東海堂 (港鐵樂富站)

Open Now

Now Closed

一踏入這間小店，已經聞到陣陣麵香飄過黎，真係叫人禁唔住口水直流喇🤤。店內環境簡單得黎，但就正中我下班想食碗好食又快手既雲吞麵心水。搞掂個食嘢共鳴，飛快落單後等我個碗！幾分鐘後，一大碗煙騰騰嘅雲吞麵上枱！麵條爽滑得嚟吸曬醬油同湯底嘅精華，入口即融，真係叫人喂唔停口啊。最勁係啲雲吞！彈牙嘅蝦肉同香滑嘅豬肉，包裹得緊緊地，湯一過，滋味更加一流！湯底都唔輸蝕，清甜中帶點鮮味，好似在告訴你：「多飲幾啖啦，解解渴又養生！」整體黎講，這碗雲吞麵，真係平民價錢，五星級享受！走得𠵱𠵱，食得暖笠笠，心情都跟住雞蛋飄起咗🥚✨。落雨天、放工累、或者懶得煮，諗起呢碗雲吞麵，即刻滿足晒我個肚餓鬼🧡。响呢個城市中，有時簡簡單單一碗熱辣辣嘅雲吞麵，就係最紓壓嘅小確幸喇！

為咗慶祝father's day，去東海堂買咗個父親節蛋糕，買嗰陣覺得賣相好似好好，應該會好好味，因為都見到有唔少人買，夜晚食嗰陣覺得好似又冇想像中咁好味，都係覺得東海堂之前嗰啲蛋糕好味d

東海堂是眾多連鎖麵包店的首選用餅卡換紅莓提子堅果軟法包、合桃蛋白拿破崙、椰賓早餐食軟法包，質感綿密，不是空氣包，加上餡料豐富，有紅莓乾、合桃、提子乾、南瓜籽，十分飽肚，食半個都夠

因為自己生日同埋身邊朋友生日，近排真係食得多蛋糕！上次朋友想俾驚喜我失敗之後，今次我真係想俾驚喜俾壽星女，要同佢一齊慶祝生日，所以一定要買個靚靚蛋糕！不嬲都好鍾意東海堂既蛋糕，因為真係好靚之餘，又好味，又唔貴，完全係有質素，所以好多時講到要買蛋糕、西餅等，又要錫住荷包既時候，我都會走去東海堂買。今次同朋友相約好係樂富地鐵站等人，對方遲到，咁我地見到地鐵站入面有東海堂，就順便睇下蛋糕。見到呢個赤苺の雪芳價錢唔貴，只係賣$138，但係個賣相唔錯，士多啤梨應該係穩陣派，所以就決定咗買呢個赤苺の雪芳！終於，我地等齊咗人，到咗目的地，就等壽星女出現。壽星女一出現，我地就唱生日歌，蛋糕就出場啦！壽星女表示真係有驚喜，今次真係估唔到，睇黎今次真係成功啦！XD其實切蛋糕真係要D技巧，少D技巧就好似我朋友咁，切到個蛋糕……都仲見得人既~XD白色忌廉好幼滑，好香vanilla味，再配合中間粉紅色既海綿蛋糕，兩層粉紅色既海綿蛋糕中間又夾雜住vanilla cream、士多啤梨醬同埋士多啤梨果肉，味道係有層次既，而且夾得好好。唯一不足之處係蛋糕上面既士多啤梨唔夠甜，有D酸，可能唔當造啩~但係個蛋糕係值得推介！

朋友生日, 買左個蛋糕去佢屋企食, 佢話呢款芝士蛋糕好味, 我都未食過, 個賣相雖然不是算很特別, SIZE適中的, 白色的朱古力鋪面, 入面係芝士蛋糕, 仲有朱古力餅底, 好香呀, 同埋唔漏喎, 好味, 上面的白朱古力唔算好甜, 入面的芝士唔漏, 好香及好滑身的, 個餅底好味呀, 唔會好實的, 啱啱好, 朱古力味道好香添呀.

