BYO 自助烘焙

Open Now

Now Closed

BYO自助烘焙有好多分店，今次去咗銅鑼灣嗰間，整返個靚靚蛋糕。場地乾淨企理，設備齊全。店員非常幫忙，非常詳細解釋整個製作過程。自己整嘅蛋糕，食得非常放心。仲有靚靚包裝。

本來諗呢度甘近好開心來整蛋糕,於是乎book 左來呢度同個小朋友－斉整，本身－路都冇乜問題，有個職員本身見我地整吾到批cream 系蛋糕好好幫我地, 去到最後當我小朋友問佢地職員系咪有其他裝飾可以用時候(或者可能阻住佢收工啦但當時仲有成半小時關門),她竟然好惡甘回應我小朋友,大大打折扣，仲有另一位女職員系度喵咀,吾會再黎呢度,非常失望

三人行book左兩個甜品，一去到就由肥妹職員接待，話你哋訂嗰個係素食cake,加唔加錢轉番普通cake底，我就係想整vegan cake既，一聽到唔加就西口西面，跟住知道係第一次幫襯，仲再黑啲，機關槍式講解，快到聽唔切。設備一般般，碗又唔乾淨又濕。食譜分量唔準，cream跟本唔夠用，蛋糕放涼時間又唔夠，好彩有整過蛋糕，醒水塞入雪櫃雪凍，如果跟食譜做，cream實出水。整既期間，有幾位話叫職員check, 完全唔helpful, 唔想做，或串我哋搞過龍唔識整Website 話明可以自帶水果，點知肥妹職員突然話我哋唔可以自帶水果，要買佢哋裝飾（其實我都買左任用裝備），後尾問fb 都話可以自帶水果，即刻又俾職員亂話一餐。我哋買左生日牌，佢哋職員俾左兩塊我個仔，咁我哋都唔知架，肥妹職員又走黎話你哋買左一塊喳喎。我哋問左雪糕暫存要俾$50按金，咁我哋係counter 已俾。肥妹職員又出現話我哋，放蛋糕要俾錢架喎，又係錢，但重點係我哋已俾，你既態度可唔可以好少少。總之一肚氣！

結婚一周年🤴🏻提議去整個蛋糕作為紀念，揀咗銅鑼灣呢間烘焙店😆😆地點好方便就近銅鑼灣Times Square地鐵站，上到去店舖面積都幾細，用膠板分隔獨立工作枱更加顯得地方逼夾😐😐！工具舊可以接受，但有啲明顯係污跡or失靈（計時器）就…..😑😑其次店員面口可以寬容啲會令客人更加舒服😗😗～～～賭神撲克王～～～製作時間兩小時，烘焙過程唔算太複雜😅😅，Step by Step跟足平板電腦教學都冇乜大問題😁😁，二人分工合作算係感情嘅基本考驗，建議情侶可以一齊來玩下😊😊味道方面算OK啦，始終自己整嘅要求唔好咁高😂😂

焗爐有問題，向職員求助完全幫唔到你解答問題，十問九唔應，食譜都超錯，蛋糕雪完仲係熱，搞到朱古力牌溶晒！芝士蛋糕變朱古力蛋糕，有困難時員工唔會幫手，體驗完全超差，無下腐

本來帶住小朋友黎玩下心態，點知做完，個蛋糕好靚，小朋友好有成功感，要多謝2位職員姐姐既幫忙，有問題都不厭其煩地幫忙解答，仲會主動幫手，多謝！我地會繼續黎幫襯！！

真係都做到一肚氣囉，俾個價錢得唔到應該有嘅服務，去另一間B字頭做仲好！首先我去到, 佢就同我講兩個鐘之後有人包咗場… 我心諗我整都未整你就比壓力我 (其實咁樣已經係唔可以揀三個鐘頭要完成嘅作品, 所以有好多嘢都唔揀得) 之後又話 booking app 50% off, 有好多款都唔揀得 (包括我本身想整嗰個朱古力麻薯曲奇餅都係唔得嘅), 建議朋友仔如果用discount嘅話要先前打電話比佢哋confirm咗先😤 到我比完先入到去之後就發現個環境係比另一間b字頭差好多。。(以下嗰幾點係同另一間比較，因為我本身係去開另一間，但今日想試吓呢一間得唔得, 點知原來係唔得, 我唔會再嚟呢度) 1. iPad教學冇得逐個step睇片，每個step只有文字2. 嗰啲器皿有明顯嘅污跡, 我本身想攞個刀刮，點知佢已經有明顯嘅朱古力污跡，我覺得好唔乾淨囉佢哋洗得3. 其他工具都有明顯嘅油漬同埋啲磅唔係幾衛生4 for mixing嘅大碗竟然連續三個碗都係有好多水漬，咁我想問點樣樣可以落麵粉呀？5. 嚟到廁所又得一格, 又無水提供 (所以朋友仔要去嘅話要預咗兩三個鐘無水飲, 人地另一間B字頭有成個位置係沖

