峇峇娘惹 (MOSTown新港城中心(4期)) (Closed)

聽聞這間娘怠菜館在馬鞍山開了幾個月，每次探訪朋友，想順道來試試，都見到門口排長龍，無緣一試。今日難得只需要等幾枱客，立即排隊。店舖很細，設計也花了點心思，有馬拉特色，尤其是牆上壁畫，很可愛。食物選擇不算很多，但對未來過的我，很多嘢都想試。不過2個女仔，始終胃口有限。我們叫了素茶春卷（$31-)丶豬肋排星洲胡椒肉骨茶（$63-）丶脆皮焼肉（$65-)及白飯（$10-），除白飯外，可選雞油飯（$15-）或藍蝶花椰漿飯（$18-）。由於太肚餓，春卷一上便各自KO一條。春卷剛炸好，熱辣辣的，皮很香脆，內裏有紅蘿蔔丶菜及冬菇絲，好味！👍🏻👍🏻👍🏻肉骨茶一樣，一上枱便各自取了一碗及一枝骨，所以影相時只剩下一枝骨。這個肉骨茶的特色是加了豆腐 卜和冬菇，一點也不肥膩，反而豐富了肉骨茶的味道和口感。它味道不太濃，接近星加坡做法，有黑胡椒香，不嗆喉，味道唔錯。👍🏻👍🏻👍🏻 豬骨是肋骨位，啖啖肉，很濃豬肉味。最後上的是脆皮燒肉，菜到已聞到一陣燒肉香氣。名符其實，佢哋做到皮脆肉爽，食落很香豬肉味！😋😋😋 雖然每件都有一層肥豬肉，食多幾件有點「漏」，但因為很好味，配白飯一流，很快便食哂。總結而言，峇峇娘惹是實惠

呢間新舖成日要排隊，見咁多人決定試下，但再冇下次。首先啲野上得慢，等左十多分鐘催左2次先黎碗肉骨茶。杯野飲就差唔多準備走先到座位方面，枱細，好迫，不過呢個都預左既。食物方面，呢個價錢既肉骨茶竟然唔包飯，碗野得3舊肉仔，配料唔多，加左碗白飯，好貴，味道老實講唔錯既，但食完都唔飽肚..仲有叫左碗叻沙，味道其實都唔錯，可惜份量都係少呢間野老實講味道唔差，但份量同service 就認真麻麻希望呢方面可以改善下。

同同事去馬鞍山做野，中午順便午餐，誤打誤撞揾到間食肉骨茶，喇沙還有海南雞飯，門口排隊係吸引之原因，再者大家都想食，所以去排隊等位，三個人等約數分鐘就有位，都唔算太耐，自己 click order紙，無加一熱飲都包埋，真係巧抵食喎，我選凍飲也只是加$3咋，就有吉仔水。當然食物味道質素先係重點啦！香煎豬扒滲滲叻沙 賣相一流辣度適中對於唔好辣嘅我都接受到，除辣度還香噴噴，豬扒大大塊又鬆軟，加點吉仔汁，yummy yummy夠唔夠正宗見人見智，但佢地係識用油麵同米粉兩溝，就係我係星馬食過嘅做法！ 我鐘意一次兩種口感，豆卜芽菜配料都入晒味。凍吉仔水 清新香甜

今日中午去左馬鞍山新港城食午飯，原先打算食 pizza點知好多人等，比迫轉其他食市，同事話開左間新嘅馬拉美味，就去睇睇門口都有人等位，但一張枱可以接受，等約5mins就有位，等位期間已急不及待鎖定想食乜，滲滲叻沙，胡椒肉骨茶還有咖喱賣相亦相當吸引。香煎豬扒滲滲叻沙 $46豬扒大大塊又軟淋，麵底夠正宗用上米粉同油麵兩溝，湯頭夠香濃用上椰汁，睇落好辣食落剛剛好唔算辣超惹味。飲品+ $3 要左吉仔水飲落吉仔幽香獨特橘子味，消暑解喝！加錢就可用優惠價叫小食，$10 就有三件金黃香脆香矛骨！ 胡椒豬潤肉骨茶豬潤份量多，起砂兼爽口，豆卜吸收湯惹味非常，不過無一般肉骨茶嘅藥材味！

上次吃完覺得味道非常一般，而且坐位安排混亂令人在門口長時間白企。 隔了一段時間今天又經過，看到門口得兩個人等，再入去試多一次。 門口等了幾分鐘餐廳才有走上前帶位，入到內見到其實裏面也有幾張空檯，只是冇人帶位。 馬來拉茶表面一層泡沬，雖然已經添加了糖，但味道也不算甜，茶味也算夠香幾平均。生煎蔥肉餅其中一塊皮已穿，內𥚃肉汁已流走，味道較乾。 看著上面那營光綠咖央十分嚇人，一看已知加了不少色素。麵包十分硬，完全冇蛋味。 麵包表層有深黃色一層，味道完全不合格。

