正宗蘭州牛肉拉麵 (Closed)

成日都好鐘意去首都商場行下，買下零食，果頭都真係幾多餐廳架😍😍😍今次去咗呢間係百樂酒店旁嘅正宗蘭州拉麵試下，個環境都幾大幾寬敞同整齊嘅感覺，可能因為近酒店隔離喇，都好多唔同國際嘅人係度食緊野，好喇簡野食先，我好鐘意食蕃茄，所以就簡咗個蕃茄蛋拉麵，佢仲會跟個小食，我就簡咗個土豆絲食下，佢蕃茄蛋拉麵都好足料呀，好多蕃茄片，拉麵有d似上海面，幾好味，土豆絲酸酸甜甜岩我口味。仲嗌咗個蔥油餅，但唔夠脆。

早前去尖沙咀見到間［正宗蘭州牛肉麵］，平日都好少食，就同朋友入去試下。餐廳環境都算大，座位間都好闊落添。我地夜晚去食，套餐連飲品都係六十蚊左右。另外都有特色小菜，價錢都好相宜。牛肉刀削麵套餐 $55套餐包一款麵類+ 小食/飲品六選一：青瓜/土豆絲/腐竹/花生米/茶葉蛋/汽水我就揀左腐竹，另外加錢要左隻蛋牛肉大約有六七塊，口感軟腍刀削麵係幼身款，方便夾起，軟硬適中。牛肉水餃套餐 $68朋友就點左水餃餐，加青瓜。眼見都有十幾粒水餃，而且好大粒好飽滿。水餃餡料非常豐富，有牛肉碎、木耳、蔥花，爽口又香牛肉味。

前幾年去過甘肅青海行一轉絲綢之路，路上人煙稀少，日日都冇啖好食，但果時一見到係食蘭州拉麵基本上都會入去食，皆因喺西北，蘭州拉麵等於味道既保證，至少唔洗食一pat pat的西紅柿炒蛋(當地人唔識煮= =)。喺香港好少會見到咁大間蘭州拉麵店，仲要喺正尖沙咀。呢個舖位以前食日本野，面積好大，內裡燈光好光猛，睇落都幾衛生乾淨。我地6點零黎到，但冇咩人，可能真係少人出街食野了。呢度全日都係同一份menu，50零蚊就有一個set套餐，一個拉麵加一個小吃/飲品。總體價格定位都還可以。Menu:食物牛肉面($55)牛肉拉麵超級好食! 無論湯底、牛肉定係拉麵都係高水準架! 湯底明明睇上去好清淡，油都冇兩滴，呢個係佢地傳統黎，湯要清到可以見底，但老火煲起嘅湯味道非常濃郁，牛肉味好突出! 而佢揀嘅牛肉部位係非常之好，半肥瘦而且脂粉呈透明，好似jelly一樣，食落口感好豐富。而麵呢，對蘭州黎講，拉麵就好似佢地的工藝制品，已經整到出神入化，麵質喺湯入面保持唔糊唔黏的質感，同時保留掛湯效果，非常好食。羊肉刀削麵($60)我唔太愛食羊肉，總覺得羊腥味好重，而呢碗就還可以接受，肉質軟稔，沒有腥味。因為拉麵實在太好食，

想係香港食蘭州拉麵其實選擇唔多，當然黎到香港乜都貴左，同埋可能為左遷就香港人口味，比較大陸食嘅會淡味啲。但應該係真正清真食品，店內都算多回教徒幫襯，適合清真飲食。羊肉麵塊羊肉白烚到冇乜味，連少少羶味都冇，唔講唔知果塊係羊肉。牛肉麵一樣，塊牛肉冇乜味。鋪頭招牌係「蘭州拉麵」，但是拉麵師傅嘅技術真係相當麻麻地，又粗又幼，相當之唔平均，唔只肉眼睇得出麵嘅粗幼不一，係食得出唔夠順，因為粗身麵條煮得剛好熟時，幼麵條就已經太稔，所以麵條唔合格，係好彩個湯底唔錯救返少少咁啦。羊肉串 $20/1串 $98/6串終於食得出係羊味，香料唔錯，燒得夠惹味

在尖沙咀首都商場買完零食，連午餐也未吃，來一個滿足的下午茶，休息一下(*ﾟ∀ﾟ*)很少會吃到蘭州菜，我們立即進店，環境整潔乾淨，整體闊落，有卡位坐得舒適。我們每人叫了一個套餐，價錢很優惠呢～會有一個主食+小食/飲品，來到正宗蘭州牛肉拉麵，一定要試試牛肉拉麵，牛肉好像平時吃的牛展，很香牛味，而且很軟很美味，拉麵比日本拉麵較特別，十分彈牙香口。加了一個煎蛋，原來流心蛋！放在麵的上面與蛋汁一起，正！蕃茄雞蛋拉麵很推薦，蕃茄湯濃郁，雞蛋與蕃茄是好朋友，味道很夾很香， 又大碗，配上蘭州拉麵，美味之選。另外叫了一份涼拌腐竹，加了店內的麻辣醬，不錯喔䓤油餅熱騰騰上菜～很香脆！推薦～牛肉水餃🥟很足料環境舒適，味道又好，重點是在尖沙咀區域，價錢相宜，會再來吃喔～

