峇峇娘惹 (MOSTown新港城中心(4期)) (Closed)

峇峇娘惹📍.昔日既美食沙漠愈黎愈多野食對成日去馬鞍山既E.L黎講真係一件喜訊📻近期就試左一間馬來西亞菜.🐷豬肋扒肉骨茶（$62）肉骨茶胡椒味重 相反藥材味淡啲感覺會清啲岩哂啲唔鐘意重藥材味既朋友🍲而豬肋扒唔會煲得太腍 肉質仲係幾彈牙味道都幾好😋.🐥峇峇無骨海南雞（$112）雞肉肉質幾滑 表現不俗.總括嚟講餐廳既食物質素ok 而且價格相宜 可以一試👌🏻.人均消費：$97美味指數：😋😋😋😋😋😋😋 （7.5/10）抵食指數：💰💰💰💰💰💰💰 （7.5/10）打卡指數：📷📷📷📷📷📷📷（7.5/10）.店名：峇峇娘惹 (馬鞍山)地址：馬鞍山鞍祿街18號MOSTown新港城中心(4期)2樓2116號舖

今日去左一間餐廳非常之好食😋👍主要食新加坡式料理👍非常之難忘第一次食(o^^o)今次帶咗兩款肉骨茶，分別係豬肉肋骨肉菜，同埋梅頭肉骨茶(o^^o)真係超好味，胡椒味好濃郁，排骨同埋豬肉非常之好好食，肉質煙韌爽口彈牙，😋湯亦都非常之好飲差唔多飲晒咁滯👍👍啲飯亦都非常之好食啱啱好唔會太硬！！亦都唔會太淋！！仲可以撈飯食更加好味👍👍👍。今次嗌左兩杯嘢飲非常之好飲！第一個係羅漢果茶，第二杯就係橘子酸梅茶！非常之好飲下次一定會再來一次，值得推介！

母親大人點名話要試試呢間餐廳雖然新港城呢邊已經多左好多餐廳 但係呢間星期六下午茶時間都要排隊等位 人氣度幾高🤨叫野食係自己喺點菜紙度寫~~媽媽揀左💁🏽‍♀️ 星洲濕撈米暹($41) 跟熱馬來拉茶我就揀左👉🏼 魚腐滲滲叻沙($38) 跟熱青桔仔茶另外分別(+$8)配素菜春卷 同埋涼伴豆腐食物無咩特別 個人認為喇沙夠色水但唔夠香~~之後入正題講講員工💁🏽‍♀️我揀左熱青桔仔茶👇🏽(張相我本身影黎for自己寫食評個陣睇番)但最後黎左杯凍既👇🏽我同佢講番 店員問我介唔介意飲凍既 我唔想嘥野所以話唔介意食食下野就俾收到張單 見到(+$3)凍青桔仔茶🙈再問番佢 佢就話凍飲係要加$3 要飲熱既話就俾番杯熱既我🤦🏾‍♀️$3唔係咩大金額 但係我覺得個位員工唔係好識得靈活d咁處理自己既錯誤/ 無選擇用公司利益既角度諗野..其後都聽到附近既食客向店員了解佢張單 唔知係咪又有出錯不過個人認為店員同店員之間講野都幾大聲🙉⚠️大家去食既話 記住要記得自己點咩 同埋check單啊！

Work from home自由時間會比較彈性一點，鍾意幾點食飯都無限制。咁我就揀了下午茶時段黎食，一來人流不會太多人，二來價錢上都相對便宜點。由於疫情嚴重，要先量體溫才可進入餐廳用膳。我點了星洲濕撈米暹，小食點了素菜春卷，飲品就點了檳城桔仔酸梅特飲。星洲濕撈米暹，餸菜多元化，最適合鍾意每樣試食少少的我。份量不是太多，對我黎講還可以。湯底幾濃味，其他餸菜普通。素菜春卷，脆卜卜，味道可以。檳城桔仔酸梅特飲，味道一般，但幾開胃。