情人節呢個告白好日子已經過左一個星期，係時候諗定3月14回禮專用嘅白色情人節送咩好啦🤔一向整嘅大蛋糕，玩開cream開我，今次「一切從簡」，以味道行先，同朋友挑戰左大熱嘅香濃芝士撻🧀同埋煙煙韌韌嘅朱古力麻糬曲奇🍪芝士撻比我想像中複雜，所以係限時之內整完都幾有成功感，而且一焗完已經聞到香噴噴，奈何店內係🈲️止除口罩嘅，所以都係乖乖地留到返屋企先「開箱」曲奇方面，我相信最近都無乜人可以抵擋到「麻糬」嘅魅力，佢呢款曲奇整出來嘅朱古力味超濃郁，而且外脆內煙韌～銅鑼灣分店仲有3D打印嘅蛋糕，快啲跟上蛋糕潮流啦🤭

🤑 大吉大利馬卡龍 $390———————————————🌟 大吉大利馬卡龍 $390 🌟一直都好想親手整高難度甜品，喺屋企整左好多次都搵唔到秘訣。農曆新年想搵啲活動玩，見到BYO有好意頭嘅馬卡龍教學😆 今次我地加色素唔夠多，橙色唔夠深色，但完全整到馬卡龍質地，對親手整嘅甜品好滿意😍🥰環境幾大，好寬敞，整體感覺好舒服😊 店員好有耐性教導，確保成功整到野食😚———————————————評分🔖 (5⭐️為滿分)味道：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️衛生：⭐️⭐️⭐️⭐️抵食：⭐️⭐️⭐️回購？會✅———————————————📍BYO 自助烘焙📍銅鑼灣霎東街15號OLIV 8樓 👣 港鐵銅鑼灣站 A 出口, 步行約2分鐘 ..

#foodchaser_hk📍銅鑼灣 Bake Your Own 自助烘焙 (BYO)🥳🥳🥳有次撞正朋友就快生日，想整個蛋糕，自己又唔識整，於是乎就同朋友諗起會唔會有地方提供場地材料之餘又會教我哋整蛋糕🤔🤔🤔Bake Your Own係自助烘焙店，又多款唔同難度嘅食譜提供選擇，於是乎我哋就揀咗整士多啤梨拿破崙🍓🍓🍓Bake Your Own裝修新淨，環境企理，所有用過嘅圍裙都會消毒清洗，烘乾後先俾客人用👍🏻👍🏻👍🏻用完嘅工具同器皿有專人同事清洗，大家將工具同器皿分門別類放喺唔同嘅送洗籃便可以✨✨✨✨✨✨✨✨✨Eatigo飲食平台有同Bake Your Own (BYO)合作提供優惠，折扣通常由10%-50% off不等，如果大家時間許可，通常1130和1200的時段都有50% off‼️‼️‼️大家記得提早預約🥳🍽 草莓拿破崙 $165 （折扣後）士多啤梨拿破崙唔算難整，酥皮係即場提供，唔需要用人手搓，所以需時大概兩個鐘左右就整好😝😝😝唯獨是當日士多啤梨可能唔太新鮮，其中有兩粒爛咗😩職員都好熱心換返新鮮嘅士多啤梨🍓👍🏻😋✨✨✨✨✨✨✨✨✨食物味道：⭐️⭐️⭐️⭐️打卡指數：⭐️⭐️⭐️⭐️⭐️服務環境：⭐️⭐️⭐️

