八方雲集鍋貼水餃專門店

Open Now

Now Closed

好耐冇食八方雲集有日經過買左個外賣食叫左十隻招牌鍋貼，貢丸湯配一份泡菜total 63蚊買完外賣冇耐就食但鍋貼已經淋哂好在味道正正常常貢丸湯既貢丸ok但得3粒泡菜酸味較重整體上價錢比較貴性價比一般

行入門口有個痴線佬大叫係咪叫野食呀！我話係呀 佢就指一指外面咁我出去叫啦！ 叫完問有無氣水佢就指住個牌 自己睇，無咪無羅，算 唔同佢勞氣出餐 大大力掉D野落個盤到 其實真係唔鐘意係到做咪唔好做羅好似比你拎黎出氣咁 唔怪之得星期五晚黃金時間都可以無生意啦 你咁憎D人要你做野其實真係唔好做啦！ 一陣我講兩句又話西客 唉算

每當自己想食得比較清淡嘅時候都會諗起八方雲集嘅水餃麵 🍜湯麵套餐（11號餐）個人嚟講最鍾意食佢嘅粟米水餃 🥟因為佢好夠粟米味，而且味道好清甜水餃嘅皮好煙韌有咬口入面既肉味道都啱啱好夠味得嚟亦唔會好濃味至於我點嘅11號餐湯麵裏面，可以揀 4 隻粟米水餃而用碟上嘅，我都係揀咗 5 隻水餃總共就係有 9 隻粟米水餃 🥟😆水餃麵亦配上左菜，感覺更健康 👍另外飲品方面，我揀咗凍豆漿 🥛凍豆漿甜度啱啱好，不甜不膩 可以再 encore

我們去了荃灣同一間吃台灣餐廳，這間餐廳叫八方雲集，裏面有不同的台式美食，我點了台灣米線餐，包括台灣米線，裏面有貢丸及豬大腸麵線，一份煎鍋貼，可配豆漿或酸梅湯，我轉了珍珠奶茶；另一個餐是珍珠雲吞麵，裏面有珍珠雲吞麵，一份煎鍋貼和豆漿。兩個餐都好好味！這裏是快餐式自助取餐的，雖然地方細細，但很乾淨！我們會再次來光顧的😋😋

行行吓唔知食咩好，諗唔到去邊間餐廳，揀八方雲集實冇錯。鍋貼一如以往都係好香，皮又唔會太厚，餡同皮嘅比例啱啱好，今次揀咗泡菜味嘅，個人都係覺得口味一般，都係經典嘅最好食

餐廳位於悅來坊，喺疫情下，見到啲店員都好努力咁清潔環境。今次試咗佢哋嘅珍珠雲吞套餐，珍珠雲吞可以加辣油，同埋可以選擇鍋貼/水餃五隻。最重要係我好鍾意飲佢哋嘅珍珠豆漿，性價比極高。

好掛住阿宗麵線呀, 估唔到香港都食到台灣味,今次揀咗麵線套餐; 呢個餐有肉羮麵線、鍋貼五隻和豆漿招牌鍋貼, 即叫即煎, 食落夠熱, 皮脆, 內有椰菜同豬肉夠咬口, 加埋豆瓣醬更惹味肉羮麵線軟硬適中, 個湯汁香濃帶杰身,肉丸有咬口豆漿清清甜甜而且豆味濃呢度食具雖然用咗紙杯紙碟唔環保, 但起碼讓食客在疫情中食得安心

很久沒有來這店吃鍋貼，疫情前有店員幫你落單上菜，疫情後變成自己落單自己取菜。今天買了一份麵線套餐，台灣麵線和韓式辣味鍋貼跟一杯熱豆漿。落單後有一張超大號碼的單給你，叫號就去取餐。等了15分鐘就有得吃了。一碟五隻的鍋貼，煎得焦香不過火，雖然是韓式辣味鍋貼但辣味不夠，近乎不辣。餡料是肉團混合泡菜菜粒，吃起來爽口。麵線幼細，豬腸和肉丸份量多，味道不錯，湯較稠有點像獻汁，夠熱度。熱豆漿，豆味濃郁不太甜。