話說近來東海堂的出品很不錯, 廣告又吸引, 看見會有想吃的衝動, 今天揭雜誌看到這個...嘩, 好想吃啊!!!前文提要, 話說父親大人要'寵小孫子', 一連幾天帶他去做一個"非常有意義的活動"- - - 就是去'買蛋糕'回來吃, 那麼小寶一聽到我講: 就會說: ...而大家也就有飯後甜品吃了, 真是相得益彰WiN-WiN~  今天就剛好買回了一個我近來很想吃的蛋糕!!   (其實我在想會不會是父親大人疼錫我, 估到我想吃這個呢??! )紫薯忌廉入口甜滑、紫薯蓉很好吃、 脆脆令蛋糕的口感豐富了, 配搭很好~  我們跟一杯香醇鐵觀音, 簡直是一流!   但始終紫薯較飽肚, 所以不要像我眼濶肚窄切大大件, 應該一開六或甚至八件;  這個紫薯Cake Little $138絕對是值得的, 愛吃紫薯食品的人真不要錯過這個蛋糕, 很精彩~ 

父親大人寵愛小孫子是天經地義之事, 近來喜歡帶著他去做一個活動就是: , 於是一連幾天晚餐後就要陪小寶吃甜品, 我們本來quota已經唔多還要是連續吃當真有點兒"有苦自己知"...又不想破壞他好興致所以都在等著他快快玩厭這個活動, 怎料母親大人一連三次之後吃不消即時命令/叫停他的行動大家才鬆一口氣...這樣又造就了這幾篇蛋糕食評的出現呢!  其實, 都要說一句: 多謝! 東海堂近年的姿態好進取出品靚靚, 廣告尤其做得吸引, 令人"唔買都想埋去睇吓"!   本來對於連鎖店蛋糕, 尤其是某某店每次都是有樣無實際唔太好食的三番四次...令我對其他連鎖店都當真不太感興趣, 但見到東海堂的成品真的有點特別~  好幾次都被吸引停下來看看... 想不到今天他們捧回來的就是這個我很想試吃的'波波仔'~這個蛋糕組合起來剛剛好, 唔會太'漏', 果肉適量、味道清甜、啫喱滑嘟嘟、mousse香滑入口溶化帶點點蜜瓜清甜, surprise!   令人一啖一啖唔為意就食咗一大件了!   唔會似那種假工業用忌廉令人食幾口已唔想食.  這個小蛋糕越吃越好吃, 再加上擁有漂亮吸晴的外表, 大人細路都這麼喜歡, 14

本來前幾篇一直寫開自助餐, 但在手機同電腦找相片時, 突然發現這堆相片也是值得介紹的, 於是轉一轉風, 打尖出幾篇關於東海堂的, 首先, 想寫一盒意料之外的好味道 - "東海堂Premium Cookies".  這是前兩個月買給表姐吃時店員姐姐仔sell我: ,  所以買來自己吃的, 眾所周知我為食呀o麻, 順手啫!  反正未試過竹炭味餅有點兒興趣,  點知放了入櫃都差點兒忘了, 5.27到期的餅前幾星期才開出來和兄弟們一起品嚐,  包裝普普通通, 最唔鍾意那些'華而不實'或者'裝假狗'的包裝; 似乎這盒幾ok~一打開真尷尬, 因為個盒蓋做存氣罐的關係, 本身一大舊突起佔了內籠不少位, 加上有透明膠兜分隔著, 及獨立包裝的關係, 所以根本沒有多少片?   即時"火羅"爆, 對盒餅印象分扣了一大截...剛才還叫大家tea, 點知我哋幾位每人每款都分唔到一片..... 怪只怪自己無睇清楚, 罐底有印著: 一罐只有20大片, 唉~自己大意, 兄弟們, 因為要寫食評所以我自私, 取了每款一片至給大家分, 不好意思! 下星期請大家食果仁朱古力!!!一咬, 唔錯噃~  唔會只是有色無味,

