白鬚旗艦店 (Moved) New Location

【Bakso 白鬚】上次路過，見到呢間食店時已mark 底，今次行完山就黎呢度醫下肚🤓👍🏻💛裝修環境都唔錯，枱同櫈都好大好寛好好坐。因店內有兩層，所以第一層既樓低夠高，唔局促。店內食物係主打印尼食品，一見menu 有牛骨湯，唔諗喇，一於試下。.點餐叫左：❇️白鬚牛骨湯💰HK 90一小鍋上碟，牛骨肉份量唔少。肉質好淋，肉離骨。牛骨湯算係清甜，但比一般既牛朋湯較清淡，筆者係濃味怪，覺得如再濃d 會更好。😅.❇️燒豬頸肉湯飯💰HK 78豬頸肉份量大概有6~7片，芽菜塾底配喇沙。相ti份量比預期中少。味道方面，再濃郁d 會較好。唔知關唔關我行完山，飲左大量水而改變左試味既感覺。.❇️蝦多士💰HK 48細細件，用料好Full，入口易，唔會一口油。..白鬚牛骨湯飯，可試👍🏻湯粉留待下次再試。🤟🏻..🏠 白鬚 Bakso Flagship Store📍 西貢灣景街9號地鋪

豬氏夫婦又去西貢作亂，豬嬸target白鬚作補給點，1140到左先知1200正開，但員工好有禮貌請我地一陣再來。環境氣氛都好好，簡樸又有內涵的設計，坐位也寬躺。叫咗一個牛骨湯飯和印尼牛丸米粉，再加一個魚餅同埋蝦多士。魚餅普普通通不推薦，蝦多士有驚喜，咬落口感酥酥脆脆，$40超高CP。牛丸米粉豬嬸嬸比7/10分。牛骨湯飯雖然味道比較淡，但正合我們口味，胡椒湯底送上來是熱騰騰，吃完滿身溫暖，正！好無聊，要夠200字先可以打分。

係西貢行完山，6點左右去#白鬚旗艦店 食飯。早前食過佢地既牛骨湯飯覺得唔錯，今次回訪。睇個店名以為有分店，但openrice 唔見有🤔估唔到呢個鐘數已經座滿～我地叫左以下食物：🍜烤豬頸肉湯粉 $7️⃣8️⃣湯底有濃郁既椰汁，偏向泰式喇沙既甜味～好彩豬頸肉唔算好肥，唔係既話會幾漏～湯粉既份量幾多🍜白鬚印尼牛丸粉$6️⃣8️⃣相比港式牛丸，呢款牛丸我覺得比較乾身，同無咁彈牙，小編覺得一般～河粉係我喜歡既越南湯河 🥟日式煎餃子 $5️⃣0️⃣煎餃子都算乾身，皮夠薄～係日式餃子既味道🤤如果再煎脆d 更佳以上

等位：1/5 （晚飯時間要等位🙈但店員會mark低電話果d，可以唔使企定定係度等）環境：🍴🍴🍴/5（有戶外位🙆🏻可以chill住睇人打波）Lam脷：😋😋/5（對於我黎講覺得味道比較淡🙊同平時食開東南亞濃香料味嘅風格好唔同）飽肚：🤰🏼🤰🏼🤰🏼🤰🏼/5價錢：💸💸💸/5

『印尼雞湯粉 』 ．雞湯味淡，嫌稀咗少少，啲粉索唔到啲汁 ．有蛋有芽菜有蝦片，有啲似喇沙😗・整體會看覺得喇沙更美味🥢『白鬚牛骨湯飯 』 ．牛骨份量算多，但肉質唔係話好冧 ．湯底淡，試唔到牛味，撈飯有啲難．湯唔會好油，啱健康清淡人士 ．Home made chill oil味道又無乜驚喜，唔太辣係西貢隨心逛，入嚟依間印尼餐廳增加旅行感🆙 環境好舒服😚氣氛好似cafe但依間似乎未能滿足我試食具印尼特色嘅美食🔥

第一次入西貢行山，出番黎諗住睇下有咩特別野可以食啦。同行既人就話而間餐廳好似幾特別同d評價都唔錯，所以入去試試佢啦 。當時大約6點幾，唔洗等位就入得。餐廳個環境暗暗地，裝修有d外國feel，又播住d好chill既音樂，行完山咁勊入到黎坐低即刻放鬆晒。我就叫左個印尼雞湯粉，望落好細碗但料都好足，d雞肉份量都多，唔會話好少氣。佢跟埋個個自家製辣醬好野味，食落後勁好西利，配埋d雞肉一齊食好野味。D湯飲落去有d似唔辣既冬陰公湯，清清地又有d椰漿既味道，好特別。d粉都好彈牙，唔會話浸耐左就會好軟好腍。下次再黎西貢既話都會選擇黎而間餐廳再繼續chill。

