東海堂 (港鐵觀塘站)

Open Now

Now Closed

今日朋友屋企 食完飯之後我地再去東海堂買蛋糕🎂慶祝 因為大家都食到好飽 於是就買左4寸蛋糕share食😚😚我地今次揀chocolate mousse cake 貪佢上面有d水果可以解膩🤩 chocolate mousse好濃又吾甜 食落啱啱好😍 底下ge海綿蛋糕都鬆軟 再加埋酸酸地ge士多啤梨 食落好夾😝😝😝整體好驚喜無諗過連鎖店蛋糕都咁高水準

東海棠茉茶蛋糕🧁一向都係茉茶控，見東海棠出左新嘅茉茶蛋糕當然要試下😋茉茶味好濃，食得出加左好多茉茶粉，中間cream都好深綠色，好重綠茶味🍵海棉蛋糕唔算太多，比例岩岩好！整體好好味🥰好濃茉茶味，茉茶控岩曬

比卡超芒果慕絲蛋糕.東海堂呢期出嘅比卡超蛋糕還原度極高！好可愛嘅比卡超，個樣完全唔翻版！.眼、耳、口、鼻同面珠登都係朱古力做嘅。👀👂👅👃🏻.🎂黃色嘅部份呢其實就係芒果慕絲，如果有食過東海堂嘅芒果流心蛋糕其實exactly係個樣嘢😆.成個蛋糕慕絲佔咗有7-8成，裏面係有真芒果肉嘅，不過海綿蛋糕就嫌佢太薄太少喇😥.愛比卡超嘅你一定要一試！買俾朋友慶生都開心丫！😍.不過如果係追求美味嘅，就可以一免💁🏻‍♀️

唉一個很不愉快的經歷……！不一樣的芒果流心蛋糕……發出一陣的酸臭氣味，令人多麽嘔心的！我致電到官塘分店問過究竟， 但分店的職員只話公司規定，只會有六件每件$12元的甜品作為心意， 彌補我當天的失落😰……！所以我電郵到有關部門討回公道……！但收到的答案只係用一個cake little作為補償😡……真無良！真的可惡！

小朋友生日，他尤其鐘意比卡超所以一早係網上訂左比卡超蛋糕上網訂左特快有得攞恒生卡仲有折就禁睇個樣禁鮮色好似全部糖皮，未食就知道好甜，覺得都係得個樣點知把刀切下去，表面唔係糖皮，而係軟熟既芒果海綿蛋糕仲有小小芒果流心同果肉所有眼耳口鼻都做得好真，遠睇唔覺得係蛋糕似模型兩隻耳仔就唔食得，係膠十個人食完飯，剛剛分得哂蛋糕芒果味濃，酸酸甜甜冇膩既感覺但眼同口係白朱古力做就好甜食唔到但個蛋糕整體比預期中好食

某人成日都話生日無蛋糕切呀, 因為屋企人少少, 買一大個蛋糕經常要食好多日呀。由於有一張東海堂 coupon, 即管問下佢有無心頭好啦。點知佢又話想食伯爵茶蛋糕, 一陣又話食朱古力蛋糕, 再隔一陣又改口話要北海道牛乳蛋糕。好啦, 結果最後決定要芒果流心蛋糕。蛋糕是 dome shaped 的半球體形狀, 表面舖上大大片的芒果肉, 好靚的蛋糕!切開後中間的芒果汁同芒果肉全流出來了, 結果忙著分蛋糕而忘了影相。蛋糕充滿芒果肉, 是香甜的果肉, 完全唔酸的! 印象中冬天不是芒果季節, 但這芒果真的又甜又香! 激讚! 🏅👍👍👍這個蛋糕即使吃多了也不會滯, 太好味了。😋

🌈 係東海堂買面包蛋糕買得多和式甜品都係第一次作為一個pudding 迷 一試牛奶pudding 便知高下吧一入口 滑嘟嘟的接著有濃郁的奶味傳入口中真的可以與日本牌子的milk pudding 比美甜度適中 不會過份的死甜可能太好味吧 感覺份量有點少下次再試另一個的奶茶味道

除夕諗住宅在家，老婆整左烤雞，所以我就買甜品返屋企。經過地鐵站見東海堂的蛋糕🍰、切餅全部都俾人買晒，剩返果撻，所以就買咗件蜜瓜撻、桃撻同埋雜果撻。20幾蚊件都幾貴，不過用餅卡換就平d。買三件仲要加多10幾蚊，而家百物騰貴，咩都貴。

