麻布茶房 (Closed)

同同事去樂富食晏，見到唔使等位又好耐未食過就坐咗入去。餐廳唔多位，又有啲迫，只適合食個快飯。每個午餐都附送雪糕同餐茶。薑汁燒豚肉定食($69)前菜係幾粒雜豆，無咩味道，失敗。味噌湯連昆布都無塊，失敗 。啲飯比較乾身，唔夠軟熟，失敗。醬汁杰撻撻唔夠薑汁味，失敗。豬肉鞋口柴皮，失敗。記得好耐之前食過呢間餐廳都算係好味，宜家，唉壽喜牛肉定食($88)除咗肥牛洋蔥，仲有車厘茄，西蘭花，茄子同幾條格格不入嘅薯角。可能真係一分錢一分貨，牛肉肉質比豬肉嘅好，味道亦相對正常。牛肉定食送沖繩燒紫番薯霜淇淋。有得揀醬: 宇治金時，紅豆，黑芝麻或黑蜜黃豆粉。同事揀咗紅豆。 紅豆都算足料，雪糕夠軟滑，但紫薯無咩味。

同朋友上堂前食個晚餐，樂富一出地鐵站～入商場第一間就見到麻布茶房比佢甜品吸引左 於是入去Menu 有好多類別揀，有拉麵、飯、邊爐都有我同朋友一人叫一個餐我叫左牛肉邊爐餐，配飯再加宇治抹茶牛奶雪糕* 邊爐有飯，加埋有好多菜，數片牛肉，非常飽* 要留肚食雪糕，性價比高朋友叫左豬肉泡茶雞蛋親子丼* 佢話味道都幾好* 都足料^ - ^環境都幾舒服，服務都ok！而且款式都好多～都幾岩唔同口味既朋友一齊黎食而且仲可以加飲品！

之前黎過呢度食過一人一鍋，見一個晚餐加個甜品唔太貴，諗住再黎食～點知8點黎到，已經話無晒火鍋，好失望，但一場黎度，就入去食其他野食la~見到餐牌啲扒好似唔錯，就order左個美式什扒，揀左黑椒汁，但牛扒，豬扒同雞扒都好一般，煮得有啲太熟⋯有鮮菠蘿配菜幾特別既～另一個叫左個套餐，一個主食配一款甜品，吉列豬扒飯，味道肉質都麻麻地⋯以為甜品會有返啲質素啦，點知店員話無晒丸子，換左個麻薯，是但啦，點知好難食好粉，隨便食完埋單走算⋯

行過麻布茶房，見好耐無食過，見佢個豪華午餐Set有包埋甜品好似好靚好吸引，同埋當時見餐廳入面客人唔算多，就入左去喇！一坐低，侍應先奉上熱茶，我地都好快就選好order，鹽燒鯖魚魚定食同香黑椒牛柳粒定食！而甜品就後上！鹽燒鯖魚定食：配有小食一客（蓮藕漬物），麵豉湯一客，主食鯖魚同白飯一個！最主要既鯖魚都燒得好香，鯖魚皮燒得香脆，滴一至兩滴檸檬汁可以中和一下燒完既油膩感同更加開胃，亦只有一兩條魚骨夾係魚肉間，魚亦大約有一隻手掌長！香黑椒牛柳粒定食：同樣有小食，湯同飯，係主食改係牛柳粒，份量一般唔算多，不過肉粒咬落夠林同有牛香，熟度岩岩好！不過唔算特別，中規中矩！甜品：紫薯雪糕！雪糕外型靚，溶得好快，因為最底部既紫薯係熱既，一冷一熱食落效果又唔差，牛奶雪糕味道較淡，配上灑面既黃豆粉同少許糖醬先有少少味道！總體係不過不失，不過價錢唔算平，呢個價錢相信可以有更好選擇😊！