🌟bakso白鬚🌟西貢食個醒神早餐。呢個係一間滑浪主題既餐廳，上層仲會有大大個投影機播住史迪仔入面 lilo個家姐滑浪既畫面， 同埋有大大塊衝浪版。有天然日光，塌塌米餐桌。 🌟豬頸肉湯面🌟湯底有濃濃既咖喱椰香味，而且餡料超多。❤️❤️❤️❤️🌟牛骨飯🌟入味得尼又夠淋。❤️❤️❤️❤️🌟蝦多士🌟十分推介， 脆皮外殼下面係嫩嫩既蝦肉❤️❤️❤️❤️❤️餐廳有兩層，所以辛苦店員特登將啲食物捧上來。

見大家成日去西貢，我都終於終於的起心肝去下，避下世～但去到發現其實除咗食之外，都真係無咩好做ʕ•ᴥ•ʔ今次試咗好多人都推介我要去試吓嘅白鬚 @baksohk 食印尼菜👅餐廳有兩層，如果大家想坐耐啲𝗰𝗵𝗶𝗹𝗹啲我會建議大家坐樓上，有𝗯𝗲𝗮𝗻 𝗯𝗮𝗴𝘀～整體食物質素中上，幾好食，但又未至於話西貢必食～ღ 白鬚牛骨湯飯 $90𝗕𝗲𝗲𝗳 𝗕𝗼𝗻𝗲 𝗦𝗼𝘂𝗽 𝘄𝗶𝘁𝗵 𝗥𝗶𝗰𝗲牛骨份量都幾多下，肉質軟淋，但又未去到話入口即溶🙊出色嘅位主要來自湯底，牛味香濃嘅同時，一啲都唔油膩。白飯另上，粒粒分明，口感偏硬，撈飯一流！╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟴/𝟭𝟬ღ 印尼雞湯粉 $62𝗦𝗼𝘁𝗼 𝗔𝘆𝗮𝗺 𝘄𝗶𝘁𝗵 𝗡𝗼𝗼𝗱𝗹𝗲𝘀湯底味道有淡淡嘅咖喱味，又帶點椰香味，米粉索到啲湯底食好正！雞肉絲混入喺湯度，口感一般，有少少鞋🤏🏻╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟲/𝟭𝟬ღ 蝦多士 $48𝗦𝗵𝗿𝗶𝗺𝗽 𝗧𝗼𝗮𝘀𝘁蝦多士外層炸得香脆，蝦膠份量好多，食落爽口彈牙。╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 是日小食 +$9𝗧𝗼𝗱𝗮𝘆

同朋友請假入西貢，去之前做足功課揀左去呢間印尼餐廳食晚飯，訂位時外籍職員問我有無seat preference，上網睇先知上層係迷你電影院嘅設計，可以坐bean bags睇住片食飯，但下層樓底好高都坐得舒服。招牌牛骨湯飯好早賣完，有興趣訂位時可以預留。食物味道唔錯，但較一般印尼餐廳清淡。訂位方面有啲混亂，聽電話嘅外籍店員知我三位照幫我留枱，到訪當日本地店員打黎話四人或以上先可以訂枱，要我地walk in，有啲掃興。不過岀post後店家聯絡我跟進返，話已同員工講返訂位安排👍🏼。(w/ 10% service charge)🍽白鬚牛骨湯飯 Beef Bone Soup with Rice ($90)呢度嘅名物，湯底頗清，蘿蔔無渣(畀多兩舊就好)，三片牛腩片肉質夠淋，牛骨就無咩肉，配自家製辣醬。🍽白鬚印尼牛丸粉 Bakso Indonesian Beef Ball Noodles ($68)自家製牛丸比較淋身但都有啲咬口，個湯好飲又唔油，辣辣地幾惹味，三款主食中最鍾意呢個。🍽烤豬頸肉湯飯 Grilled Pork Jowl with Rice ($78)味道似椰香咖哩，比平時食嘅稀同清淡，