七一早餐，是日間間都人山人海，唯有目測最短人龍也是友人初嚐的娘惹餐廳排隊大概十五分鐘左右入得各點了一份 包括試了珈央和牛油多士鮮綠色的醬有點嚇人 因為感覺很色素 嚐過味道也覺得正常 一般偏甜炒蛋也不算太香滑 但不是不好味另外友人點了一碗馬來沙嗲牛肉美極麵，而我則點了米粉友人評論牛肉有點假，麵也是普通而我則認為米粉較為美味最後來了兩杯馬來拉茶，雖明知道是偏甜，但卻也是最後的驚喜🥳甜度不算過份 茶味也算是香濃 不錯

呢一間餐廳開咗幾多日每日就排隊排咗幾多日, 佢打開門口除咗做清潔之外, 基本上午餐到晚餐都會大排長龍。如果唔知嘅話仲以為佢係賑災有米可以派😂早兩日終於能夠有機會坐低試一試呢一間傳說中好好食嘅塔塔娘惹！可能係我大鄉裡啦，我咁大個仔都未試過食藍色嘅飯，當飯來到我面前其實我有少少唔係咁夠膽擺落口😂因為感覺上好似食緊某個卡通人物個頭咁🤣🤣🤣🤣🤣但係當一食落口原來個藍色飯既鬆軟又香口，其他的餸菜也非常好吃無論是菜丶肉還是魚都住得恰到好處。如果可以的話也鼓勵大家入去試下食下應該唔會令你失望。

有次經過新港城見到佢就嚟開就好期待嚟食, 之後開左都要排好長龍, 今次未到十二點唔係好多人, 見到餐牌有手撕雞雞湯河粉😍個配菜有芽菜, 之前喺馬來西亞檳城食高芽菜雞好好味, 好期待喺度會食到肥仔芽菜。我就叫左個手撕雞雞湯河粉, 跟餐本身剔左要熱薏米水, 但侍應姐姐話佢哋冇熱薏米水, 所以後來就飲左熱桔仔水。熱桔仔水: 兩粒桔仔切開左加熱水, 冇任何甜味手撕雞雞湯河粉: 手撕雞唔算撕得好細, 雞肉有少少老,唔夠滑, 最失望嘅係配菜嘅芽菜只係普通芽菜, 而唔係我一直期待嘅肥仔芽菜🙁 湯底淡味, 唔係好重雞味。成碗個份量都比平時細份, 我就啱啱好飽, 但男仔嚟食一定會唔夠飽。我哋仲叫左個涼伴豆腐小食, 個醬油甜甜哋, 加埋炸蒜,令豆腐變得更好食, 豆腐豆味濃,滑口, 睇落係買現成包裝豆腐, 雖然好食, 但好似唔係好有誠意咁😂媽咪叫嘅巴東牛肉飯, 對我嚟講都幾辣🙊媽咪嘅餐飲~熱拉茶: 一齊到勁多泡泡, 同埋馬來西亞嘅拉茶係會預先落糖嘅, 媽咪就覺得太甜, 我試左一啖都覺得好甜🙊 下次試下叫少甜唔知得唔得嘅呢🤔

馬鞍山是人人皆知的美食沙漠, 而最近多了一個真. 清泉。因為商場店普遍貴又唔好食, 但這次下午茶近尾星的時段居然唔。使。等。位!! 點了馬來咖映厚多士配炒蛋, 香矛豬扒麻油出前一丁。雖然個咖映醬真係青BB到有點兒嚇人, 覺得好似食緊色素咁, 但其實個味係唔錯既。多士厚身夠脆夠熱, 個炒蛋係超級好食!! 冇用牛奶炒, 係蛋味超級濃而又唔會炒得太老! 香矛豬扒夠鬆軟, 出前一丁keep到水準, 不過豬扒份量多少少會更好, 可能下次要加配小食先夠飽❤

今日專登嚟馬鞍山搵朋友食lunch， 一直都知道馬鞍山係美食嘅沙漠， 同朋友約咗喺新港城等本身都冇話好食啲乜嘢嘅， 見到呢間舖頭都幾多人排隊， 門口嘅餐牌 午餐都只係幾十蚊一個， 係商場有冷氣就排下隊啦我哋兩個人大概等咗三十分鐘 先有位， 因為間餐廳裏面其實都幾細我哋被安排係一個梳化位都唔錯我哋叫咗兩個午市套餐，hkd59蚊既 巴東牛肉飯， 份量唔多但係好惹味， 如果怕辣嘅朋友就唔啱啦我叫咗一個hkd 香煎豬扒滲滲喇沙， 個湯底好有椰汁味， 味道都唔錯份量都夠多令我哋加咗12蚊要咗個通菜,少少地但都好夠味。。。 仲有的乾蒜片係上面加3蚊要左個凍嘅馬來拉茶 同加三蚊要咗個凍嘅美祿幾十蚊食個lunch， 仲要係好味嘅 ，正

