意廊

Open Now

Now Closed

我們的晚餐是在意廊 Avanti Pizzeria的外賣美食，當中包括有餐湯或飲品、前菜及兩款自選的主食，陣容相當之鼎盛吃得我倆萬分滿足呢！這夜我們得到的餐湯是足料的忌廉湯，喝下去口感香滑而且不會太膩味道不錯耶！至於前菜我們選了水牛城香辣炸雞翼，炸得香脆不油的雞翼配上有辣勁的辣汁確是可口的美食，所以轉眼間那4隻雞翼便下了我們肚子中。主食我們從8款當中選了松露蘑菇雞肉意大利飯和大蝦帶子薄餅，兩款都賣相也不俗而且香噴噴挺吸引！先品嚐這個松露蘑菇雞肉意大利飯，先嚐一片雞肉口感嫩嫩又多汁挺有驚喜，然後那充滿松露香氣的意大利飯有我喜歡的米骨，所以成件事也得到我的歡心。而這個8吋的大蝦帶子薄餅是我喜歡的薄批，所以吃下口感蠻香脆很可口，面層還鋪滿鹹香的芝士配搭大蝦和帶子，吃下口感十分豐富很滿足呢！

晩餐點了二人套餐; 餐湯及沙律可以。主菜叫了豬鞍，又乾又實，食到牙較軟。另外亦點了蕃茄帶子意大利飯，啲意大利飯煮得麻麻,四粒帶子一样又乾又實，可能是餐厅的風格😓 甜品一般。最好的是餐湯附送的四粒麵包，又軟又熱，好食😋光顧這間餐廳超過十年，以前食過冇咁差，不知是否换了厨师，水準下降很多，考虑不再光臨，還有服务員的水平都退步了很多。經常幫襯這集團的餐廳，相比之下，尖東Mezzo好好多☹️希望龍門客棧能保持水平😔

這天和同事Farewell，我地中午嚟到沙田麗豪酒店意廊食晏。沙田風景幽美，不在話下。喺餐廳望出窗外，藍天白雲，真係非常寫意。午餐餐牌琳琅滿目，令人目不瑕給。我諗咗一陣就揀咗芥末汁黑毛豬鞍配薯菜。套餐包一個熱辣辣嘅餐包、一碗非常好味的甘荀南瓜湯、一份主菜同埋一杯餐飲。平時比較多機會食到羊鞍，黑毛豬鞍都係第一次食，估唔到肉質都幾滑嫰，雖然唔算入口即溶，但都算係好軟稔同鬆化。薯條都係熱辣辣，非常香脆。唯一美中不足嘅係，想請店員攞黃芥末醬俾我，但係午餐時間，店員們都十分忙碌。到我食完份餐，都未有將黃芥末醬攞到俾我。。。以後有機會放假再同家人朋友嚟幫襯啦！

限聚令前的生日飯，疫情期間為慶祝朋友生日，特意選擇呢間近河邊的餐廳，貪佢人流無咁多。餐廳環境幾清淨，枱之間距離都好疏，食得安心。食物都幾抵食，叫左兩個set dinner，（初頭想叫西冷同斧頭扒都無哂），最後叫左rib eyes同一個意粉，rib eyes都唔錯幾嫩，另外加左多個pizza, 可惜唔夠脆口，呢個價錢食到呢個質素算幾滿意，服務都唔錯，我地坐到餐廳最後一台先走。

疫情籠罩之下,室內的餐廳不敢去轉移走到室外能坐着用餐的餐廳消費.沙田麗豪酒店下面的意廊餐廳做了一個大優惠, 每一個午餐都減30元, 要了一個意大利天使麵鮮蝦意粉, 前菜是parma ham沙律, Parma Ham可真細條, 我只能用一條條來形容這片parma ham, 從未吃過如此細片的！真夠孤寒主菜足足等了半個鐘頭才到, 只是很簡單的天使麵呵！好了, 天使麵的份量還是足夠, 面身乾爽不黐立立有水準, 熱度夠,鮮蝦爽脆但缺乏蝦味,整體來說味道清淡不油膩.算中上水準.靜靜的坐著看看電子書, 在20多度的氣溫下飲一杯冰凍的檸檬茶, 過一個悠閒的週末下午.