秋高氣爽又係時候去行山  🧑‍🌾5:30落山黎到西貢市中心肚餓就要搵野食OpenRice見到呢間特色印尼菜 😊仲係良心小店添~ 黎到店門外覺得好有峇里feel 好chill~ 時間尚早所以唔駛等位就入座 🤩⚪️  印尼雞湯飯 $68 ⚪️ 先試一啖湯~ 好香椰汁味咖喱味比較淡口，撈飯剛剛好 😜除左雞肉之外，仲有好多椰菜同芽菜 口感更加豐富但唔知點解無左蝦片同蛋 😭（差唔多食完先發現）⚫️ 白鬚牛骨湯飯 $90 ⚫️湯底係幾出色~ 濃濃牛肉味，好清好甜 🤭牛骨好大舊，不過無咩肉仲有幾舊牛腩幾腍 🤤送飯都係好食既大家如果喺西貢想試下其他菜式又想感受下峇里渡假感可以黎白鬚試下呀✨

去西貢行下，郊遊完大概五點。想避開晚餐人多擠迫，打算早點食，大概5點幾。上網搵下有咩好食，見到好多人推介呢一間，於是就早啲去試下。即刻有位。環境好寬敞，好似去咗間pub咁，坐得幾舒服，張枱夠大，幾有情調。Qr code落單，食物種類都算多。有低碳餐單：燕麥碗。不過印尼餐廳，想試下多人推介嘅嘢，就叫咗牛骨湯飯同埋印尼雞湯粉。 牛骨湯飯湯有啲油，一飲落去唔算好強勁嘅牛骨湯味，亦都唔係好濃。牛骨癡住啲肉係好淋，幾好食嘅，唔會癡牙。不過唔覺得值90蚊，其實好一般。 印尼雞湯粉望落似喇沙湯底，飲落味唔係好有味。原來佢係米粉，以為係河粉，餐單冇寫明，有啲失望。雞肉亦都唔係好有雞味， 而且量好少，亦都唔係好滑，好一般嘅雞湯粉，唔明點解咁多人推薦。唯一好味嘅係塊蝦片，炸得好脆。唔知點解店員畀張揸皺咗同畫花咗嘅單我，好奇怪。

💛白鬚旗艦店·我地又去西貢玩啦 因為今次想食D有湯既野 所以就搵左呢間印尼餐廳 佢D野食都幾好味 而且好暖笠笠 好適合依家個天氣行山前去食🇮🇩·印尼雞湯粉$62 l 烤豬頸肉湯飯$78佢個雞湯粉味道唔錯既 個湯飲落好舒服 有淡淡既椰奶味 而且D米粉超索湯🥰佢入面仲有D芽菜同椰菜 所以口感唔錯😌😌之後佢雞絲份量都好多 而且唔會太乾 不過我自己就中意佢個豬頸肉多D 佢係好厚切 而且好嫩 食落口感好好🤤🤤·#rbyeat#rby東南亞菜#rby💛#rby西貢·📍西貢灣景街9號地舖

星期日中午嚟到白鬚，唔洗等位入到先發現原來有兩層今次安排到樓上就坐，有一個角落係榻榻米不過今次想坐高枱，所以冇試到榻榻米整個環境幾舒服，播純音樂同海洋片段落單係自助方式，用手機掃qr code-食物方面，好有驚喜，唔會好重口味湯粉同飯都好ok烤豬頸肉好好味，彈牙！湯同飯會分開上，特別多配料同菜蝦片好香口同有味，就算浸耐咗都好食！薯一薯，有齊薯條同薯角，熱辣辣炸起好味本身有啲調味料已經有味，亦附上茄汁兩隻味好夾

依度既環境超級chill, 有泰國/ Bali d cafe既感覺!! 不過食物就無大驚喜。招牌牛腩湯飯既湯偏淡，牛骨無乜肉/ 骨髓。牛腩大大舊，加分。另外個牛丸湯麵又係偏淡，份量偏細。小辣都有5小辣既程度，唔食得辣既朋友要注意。小食叫左雞翼同粟米墨魚餅。小食味道正常，份量有d細。總括黎講，係食氣氛~ 西貢想搵個cafe hea下，依間係唔錯既選擇。另外見到佢樓上個閣樓好似有搞啲電影播放會，一班friend去應該幾chill。

下晝去西貢諗住去食啲野填下肚再搭船去啲島仔短遊行過見到有間印尼野覺得幾特別 一於試下————————-白鬚印尼牛丸粉 （$68）牛丸細細粒咬落唔粉 口感唔錯牛肉湯望落深色以為好濃食落就有牛味既 但味道偏淡印尼雞湯粉（$62）雞湯味偏淡 椰香味相對重有少少蓋過左湯頭本身既香料味食落有啲啲似喇沙/咖喱另有雞絲 口味同樣偏淡同埋份量唔多———————————整體黎講配料同湯底都無甚特別另外麵食份量偏細當下午茶可以但男仔食或當正餐的話飽足感應該唔夠