東海堂 (Closed)

話說我試過排好耐食d日本pancake.. 搞左兩個鐘先食到一口。。。前日冇意發現東海堂都有賣。仲要係六十幾蚊，平過有d賣一百蚊既既刻要試下。個日味食lunch，所以除左pancake仲叫左佢個意粉食。叫完爺食等左五到十分鐘到就有意粉食。意粉好吃，佢好似一個常餐咁，有意粉蛋多士火腿。我覺得佢好食因為佢d意粉唔好煮到林晒，軟硬適中。差唔多食完就有pncake啦! 佢個pancake既特色係有出面少有既焦糖香蕉再加雪糕。成件事好開心。不過佢既蛋味可能冇咁香濃。但由叫爺食到食完都係三十到五十分鐘既事! 佢仲要百幾蚊可以食到咁多爺(pancake意粉常餐)，我覺得性價比超高!

今日下午有點餓，又不想食太多野，驚夜晚食唔落，去左東海堂食個Tea, order 左個香蕉梳呼喱pancake 加個細的芒果雪糕個梳呼喱好香蛋味，個芒果雪糕好贊😍，個芒果味好真，又不太甜，連平時少食雪糕的我也停到停不下來🤤但是，個焦糖略甜最難得是，毋須排長龍，每次經過銅鑼灣想食果間出名的pancake 都放棄而回😌

之前都幫襯過東海堂既早餐，豐富又大份，今日再去，早餐餐牌已經換曬，無左全日早餐，叉燒意粉，pizza果d早餐，換了炒蛋，多士，炒菌，火腿意粉，light 左好多，基本上三個餐都係呢幾樣野，只係多個蛋，或者再多個意粉而已，無咩選擇。但既然都去到，照樣坐低試下～我叫左最多野食果個餐，再散叫左蛋白撻。看圖～$38,凍飲加$4多士係佢和熟麵包既一塊份量，加牛乳炒蛋。撻係散叫的，侍應好細心地放埋上塊碟，一次過上。麵包烘過，鬆軟的帶有少少脆～炒蛋幾滑，無咩牛奶味。意粉可以選擇雞湯或蕃茄，我叫了蕃茄湯，有幾粒蕃茄，唔算好咸，一塊切開兩片的火腿，沒有煎過的，非常普通。意粉口感不太軟，適當～凍咖啡好甜，建議糖漿可令上。總概而然，不會再食。好懷念之前既早餐呀

一向都中意食東海堂的蛋糕，價錢合理，且味道不俗。今次就買了藍莓芝士蛋糕，雖然這不是新出蛋糕，但以前嚐過，覺得很不錯，故再買多次。藍莓芝士蛋糕 ($198)約1磅重，足夠7-8個人食，份量多。蛋糕表面藍莓味的啫喱，而內層則是一層海綿蛋糕夾著一層藍莓軟滑芝士所，而非硬身的芝士。整個蛋糕軟綿綿，而且甜度適中，食完一件都不會太膩。兩年後再食這個蛋糕，水準依然能保持。

生日，最重要當然是食蛋糕。但蛋糕好多時會好膩，所以想揾一啲清新既蛋糕，就揀咗呢個美人之豆乳。食落感覺清新，食多件都唔怕滯。蛋糕空氣量重，軟綿綿，食落淡淡既豆腐味。份量適合3-4人食用。評分：8/10

話說最緊屋企人生日，一直諗緊買咩蛋糕好，跟住諗諗吓依家係草莓當做嘅時節，所以就決定買士多啤梨類型嘅蛋糕。然後咁啱經過東海堂見到呢個九州赤莓嘅系列，簡直就係完美，所以就決定起咁多款嘅草莓蛋糕裏面揀。佢上面的士多啤梨有少少金金泊係上面，佢好特別的係佢有幾粒士多啤梨的上面係有朱古力包住。蛋糕個層次非常分明，有士多啤梨慕絲，有cake，有啫喱，而且食落個味道非常搭，士多啤梨亦都非常新鮮，好甜，一啲都唔會酸，佢賣相亦好靚，下次都會買翻，不過可能try 其他款。

這間店子開了一段時間，cakes, tarts望落吾錯，試過也ok. 試過它們的軟雪糕……不錯，至於輕食的section 都係第一次試我倆都不太肚锇，咁就輕食當晚餐……座位不太多……加上座位就在商場上，所以比較嘈，但侍應都友善地幫忙找座位首先要自已買票……輕食套餐只有三套……我們選了日式豚肉义燒湯意粉配炒蛋多士……义燒不錯……豬骨湯底炒蛋不過不失……多士………麵包有香味意粉不硬不太淋……ok套餐包飲品一杯只整體偏咸……希望可改善。這也作將軍澳村民提供多一處輕食的地方

果撻平時就食得多 平時大家都係食雜果撻 我自己就比較鍾意食 單一種水果嘅果撻 今次我就揀咗蜜瓜果撻 充滿咗新鮮嘅蜜瓜 果撻外皮夠曬脆 裏面仲有鬆軟嘅蛋糕 味道口感一流 即做外賣 都一樣咁脆 一樣咁好食