媽媽生日，係app book咗呢間係沙田河畔附近嘅意大利餐廳來慶祝生日。原來set meal嘅優惠同app discount 不能共用，為咗可以享用salad bar, 我哋決定咗唔用app嘅優惠, 皆因用個別銀行嘅白金咭/signature card 都可以享有八折優惠！Salad bar食物選擇都多，味道不錯👌Set meal 價位如下：Rib eye set $178, 青口蜆肉意粉 $158, 煎鱸魚$168, 八折完又有嘢飲，又有 salad bar 其實都可以嘅~ 味道方面都係average 咁啦～整體上都OK！

5月18日特意訂枱打算慶祝生日。當晚7:00到達餐廳，已經有七八成滿座。因為之前曾經試過，食品及環境不錯所以再選這餐廳，加上小孩子十分喜歡自助沙律Bar 。我們當晚兩大人兩小童點了$1488四人晚餐，還每位加$32加了湯及甜品。小食蕃茄芝士肉丸不過不失；墨西哥炸紅椒，炸皮大硬不夠鬆脆；香草白汁煮青口可以。至主菜點了蕃茄芝士 pizza 、帶子意大利飯和斧頭扒。pizza 算是最令人滿意，意大利飯也可以。但最令人失望是斧頭扒，我們點了五成熟，但結果不但 Over cook 而且冇牛味，肉質很硬粗鞋有肉渣，整件扒十分乾及冇肉汁。用餐完畢因為有剩 pizza ，我們向侍應表示想打包拎走，侍應不但沒有主動為我們包好，只顧說要收取兩元，最後卻拎了一個放不下pizza 的飯盒給我們自行處理，態度十分惡劣。雖然經理之後有來解釋當晚十分忙並表示歉意，但已令我們很不愉快了！

之前喺百老匯買完野之後送咗一張呢度嘅七五折優惠卷所以諗住用咗佢因為其實之前都有食過呢度嘅lunch semi buffet其實味道都唔錯好可惜優惠券唔可以用喺自助沙律吧所以唯有單點餐單入面嘅嘢食啦無花果巴西火腿Pizza呢度嘅Pizza個底都係一模一樣不過上面嘅topping就去睇你叫乜嘢去放唔同嘅材料Pizza底都係即製嘅，所以都算好食👌🏻三文魚南瓜忌廉闊條麵三文魚煎得外脆內軟而且食落都好香口意粉個汁亦都有忌廉味濃郁闊條麵質感亦都啱啱好整體來講味道非常唔錯不過你俾我揀嘅話我都係會揀lunch嘅自助沙律吧因為價錢相對晚市平而食嘅嘢亦都係差唔多

通常weekend既自助餐都比較貴、但呢間餐廳就出左個下午茶自助餐、星期六都係百幾蚊、一家大細去非常超值。野食款式其實唔算多，幾款主菜，十幾款甜品、但勝在好食、同好坐、講真一百幾十仲要任食、想有幾多款Y😂， 但總括質素係唔錯。超級推介 pizza、炸魚、、白汁意粉、磨菇批、oreo cheese cake。Weekend 同家人坐得舒舒服服、食下野、傾下計，真係幾寫意👍🏻 。所以我已經去左幾次、原來每次既食物都有些許變化、😱 第二次無左蘑菇批、勁想食、希望下次有番勒。

百零蚊嘅酒店甜品buffet, 原本諗住唔會有d咩驚喜，試過之後依家每個月最小都會去一次😆😆。唔好睇上平嘅撻仔平平無奇，好味指數直迫100分呀！行埋去已經聞到陣陣香味，攪到原本唔肚餓嘅我都洗哂口水🤣🤣。食落去發現皮薄得黎好鬆脆，d餡又香又唔係太甜。咩叫皮薄餡靚，就係尼d囉！👍蛋糕唔算係好精緻，但都一樣入口齒頰留香。到我最鍾意嘅小品喇，一口一啖啱啱好。話明係甜品buffet又點會得咁小野食吖，款式好多出品又快，不過以上3款係我自己最推介。😉@沙田河畔

舊同事好耐冇見，約出黎食飯，聽人介紹斧頭扒好食，訂位時訂左。平時多肉少菜，先食個沙拉吧。有三文魚，肉醬配脆片，煙肉配哈密瓜等等，食完已經半飽。斧頭扒唔簡單，原來係火焰牛扒，所以5成熟都ok。環境舒適，服務又好，可以再黎過。

