而且性價比超高，我地食咁多都係每人200蚊左右。

《😋晴晴港飲港食 #misshcfoodie 》放假諗住走入機場去最近好hit嘅風鈴徑賞花打卡📸去之前入咗逸東邨附近嘅馬灣涌村食lunch估唔到呢度有間隱世印度fusión餐廳😲入到嚟仲順便去附近行吓發現都有唔少打卡位🤭餐廳係由印度人主理唔怪之得菜式好正宗除咗傳統印度菜仲有西餐食物同環境都相當唔錯係價錢有少少overprice🫣魷魚圈配塔塔醬 $100呢個starter 要比滿分炸得好香脆亦都唔厚粉入面嘅魷魚就好彈牙 配埋個特製沙律醬味道更上一層樓🤩🍝Carbonarra $110呢個Carbonarra係用闊條麵個source非常creamy 意粉食落夠濕身味道亦調配得啱啱好🤤烤雞肉卷🌯 $65呢個好抵食大大卷夠2個人食入面除咗烤雞肉仲有熟嘅生菜、蕃茄、甜椒、青瓜最重要有印度醬令整體口感好juicy🥛芒果印度酸奶Lassi $35酸酸甜甜又夠芒果味，夠解渴☕️香料奶茶 $20同港式奶茶好唔同，奶茶味上有一陣香料味，鍾意試新嘢嘅人可以一試人均價錢: $150味道: 8/10環境: 8/10服務: 7.5/10回頭率: 8/10📍 Aroma網上訂座即賺Rice Dollars 地址

估唔到逸東邨入邊都有唔錯嘅印度fusion餐廳。雖然位置唔係好方便，但係附近都有啲唔錯嘅打卡位。如果入嚟食可以順便去附近行吓，鬆一鬆。入嚟搵餐廳嗰陣都見到附近有好多印度人喺度住，睇嚟間餐廳都幾正宗。鍾意食印度菜嘅朋友一定要試呀🤤！首先來一杯印度嘢特飲芒果酸奶酸奶Lassi，佢冇出邊印度餐廳咁酸反而比較切合返香港人鍾意嘅味道。印度奶茶都好特別，係佢哋嘅傳統香料奶茶🧋。之後少咗佢哋嘅carbonara意粉, 估唔到佢哋嘅西餐意粉都幾好食🍝

📍 Aroma (東涌)東涌馬灣涌村97號地舖前陣子結婚周年，先生搵咗間富有意義嘅餐廳一家大細去慶祝今次拍拖周年，粗心大意嘅太太要出招喇🤣朋友介紹咗間位於東涌由印度主廚主理嘅印度餐廳比我心諗先生咁鍾意食薄餅就試一次平時少食嘅印度口味餐廳店員都係外籍員工，服務周到而且非常有禮貌。餐廳內坐位寬敞舒適，簡潔嘅裝潢令人感覺輕鬆自在。餐廳內仲有一個小bar枱區，門口的玻璃櫃亦放置咗好多唔同種類酒，十分有格調食品方面我哋都非常滿意🥗前菜意大利馬蘇裡芝士條 $65Mozzarella Italian Sticks $65即叫即炸拉絲芝士外脆內軟 熱辣辣真係忍唔住一條接一條食🥘印度烤雞配飯 再配新鮮沙律 $80Tandoori Chicken with rice $80Serve with Fresh Salad見到呢個菜色覺得好特別又沙律又飯咁更發現印度米同香港米係完全唔同香港米肥嘟嘟粒粒飽滿而印度米係又瘦又長以為會好粗鞋點知原來係好軟熟配埋上面嘅沙律菜同烤雞口感清新一流🍕12” 雞肉披薩 $140Peri Peri Chicken Pizza Peri Peri 12” $140即叫即做薄餅厚薄適