之前有個朋友同我講東海堂有一個包好好味，所以今日返工前經過呢間東海堂就買咗嚟試試唔記得咗個名係乜嘢，好似係叫北海道軟芝士牛乳包，不過拎上手好輕我已經估到自己食完一定唔夠飽，所以就買多件甜品肚餓嘅時候食 軟芝士係醬醬既質地，比較濃稠，有啲似食緊芝士奶蓋嘅感覺，而且都唔少😍食落好香芝士同埋牛乳味，連埋鬆軟既麵包一齊食，好好味身為一個抹茶控，見到抹茶蛋糕就即刻流晒口水，尤其是東海堂，間唔中就出啲好靚嘅抹茶蛋糕，呢件就係其中一款首先蛋糕嘅層次十分豐富，黑色嗰層係竹炭蛋糕，雖然食唔出咩味，但覺得好特別抹茶味海棉蛋糕好鬆軟，夠濕潤，加埋Mousse一齊食，抹茶味好香濃又唔會太甜，底底既朱古力脆脆都好好味，值得回購

東海堂既多蛋糕就出名唔伏！🍇所以今次就買咗個日本の巨峰と甘王（$238.00 / 個）比朋友做生日蛋糕！🍇🐟💬：中間幾粒係真提子黎，不過係用啫喱包住粒去皮提子，都幾好食，不過細粒。🍇有個美中不足ge係，佢用朱古力脆脆做餅底，真係非常唔夾！！！！！🍇朱古力脆脆同提子🍇真係唔係朋友黎⋯⋯點解咁中意擺在一起？🍇🐟📝：7/10

東海堂麵包、西餅及蛋糕水準算不錯。前兩天lunch time 經過牛頭角地鐵站，見到凍餅好吸引於是買咗一件北海道3.6牛乳芝士蛋糕做下午茶。蛋糕有四重口味， 第一層係白朱古力比較甜。第2層係用北海道3.6牛乳制成嘅忌廉，順滑香甜。第三層芝士蛋糕綿密、濕潤，芝士味不太濃，入口鬆軟即化。最後一層黑朱古力蛋糕，味道甜中帶甘苦，充滿香濃幼滑、超軟細膩嘅口感。如果第一層白朱古力改用黑朱古力唔知味道會唔會更加好呢？

今年生日囡囡送了一個東海堂做的香濃宇冶抹茶蛋糕，好窩心！味道不錯！ 平日都喜歡吃東海堂的西餅、面包、蛋糕⋯這次個蛋糕外型都已經好吸引，層層的抹茶忌廉奶香，入口軟滑香甜，濃濃的綠茶充滿口腔每一處，中間夾心是兩层果汁啫喱更富口感，甜度適中，齒頰留香，再下一层是軟軟綿綿的蛋糕，點可以做到甘好吃，看得出师傅心思，功力好犀利是好好味的海綿蛋糕。雖然囡囡話甜左小小，比想像中細，可能各人囗味吧！而我十分滿意 ，是囡囡送的嘛！簡直甜入心！

咁多間連鎖餅店，一向我對東海堂都情有套鐘😳😳😳雖然我唔係好鐘意食甜野，但東海堂既餅，我都總會食幾淡🤤🤤今日又有同事生日，同事係東海堂買左個藍莓絮語蛋糕返黎切餅食。呢個係一個鮮果蛋糕🎂,大概2磅左右最頂層係士多啤梨同藍莓，生果下層係鋪滿藍莓啫喱，夾層係由藍莓芝士慕絲同海錦蛋糕🎂組成。呢個組合，食落口唔會太甜，仲有陣陣既莓香，岩哂我呢d唔鐘意食甜既人😳😳而面頭既藍莓啫喱型狀係見凸凸地，所以咬落去果下，口感非常豐富🤤🤤

今早要去接肥髀放學，時間上有點趕，在地鐵站內呢間麵包店買麵包醫肚！麵包店不大，乾淨企理，當時過咗繁忙時間，店內無乜客人，麵包款式幾多，都係西日式麵包，所有麵包已預先包好晒透明膠袋，我揀咗一個攞去收銀比錢！八達通比錢方便紫薯包🍠🥖（$9.5）預製麵包唔熱，啡色長條狀賣相幾好，不過麵包咬落有點乾，唔夠鬆軟，粉紫色紫薯蓉嘅餡打得幾滑，味道偏甜！無乜紫薯味道，整體只是一般！店員有禮斯文！服務正常麵包水準一般，價錢偏貴！

餐廳環境 (3.5/5)不是新式東海堂裝修，但環境尚算整齊乾淨餐廳服務 (4/5)店員快手，有笑容食物質素 (4/5)東海堂係連鎖餅店中我比較欣賞的，食物質素穩定，款式創新選擇多，而且通常唔係得個樣，今次嘅蛋糕亦無令我失望餐廳類型外賣抹茶黑糖竹炭切餅($26)抹茶+黑糖 都係我最愛仲要係東海堂岀品 我當然係忍唔住要試！好大件！自己一個食完真係飽飽地因為同黑糖竹炭夾埋一齊，所以抹茶味唔算好濃好突出。如果你追求濃濃嘅抹茶味，可能呢款就唔係好啱你喇。但我自己幾鍾意佢一層層不同口味交疊，口感比較豐富，而且係脆脆餅底，食落更有層次唯一不足係海綿蛋糕有點太乾身，如果juicy一點就perfect池喇