生日唔想買蛋糕咁簡單，自己整就一定係最有心意啦😍於是就上網搵下有邊啲自助烘焙嘅店，見到都幾多人推介呢間BYO，而且地點又就腳，蛋糕嘅款式選擇都幾多～最重要係睇中左一個目標，所以就嚟整啦😉😉-男朋友係一個烘焙白癡🤣估唔到佢嚟到呢度整蛋糕又有板有眼喎～呢度會提供一個iPad俾你，Step by Step咁跟住啲步驟，如果當中唔識整嘅話仲可以請求店員幫手🤗所以基本上可以話係零失敗㗎😆整完拎到返屋企先食，估唔到味道又真係唔錯，可能係自己整嘅關係啦～覺得好食過出面鋪頭整嘅🤣

對於好小入廚淨係識食嘅小編嚟講今次真係一大挑戰喇( ˃̶͈ ᴗ ˂̶͈ ) و♥︎都唔知邊到嚟嘅勇氣 竟然夠膽一個人走去整蛋糕不過原來其實都無想像中咁難只要每個步驟跟著平板電腦入面嘅詳盡指示未整過蛋糕嘅我 今次都可以整到咁 起碼7成似❤️整完個刻真係開心到跳起～唧花好難呀～～🔖 裙上之神伯爵茶蛋糕 剪開兩包茶包倒入牛奶中再叮熱與麵粉攪勻 海綿蛋糕加入伯爵茶後多咗份清香蛋糕分兩層 中間夾雜住芒果餡肉 非常鮮甜至於玫瑰唧花顏色可以由自己選擇 小編就揀咗比較特別嘅ᴛɪғғᴀɴʏ ʙʟᴜᴇ由綠色和藍色食用色素混合而成◡̈♥︎

👩🏻‍🍳草莓檸檬卷💰$350 (app 50% off) (兩人製作同一個另加$60) - $235.第一次到 bake your own 做蛋糕，不得不讚賞它的材料非常齊全，而且店裡裝修不錯，有一個大大的花牆讓你事後打卡🦋 但是！！態度服務真的扣了不少分，店裡的其中一個店員非常非常西面，而且當我們有問題希望問的時候，她是不太願意解答的態度，讓我們最後完全害怕跟店員尋求協助😢希望下次可以改善～.卷蛋食譜容易跟隨，而且成功率高（看fatpig都能順利完成就知道你們一定可以），而且好好吃！🥂 卷蛋非常fluffy，配上酸酸的餡料，卷蛋面上灑上脆脆的碎，真的好吃也好看💓 .📍Bake Your Own

CP值：3.5/5💛價錢 Price: - 經典蛋白檸檬撻 Classic Lemon Meringue Tart (6 pcs): $190 (原價$380）- 三層布丁燒 3-layer Caramel Pudding Cakes (6 pcs): $190 (原價$380）烘焙店永遠都係一個好地方可以俾你同你啲朋友一齊hea😂而且只要你跟着tablet嘅指示同食譜去做，你就一定會成功整到佢個樣甜品☺️仲有個花花牆俾你影相📸️😍但如果你好似我咁有潔癖，你就將每樣用具都逐一清潔下，因為真係有少少污跡😩講返味道，我個friend話個布甸燒太甜個檸檬撻酸酸地咁好開胃，但係其實都係落咗好多糖🙃唔知大家有冇呢個同感每次整完甜品自己食返嗰陣都會好內疚因為自己先知用咗幾多牛油同埋糖🤣It is a nice place to kill time with your friend😂Also, as long as you follow the instructions and recipe stated on the tablet, you will successfully make that de

1. 難食，已經唔揀花巧款，驚中伏，點知不論蛋糕定Cream,都係難食，蛋糕唔棉，好乾，材料比例唔好，cream好實，味道差過黑心蛋糕，我俾得5舊水，唔expert買左個難食食譜。2. 做生意唔得誠實，online order 蛋糕個時，蛋糕名會括住（全素煮ok），我以為咁岩蛋糕款適合全素，點知去到舖頭，職員問我加唔加$轉non素，會好食啲。咁姐係預左個個都會加$啦，又唔係online menu講清楚，覺得被呃。3. 工具好污糟，碗有漬/裂紋，連計時器、托盤都見到好明顯嘅污漬。4. 隔枱嘅隔板唔穩陣，中途跌左5次，好彩無中我個蛋糕，中左我應該會發癲。5. 加$買朱古力牌，白朱古力圓形牌底勁大，寫字用嘅黑朱古力俾勁少，係咁易寫IOU已經用晒。