年頭嘅元旦日就跟教會嘅大旅行就嚟過「麗豪酒店」食自肋午餐，順手拎咗酒店啲餐飲單張八吓，睇到有介紹「意廊」（Avanti Pizzeria）新推咗啲美式意菜。其實，都曾經幫襯過「意廊」，不過，都已經喺10年前嘅事喇，哈哈！近日，就約咗幾個朋友嚟食飯，當聚舊又好，當食開年飯又好，總之就開心歡聚食意菜。雖然，餐廳外有唔少露天位，近日嘅天氣亦清涼，加上少少燈光嘅配合，都蠻有情調。不過，燈光較為昏暗，怕影相效果無咁好，坐室內就最理想。其實，室內嘅環境都幾闊落，就算放上較為掗拃嘅梳化椅，一樣唔會覺得侷促狹窄，而且，啲椅舒服好坐，又比一般西餐廳都顯得光猛，所以，特別多家庭客。今晚嚟嘅目標喺佢嘅斧頭扒，36安士嘅斧頭扒連埋配菜，仲奉送焗意式麵包，佢話兩人用，咪傻啦，唔喺講笑，4個人都夠食呀！原價賣$988，跟出面市場定價差唔多，但依家推廣限定優惠價只喺$638，超抵食。至於自選散點餐牌都有好多選擇，大致分為前菜小食、沙律、濃湯精選、巧手肉扒、嚐味海鮮、手工薄餅、自家製意大利麵、意大利飯及多款美式芝士蛋糕。如果覺得太多唔知點揀，就不妨縮窄範圍瞄住廚師推介。當然，套餐一樣有供應，如果喺一人份嘅，有兩個選擇

差勁的下午茶buffet 內容以其所標題的完全不相符 沒有什麼二分可以選擇只得兩款沒有長通粉供應台所謂的 蜜糖雞翼春捲肉丸全部都沒有供應還有什麼可以食呢芝士蛋糕啫喱糖 兩款的 蛋撻 pizza只得一款所講的十多款pizza美食完全都沒有 我女兒只是食了幾杯雪糕就什麼都沒有吃啦 既然餐廳傻標題的多款未食都未能夠完全供應 還是什麼buffet 請不要幫襯 如果不相信你可以一試

叫左個沙律，意粉同Pizza，得個沙律可以入口。個Pizza簡直係超市買翻來自己叮果隻，啲餡勁少勁不知所謂。。。真係勁誇張，唔會再來第二次了呢仲價錢食呢啲真係唔抵………

呢間酒店嘅餐廳，正正係酒店大門一入去嘅右手邊，非常易搵。餐廳分室內同室外嘅部份，但今次係食Tea Buffet ，梗係揀室內嘅位置啦。先講價錢，係永安旅遊Apps買優惠券，只係需要$105 ，仲已經包埋加一，星期六日都用得，呢個價錢真係抵到核爆老老實實，食物種類唔多，但食物質素一啲都唔差。先講熱盤，得幾款：Pizza有兩款，食晒會不斷re-fill 唔到同嘅口味，有出過菠蘿火腿，亦有出過辣肉腸等等另外亦有麥樂雞，龍脷柳，意粉同埋有一盆葡國雞。龍脷柳幾香幾好食，葡國雞啲雞都算幾滑，意粉冇咩味嘅。再講下甜品，有10幾款嘅，比想像中好食好多：食咗個出邊好少見嘅三文魚菠菜批，另外再食咗一個肉桂批，三文魚菠菜批係鹹鹹地嘅，但好惹味。鍾意食肉桂嘅朋友，唔好錯過呢個批啦，有好香濃嘅肉桂味。跟住食咗個熱辣辣新鮮出爐嘅葡撻，葡撻夠熱就肯定好食。亦試左個燕窩芝士撻，芝士味好濃好滑，亦都試咗個藍莓撻，好fruity食完呢啲，仲有唔同味嘅啫喱果凍同埋布甸，食咗兩個芒果布甸，芒果味好濃，質地都好Creamy唔少得嘅，梗係有唔同嘅蛋糕啦，有朱古力蛋糕，味道很濃嘅。最後仲食埋雪糕同窩夫，雪糕仲係Movenpick