ASAP As Simple As Possible

Open Now

Now Closed

為方便好朋友搭隧巴110，就揀了在這裡晚飯，因為巴士站就在門口。😀沒選錯地方，這裡環境好，食物選擇多，比較安靜，正合我們心❤意。今日我揀了煙三文魚野菌青醬忌廉意大利粉，朋友就揀了雞🐔扒餐，兩種餐都不錯，最緊要係夠熱，材料夠新鮮，三文魚意粉，香味濃郁，意粉夠依韌，雞扒新鮮嫩滑，我們邊吃邊聊，非常愜意，餐後還有一杯熱茶，我要伯爵茶，清香甘美，解膩消食，是飯後的最佳飲品。這裡的餐單靈活性大，可以加不同小食，想試多些都非常方便。

終於食到呢間 ASAP ，晚間7:45左右， 不用等位，門口有自取口罩套。空間大，檯面距離較遠，坐得舒服唔洗同人癡膊頭。只有一兩位服務員，服務未算及時，但態度十分好。最快來到嘅係一杯茉莉花高原茶，味道濃郁，偏濃茶，但唔會苦澀，茉莉清香撲鼻。唯獨可惜個杯一言難盡.......水滴都會石穿，杯身呢個缺口不得不令人遐想，即使唔係比人“飲”到咁，都希望能照顧下客人感官。小食--芝士雞肉(原名已忘)芝士好食，香口又唔癡牙，雞肉普通。非常好味嘅意粉，好打得，分量多，配料足，調味無得彈，值得再幫襯甜品就叫左朱古力，一塊非常厚實嘅“布朗尼”，略硬，癡牙，味道厚重，唔太適合晚間飯後當甜點，可以當下午茶。整體來講，意粉非常有驚喜，坐得舒適，服務好，熱茶飲完還可以叫服務員加熱水，環境安靜，夠闊，希望下次唔會再見到同款“杯具”

日日諗食咩lunch有時真係冇貨.... 通常呢啲時侯我會嗌ASAP，有肉有菜又有湯，一次滿足你三個願望。最常嗌雞扒沙律加黑松露磨菇湯。足料。堂食環境其實幾好，枱與枱之間好寬敝。呢排好忙就多外堂自取返公司食，出餐都算快。要一提，店員服務好好，會俾建議你，又有禮貌，加分。

ASAP 早餐有港式選擇，亦有些歐美選擇，今次我選了有酸種麵包的，白汁雞肉奄列。環境舒適，餐廳佈置亦都新穎有格調，店員服務殷勤，只要一舉手都會即刻走過來。咖啡係即磨咖啡，略嫌奶太多。早餐樣子唔錯，沙律比較多汁，酸種多士好好味。但係一打開個奄列就有啲失望。我明明係叫雞肉奄列，但係雞肉只得三兩粒，大部份都係薯仔，應該叫做薯仔奄列就差唔多。我自己就唔鍾意食薯仔，所以就覺得好失望，早知叫腸仔雞胸肉嗰個M1好過。雖然唔係太滿足，因為唔係我自己想食嘅嘢，不過可以舒舒服服咁樣慢慢坐，環境清潔，都算一個悠閒嘅早晨。餐廳就算食早餐都要加1 嘅，呢個早餐大約$58。下次再試其他早餐。

呢間大快活旗下既日式休閒餐廳，店內空間感十足，牆壁設計行年輕風格，絕對舒適的用餐空間。餐牌上提供碟頭飯，意粉，漢堡及小食等等，種類多。叫左一份吉列西班牙豚肉滑蛋蓋飯，吉列豬肉汁多，炸得不錯，又沒有多餘的脂肪，吃落爽口。濃汁咖喱汁，色澤濃郁卻沒有太大咖喱味道，少少失色。另外一個黑松露野菌意粉，上碟份量望落很足，實情菇類佔上大部分，意粉略欠少少🤏，松露汁味不夠，似磨菇汁。喜歡菇的可以接受。小食叫了柚子雞翼，呢個幾開胃，吃落雞翼中心部分好夠溫度，不錯的選擇。跟主食有橙汁及可樂選擇，可樂用罐裝，比汽水機更有誠意。

都唔明 早餐都要收加一連杯水都冇叫個面遲遲未到杯都食完個凍飲都未到憑咩收加一？早餐兵多過人都咁垃圾如果就咁遞餐都加一咁所有茶仔都要收啦？埋單找數仲要找散的望人比貼士早餐益第間都唔益你

追求健康飲食，特別喜歡菌類菜式，昨晚叫了帶子松露雜菌意粉，出奇地好味，雜菌多，香味濃，意粉煮得剛剛好，不軟不硬有嚼勁，熱辣辣香噴噴地上臺，引得食慾大振，加上一杯香濃玉米湯，成就了追月夜的晚餐。

ASAP As Simple As Possible🌟整體: 快餐店feel嘅西餐 價錢相宜 味道正常🏠環境: 張枱夠大 枱與枱之間闊度好足夠 空間感十足 🧑🏻‍🍳服務:茶餐廳 呀姐水平☆║．．．．．．．．．．．．．║☆‼️鳥唐揚滑蛋蓋飯 $78好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 炸雞嚟講中規中矩 雞皮唔算好脆 少少硬 肉唔算好多汁 少少柴 口感okay✅ 滑蛋 蛋味有 算滑嫩口 合格‼️ 白酒鮮蜆意粉 $76好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 鮮蜆 我就唔知係咪鮮 不過at least 有D殻 感覺上鮮D 食落去起碼冇雪味 肉唔會霉✅ 意粉煮得啱啱好 唔會硬 有彈性 咸鮮味幾好‼️ 跟餐 粟米湯好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 呢個好過沙律 粟米味濃 幾creamy‼️ 跟餐 沙律好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️✅ 好似普通茶餐廳嘅hea 沙律 冇乜特別📍 銅鑼灣歌頓道1-7A號維峰地下1號地舖Shop 1, G/F, The