之前係大陸食過蘭州拉麵味道唔錯 而且麵條是新鮮手工製味道亦唔會太濃 一試難忘近日發現尖沙咀鋪新開了一間清真蘭州拉麵牛肉拉麵套餐套餐可跟碗蘭州拉麵同小食/飲品小食可以選擇土豆絲青瓜腐竹茶葉蛋最後選擇了腐竹呢度既麵條係即叫即拉麵條幼滑彈牙牛肉用上牛展 份量亦唔少酸菜牛肉套餐基本是牛肉拉麵加入了酸菜令成碗麵更加開胃雖然套餐已經相當豐富但見到佢小食價錢唔貴款式又多非常吸引烤雞翼串一串有兩隻鋪上孜然粉再烤既雞翼非常香口惹味蔥油餅薄簿脆脆 經炸過既蔥油餅入口一d都唔油膩香脆好吃 值得推薦一份大涼拌青瓜清新好味 非常開胃

話說Fatbrown 好少會encore 餐廳，所以食過再encore的餐廳一定系好餐廳今次encore 的系正宗蘭州牛肉拉麵<油煎餅$15>試吓新野油煎餅，煎餅其實系煎面包姐，聽落普通但勝在煎得夠均勻<羊肉串$20，雞翼串$20>叫咗兩串羊肉串同埋一串雞翼串share食羊肉串羶味好正，鍾意食羊嘅一定要試吓雞翼燒得好滋味鎖住雞汁得來又香口<羊肉拉面套餐$60>上次食完一直念念不忘，特別要講下個拉麵食得出係手工拉出嚟好煙un，食完真系會想再encore羊肉份量唔少咖，薄切上食完好滿足<西紅柿雞蛋拉面套餐$60>蕃茄湯底酸酸甜甜，拉麵好索汁，索曬蕃茄的精華，一枝棒

記憶中好似未試過蘭州既食物，今日同朋友經過尖沙咀，又想試下新野，又黎左呢間「正宗蘭州拉麵」入到去環境好光猛好企理，入坐率都幾滿。幾款唔同嘅拉麵套餐可以揀，同埋有小食（青瓜、土豆絲、腐竹，花生米同茶葉蛋）燒烤邊面就揀左烤雞翼我朋友叫左個土豆絲同牛肉刀削麵套餐 加 檸檬茶我就點左腐竹同埋牛肉拉麵套餐 加可樂腐竹意外地好食 第一次食涼拌嘅腐竹 個湯底好重牛味 牛肉好林 好入味 個麵都好彈牙唔會好似出面食咁多粉雞翼就同出面加咗孜然粉既一樣 都係好味

今晚去尖沙咀食晚飯，知道有間正宗蘭州拉麵當然要來試吓啦！餐廳地方好大，又有卡位好舒適，燈光明亮。有幾款套餐可選擇。牛肉拉麵，牛肉好濃厚又好入味，麵條好軟熟，湯底又好好味。蔥油餅炸到好鬆脆又有淡淡香蔥的味道。跟套餐選左土豆絲，土豆絲好爽口又入味酸酸辣辣幾開胃。肉夾饃外層包煎到好脆又鬆軟，肉餡又多又夠味道，幾美味可口。涼拌牛肉（小）好有咬口煙煙韌韌，又夠香口羊肉串燒到好香，肉質嫩滑。牛肉水餃🥟皮薄餡肉又大大塊，咬落又有肉汁，水餃又大大隻。

今日同一位來自中國的客人食飯， 他說很想食餃子和羊肉串燒， 我話尖沙咀我唔太知邊到有得食，反而佢話知道呢到有間唔錯，話佢的朋友叫佢要來食下，哦原來係咁，咁咪同你食囉，你係客緊聽你架。今餐我決定只講我想飲可樂其他你選擇，之後佢就落力咁下單了。叫左以下呢d :烤羊肉4串 +炸雞中翼2串 ~ 呢到只要叫半打就可以 mix 唔錯呀兩款都叫d來食， 烤羊肉好淋好香 孜然粉味， 雞翼都烤到皮脆內滑涼拌牛肉 ~ 薄薄的一片但涼拌個汁都出色。涼拌腐竹 ~ 我太鍾意食腐竹，所以一定話正。牛肉幹餃 ~ 一口一隻，內裡滿滿肉汁。蔥油餅 ~ 佢做到好似炸出來咁脆，所以我放左涼拌牛肉上面扮pizza 咁食。黑豆漿和可樂整體我客戶都話好滿意。