歸家途中係openrice外賣自取下單路程有啲遠較左8點半攞 7點57分落單 7點58分準備中 8點02分就話可以攞 即刻黑人問號 差唔多八點半到 個外賣仲要膠袋冇綁放左係收銀隔離對住馬路 取餐位應該係入面 即係份外賣比原定時間早左成半個鐘整好擺左好耐 鍋貼一定凍晒 凍豆漿同麵線哥啲放係室溫咁耐有冇變壞？而家天氣咁悶熱 店員話係一落單就整 我話我揀8點半就係因為未到 最後啲野又凍晒 咁我下單揀時間有乜意思要佢換過 希望冇被加料或者真係有換 佢拎晒成袋入去真係唔知⋯⋯當買個教訓下次都係就到或去到先現場落單

食物係冇問題，一貫水準。只怪自己攞外賣時冇檢查清楚，四個餐，竟然少咗五隻鍋貼，但發現時，已經返到青衣屋企，冇理由搭車去攞返！以後記住：一定要 check咗至好走!

其實都會經常幫襯八方雲集呢間分店但佢地既外賣執單既情況真係好差外賣成日都會比漏野或者比錯野有一次叫就比少杯野飲，一次個餐有十隻鍋貼但比得5隻，一係叫鍋貼但最後打開係水餃，真係錯漏百出！試過有朋友叫係叫湯面冇比湯!!唔知係自己黑仔定咩，基本上執岩正確既單既次數真係少之有少, 每次返到去先發現, 又唔係住得近, 每次打比分店都只係話唔好意思下次補返, 不過慶幸既店員都算有禮貌回應！但係蔬果菜鍋貼真心難食，食落口好似一堆粉團既味道，真係唔好叫

速食黎講 八方雲集都算係唔錯😂40蚊個餐 15分鐘搞掂仲有十隻鍋貼食🤣以前食親都係招牌鍋貼 但食過一次粟米鍋貼之後就真係番唔到轉頭😂唔信既話試一獲 覺得好味既比個like🤣珍珠奶茶同豆漿就唔好期望太多啦

當日在2點幾荃灣，有點餓馬上就想起百吃不厭的八方雲集這間分店設立門外點餐，再等號碼取餐我自己鐘意食開、不用腦選擇—-雙拼套餐（5隻招牌鍋貼，5隻粟米鍋貼）配雙Q奶茶、小冰小甜$41因應這段抗疫時間，自助一點都可以接受時間等了10分鐘左右，新鮮鍋貼就拎得招牌鍋貼（椰菜豬肉）不干，重有點湯汁咁粟米鍋貼，甜甜的粟米，喜歡！雙Q奶茶（椰果配珍珠），多重口感這間分店飲品特別有黑糖鮮奶，之前試過都不太甜又有黑糖&鮮奶的味道，可以一試！

今日中午1:00行過這店，可能疫情關係，見這店店內全無食客，所以決定食個餐，然後同朋友一齊再去荃灣Donki哩間以快餐店自助形式，先點餐付款，然後自己搵位，跟著等叫號取餐，點咗個雙併鍋貼，韮菜鍋貼+韓式鍋貼各5隻，加麵線餐坐下等餐時，開始陸續有其他食客入，但大家都選擇單人坐，儘量保持距離韮菜鍋貼，韮菜味香，鍋貼底脆韓式鍋貼，裏面好似係泡菜加點肉，泡菜味唔太出，鍋貼脆口麵線，裏頭有豬腸、豬肉丸，湯底鮮，米粉幼滑總括來說，食品質素都可以，但如果加多啲新款就會更好

當日一個人來到八方雲集用餐，主要是圖其方便要先在店面點餐然後自行入店找位置點了一份鍋貼水餃雙拼套餐，價格算是一般餐廳內環境擠迫，人多而嘈吵，而且食客走後店員不是立即清理桌子，所以有點髒等了15分鐘才拿到餐，其他食客也在投訴，但店員竟完全無視說回套餐，選了黃金咖哩鍋貼，鍋貼煎的很香，而且咖哩味濃，只是肉的份量卻很少另外韓式辣味水餃辣味十足，只是水餃皮有點厚黑糖奶茶很甜但奶茶味有點怪總括而言，這店只算不過不失