今日行到炮台山搵嘢食，沿途行了很多餐廳都不合心水，直到行到依間餐廳，被餐牌同埋的裝修吸引,故此入來試一試!首先佢嘅lunch Menu價錢好好,全部$100以內，我地叫咗個芝士蘑菇漢堡餐$88包左嘢飲，同埋沙律或餐湯，本來想食沙律，因為唔想飲starch 的湯，但店員通知我哋漢堡包餐已包沙律，所以我地叫左啲粟米湯，結果真係喜出望外，粟米湯係有好多新鮮粟米粒粒，唔係幾粒！係每一匙羹都有好多，真係好好飲其他食物都好好，幾十蚊真係好底食😀😀會再來！

早餐有很多選擇，獨愛蘑菇炒蛋三文治，這裡就可以滿足我的要求。厚厚的麵包，加上更厚的蘑菇炒蛋，咬在口中，味蕾超滿足，每天都有這樣的早餐，加一杯香濃的奶茶，人生一大樂也，感恩感恩。

餐廳如其名，簡單簡潔，陽光友善，喜歡這裡的早餐，品種多，配搭得宜，靈活轉換，餐廳員工都像朋友一樣，記得顧客的喜好，餐廳樓底高，座位寬敞舒適，很喜歡在這裡與親友相聚。

今晚一行六人分了兩枱，到這裡食晚餐，叫左烤豬肋骨、烤牛扒（這兩款有Free Flow 薯條），烤豬肋骨表面充滿醬汁，肉質鬆軟，烤牛扒充滿炭燒香，生熟程度啱啱好，薯條熱呼呼的，系粗條而且仲係連皮嘅，仲可以添食，相當吾錯。西班牙海鮮飯，d海鮮都幾新鮮同埋幾豐富。日式咖喱牛肉滑旦飯，個汁甜甜地，d牛肉都幾淋，鍾意食日式野嘅，可以一試。甜點叫左兩款，日式軟餅拼紅豆抹茶雪糕，嗰日式軟餅有d似上海豆沙鍋餅，友人極之讚賞，但個人覺得有點怪，另一個系紅莓汁朱古力旦糕拼雲尼拿雪糕，旦糕質地厚實，配紅莓汁都幾夾。跟餐大大杯茶味濃嘅凍檸茶，滿足嘅一餐。

星期日午飯時間，附近好多好食嘅店都有人排隊呢間雖然都多人，好彩一個人比較容易有位叫左C5 日式咖喱芝士安格斯牛漢堡扒焗藜麥粟米飯有沙律同餐飲送埋沙律都算新鮮嘅不過個飯等左十五分鐘，問個侍應，雖然好忙都好好禮貌話幫我跟進最後都要等多5分鐘不過個飯係幾香，同埋用料份量好足欣賞佢入面有好多好甜嘅南瓜，唔會焗得太爛，亦有少少薯仔個漢堡扒就差少少，啲肉有少少腥味最上面層芝士勁厚，雖則好肥膩但好好食最後係食淨左啲飯呢個價錢黎講係可接受範圍，坐得都算舒服，有好多一家大細黎幫襯唔趕時間嘅話都可以一試

大家潛意識都認為ASAP = As Soon As Possible 快！快！快！好緊張。😊呢間餐廳正正相反，它演繹為As Simple As Possible，推廣生活簡單化，去除煩雜事項。餐廳好大好深，樓底高，空間感好足夠，裝修係簡約木系工業風格。有少少驚喜係食物選擇都好多，價錢又唔貴。點左個好似all day breakfast嘅餐，配柚子醋沙律同咖啡。沙律簡簡單單有生菜、粟米、蕃茄仔，柚子醋汁唔會好酸，但確實醒胃😋。牛乳炒滑蛋🍳有牛奶香味，好滑身。法式酸種麵包新鮮軟熟，但味道略淡，俾啲牛油🧈我搽會開心喲。肉類有雞肉、煙三文魚、煙肉，未到冇驚喜，都係簡單地煎左，有啲失望！咖啡上枱時已經落咗奶同糖，所以飲齋啡嘅朋友落單時要講明。咖啡香醇味濃，可算合格。既然佢地方又大又靚，如果食物能夠做好啲、有特色啲，咁一定更多客人幫襯🤗🤗。

行過天后見到好大間地鋪，俾餐廳名吸引左過去，原來ASAP係as simple as possible😂 餐具都印有餐廳logo，睇黎好似幾重視自家品牌。不過俾左連續3個湯碗有D崩，飲湯要小心...粟米熱湯夠濃，好多粟米粒，好正，幾乎隻不一羹有粟米粒架！而且熱騰騰，夠誠意！加$8有3隻雞翼，新鮮炸，雞皮好邪惡但好正！晚飯都幾舒服😋咖喱牛肋蛋蓋飯黑松露野菌意粉配帶子，帶子燒到好香！整體晚飯氣氛都錯，樓底高唔會好嘈，可以同友人傾到計