氣日本料理 (Closed)

好耐無去過AT Corner，因為之前幾次試過都一般。今日有客請食Lunch提議黎呢度，諗住唔駛自己俾錢就再試無妨。一入到去已經見到Salad Bar，原來而家午市做緊套餐，加$38就有自助沙律吧、麵豉湯、甜品同飲品，套餐平均價錢$58-$108，加埋$38有個無敵海景都算幾抵食既。 諗住自助沙律都唔會好得去邊，點知D車厘茄幾新鮮，選擇唔多但樣樣都唔錯，粟米都好甜，食落幾醒胃。 主菜我就叫左個銀鱈魚西京燒，煮得幾香口，魚身幾滑，點埋沙律醬酸酸地都食多左兩啖飯，不過portion略嫌少左D，送飯就唔係幾夠喉。食完同個客望住個海傾下計，真係幾寫意，唔經唔覺就食左2個鐘，坐到唔願返去做野…佢個lunch set個價錢同質素都唔錯，值得俾機會佢再黎encore。

AT Corner 是一所位於銅鑼灣世貿9/F的日本料理店，裝潢洋溢英倫風格，兼有維港海景，本屬不錯。此店亦是米芝蓮推介店食之一，門外的宣傳廣告牌大大隻，一定睇到。可惜，龍少爺將此店歸納為「非常差」。衰服務。來到時約6:30pm，可能時間尚早，得2-3枱食客，侍應都很得閒，企喺度傾偈之餘又「帶夢夢」，印象已不好。後來漸漸人多，侍應們開始應付不來 - 上錯菜， 速度慢，漏單。其他食客亦開始鼓燥，一枱接一枱嚷著要埋單，連沒有上的食物也不要，本少爺正是受害食客之一。可怒耶！黑椒梅子煙三文魚沙律 - 本有點期待，吃下卻沒有梅子味，只是普通沙律一個。蒜片牛柳粒 - 三催四請才上菜，味道未吃已大打折扣。特色天婦羅 - 不覺任何特別。另外點了壽司及其他熟食，已不想「等了又等」，埋單走人。

我同朋友一同四人..用coupon嘅..消費約$148.再+10%..原價好似$288.再+10%...價錢已經非常吸引..可能因之前日本海嘯嘅關係卦..所以管著試一試嘅心情去食一次..但食後感覺出人意表..喜出望外..以為用咁嘅價錢一定平嘢冇好..估唔到呢間餐廳都交足功課..首先..餐廳環境舒適..如果靠近窗口景觀可遠望維多利海景..先講D菜式有幾張紙俾你揀十款菜式..( 生蠔..不過不失 ) ..( 磯煮鮑魚係切片嘅..鮑魚幾淋..鮮甜多汁 )..( 智利白酒藍青口..新鮮 )..( 紐西蘭羊架..好Juicy..Yummy..)..仲有黑椒牛舌..鵝肝多士..汁煮牛肋骨..海老天婦羅都OK..另仲有沙律吧無限添加..除咗以上十款菜式..每人再可以揀Main Dish 係生嘅..我同朋友揀咗銀鱈魚同安格斯牛扒( 餐廳會俾個鐵板你慢慢燒 )..最後可揀兩款甜品 ....整體餐廳:環境..食物水準及服務都OK嘅..可後人多服務員未能即刻招呼到..但都見到佢地忙到咁..唯有就一就啦..不過我都會再去嘅

當日我和我女朋友同姐夫去呢間餐廳食飯,因為我地有Coupon,所以去試下點知一去到餐廳門口,咨客服務態度已經好差,我地只係問佢呢到係唔係AT CORNER,點知仲比佢串..........(唔知仲以為得罪咗佢)算啦,都唔緊要,或者我問得唔係咁好掛,入到去坐低仲大獲, 一位疑似經理既人竟然好大聲咁同我地講野,語氣帶點不耐煩,其實我地都係啱啱到,都未問問題,做咩咁既態度呢!?可能我地用Coupon掛,價錢折扣咗,服務同樣打折扣!?我心諗...呢到既裝修睇落都有少少仕似高級餐廳,點解服務唔可以似返間高級餐廳呢~講開裝修又係有點奇怪,門口的枱叫做堅固一點外,其他的枱全部都係用宜X傢俬的枱(百幾二百蚊嗰隻),非常單薄,叫做比摺枱稍為好些少不過呢樣野都唔係重點,只要食物質數好都冇咩問題,經過疑似經理既人呼喝之後,我們點菜啦! 點完之後順便問下: "可唔可以比杯水我呀"隨之而嚟既答案係受到侍應生的岐視,佢話: "水要比錢呀,$38一枝,要唔要呀!!!" 嗰刻真係想爆!!!! 本人對於此餐廳的食物,總括 : 味道差,海鮮唔新鮮! (沒有其他野想講)

