峇峇娘惹 (MOSTown新港城中心(4期)) (Closed)

男朋友咁岩黎開馬鞍山，同佢睇完電影之後就同佢試下呢間肉骨茶!!香脆蝦餅 HK$38蝦餅炸到外皮鬆脆，正!峇峇雜錦肉骨茶 HK$76肉骨茶好好味，我地都飲哂成碗!!!脆皮燒肉滲滲叻沙 HK$54喇沙湯底濃郁，同時帶有椰香味，米粉加上油麵，令到口感好有層次!! 配合埋脆皮燒肉，真係好好味!!脆皮燒肉個表好脆，肉同時都唔會好老!!!

簡單食左個下午茶，味道又幾唔錯。叫左個湯粉好平，仲要散叫飲品同菜都係超優惠價！1.手撕雞雞湯河粉湯粉湯底算清，唔會死鹹，而真係有好香雞味。雞絲唔會韌幾香滑。有好多芽菜做配料，好爽脆口感更豐富。河粉亦做得好滑，粗幼適中。雖然只係一碗好簡單嘅湯粉，但味道都幾滿意。2.參巴通菜通菜菜味都ok. 口感尚可。而調味係靠混雜於菜上嘅醬汁。第一次食此味道，都幾辣，個人唔太受得住。但鍾意食辣嘅人會覺得好惹味。3.羅漢果冬瓜茶羅漢果本身偏甜，配冬瓜茶味道互相平衡得幾好。而恰巧食辣菜配上此羅漢果茶能發揮中和作用解辣。對於我鍾意飲甜野又唔多食得辣嘅人真係啱晒。

本身好鍾意肉骨茶黎到馬鞍山就諗起呢間今日點左~豬潤肉骨茶(胡椒)其實兩個味都食過(藥材)都OK的但我就偏愛胡椒辣辣地好開胃呀佢既胡椒味都重食完暖粒粒湯入邊有好多豆卜同幾件冬菇仲有少量油炸鬼另上味道唔差呀係略嫌豬潤切得太厚搞到口感無咁滑跟既白飯好大盒應該好夠飽(女仔)~芽菜呢個第一次試想食下蔬菜0係芽菜上邊有豉油同麻油(如果無FEEL錯)所以食落好香而且份量都唔算小鍾意芽菜既可以試下呀

平日唔駛返工就落咗樓下食下午茶，天氣涼涼地想食啲熱野，咁啱見到呢間有下午茶餐牌，又有湯麵，就入咗去試吓😋下午茶魚腐喇沙摻摻+凍美綠喇沙除左魚腐，仲有豆卜同蛋，魚腐好好食，魚肉幾有魚味，幾驚喜；豆卜配喇沙湯一定好食😂；麵嘅份量女仔來講啱啱好，軟硬度適中；湯有少少椰香，唔太辣，個人黎講幾岩我胃口，湯入邊仲有啲炸乾蔥，令湯飲落去香啲👍🏻 而美綠就略為多水得滯有啲淡🤔轉埋凍飲加$3，total都唔駛$40，late lunch黎講好抵食，下次可以再試吓其他menu👍🏻

呢間餐廳開左一段時間都一直未試，因為一開個陣實在太多人，日日都有人係門口排長龍，所以特登等耐D先至試，今次平日來食下午茶終於唔洗排隊啦。下午茶牌都OK抵，一碗麵/飯30-50蚊左右，有熱飲，可以加D小食。今次我地兩個人都係叫左魚腐滲滲叻沙 $36碗麵雖然唔係好大，不過麵條都唔算少，都食得飽嫁，加上飲埋D湯咁滲滲就係米粉+麵，幾好食叻沙味都算幾濃，但唔會確喉另外優惠價加左小食，香茅骨同香茅雞翼兩樣都好脆好香，好彩香茅骨唔太多肥膏，多肉，亦唔鞋餐飲揀左凍馬來拉茶、桂圓特飲拉茶幾香，桂圓都OK