1個人放工搵食，見到餐廳門口有2個大餐牌，套餐吸引又抵食，餐廳內大約有8成人，我1個人可以坐2人枱，幾舒服，而且服務訊速。火鍋＋甜品50%off，太吸引，有D唔咁相信叫左個最平嘅👉🏻A+B $59另加👉🏻餃子 $10👉🏻飯轉烏冬 $10肥牛火鍋火鍋幾大份，雪花肥牛，不會太肥，是比較高級的靚肥牛，配菜都好足夠，還有羽衣甘藍，沒有將貨就價。餃子五粒，抵吃烏冬，爽口又夠滑甜品居然有Dreyer抹茶雪糕批，至愛抹茶味，簡直大滿足埋單，只係$83，咁扺，下次必定再光顧。

今日難得嚟到樂富附近，本身打算去吉野家打邊爐，但見到電梯隔離有一間都係食邊爐嘅，所以就決定試新嘢～～之前經過都見過呢間，今日終於第一次試。先講下服務，一開頭個女侍應就話冇位要等吓，但個男侍應就即刻走過嚟安排比我地。兩個人分別點咗一個安格斯牛肉邊爐同8安士嘅美國安格斯牛排。個邊爐套餐個人認為唔夠飽，因為料比較少，而且湯唔夠入味，以九十幾蚊呢個價位其實可以再多啲配料。呢個套餐連埋士多啤梨雪糕，味道尚可。對於個安格斯牛排其實有少少失望，雖則唔係以鐵板上，但係上嘅時候連熱嘅氣都無，食落都好唔熱。牛排冇乜牛味，加上個燒汁唔夠出，整體評價低。大家有冇試過呢？你地嘅評價又如何？

我叫左一個牛柳粒嘅lunch set， 牛柳粒好咸牛肉好鞋 同埋份量唔多， 唔值100蚊嘅價錢 。本身入去之前見到lunch set有haagen dazs雪糕， 所以先入去，但最後入到去先發現無曬雪榚。 入面有一個中年嘅waiter ，服務態度好差，冇禮貌，一直黑面。同埋無諗過靜係收現金........... 宇治金時紫薯雪糕幾好食!!!!!!!!!!!!!!!!!!!!!!!!!!!!!!

原來樂富而家多咗好多好嘢食，喺樂富廣場一期見到麻布茶房😳😳😳，佢嘅豪華定食lunch set 好吸引喎。😍😍😍 今日試咗7號餐冷蕎麥麵(迷你) 配和味牛肉飯 (迷你)。因為貪心上兩樣都想食😂😂😂牛肉飯燒汁好濃好惹味，牛肉都算多🐂🐂🐂不過呢個size又好似真係到喉唔到肺🙈🙈🙈冷蕎麥麵同想像中差唔多味冇乜技巧可言，醬汁有少許太鹹。下次都係嗌返full size牛肉飯好啲😝😝😝 不過88蚊包咖啡/茶同甜品都唔算貴🙈🙈甜品可以揀佢自家嘅蕃薯雪糕或者haagen Dazs (仲要係三隻新味!!!) 本身甜品menu價都三四十蚊，成件事即刻抵曬😝😝

麻布茶房抵食 ~ 日式牛肉火鍋-Happy Friday就食日式打邊邊。門口餐牌寫住50% off。［A款+C款 $88］同牛有仇嘅我，當然就係食牛肉火鍋啦。A款： 安格斯西冷牛肉火鍋， 配雞蛋、白飯。一人一鍋 唔使爭壽喜湯底 泡菜湯底鍋入面嘅配料有好多： 除咗牛肉之外，有菜、南瓜、冬菇、豆腐、渦卷、 大蔥、金菇。 分量好足料、牛肉又夠新鮮。 C款：紅豆 + 燒蕃薯C款：杏子金時 + 燒蕃薯舖頭嘅座位唔係咁多，所以早到就唔使等。===============麻布茶房地址: 樂富聯合道198號樂富廣場一期UG2 L224號舖

由返工地方行去樂富廣場都要三個字, 但見今日天氣好就去食晏,見到呢間定食幾多款,環境都算幾好就試試。我叫左個豚肉生薑燒定食, 坐低侍應比左杯茶, 個茶杯好骨緻, 感覺即刻relax d.定食好大份, 有湯, 沙律. 主菜, 白飯....個人麻麻地個沙律, 其他都清晒. 餐飲叫熱咖啡, 都好飲。準備埋單果陣, 個待應問我要咩雪糕...我以為要加錢配, 原來係包埋...仲要係哈根大師. 個男侍應見我話飽, 好貼心咁話如果唔堂食可以帶走, 因為都包埋. 埋單$76 算係好抵食, 侍應望落得兩位男仕, 但服務好好同快手. 下次會再唻~