環境十分好，但坐位太細，食物味道很不錯，可惜份量太少，女士還可以，男士肯定不夠飽，沙律吧食物也太少！尤其主菜，未食過份量少得這麼可憐的主菜！牛肉火鍋竟只有兩片牛肉加菜！鐵板燒比較好，有幾塊一口燒牛肉。最正是甜品，手打柚子雪糕好吃到爆燈！焦糖士多啤梨也很好，其他好味的還有鮑魚，黑松露多士，牛肋骨，牛舌心，如果主菜份量多一些就好了！

買圑購的時候...是很有期望的....但book 位前睇openrice...已知伏已中所以就抱住用左張coupon的態度去...是日慶祝男朋友媽媽生日...一行三人。因一個月前book...所以有好好的景觀！auntie 都好開心！讚！先點十三道菜...我真係唔知要點菜先....所以有d surprise.....我個人認為這樣不好點知佢啲野食一次過黎哂.....我哋又要睇番邊個點咩野食咁...好煩...好不體面....差！說回食物....雖然有免費沙律吧....但選擇較少....比較普通！先來冷盤...even佢推介的鮑魚和青口...也是很普通的...魚生...真的很差.....樣子很肥美...但食落淡而無味...只有雪味....温泉蛋...味道很奇怪....它的汁是完全不配的！太失望了令人難忘的是鵝肝它的材料頗好的...鵝肝也煎得很好！熱盤亦是一次過上的...很快食物已經涼了...影響食慾....炸物亦是一圑麵粉的感覺...至於主菜...一字記之: 頹...(相也不想影了...)甜品得一樣好食...就是焦糖士多啤梨....士多啤梨大大粒...又好甜....配合焦糖很match!

平日夜晚去, 6pm, with discount coupon因為怕忙要等好耐, 所以6pm就去, 之前幾天就book定位, 因為之前打親都話fully booked因為係discount coupon同個果度個nightview 真係好正, 我先買coupon去試.... 去度如果唔見到台, 我只是decoration, 都好grant, 但當坐滿就.....地方小, D台好迫, 我同格離台距離仲埋過去茶餐廳食飯時搭台 除了reception, 只得個經理同另一個server. 人手極度不夠, 可能未返齊掛? 不誠實一:with coupon 10度菜+1款main dish+ 2款甜品如果你點唔夠10度菜, 係米應該提示下個客呢? 個main dish等差不多1hr先到, 仲要三等四等先度, 仲要又個restaurant晤爆坐到爆先到, 我覺得需要改善下lor不誠實二:埋單果時, 竟然連coupon已經比左果個price都幾埋落去, 埋單前仲問經理團購果D, 係米應該已經一早計左$, 個經理話係, 點知張bill來到, 竟然未扣數, 個經理都仲口口聲聲話已經扣左, 直至望真D張b