馬鞍山原來都唔算係美食沙漠，選擇都唔算太少，好耐無食娘惹菜，口淡淡，今日想食下惹味野。巴東牛肉飯比一般牛肉唔同，用牛腩，肉味和油脂更香，可以加 $3 換藍蝶花椰漿飯，飯甜甜地，配食無咁辣，加上鹹香花生，菜甫，雜果，口感豐富又惹味。咖哩香茅雞翼飯雞翼煎得香脆，香茅味濃，咖哩比一般的辣，好濃味，配料有薯仔和秋葵，好好送飯。星州魚腐大件又香軟，雞湯清，河粉份量多，唔好辣可以一試。（前）熱羅漢果冬瓜茶清甜，（後右）凍薏米水，幫助排水，（後左）馬拉拉茶茶味濃，唔錯。

週末同男朋友踏完單車，就去揾野食之前有朋友介紹依間餐廳既菜式好地道，價錢又相宜，經過見到就入去一試。我哋叫咗個炒貴叼，唔算好鹹，仲有少少唔夠味，所以我哋落咗啲辣椒油，調下味，啲味即刻出哂黎咖哩酥餅，個人本身好鐘意食印度既nann，所以依個酥餅都無令我失望！唔太油但又夠脆豬肋骨肉骨茶 配飯，正宗食法係會附上油炸鬼，餐廳都有比少許我哋，油炸鬼索哂啲湯汁，好好食，肉骨茶味道濃而不膩，可以encore野飲我哋叫咗馬來拉茶同薏米水，拉茶好像沒有什麼特別，但薏米水清清甜甜，下火解渴。最後結帳$180到，我哋都食到好飽，性價比高啊

素來被稱為美食沙漠的馬鞍山終於有新餐廳開🤣 新年決定一家人去試下😚 而呢間就有喇沙 牛肉飯 海南雞飯 肉骨茶等菜式食 🥬🥐放飯去食 排左大約半個鐘先有位 入面有壁畫佈置 都算幾有心思😃😃而我今次就想食得清淡d 所以就叫左魚蛋拼魚角河粉 飲品就有拉茶 薏米水 美祿等選擇 今次我就叫左熱薏米水 夠晒養生！除左主菜 都叫左小食 今次就叫左煎肉餅 +$12有兩件份量都算唔錯 個湯幾鮮甜 但係個小食煎肉餅就算係略為細份左D 下次再去會試埋佢個喇沙同海南雞飯🥰

夜晚黎到馬鞍山嘅新港城中心，經過呢間我未食過嘅馬來西亞/新加坡菜餐廳，由於我好鐘意食叻沙，就決定入去試一試。一睇餐牌，發現佢嘅價錢(以商場入面嘅餐廳價格水平黎計)都算平，一個叻沙都只係$50幾蚊，飲品都只係加$6-$9。我地兩個人，叫左魚腐叻沙、燒肉叻沙、薄餅配咖哩汁、熱拉茶、同凍百香果茶。魚腐叻沙同燒肉叻沙都好有水準。叻沙最重要係個湯底，而佢個湯底就做得好好，好濃厚，椰子味道好特出。燒肉都燒得好好，叻沙湯底亦唔會掩蓋左燒肉嘅味道。而魚腐就普普通通。咖哩薄餅亦出色。薄餅剛煎好，上枱仍然熱，煎至脆身。而咖哩係泰式咖哩，廚師應該吱左少少青檸落去，帶出清新嘅味道，又唔會太辣，不錯！飲品方面，拉茶好重茶味，奶味少啲，而百香果茶就唔會太甜，尚算可以。

這間峇峇娘惹裝飾很別緻，牆壁佈置很像去了馬拉嘅感覺。小吃有森巴醬炒蘿蔔糕、紅糖炸馬蹄條。午餐款式蠻多有叻沙、湯河粉、咖哩飯、海南雞飯同肉骨茶等等。跟餐飲多數飲品是熱飲的都不用加錢，有馬來拉茶、咖啡同特飲。熱薏米水星洲魚丸拼魚角雞湯河粉，雞湯香甜清潤魚丸夠彈牙，魚角爽滑。南洋咖啡梅頭肉肉骨茶配白飯（馬拉藥材味）配料有冬菇同豆卜熱辣辣的肉骨茶芬香撲鼻，味道濃郁而梅頭肉嫩滑，豆卜吸收晒肉骨茶的香味。賀年高點現在可以用早鳥優惠購買呀！

