Video
Opening Hours
Today
08:00 - 21:30
Mon - Sun
08:00 - 21:30
Above information is for reference only. Please check details with the restaurant.
Recommended Dishes
見到晚市套餐加$10有隻炸春雞，所以就入去試下。之前有去開，不過今次係有驚喜，因為服務比之前好好多，好到我忍唔住要sell 下佢。1. QR code 點餐，但因為比較複雜，所以搵咗樓面幫手。雖然樓面得三兩個人，仲要做埋reception，但落單都好有耐性，又好交帶，好有禮貌，加分。2. 請樓面幫手影相，另一人本身拎住湯要上，但都好低調咁企開，等我哋影晒相先上湯，細心。3. 四個人，叫三個晚餐，有牛扒、意粉、海鮮炒飯，加一隻炸春雞。跟餐嘅沙律新鮮，無出水。牛扒俾到五成熟切得開，蝦都彈牙，意粉有半熟蛋撈埋幾creamy。春雞係細細隻，都有肉，炸得ok，好夠食。仲有剩飯要pack走。唔會動地驚天咁好食，但人均百頭晚餐對得住個價。4. 問佢拎兜pack 走剩飯，佢本身只有大膠兜，見我哋唔想要咁大個兜，主動再提出搵下有冇其他。最後幫我哋搵左個小紙兜連膠蓋。呢啲細位就睇得出好細心。見佢哋平日都有八成滿，希望佢哋可以keep到。
continue reading
嚟到住宅區搵食都唔會Expect非常有驚喜😛😅但係咁啱今日食咗呢間有種日式西餐嘅感覺🇯🇵價錢親民得來水準都比合格偏高🤣與其食連鎖店都係一個可以嘅選擇❤️⭐️ 和風鐵板薑汁椰菜雞髀扒🍗雞髀扒肉質都幾算Juicy唔錯👍🏻薑汁調味開胃🫚值得一讚係蔬菜好豐富好健康🥦⭐️ 吉列豚扒蛋蓋飯 🍳滑蛋炒得略嫌比較港式同埋油膩🥹雖然吉列感覺都係偏港式🥲但係整體都算酥脆⭐️ 洋甘菊茶 🌼茶包口味溫和啱啱好💛整體冇咩好投訴
continue reading
今日lunch同同事一齊食飯，揀咗呢一間fusion餐廳~餐牌上面都有好多選擇，例如漢堡包，吐司，咖喱飯，意粉等等~ 今次我地試咗海鮮龍蝦湯泡飯同牛肋肉蛋蓋飯~海鮮龍蝦湯泡飯，啲海鮮份量都算係幾多，而且種類有好多多款，例如龍脷魚柳，青口，蜆仔，蝦仁~味道方面龍蝦湯比較淡嘅，但係海鮮都算係爽口同新鮮，貝殼類冇沙！牛肋肉蛋蓋飯，係日式咖喱汁~牛肋肉口感好腍好入味~蛋包飯個蛋好滑好好食，撈埋咖喱汁送飯一流！
continue reading
今日試咗呢間位於沙田第一城嘅西餐廳，裝修好靚，服務都OK，價錢豐儉由人，不過都係喺合理水平，以佢平嗰啲餐都真係幾抵，可惜我就揀咗一個$60嘅早餐，要收加一服務費，主要係俾佢個窩夫吸引咗，不過最伏就係個窩夫。件窩夫係韌到切極都切唔開，咬都有啲難咬，直程係有一種橡膠食物嘅感覺，估計佢係用微波爐翻熱，所以出現呢種情況，立即扣晒分。條長香腸只係緊緊熱，應該係煎都未夠耐。好彩佢個炒蛋同埋件魚柳都唔錯，杯咖啡都幾好飲。
continue reading
去coffee shop歎咖啡☕️，一般都頗貴，是高消費活動！然而ASAP正正系歎另類咖啡的好地方，這裡地方很寬敞，日系設計，早餐選擇多元化，$3 5雞絲蕃茄湯通粉併鮮油多士+咖啡，實惠而味美🥰，可以幫我整天充電喁🥊雞絲蕃茄湯通心粉🍅熱濃蕃茄湯底，有煙肉或雞絲選擇，我為健康多選雞絲，加上大量黑胡椒，很美味😋鮮油多士全烘多士上搽🈵️牛油，每一口都有牛油香味，大滿足。咖啡☕️我通常只叫普通咖啡飲，雖然不是鮮奶咖啡，但廚師的特別烹調下，一杯普通咖啡已經非常好味，咖啡🫘香氣濃郁，入口味道回甘，每次飲都非常享受😎
continue reading