歐陸餐廳 (Closed)

公司聖誕聚餐，揀左呢度食個 semi-buffet lunch叫個主食 $248 就會跟飲品，任食沙律/甜品/湯/包，實在係非常唔錯既。唔想食主食的話，單點沙律吧就 $158主食叫左個羊架，五成熟，有兩件，燒得個火喉岩岩好，入口好嫩，羊味十足我非常十份咁滿意呢個主食！沙律吧方面，最好味我覺得係煙三文魚 & 涼拌三文魚碎。呢度仲有三款芝士可以夾黎配多士食，不過多士就疏曬風，淋左少少。個麵包就超級無敵咁硬，d 麵包類質素都馬馬。凍青口配埋個蕃茄汁非常好食呀。甜品方面，左邊兩個小杯既都好食，特別要讚下佢個朱古力杯，朱古力味好香濃，甜甜地帶好微既苦味。我大讚後，同事都大讚真心好食。最驚喜係竟然有麵包布甸食，我個人好鍾意食呀，加埋雲尼拿汁係正既。然後左面個 cake 都好好食，好香芒果味&熱情果味！呢個胡麻汁麵杯，味道其實 ok 既，不過就略嫌個胡麻汁咸左少少。隔多一陣再出去，甜品竟然會換款抹茶味 cake 味道都可以，抹茶味雖然不足，但起碼唔係難食。芝士蛋糕好實，芝士味都 ok 整體我覺得仲好食過樓下個 cafe 好多....只係 cafe 有雪糕同埋魚生食，其他我都覺得呢度會更加好

限定酒店半自助晚餐 $358豪嘆重量級🏋🏻‍♂️冰鎮海鮮拼盤最近朋友試咗一間酒店入面嘅超隱世餐廳（真係好唔顯眼，唔搵唔會發覺🤭）話好正好抵極力推介，搞到我都忍唔住同屋企人去試吓喂！個海鮮拼盤同埋主菜真心正喎😍😍😍 海鮮好新鮮唔係求其hea你嗰啲，主菜有水準睇得又食得👍🏻 環境唔錯坐得舒服又唔限時間，另外要讚下服務態度，好細心同專業，宜家仲做緊85折優惠，真心推介俾大家！重點：- 冰鎮海鮮酒拼盤：美國新鮮生蠔、日式磯煮鮑魚、加拿大雪蟹腳、香草煮大蝦、白酒煮扇貝、大機藍青口（每人一份）個人最愛生蠔同鮑魚新鮮爽口🤤 仲有煙霧彌漫嘅出場效果，記得影相打卡📷- 自助沙律吧及餐湯：款式唔多，但作為前菜小食都還可以- 主菜5選1: 我地嗰晚試咗其中4款，大家一致認為都好食👍🏻 鍾意食牛嘅朋友要試吓招牌和牛面豬登肉，口感同個汁一流😋 另外羊架同魚柳都唔錯，羊味濃肉嫩，魚肉滑鮮味- 最後仲有甜品/鮮果盤同餐飲：movenpick 雪糕3款口味，是日蛋糕係tiramisu，全晚非常滿足🥰

今日四處都有大型活動，唯有去呢間酒店嘆下hightea, 享受一個寧靜的下午💖💖雖然呢間酒店沒有富麗堂皇既外表，內部裝修又偏舊式，但今次呢個hightea真的令人有驚喜，order了三個人份量，飽到不得了！食完最令我有驚喜係：✅ 鵝肝蒸蛋，味道非常夾，食完不會有油膩感👍🏻✅ 芝士餅，雖然看似普通，但食落不會太甜，口感好滑😆✅ Apple Crumble, 我平時最抗拒食呢個甜品因為一般都非常之甜，但今次呢個非常好味，蘋果撻上面舖滿脆脆的餅碎，有淡淡肉桂味，真想再食多一個💖✅天鵝puff充滿著童年回憶，而且不會太甜🥰呢個價錢但有如此質素，而且服務又非常好，真係值得一試再試！

星期日同朋友係熊貓酒店食下午茶，時間由3點到5:30。 人流唔多，坐得非常舒服。鹹點和甜點非常出色，以200幾蚊價錢，無論環境同食物質素都性價比勁高。最推薦食物鵝肝蒸蛋～