今天放假同朋友晚上未夠六點去到樂富廣場麻布茶房食飯，到達時已經有好多客人，好在剩返兩張枱，吾洗等位。安格斯牛肉火鍋套餐有特價，套餐係包甜品一款但唔包飲品。套餐半價，但要按原價+1，牛肉火鍋除了牛肉之外，亦有魚蛋和好多蔬菜。牛肉一般，湯底較甜。甜品有三個系列B C D，我哋揀咗C系列嘅宇治金時同埋D系列的草莓。餐廳環境比較擠迫，食物質素可接受，甜品出色，總括來說性價比高。

系九龍城同樂富中間做野,lunch要搵食成日去九龍城食,今次就去樂富睇下有咩食1入門口就見到【麻布茶房】第1次食,平時覺得應該好貴,所以未去接近過好喇~終於去嘗試睇下個menu😆見到lunch都有唔同價錢既set由50幾-90幾蚊都有,就試下啦lunch都多人等位,好彩我地早少少入去坐低先黎杯茶先🍵【咖喱牛肉蛋包飯】個名其實唔系好記得咖哩香濃👍🏼普通肥牛🐮雞蛋🥚好滑配埋d薑更開胃餐飲嗌左【凍檸茶】糖水自己落👍🏼甜度自己定原來仲有期間限定既Haagen-Dazs雪糕【CREAM CHEESE 麻糬】未食過,原來入面有麻糬咖😍大鄉里感到好驚喜呀

今晚收工OT夜咗食晚飯 ， 個肚餓到咕咕聲， 天寒地凍又大風， 出咗地鐵站之後就即刻 走入商場搵嘢食， 見麻布茶房 仲未 關門 ， 拿拿聲行入去食 ……睇完餐牌 ，即刻點左安格斯牛排8oz套餐， 套餐包括蟹子沙律、煙肉菠菜、黑椒汁另上及可樂一罐。過咗冇幾耐，Waiter 先把 沙律及飲品送上， 因為太肚餓的緣故 ，我不用 兩分鐘就把沙律食完， 跟住再等多十分鐘左右 ，我塊安格斯牛扒終於上枱， 送上枱時 熱辣辣， 切開時已經感覺到塊扒好冧，入口 feel到d肉汁 爆出嚟， 另外要讚下個黑椒汁， 調味恰到好處， 呢餐食得好滿足 ，下次要帶埋屋企人一齊再嚟食！

在樂富商場地下，一望就看到～餐廳名稱好可愛，店舖不算太大，在角落的位置芝士西蘭花焗土豆我認為這個較像小吃一份，份量不算多，但真的很好吃薯仔內外均軟綿綿雞肉火鍋 泡菜味突然想火鍋，可能受四周環境影響，泡菜味湯底帶點微辣，雞肉份量多砂鍋黑醬油拉麵同傳統嘅拉麵唔同，呢個由砂鍋裝住嘅拉麵隔外保溫，食曬啲湯都仲係熱想不到湯底味濃，本身覺得餐廳雖然是日式餐廳，不過不是主打拉麵，所以沒對此有什麼期望。隨餐附上小菜豆一碟跟火鍋餐的Haagen-Daz 黃桃味雪糕

今日我們成班太太團約咗去樂富 商場行街，已經很久沒有去過樂富村，原來商場及街市已經翻新了，仲係有冷氣開放的街市，內有好多新鮮的蔬菜、海鮮、肉類等的餸菜，來這裏是十分方便，近地鐵站，行十分鐘便到了，新街市十分乾淨，我們成班美女行到中午的時候，就去搵咗一間（麻布茶房）食午餐，原來這餐廳点餐的時候會有附帶甜品埋一起叫，再會優惠些，食完飯再來食一個甜品，大家都再開心些。這餐的廳的招牌，就係雪糕甜品。燒鰻魚飯，鰻魚份量都好十足，鰻魚微微煎香，而肉質又可保持嫩滑，再配以蔥花更能帶出飯的香味。