團購買了coupon，一試這間一星米芝蓮餐廳。於平日晚上去食，餐廳好少人，中間的枱全部都係吉的，只得卡位同靠窗的位有人坐。坐在靠窗的位，望到海景，環境都幾好幾舒服。整體店員的態度和服務都不錯。沙律吧有十幾款食物，菜和洋蔥都幾新鮮，其他的食物都ok前菜四隻南非生蠔：新鮮，完全沒有腥味，好味，正!四件磯煮鮑魚：切了片的鮑魚，味道和質感都不錯智利白酒藍青口：size較細，但好味海蝦天婦羅：大隻爽口的海蝦，不錯蟹肉南爵薯餅：外層的炸粉好薄脆，裡面的薯蓉好綿滑，但蟹肉跟薯餅的這個配搭，不太match脆炸軟殼蟹：炸粉非常脆，但完全沒有蟹味兩份法式紐西蘭羊架：美味juicy的羊架，肉質好淋，沒有蘇味，好入味黑椒牛舌心：牛舌爽口，但太鹹豚肉露筍卷：太鹹，露筍不太好吃，豚肉亦普通汁煮美國牛肋骨：肉質好淋，好入味，汁帶點甜味，但有點過鹹法國鵝肝多士：好香，好味黑松露法式蝦多士：蝦爽口，黑松露好香，好味主菜美國安格斯牛肉自肋鐵板燒：薄片的牛肉，只有很淡的牛肉味，但肉質好淋，整體感覺一般香草海鮮鐵板燒：蝦十分爽口，銀雪魚幾滑，帶子和青口都ok甜品牛奶巨峰布甸：味道有點怪，不好吃法式芝士餅：芝士味好淡，普普通通

米芝蓮推介餐廳，米奇同米妮都係第一次食，今次透過團購買左個coupon，十三道菜都係$148，仲有自助沙津bar，超抵咁！咁佢話十三道菜，都知一定會係細細份咁，比較精緻～有2種佢寫明只可以揀2次，就係南非生蠔同埋磯煮鮑魚，但係生蠔去到就話冇......真係有d失望！先食ge當然係自助沙律bar～跟住揀菜～一人份量係：從海鮮冷盤/特式小食、炸物、串燒、煮物度揀十道菜，一道主菜，兩道甜品。米奇米妮2個人揀ge前菜係：凍海中蝦、加拿大翡翠螺、智利白酒藍青口(2隻)、2x磯煮鮑魚、海蝦天婦羅(2隻)、蟹肉南爵薯餅、吉列黃金炸生蠔、脆炸軟殼蟹(2件)、2x法式紐西蘭羊架、活海鰻、豚肉露荀卷、黑淑牛舌心、澳洲紅立鮮魚湯、2x汁煮美國牛肋骨、豚肉生薑燒、法國鵝肝多士、黑松露法式蝦多士前菜真係超多！海鮮冷盤/特式小食類加拿大翡翠螺一般，有d沙，但好新鮮，一d都唔腥智利白酒藍青口係米奇米妮第一次食藍青口，比我地一般食果d青口細隻，冇白酒味，同一般青口味道一樣磯煮鮑魚好入味，係磯燒果種鹹鹹地ge味，鮑魚唔會太乾，幾好食凍海中蝦好大隻，啖啖肉，但其實米妮想叫個泰式生蝦試下炸物類海蝦天婦羅居然冇俾埋天婦羅ge

五月份真係太多人生日啦今次6人入面有3個生日一早係團購網買左coupon又話對海景,又話米芝蓮講到幾咁吸引都不外如是而且勁少人得4-5張枱有人坐款色都算多不過因為團購買coupon限左每人只可點13款而且要一次過點晒我地唯有自己點自己果份所以有d亂不過黎到都照食,唔理咁多食物方面 串燒&甜品都比較出色但其實呢個價錢係出面食應該唔差得遠以後都係唔係團購買coupon~6個人coupon連加一 共 $1100

十‧一 國慶, 有煙花睇, 今次想試o下搵價錢相宜o既海邊餐廳。但果然一分錢一分貨, 只係有o的唔信邪, 就真係換o黎一o的失望先前從相片睇都仲以為有o的o野睇o下, 點知去到真係發覺, 坐入o的o既所謂窗口位, 真係睇得o個半邊最開o既煙花………講番食物, 其實尚算唔錯。雖然曾經係米芝蓮推介, 但無要到米芝蓮餐天婦羅烏冬, 炸物份量不多, 烏冬彈性可以更好壽司拚盤, 海膽幾鮮甜, 拖羅軟身無筋但就瘦o左o的, 其他一般煎銀鱈魚, 本人至愛, 魚味濃, 滑身可口人手不太夠似的, 要求添水等事情都頗耐

團購左lunch 加左$38 蚊有沙律/前菜/飲品主菜全部都食得過.. 唔難食.. 不過無乜驚喜唯獨我想講就係點解 我第一次出去拎沙律.. 已經乜都得返好少..果個經理/老闆 就同我講 就快拎新出來.. 唔好意思..但係.. 一拎新出來 其他台D 人就衝出去搶晒.. 見到隔離台幾個女人拎左成碟西瓜.. (因為我地比較遲去.. 其他台果陣已經食完.. 我地岩岩上主菜)咁當我地食完主菜時.. 出面又已經無晒了

