八方雲集鍋貼水餃專門店

Open Now

Now Closed

今日食lunch，又唔係太肚餓就叫決定輕食鍋貼加麵線套餐透過OpenRice呢個app外賣自取,可能太耐冇食嘅關係, 覺得鍋貼嘅水準仲維持到外皮煎得夠脆, 但亦唔會太過腍,不過碗麵線就稀咗啲😅但有機會都會繼續食佢

招牌同粟米鍋貼都好食，同同事share 黎食珍珠小雲吞都還好，但綠色嗰一個味道十分奇怪，下次一定打死都唔再叫另外小珍珠雲吞佢有一啲酸酸甜甜嘅汁係隔離，我唔係特別鐘意價錢唔係特別平，如果肚餓建議叫番個面個好d,起碼飽肚少少

第一次試用Openrice外賣自取功能，喺Apps落單設定夜晚9點去拎，叫咗4個餐加多份鍋貼，Openrice Apps內會有提示餐點準備中定已經完成，我9點左右去到即刻有得拎餐，店員好友善，食物已經包好，一袋嘢食一袋嘢飲，餐具、醬油等可以自己拎。4個餐加多份鍋貼平均約每人$45，最好味嘅竟然係珍珠餛飩(和風)，佢配左酸酸甜甜嘅汁好好味，有驚喜；韭菜鍋貼都唔錯，韭菜會比原味香一啲；原味餛飩就普普通通；韓式餛飩有人話辣，有人話唔辣，我就無試到；全部鍋貼餛飩都OK好食；而台灣麵線原來有豬大腸，個人感覺聞落係有陣味😂😅，食落係還可以，哈哈哈；飲品方面，珍珠奶茶用嘅係細粒珍珠，Q彈有咬口，而且份量好多下，甜度冰量都係有得揀，少甜少冰都OK，佢用台式飲品嘅包裝唔怕倒到四圍係，總括嚟講用Openrice外賣自取都幾方便，今次體驗唔錯，可以再試。

今天下午茶選了鍋貼和水餃，這間位於春秧街口的八方雲集，店舖小小座位人多時坐得逼夾。餐牌濃縮在半張A4紙上，密密麻麻的選擇有單點、套餐及精選推介。店內全用即棄餐具，可能洗碗的難請呀！名乎其實的快餐感覺，吃完便走不會停留吹水的地方。今日點了雙併套餐$41。包括2款鍋貼或水餃各5隻，配湯品或飲品。粟米鍋貼，鍋貼底煎得金黃，饀料當然有粟米，加上肉有咬口。田園水餃，綠色水餃皮，疏菜饀夠，咬落有質感，不過要加醬油及醋吃才有味。酸梅湯，紙杯封密蓋好似好衞生，喝後感覺過甜而酸味不足。總結是不過不失的鍋貼水餃店吧。

雖然今日猴子好得閒，但唔知點解其他同事個個都好忙，搞到猴子都要買外賣喺公司食個「快飯」。近近地行去八方雲集，叫咗個麵線套餐。唔知係咪受到同事嗰種「忙」嘅氣氛感染，猴子都變得快手快腳，拿拿聲食完個餐，然後拿拿聲繼續開工（扮忙）。鍋貼係好味嘅，尤其裡面嘅蔬菜食落好爽口，不過真係好想啲豬肉多返少少。然後講吓麵線，啲湯汁其實好「杰」，食落係有啲似碗仔翅，而裡面嘅大腸好香好滑，猴子個幾月前都食過一次麵線，比較起上次，今次味精嘅味道少咗好多，值得一讚。至於豆漿，甜度適中，容易入口！

中午放工唔知食咩 唯有食快餐外賣八方雲集真係好耐都冇食過 所以心思思想食最重要係想似平價珍珠奶茶所以叫左呢個餐外賣鍋貼煎到外皮好脆 內裡有少少肉汁 十隻我食完都仲想再食珍奶當然冇30$果啲咁好似 呢個勝在夠平 過到口癮

今晚去食牛肉麵餐，黎到得個碗大，麵少都算，內裏竟然全是筋和2條細冇肉牛展，大佬呀叫自己做牛肉麵一件牛肉都冇，同店員反映班師奶店員好hea答 冇牛肉喎，冇牛肉早出聲打開門做生意收我$73碗, 我去第二度食啦。麵少最後我都食剩半碗麵，痴線好火唔會再去呢間，大家都米去呢間，小心！！差差差😡😡😡😡