和男朋友在尖沙咀打算隨便到一間餐廳吃晚飯，剛好見到「正宗蘭州拉麵」，便一嘗此麵有多正宗。我們都被餐牌上的羊肉吸引，於是都點了羊肉刀削麵，我們滿心期待，但卻失望萬分。刀削麵的厚度令我震驚，無法想像是這麼厚，咬下去如吃韓式年糕，那韌度如香口膠的質感，畢生難忘。那羊肉是我一生中吃過最無羊味的肉，令人懷疑此肉從何而來。土豆絲的酸味，像做完運動的內衣的酸臭味，不可一，不可再。劣食，我嘗過很多，但像這沒有質素的，確是少數，希望大家進入此店前三思。

餐牌上有多款蘭州拉麵套餐供選擇, 套餐價錢很親民呢！麵款方面, 可以選擇拉麵或者刀削麵, 套餐除了有麵之外, 還可以選擇一款小菜, 小菜可以選擇青瓜/土豆絲/腐竹/花生米/茶葉蛋/可樂, 六選一。另外, 亦有些小菜可以點, 和朋友一起分享。蔥油餅 - 每一片都是薄薄的, 可以當餐前小食, 香脆可口。//西紅柿雞蛋拉麵套餐 //轉了刀削麵, 配料選擇了茶葉蛋。茶葉蛋很入味, 不會過鹹。刀削麵屬粗身的麵條, 有煙韌彈牙的質感, 有嚼勁, 口感很豐富呢! 上面佈滿蕃茄和炒蛋, 用料足, 蕃茄很鮮甜, 炒蛋很嫩滑, 充滿蛋香。湯底清甜, 不會過鹹或太過油膩, 吃完也不會感到口渴。

兩年前去過蘭州食拉麵，之後一直冇食過，係尖沙咀見到有蘭州拉麵館即刻勾起回憶連餐牌設計都夠大陸睇落套餐幾抵食，我同朋友兩人叫左一份牛肉拉麵套餐齊齊share,仲包一個小食都係$55！睇落份量幾多，夠哂食；個面幾出色，完全係我以前係蘭州食過既味，應該都係師傅手打面 小食方面要左土豆絲，加左醋酸酸地脆脆地好開胃呀係menu仲見到有羊肉串，雖然價格小小貴，不過香港好少地方有得食，所以都點左六串 （$98）味道小咸，不過羊肉味好重下為左健康著想，仲點左腐竹同木耳

係尖沙咀睇完戲就係附近搵野食，連續食左幾晚西餐，今日想轉下口味😆見到呢間蘭州拉麵店幾大間，店外貼既食物相都好吸引咁，就決定試下新野～牛肉拉麵套餐 (配土豆絲)作為招牌菜一定係呢到呢個牛肉拉麵，一定要試一試。拉麵軟腍彈牙，加上極鮮的湯底和牛肉，幾正。同平時食開既日式拉麵好唔同。套餐仲有幾個特色小食選擇，我地選左土豆絲。清新爽口，非常開胃。牛肉刀削麵套餐 (配腐竹)刀削麵比起拉麵粗身，但係更加煙靱，又係另一番風味。小食方面男朋友就選擇左腐竹，有些少辣味，味道同樣好清新。不過我個人就更加鐘意土豆絲的質感，爽口啲烤羊肉串我地叫左6串烤羊肉，超正！羊肉烤得好香，一上枱就傳黎陣陣烤肉味，羊肉肉質鮮嫩彈牙，口感十足。加上正宗調味和面頭的少少辣粉，令味道更加豐富。和較為清淡的湯面一齊食，好夾又可彼此中和下。價錢都好實惠！食到超飽都係得200蚊到，絕對係抵食之選。

Fatbrown 今次同女朋友試新野-正宗蘭州牛肉拉麵🍜個名咁威水叫自己做正宗拉麵，Fatbrown 真系要試下有幾正宗喇套餐六十蚊左右，包一個麵食同一個小食，大份抵食<羊肉刀削麵$60>Fatbrown 叫左個羊肉刀削麵配土豆絲刀削麵偏硬身有嚼勁，羊肉有少少羊羶味，對於Fatbrown 呢D愛羊人士黎講真心正土豆絲加左D醋，酸酸地幾爽口開胃<蕃茄雞蛋拉麵$60>女朋友鍾意食酸mei mei 湯底，所以諗都唔駛諗就叫左蕃茄雞蛋拉麵，果然蕃茄湯底酸酸地好開胃，勁多半熟雞花，健康之選小食簡左蒜泥青瓜，超多蒜泥，心心眼<蔥爆羊肉$138>最後因為羊肉實在太好食，忍唔住叫多左個蔥爆羊肉，份量好多下，用左少少蔥同辣椒去蔥爆薄薄羊肉片，調味唔重反而食瑜羊肉鮮味