買左13道菜的團購, 所以今日就黎食啦~~先前我打電話去訂枱時, 都有D SURPRISE, 因為我打去無人聽, 我都諗住要晏D再打架啦, 點知隔左一陣間, 竟然餐廳有人主動打番電話覆番我~用COUPON訂枱分左2個時段, 分別係晚上6:00 和8:15, 我因為要收左工去所以只可以揀8:15, 諗住應該會好多人, 因為睇其他食家的食評都話坐得好迫呀咁...但係我地去時出奇地只係得卡位同靠窗(望到靚海景)係有人坐,而且人唔多, 中間的枱全部都係吉的~我一心諗住自己用COUPON, 所以訂枱時都不敢去期望會有靚位~點知真係有海景位俾我地坐呀!! 勁開心喎!! 因為我地提早左到既關係, 仲睇到少少既幻彩詠香江添... 講番食物, 呢間餐廳小食係絕對比主菜做得出色~最好食係鮑魚, 藍青口, 生蠔, 天婦羅蝦, 羊扒, 鵝肝多士~~主菜反而麻麻, 而且得4款揀~~甜品之中, 手打抽子雪糕同埋香檳蕃茄都好好味, 因為呢2款都算係較為特別的, 一般餐廳少D會食到!飲品呢就認真麻麻, 因為COUPON係不包括飲品的, 要另外叫~~我地去果陣有買一送一優惠, 我叫左柚子薑蜜, 但係同柚子茶無分別,

買左COUPON, 一去到睇到枱既格局就知中伏, 以後都係唔好買D不知名餐廳COUPOND枱好似臨時開出黎, 放到超逼, 點呀而家半價就得半價SERVICE?坐低後一睇點菜紙, D WAITRESS同經理, 咦乜我去左旺角咩? 完全同女人街既港式日本野一樣!!! 枱上面無水, 聽到隔離枱叫俾杯水佢話水要收錢, 唉又係果D 焗你消費多D 既招, 好CHEAP我無諗過"晚餐" 無包DRINK架原來, 高級餐廳乎?之後D 野食...唔難食既, 但就同出面SALON個名一樣, HEA~炸物: 好油... 冷盤及串燒: 唔難食囉MAINCOURSE: 有眼睇最後甜品款款有HEART, 唉結論係呢度D 野食連我俾既價錢都嫌貴, 我仲駛乜買晒COUPON搞一大輪先有得食?

最近團購網有很多日本餐廳優惠，之前試過呢度既lunch都有水準，所以買了coupon試十三道菜晩餐，和lunch一樣，有任食自助沙律吧，選擇不多，尚算新鮮企理。頭盤有五十款，每人tick紙仔選十款，我們兩個人選了四隻南非生蠔(當四款計)、兩件磯煮鮑魚、智利白酒藍青口、泰式生蝦、挪威三文魚、海蝦天婦羅、脆炸軟殼蟹、炸生蠔、法式紐西蘭羊架、黑椒牛舌心、汁煮美國牛肋骨、豚肉露筍卷、兩份法國鵝肝多士、黑松露法式蝦多士、辣汁炒花蛤。雖然細細份，三文魚又頗差，但其他全部不錯，咁多款式，食得開心！主菜四款選一款，我倆選了自助鐵板燒，分別是美國安格斯牛肉與香草海鮮(大蝦、銀雪魚、帶子)，份量真係少，不過計埋前面的食物都夠飽既！甜品每人選兩款，揀了香檳蕃茄、cheese cake、法式焦糖燉蛋、牛奶巨峰布甸，香檳蕃茄尚算不錯，另外三樣就好普通，牛奶布甸尤其差，如果俾原價食咁既甜品，我會好失望。見鄰桌焦糖原粒士多啤梨賣相很好，大家可以試試。總括來說，有維港靚景，頭盤又高質素，值得一個笑面。十三道菜晚餐，原價每位$298 +10%，用了coupon每位$165。值得一提，因為店方賣了3000張coupon，