「娘惹」係指十五世紀初期定居係馬六甲、印尼同新加坡一帶既明代、清代移民，同當地原住民通婚產生既混血後裔，男性稱為「峇峇」，女性稱為「娘惹」！.📌豬扒喇沙參參 $48 參參即係麵既意思，用正宗油麵混合米粉，兩者配合一齊，口感幾好。豬扒幾大塊，而且醃得入味，煎得香口，但比較鞋口左少少🤏🏽! 喇沙湯底濃郁，帶有椰香味！上枱時仲配左半個小青檸/小柑橘!.📌咖喱雞翼飯 $42餐廳好細心咁將咖喱同飯餸分開上，保持飯餸分明，唔會比咖喱汁浸到淋晒😍👍🏾 雞翼煎得好香脆，好重香茅味！咖哩比一般餐廳食到既更加濃味，重香料味，配上薯仔同秋葵，好食。跟餐有一杯熱飲，我要左杯熱南洋咖啡，味道正常。.📌+8元有參巴通菜正常發揮！.總括嚟講，食物質素唔錯！會回頭！.食物：7.5/10環境：7/10抵食度：8.5/10回頭度：7.5/10.

係馬鞍山開左唔算好耐，一直無機會食因為成日排長龍。呢日有事放假走左去食個下午茶。一去到無人排隊，以為有得直入。點知都滿座都係要等一等，不過好快5分鐘左右就入得。叫左個常餐，有咖咉多士(甜甜地，又脆脆地都唔錯)，炒蛋(都滑，唔算好多油)，香茅骨美極麵(唔柴，得3舊，個麵比普通麵好食小小，但又無出前一丁好食，以為有美極鮮醬油嘅味，原來係無嘅!)，拉茶(夠甜夠奶，啲泡泡唔易爆，可以用羮筆入口)，+8元有參巴通菜(8元係抵嘅，又大碟，不過如果係炒應該會更香更惹味好食好多)

第一次坐馬鐵入馬鞍山探朋友，午飯時間喺新港城搵食，見到門口餐牌個價錢好吸引於是便入去試吓，要咗一個豬扒喇沙參參加薏米水，豬扒醃得夠味，煎得香口，喇沙椰香味濃而不辣，米粉、油麵加上牙菜仔口感層次很豐富，跟餐有一杯熱飲，我要了薏米水，薏米煲得軟淋入味，加入冰糖很是清甜潤喉😋朋友叫了一碗星洲魚腐雞湯河，都只係$32仲包嘢飲，一碟咖喱雞翼飯，店家很細心地將咖喱和飯餸分開碟上、除了不失美感還可以保持飯餸分明，唔會比咖喱醬浸到淋晒👍

———————————————————————呢間系小編食極唔厭既馬來西亞餐廳🤤✨脆皮燒肉滲滲叻沙 $54✨魚腐滲滲叻沙$49叻沙湯底好好味！湯底好濃郁！帶有椰香味！成碗飲哂！用左米粉同油麵煮成，米粉吸哂湯底，幾惹味！魚腐偏淋身，可以煮得爽口d😛而燒肉既皮真系整得好脆，半脆瘦好香口！好味指數：8.4/10———————————————————————🏠 峇峇娘惹📍馬鞍山鞍祿街18號MOSTown新港城中心(4期)2樓2116號舖香港美食 #吃貨 #馬來西亞美食 #馬鞍山美食 #燒肉 #滲滲叻沙 #hongkong #hongkongfoodie #hongkonggoodfood #food #foodssss___

最近見到唔小餐廳都有折黎吸引食客，呢個係我見過最抵既，早餐蕃茄雞扒通粉連野飲都唔洗30蚊，我一見到即刻入去食，而且蕃茄味重，雞扒大塊，通粉彈牙。仲要免加一，窮人恩物

———————————————————————✨脆皮燒肉（$65）✨參巴炒蝦球（$75）燒肉外皮幾脆，脆瘦均勻，食落都幾爽口！至於蝦球味道比期望中好味🤤咬落除左爽之外，肉質好嫩！會不停食😹😹好味指數：8.5/10———————————————————————🏠 峇峇娘惹📍馬鞍山鞍祿街18號MOSTown新港城中心(4期)2樓2116號舖香港美食 #吃貨 #馬來西亞美食 #馬鞍山美食 #燒肉 #蝦球 #hongkong #hongkongfoodie #hongkonggoodfood #food #foodssss___