心思思想飲拉茶就會來這𥚃吃早餐。因為實在是好味又抵食。👍😋而且食慣了茶餐廳想轉吓口味，都會揀呢度。早餐款式也算多選擇，不過我食來食去都係呢款。🤣🤣🤣我最愛是手撕雞米粉配炒蛋和斑蘭咖吔多士，夠晒豐富！😋😋手撕雞夠淋滑，榨菜微辣很醒胃，湯底夠味，米粉軟身沾了湯汁很好吃。👍👍咖吔不會太甜而且份量頗多，我每次都要少醬，不喜歡咖吔可要牛油多士。塊包冇切邊所以覺得有少少硬，炒蛋正常冇乜特別。餐後飲番杯熱拉茶真的大滿足，茶本身已甜，如怕甜可要求少甜。

想不到馬鞍山新港城商場內，竟然會有餐廳，早餐收費最平只需要$30 ，而且質素很好，講緊嘅就係依家峇峇娘惹。有時候食港式早餐真係食到怕，無咩特別，所以呢個新選擇真的不錯。呢間格調主力係馬拉食品，所以早知都係手東南亞路線，今次叫咗一個新加坡魚蛋米粉味道好清，而且配有炒蛋多士，又可以選擇咖央多士，好特別！不過味道就比較甜，我試過一次之後，都係覺得牛油多士比較好。餐飲選擇有好多，例如有薏米水，馬拉酸梅特飲，是其他茶餐廳無既，區內可以有多元化選擇，真是好

港式早晨多數是通粉、公仔麵等，吃到悶悶地都想試試不同口味。 這間馬來餐廳是我常光顧的，早餐款式選擇也不少，價錢也有平有貴，豐儉由人。👍😋今天不想吃太飽，所以點了黑椒雞扒馬拉包配熱拉茶。 馬拉包不是很軟熟那種，感覺少少乾，不過也是可接受的。包內夾了雞扒、生菜絲、蕃茄和青瓜，黑椒汁微辣，雞扒夠淋和juicy😋至於拉茶拉得滑，不太甜，有茶味👍平日我是不喜歡飲茶餐廳奶茶的，但這間的拉茶卻是我每次來都必飲的！

好多人話馬鞍山係美食沙漠 今日探朋友經過馬鞍山 我地想食返個下午茶咁岩見到呢間娘惹茶就有啲心思思想試不過其實食之前都無本住好大期望架 但食完覺得有啲驚喜!我揀咗佢嘅魚蛋滲滲喇沙黎食 佢地個喇沙湯底好正幾有傳統馬來西亞口味 我都不其然飲多幾啖湯 啲麵都好好口感 不過魚蛋我就覺得普普通通 下午茶份量岩岩好 另外加咗$5 要個凍嘅拉茶 拉茶好好飲 茶味同甜味岩岩好 不過多冰咗少少 另外嗌多咗份咖央西多士一齊share食 新鮮整起熱辣辣 總結黎講呢間鋪頭有啲驚喜 幾好食 會再黎食多次

剛剛午餐去了新港城的峇峇娘惹，試一試他的喇沙招牌麵食，午餐特別豐富，可以加錢配小食和飲品，這次點了蝦球滲滲喇沙、加$10配香茅骨三件、加$5酸梅特飲！喇沙面非常正宗，有米粉和油面混合，湯底非常濃郁，上枱時還配有小青檸，愛帶少少酸味的你，一定覺得餐廳非常細心！加分！加分！而且很多大蝦和其他配料，可見食物絕不馬虎喔！　意想不到加$10的香茅骨非常大份抵食，新鮮炸出來的豬扒非常惹味，配合泰式酸辣醬更加一絕！推薦！推薦！最後一定要稱讚這杯酸梅特飲，味道酸酸甜甜恰到好處，吃過辣東西之後飲更是非常合宜！可是服務一般，店員沒有笑容，又不太主動協助客人，有待改善。

今次第一次食，竟然有下午茶時段！分量都可以，另外仲有加購小食！今次點了星洲叻沙，星洲邏米，加左多春魚同香茅雞翼！試左拉茶同美錄！味道真的不錯，叻沙味道剛剛好！超香！香茅雞翼很入味！只是拉茶甜了少少，可能我平日都走甜！但茶色同味都夠！下次要再試！