係Openrice Book咗19：30 3位 19：15去到，印度員工話今日有人包場我同佢講已係Openrice Book咗位佢好愕然咁既樣話無喎嬲到震，今日係慶祝家人生日攪D咁既野！自己間舖俾人包咗，就唔好係Openrice放Booking啦，仲要一句Sorry都無，扮完全唔知咩事咁！見網上評語幾好，價錢又算合理，但咁樣俾佢過一棟，Sorry幾好食幾抵都Blacklist 佢。

朋友係東涌地膽，今日介紹我黎到馬灣涌村又名「東涌舊碼頭」⛵️，食呢間癮世印度人主理的正宗印度菜🇮🇳。餐廳門面光猛，裝修簡約，牆上有幾幅時尚元素掛畫，環境舒適乾淨，播放著西洋歌曲，氣氛一流。炸單骨雞翼：香脆可口，作為佐酒小食一流、炸粉吾厚、雞翼稍為醃製，適量咸度，蘸上泰式辣醬，相得益彰。意大利辣肉腸薄餅：食得出是手工餅底，香脆又鬆軟，皮邊夠薄夠脆，配合印度人傳統工藝手作麵團及傳統石爐燒烤餅底 ，真正食出印度烤餅功夫味道，辣肉腸配合茄膏底同橄欖油香草🌿，新鮮出口即叫即整，特別辣肉腸辣味最為突出，配搭mozzarella芝士好香口。卡邦尼意大利粉：卡邦尼意大利闊條麵，味道也較香口，意粉一邊拌奶油醬汁，加上用了煙肉入饌，所以鹹香味重，意粉也偏向軟腍和濕身。芒果乳酪：好濃稠，芒果味香濃，酸酸地解膩。總結：癮世印度菜 價錢合理地方舒適

唔行入去都唔知 佢係印度主廚經營嘅酒吧 食物嘅種類選擇好多 由西餐至印度嘢都有 咁多村屋餐廳之中 今次就試下呢間有趣組合既bar喇Samosas 平時食既咖喱角係薄薄扁扁嘅三角形 印度既咖喱角係好飽滿脹卜卜既一大粒 咬開入面包滿左咖喱薯蓉 香料同青豆 咖喱味夠香夠辣 另外附上一個薄荷醬 送酒睇波正 炸洋蔥圈 去bar叫小食唔係唔叫炸野嘛洋蔥圈炸粉唔厚 洋蔥味足夠🧅 點啲茄汁就唔會覺得好熱氣啦 Mango 酸奶 飲落係杰身嘅yogurt 味😍 芒果味道真實 偏酸但係好開胃 呢個推薦Chicken tikka wrap 淡淡都食到烤雞🍗 而新鮮蔬菜有蕃茄 青瓜 蔥同生菜 所以食落去好fresh 其實食wrap 最緊要係個sauce 辣辣地夠惹味 Pizza 有好多種類可以揀 我哋四個人嗌咗個芝士雞肉Pizza 切左8大塊 份量好足夠 配料簡單但好食 （唔係咩到放落去焗果種😂 ）

東涌印度餐有好多間，見e間新開可以試一試環境乾淨，服務員熱情介紹餐牌中文講得好好必叫Mango Lassi炸芝士條，重可以拉絲Butter Chicken 本身係叫俾小朋友食，但都係有少少辣所以又要叫多個意粉俾小朋友卡邦尼意大利面同平時西餐食開唔同味，但都好好食，小朋友清碟重叫左個唔記得名，辣辣地食咖哩唔少得ge烤餅

平時食過唔少隱世餐廳都唔及呢一間印度菜咁 getaway🇮🇳呢間係東涌嘅小店係一條小村入面，遠離塵囂，最適合大家放假想出走行下～餐廳十分地道正宗，由印度人主理，甫入店已經聞到印度嘅香薰味同herbs。食物方面，試左buffalo wings，炸得卜卜脆，鍾意食濃味嘅朋友仔一定唔可以錯過！另外試咗印度餡餅，放芝士燴菠菜落蒜蓉烤餅，又好味又飽肚😋最後值得一提嘅係印度茶，有好特別嘅茶香，少少辣辣地咁，住東涌嘅朋友仔一定要試吓，住市區嘅朋友放假想去郊外行下或者去東涌行山唔知食啲咩好不妨一試🤤