見佢開左一段時間，成日都有人排隊所以今晚就去試下啦叫左個海南雞同甜酸魚甜酸魚正正常常，但唔夠熱最無奈係海南雞落單到埋單，等左45分鐘都未到。隔離台遲過我地入座，粉麵肉骨茶小食都到齊，差不多食晒添喇，碟海南雞都仲未到。唔係即煮架喎，切完就上台，究竟係咩要等咁耐。。。追過兩次，幾個員工都唔理唔理咁。等到火都黎，cut單走人算數。咁既出餐時間，咁既侍應態度，野食又唔係特別好食，我真係無興趣再去食第二次。

呢排新港城開左好多新野，本身都鐘意食濃味野，見呢間新開既長期都有人排隊就同阿媽試下。睇落多人但都唔洗等好耐大概15分鐘左右就有位。 入到去睇menu就知點解咁多人排，因為好抵食！一個lunch set最平45有交易！商場難得一見既價位！不過平還平都要睇食物質素。我就叫左個蝦球叻沙同拉茶跟餐，點知有驚喜！本來55蚊都無咩期待，但個叻沙湯底好正！好香蝦米味！米粉本身索水，吸左湯汁食落真係好正！但上面既蝦球就一般，唔夠爽。但真心果句55蚊有咁既質素算唔錯，湯底加哂分！拉茶拎黎既時候已經加左糖，唔會太甜，滑得黎會有回甘唔錯。阿媽叫左海南雞飯佢就話雞一般但雞油飯好好食，好唔好彩幾乎全部都係雞胸肉🤣唔知下次有無得揀唔要雞胸 總括黎講CP值幾高既一間2個人賣單130蚊有找，想食平d又有質素既話都係個唔錯既選擇。

平時早餐多數幫襯茶記同快餐店，食到悶，平日行過前排新開ge峇峇娘惹，原來有早餐食，價錢區內算平，仲要做到中午12點，試下佢先！叫左榨菜手撕雞米粉配炒蛋、斑蘭咖央燕麥多士，飲凍拉茶。榨菜帶少少甜唔太鹹，手撕雞唔鞋口，雞湯鹹香同米粉好夾，特別推介呢間ge辣椒油，勁香又夠辣。多士叫左大火，但一望就知唔夠火喉，有d失望，咖央偏甜，椰香欠奉。炒蛋尚可，唔夠滑，下次試下煎蛋先。凍拉茶叫左少甜，但都頗甜，等d冰融下之後再飲都叫飲得杯落。

馬鞍山一個不屬於我經常來往的地方，但偶爾也總會碰上就如今次特意到訪一樣、無他事沿這間峇峇娘惹，對上一次來之時間看着它仍然掛住「裝修模式」在「開飯網」看到原來已經悄悄營業、所以今次特意到訪試試期午飯。。。選擇上不算太多但應該亦考起選擇困難人士，因為每一款都有吸引地方,當日便見到了一個「蝦球滲滲叻沙」加多一杯熱拉茶，索價是為HK$58. 午市並沒有+1服務～先講講由於地方面積不算太大,所以枱與枱之間其實不算十分寬闊、而且最敗筆之處就是香港特色(搭枱)拉茶口感上順滑茶味香、與港式茶走又是別有一般「嘆法」「蝦球滲滲叻沙」湯頭超級濃厚,用上最基本蝦頭/蝦羔/辣椒/椰汁/香芧/乾蔥等烹煮、不足味才怪,《滲滲》即用來米粉併上油麵盡為「索汁」,可惜的《滲滲》份量較少、可能有意令顧客追加「小食」之意圖即管感覺如是,我還是較為喜歡七分飽,因為可以迎戰（甜品）下場至於叧一名主角《蝦球》肉質爽但好像爽得有點過龍,人做感較多~★整體論以大衆要求來講付出咗銀両但唔多見「飽」是一件憾事。★

因工作關係，近來日子比較多接觸馬鞍山，同時都係呢頭揾左更加多餐廳品嚐。星期三下就黎左依間峇峇娘惹。排隊等候約十分鐘就有位，舖頭唔大，好多時候都要搭檯，其實都幾迫，手癡手咁食，唔算自在，好彩裝修唔錯同幾乾淨。喇沙湯底出色，椰奶味重，少少辣，濃既程度唔算好勁，算係掛得上個粉而又唔會太稀似水，豆腐卜吸收哂湯汁既味，好食，豬扒略煎過還可，飲哂成碗都唔覺味精好多，抵讚👍🏼肉骨茶飲落第一口已經有少少臭豬肉味😣之後都還好，豬肉滑嫩，但胡椒味完全不足，餸飯一般最值得一讚係拉茶，甜度足夠，茶味香濃，奶滑👍🏼