東海堂新出的士多啤梨蛋糕, 好靚的呀, 唔算大個, 有好大粒的士多啤梨係面, 六粒架. 蛋榚係用忌廉鋪滿全個蛋糕, 好白好白的忌廉, 忌廉好滑又香, 唔會好甜, 食極都唔會漏的,  入面係有士多啤梨肉及果醬架, 蛋糕係雪芳蛋糕, 仲要係粉紅色架, 好靚, 又特別呀. 感覺到好有誠意的去做呢個蛋糕, 賣相非常吸引, 味道都好好, 蛋糕好夠軟身, 又軟綿綿的質感, 中間夾了一些士多啤梨肉及果醬, 甜甜地, 但唔會好甜的, 好好味的呀, 果醬份量都算好多, 有士多啤梨肉的, 都好鮮甜, 味道好好, 好夾, 蛋糕面的士多啤梨好大粒, 仲好鮮甜的, 好好味的呀. 熟的程度係剛剛好, 唔會青綠色的, 又唔會過熟, 所以好喜歡.仲有, 蛋糕的大小好適中, 夠三到四人食用. 正呀.

As well as the coffee and caramel roll, I also got a Chinese New Year pudding but I wasn't given the cardboard box packaging for it so it looked like a stupid unboxed gift because they ran out.Anyway, the coffee and caramel roll tasted like burnt caramel with the bitterness from the coffee.

終於買了藍莓乳酪奶凍，好味。這個甜品一共有3個層次:第一層 - 3粒鮮藍莓第二層 - 乳酪奶凍第三層 - 藍莓果醬這3層味道配合得很好，乳酪微酸配合埋較甜的果醬，一濃一淡，洽到好處，而且果醬份量不太多，不會蓋過乳酪味，所有的配合都好好。

今天是母親節，先祝天下間的(準)媽媽都要健康、幸福、甜蜜又快樂!!  然後也分享一下昨天慶祝的甜蜜片段；感謝公關的心意，特別送上母親節限定版蛋糕換領信，令這個母親節倍添甜蜜，而且今年的四款蛋糕都精緻無比，令人不知如何選擇是好呢!雖然甜魔媽媽酷愛朱古力，對心型朱古力味的亮麗祝福極之心動，但最後還是不敵瑰麗明珠的超精緻艷麗又高貴的外表，選擇了它!!蛋糕帶去了晚上的母親節飯局上，其實今年我們只是在樓下的小菜館開餐，菜式都十分的簡單，不過人齊已經很夠開心高興了! 大家飲杯，連囝囝也要來Cheers!!吃完晚飯，令人滿心期待的精美蛋糕也上場了；今次特別點了三支蠟燭，獻給三位母親，包括嫲嫲、婆婆，還有甜魔媽媽!! 好開心~~~當然無論主角是誰，吹蠟燭的都一定是囝囝! 要讚東海堂這款蛋糕除了賣相絕美，艷麗的紅絲絨蛋糕質感鬆軟，配襯幼滑不太甜的草莓忌廉及清甜士多啤梨肉，真的不錯呢! 不過蛋糕只發售至今天，大家還想要吃就下年請早了~~~除了蛋糕本身好吃，它配襯的玫瑰花也成為了囝囝的玩物。不過更加爆的是那串高貴的珍珠，竟給甜魔家變成假牙玩具了!! 不用說這又是爸爸的古靈精怪創意啦，無奈他不准甜魔媽媽pos

芥末芝士吞拿魚包 $6.8非常美味的!!因為我愛此包的餡料,餡料又夠多~麵包軟軟,帶少許甜味~吞拿魚份量很多,唔會好乾身,非常開胃~加上有芥末味芝士在內,切成一粒粒~分佈在吞拿魚餡料之中!!少許芥末的辣味湧入味蕾,棒極了的1款麵包~即使當作早餐/下午茶也是很棒~可惜推廣期完結之後,呢款包就消失左lu...嗚嗚如果遲d再推出返咁就好極了

大妹去年已講明今年生日要食呢款蛋糕, 睇catalogue介紹好似好好食喎...最少要兩磅 芒果奶凍蛋糕 可能芒果不是當造既關係, 面頭芒果肉偏酸, 芒果奶凍亦帶酸, 失去了芒果既香甜 奶凍像較稀較軟身既布甸, 芒果既酸度蓋過了奶味少少失望

為慶祝細妹畢業而買既五重朱古力蛋糕 ($148)要三日前訂購 最正都是中間那層特濃朱古力 其餘既慕思, 黑森林, 牛油蛋糕 --> 都幾普通 最底既脆米層, 不脆之餘還帶點濕, 有點失望