趁有假期出嚟東涌四圍行吓玩吓，探索緊馬灣涌村嘅時候，見到呢間印度餐廳幾特別，就入嚟食返餐先 😋咖喱角入面有滿滿嘅薯仔同埋青豆，個咖喱入口好香，個皮又炸得好脆，配埋嗰醬超好味 😍芝士燴菠菜切碎咗嘅菠菜再用香料同咖喱攞嚟燴芝士，個芝士有淡淡的奶香，口感都好軟熟，辣辣地好過癮，再配合印度烤餅一齊食，又正宗又美味 👍🏻印度烤餅、奶油烤餅我哋真係好鍾意食印度烤餅 😍 覺得佢簡直係印度菜嘅靈魂，今次叫咗原味同埋奶油味，兩款烤餅都覺得好鬆軟，值得一提嘅係奶油味烤得好香、好出味，奶油味真係可以進一步提升咖喱汁嘅味道 🤤Mango Lassi食印度嘢一定要飲 Lassi 😍 酸酸嘅乳酪再配埋芒果嘅香味，解辣之餘又開胃，真係飲到停唔到口 🤩呢度都坐得幾舒服，而且馬灣涌村好寧靜，聽住餐廳嘅印度音樂，我覺得自己好似去咗旅行咁 😌

今日探朋友入東涌，順便遊歷馬灣涌村嘅時侯發現左呢間印度餐廳。店鋪比人感覺好親民，Lunch Set 嘅性價比都好高，見到有兩檯係附近嘅中學生。我地都試左兩個Set。是日餐湯甜甜酸酸嘅蕃茄湯，好開胃，面頭個塊脆口嘅法包吸左D 湯都幾正。Chicken Biryani 印式雞肉炒飯 $62會配一份酸忌廉，中意辣同芫茜嘅朋友會喜歡呢個炒飯，好香同好大份，D 雞肉都好嫩。Beef Burger With Fries 牛肉漢堡配薯條 $72漢堡包有驚喜，好有牛味同好多肉汁，調味剛剛好，食落唔會成口醬。

平時行東涌，一般都只會行東薈城，但其實行入少少🤏去到馬灣涌村，都會發掘到唔少美食😍今次去既係一間好有氣氛既印度餐廳❤️裝修好有格調，而且有大電視播住歌感覺更休閒輕鬆了。餐廳既店員都是外藉員工，服務態度好好👍🏻門口有個好靚既酒櫃，而且餐廳既酒都有做活動，想飲返杯既朋友可以試下😌Chat Allo Papdi 松散薯仔炸丸子 $50呢道菜係一個冷盤，當中有香脆既餅乾🍪仲有炸過既薯仔🥔同洋蔥🧅，混合廳廳特調既醬汁😍配合一齊食十分惹味，仲有少少辣味，係一個好開胃既菜式，而且未試過，十分新穎😆Kadhai Chicken 咖哩小鍋雞肉 $108Naan 印式烤餅 $22Butter Naan 奶油烤餅 $25另外還點了印度菜必點的咖哩🤩有咖哩又怎可以少了烤餅，所以一起點了🤤雞肉十分入味，而且好嫩滑，香辣咖哩味溶入雞肉中，推薦！烤餅點了兩款，印式烤餅較香軟，奶油烤餅較香脆，個人比較喜歡印式烤餅，配合咖哩汁一起吃絕對是最佳配搭🥺食完一片又一片😎Lassi 印度酸奶 $35酸酸甜甜好易入口，就好似飲緊乳酪咁😋而且夠大杯，食完咖哩飲岩岩好😌