估不到荃灣都有如此性價比高的意菜😋想近近地食一餐有質素的意菜，無心插柳下搵到呢間餐廳。餐廳環境很好，十分清靜，人亦不多，星期日的感覺也像包場似的唯一不足是半自助餐的選擇比較少，只有三款。最後點了一個半自助餐牌內的牛扒和單點的意粉，水準很高👍以$300多元的半自助餐牛扒來說，已經超水準了，而半自助餐的食品也一點不hea，單點的意粉用信用卡仲有折扣優惠，實在太抵。二人埋單折實$500元鬆，但有此水準和環境來說，已經超值了~~

由於22-9-2018 (Sat)晚o黎呢o度食晚飯後(o個個食評: https://www.openrice.com/zh/hongkong/review/%E8%B7%8C%E7%9C%BC%E9%8F%A1o%E6%97%A2%E7%94%9F%E6%97%A5%E9%A3%AF-e3165240),老公同我都愛上呢o度o既環境,於是o係25-9-2018 (Tue),老公又請我o黎食tea.我o地又係第一枱客去到,下午茶一位$138.00,兩位$248.00,我o地就要兩位o既tea set,餐茶就要熱奶茶.好快,餐茶到o黎,但呢個時間至醒起,o係酒店唔應該叫奶茶=.=”,因為唔會好飲.等o左好耐,一共4層o既tea set至到,最吸睛o既莫過於擺o係架中間o既一對天鵝,而唔係架上o既係鹹點.我先食鹹點.1. 左下角o既o個粒係牛丸,口感好鬆軟,牛肉味濃又juicy,好食.味道: 5分2. 左上o既係炸蝦餅,佢o地已經放o左適量o既酸甜汁,亦係唔錯.味道: 4分3. 右邊o既係鹹味燉蛋,第一次食鹹燉蛋,原來都幾好食. 味道: 5分到架上o既o野喇,由上而下食.4. 三文魚酥盒,

女友人WK約請我食生日飯,我就約前(22-9-2018 Sat)晚食,我老公又跟住o黎食,咁就3個人一齊o黎WK食過o既呢間.我o地準時到達,餐廳已準備o左9成,睇見環境好舒適,而半自助o既餐湯同沙律吧已整好.我o地攞o左位後,就揀頭盤同主菜,頭盤有兩種,紐西蘭石蠔配蔥紅酒醋或辣茄汁(6隻)同芝士焗加拿大龍蝦,我o地3個人,就要一份紐西蘭石蠔同兩份芝士焗加拿大龍蝦.我o地先攞湯同沙律,湯得一款,番茄本菇湯,味道o岩o岩好,唔會太酸.而各式餐包都唔暖,亦唔太軟熟.沙律方面,煙鴨胸唔錯,唔係薄切但唔太鹹,而且竟然係juicy.煙三文魚味道唔太濃,我覺得舒服.3份頭盤o黎喇,紐西蘭石蠔好瘦削唔肥美,味道正常吧.芝士焗加拿大龍蝦係一隻,好香,o岩o岩兩隻都係雌性,有好多膏.之後見沙律吧擺o左啲南瓜,燈籠椒同冬菇,呢啲係冷盤,亦雪到好凍,個人覺得因為太凍而唔好食.好耐,我o地3個主菜終於到o黎,WK要焗黑松露法國春雞配煙肉及蘑菇紅酒汁;我老公要印度咖哩羊肉配烤餅及白飯;我要加$20.00o既煎澳洲鱸魚柳及大蝦伴榛子牛油.開動,我o個份我先食配菜－菠菜苗,竟然辣,係啲汁辣,充滿蒜味;鱸魚外皮都脆o

朋友告訴我, 很喜歡這餐廳.這兒的裝修的挺優雅, 環境清靜, 是談天的好地方. 選了半自助晚餐 , 包括自助沙律吧, 餐湯, 頭盤+主菜各1款, 甜品, 咖啡或茶, $318起另加一服務費.我選了<紐西蘭石蠔配乾蔥紅酒醋>作為前菜, 主菜就選了<羊架配大蝦>.選定之後, 就去自助沙律吧轉了個圈,沙律的選擇不多, 但很精緻, 而且味道很好.餐湯是南瓜湯, 濃濃的, 很香甜.餐包共有4款, 很鬆軟, 配上熊貓造型的小牛油, 非常美味.蠔來了, 一共6隻, 夠凍, 很鮮甜.羊架配大蝦, 羊我點了5成熟, 切開能看到嫩嫩的粉紅色, 肉味香濃, 很很很好!甜品和飲品我選了提拉米蘇和凍檸檬茶.整個晚餐都很愉快, 大滿足!!