前排因為疫情嘅關係好多食店都會做優惠，峇峇娘惹都唔例外。▫️星期日嘅下午我哋嚟到新港城，去到餐廳門口都要排一陣隊。我哋被安排多坐近收銀機對住嘅二人枱，但不論座位、走廊位都好窄，店員行出行入都基乎會hi到我嘅衫䄂。而且由於對住收銀位嘅關係，每次客人買單佢哋個pat pat都係會對住我哋嘅。▫️🔸香茅豬扒喇沙參參叻沙湯底好香濃，香料味都幾出，油麵偏淋，豬扒香口入味，但比較辣鞋口，不過整體係好味的。▫️🔸巴東牛肉蝶豆花飯一上枱藍色嘅碟豆花好吸睛，飯有好香嘅椰漿香，但煮得偏濕，有少少咸味。巴東牛肉炆得好淋好香好惹味。炸花生同辣菜團都好正好香口。▫️🔸白咖啡味道正正常常，唔係話特別好香，普通咖啡一杯。

馬鞍山終於唔係美食沙漠因為近年開左好多間餐廳 雖然大部分都係連鎖 價錢偏貴 但今日介紹既呢間我覺得係窮人恩物呀峇峇娘惹既下午茶 只係$31-$51 包熱飲😍有包有多士有麵有飯 任君選擇加$8-$10仲可以揀一款小食 真心超抵😍😍呢碗魚丸拼魚角 有咁多材料都只係$36白魚蛋係我最愛 好彈牙💕滲滲意思即係油麵同米粉兩種麵撈埋但原來揀其中一樣都得架呢碗揀左淨米粉底 米粉好掛湯 好正😆🥰👍🏻$36既魚腐滲滲叻沙 有兩大塊魚腐 賣相都好吸引真心要提個叻沙湯底無論賣相定味道都係值得一讚撥開面個層微辣既油 係奶白色既湯底 好重椰香味🤤魚腐吸曬叻沙湯底既精華 湯底唔太辣 適合大部分人 真心香濃又惹味.加配左個素春卷 食落一d都唔油膩點埋個甜酸醬 好好食😚👍🏻😋下午茶咁平食到咁飽真心抵👍🏻👍🏻👍🏻

乜轉了只限外賣的晚市，這兒竟然一點人都沒有🤯，連買外賣的人都沒有。於是就買咗個雞扒喇沙滲滲，所謂的滲滲，其實說穿了都是油麵與及碎米粉🤷🏿‍♂️，雞扒都算大大塊，本身看上來麵條不太多，但原來米粉遮蓋了很多油麵，吃落都覺得份量剛剛足夠。都算做到足，因為除了雞扒、兩種麵條、湯之外，也放了一粒柑橘還有芽菜以及其他蒜酥。湯底的味道有輕微甜味，不算太辣，有點像沙嗲以及香茅味道的混合體。麵條都還好，因為不會感到米粉太林送的那個菊花蜜，要凍的，但原來冰粒相當多，只有第一口有味的，搖勻了之後，就令到成杯菊花蜜沒有什麼味道不過，以這麽一家東南亞式餐廳，這個價錢又不用等位，尙算正常

之前都係食開佢嘅早餐嘅，平得嚟有質素， 炒蛋牛油多士，沙爹牛肉米粉， 飲品一杯 HK$35。 不過就冇熱檸茶，熱檸水嗰啲， 如果有埋就最好啦。當日晚飯要自己一個搞掂，又攰，唔想煮嘢食，就決定買外賣😆見到佢外賣餐牌有海南雞飯，我平時都鍾意 喺唔同餐廳試下海南雞，所以就 決定買啦返到屋企就即刻開嚟睇下，雞望落去唔太吸引又咁啱畀正全雞胸+一隻雞槌。。 試真啲先，雞就真係鞋咗啲， 雞肉與雞皮之間亦都冇啫喱嗰層。。食落去有啲似 燒味嗰啲貴妃雞 ，同埋份量比較少( 話曬都要六十幾蚊) 。。 但係興幸地佢嘅醬汁同埋配菜幾好食 配菜有花生 菜莆， 都好易送到飯 油飯嚟講唔算好重味，但係都ok嘅， 加埋啲醬就真係搶咗啲雞嘅風頭 😆 佢個紅汁係有啲辣嘅，同平時其他餐廳嘅有啲唔同 ，薑蓉有混埋蔥喺入面，幾好食 跟餐當時有杯凍或者熱嘅洋參菊花蜜， 我嗌咗凍嘅，佢話少甜，又真係少甜都幾好飲如果淨係以雞嚟講我就唔會再食啦。。但係畀面啲醬嘅份上可能堂食會試一次，我見有人食評話堂食啲雞份量好似幾多，我外賣就好少鷄啦。。🤔