成日經過見到都好吸引我想買好耐喇！屋企人吾鐘意抹茶 依款又無切餅買！我今次吾忍喇 索性買個little版返屋企慢慢食！宇治抹茶王冠蛋糕 $148今次無買錯喇！抹茶味果然濃 又吾會太甜~最怕d勁甜既蛋糕但紅豆太少喇！覺得黑芝麻醬有d多餘 多d紅豆仲好啦~入面有抹茶寒天但係無味架 好似食緊啫喱甘外面既抹茶cream配抹茶蛋糕係好正 但食多都係會溜！下午茶食四分一好喇 整體是滿意的同埋因為佢地既抹茶雪糕的確吾錯 吾會得個甜字 所以我對東海堂既抹茶產品係幾有信心既

下午就是想來一點甜栗子撻 $20果然無買錯我就知道依個難食極有限好味呀！栗子蓉吾會太甜 入面大部分都係栗子蓉 得少少海綿蛋糕(焦糖)完全無偷工減料！面頭d粉仲以為係可可粉 原來係焦糖粉 又吾會話好甜~抹茶撻 $22外面的抹茶極濃 入面有抹茶忌廉 海綿蛋糕 牛油撻底上有一層白朱古力上面有兩粒食落似松子的物體 不錯北海道牛乳芝士切餅 $20可能我期望太高 食落認真馬馬！芝士同牛乳味都吾重oreo餅底我本身很期待的 心諗一定好好味 點知...完全吾脆 係軟的仲出埋油係我吾好彩買到吾新鮮定係佢原本係甘好在面頭d白朱古力吾會太甜 如果吾係件cake就真係好難食喇

本人買了東海堂紅豆金栗年糕已有5年以上, 鍾意佢可以涷食, 唔駛整熱, 夠方便, 而且入口煙煙 un un, 口感味道都唔錯.可惜, 尋日去東海堂拎左紅豆金栗年糕返屋企, 諗住砌黎食, 點知硬到好似石頭咁, 原來店員係由冰箱拎出黎比我, 唔緊要, 我放左一日, 今早再拎出黎解涷, 跟住就砌開黎食, 一食入口, 就完全接受唔好, 同以前既紅豆金栗年糕係完全唔同, 好硬, 好難食.跟住我打電話去東海堂客服問, 佢地話今年轉左配方, 同埋建議最好熱食, 我問佢點解改配方唔係之前要通知客人咩??  佢都唔識答我, 仲要話之前從未提議過客人涷食!! 佢根本比唔到合理答案我!!我已掉了整個紅豆金栗年糕, 以後都唔會再買!!

今日心血來潮想食蛋糕，所以買咗東海堂買咗個濃厚可可一家6口食。切嘅時候感覺上好硬，食嘅時候雖然有幾層唔同嘅，例如慕絲、海綿蛋糕、脆脆等，但味道上好似無分別，只係口感唔同。食完飯後分俾大家食，都有以下嘅意見1)好溜，食咗一兩啖已經唔太想再食(2)海綿蛋糕唔夠軟滑，口感好粗糙(3)朱古力味係好濃郁，但食唔慣黑朱古力會覺得好苦*個人認為依個蛋糕有10個人或以上食會比較好。

今日去東海堂買左幾件蛋糕,芒果千層酥味道不錯不過始終唔係新鮮整起 千層有點硬唔夠酥脆 芒果帶點酸 但整體都是不錯的 第一次食草莓tart，賣相唔錯 士多啤梨睇落好新鮮份量夠 入面係海棉蛋糕中間搽了層士多啤梨味既忌廉 更有層次 tart皮係我喜歡既味道 不過tart皮同蛋糕中間有層白朱古力有點太甜 好似一排無幫襯東海堂d蛋糕又貴左

聽到東海堂，可能會以為淨係得面包蛋糕賣。但呢間東海堂就做到好似間cafe咁，賣下All day breakfast, 甜品....今日試既就係紫薯雪糕身為紫薯die heart fans, 聽到紫薯，總係會雙眼發光😍可惜紫薯味唔算好重 而且有少少偏甜😢不過cp值都算ok 廿幾蚊大大杯 同我家姐share都岩岩好好似話之前仲有出綠茶味 下次再試埋先🙌🏼

要說吃甜品的話，我必選綠茶，我承認我是一個完完全全是個綠茶控。而今天同事生日，呀頭二話不說便駕車出去東海堂買了個新出的綠茶蛋糕回來，來不及壽星女來切蛋糕，我已經急不及待排好碟子和叉了。光看外表就已經不得了，重重的綠茶cream鋪滿了蛋糕表面任何一個角落，萬分吸引。切開蛋糕裡面有三層，每層有兩種不同質感的蛋糕組成，當中一​​層還夾著果凍型的綠茶糕，吃下去很富質感，甜味不重，綠茶個甘苦味也調得恰到好處，適合任何人吃，這個蛋糕實屬佳品！