牛面肉主菜是牛面肉, 肉好入味, 蚊到好唸…..自助吧有煙三文魚(好咁香), 凍蝦(好鮮甜, 尤其好多糕), 不同款式的火腿(好油香), 沙津菜, 菇(超好食, 好香菇味), 南瓜,茄子(好唸,好香甜)……..雜菜湯好濃好香, 又食到蔬菜的甜味麵包好香麥味, 好有咬口

平日返工咁攰～星期六日要食好d 令自己更開心，獎勵下自己就去左悅來酒店high tea ～而且價錢唔貴～都係二百幾有個二人份量既Tea Set 連兩杯飲品而且環境好好，坐得好舒服～食物盤有炸蠔，番茄茄子，蒜香多士，咸野就冇乜特別，但係甜點就好精美又好味，好似桂花香果凍，藍莓芝士餅，抹茶慕絲蛋糕，檸檬撻，全部都好香賣相又靚又好味。但馬卡龍就太過甜，唔係太岩我而煙三文魚卷味道唔錯，連埋菜食，唔會過咸！而鬆餅暖暖地都好好味我地食得好滿足又飽飽

因為本身唔食海鮮，所以食自助餐好唔抵，就走上隔離balcony食。一入到餐廳，成個feel好好，環境好靜，我地坐低個時得我地一枱，同屋企人一行六人黎，坐低傾計都好舒服。一坐低我就order左野，然後就去拎前菜同湯，前菜無咩特別，菜都算新鮮，湯就驚喜地幾好飲，應該係薯仔湯，太好飲到我飲左兩碗😆食食下面包，主菜就黎左，我嗌左+$20既牛肉眼扒，真心講，煎得太熟，無乜特別之餘，一d都唔好食，好失望。反而，個配菜薯條幾香口，幾好食！屋企人點既羊架甜品都唔好食。。。

當天的晚餐 落腳於 荃灣 悅來酒店 的 歐陸餐廳 Balcony ~這家餐廳的裝修格局雅緻 , 氣氛清幽恬靜 ~Menu ~我點了 Semi-Buffet Dinner 半自助晚餐 , ( 包括有 : 自選頭盤一款、自助沙律吧及餐湯、主菜一款、自選甜品一款、咖啡或茶 ) $ 298/位 認真抵食 ~少不了的 , 當然就是 bread and butter, 這個牛油是印有熊貓樣喔 ~ 自助沙律吧 ~沙律及餐湯的味道是中規中距 , 不過不失 , 我就比較喜歡吃煙三文魚和一些 cold cut , 我更吃了一盤又一盤的雜果沙律 ~ 自選頭盤 , 我選擇了 芝士焗茄拿大龍蝦 , 龍蝦尚且算是大隻厚肉 , 焗得夠透徹也不過火 , 味道不俗 ~主菜 , 我選擇了 安格斯牛肉眼扒配薯條及沙律 , 安格斯牛肉眼扒煎得頗香口的 , 牛肉的味道也夠濃郁 , 配上黑椒 sauce , 還不錯吃的 ~自選甜品 , 我就點了 精選蛋糕一件 ; coffee or tea, 我就點了咖啡一杯 ~本篇完 ~

這晚的盛宴其實是“早有預謀”的，目的只有一個“求婚”，緣由一位閨蜜即將要結婚，而女方一直耿耿於懷男方未有任何求婚舉動，男方當然明白，一直尋求簡單低調的“求婚”方式，費煞思量邀請我與另一好姊妹，見證這個重要時刻，選了" Love to Share " Feast不但一同分享美食，寓意今後甜酸甜苦辣都會一同分擔。 隱藏在酒店的自助餐區域，裝潢陳列突顯高雅氣派。 薄切吞拿魚刺身配柚子汁 頭盤多的是，其中一款薄切吞拿魚刺身配柚子汁，泛紅的吞拿魚刺身，棄用一般的日式芥末醬，這次吞拿魚刺身遇上了柚子汁，混著同吃，以為會酸得可憐，酸酸甜甜，反而格外醒胃，味道創新。 蟹肉椰菜花奶凍 奶凍除了於甜出現，前菜也都適用，也是歐陸菜的一種，如絲滑的奶凍，有著蟹肉的鮮美，椰菜花的甜美，當互相襯托之下為之一絕。 意式炸鮮魷魚配蒜蓉醬 驟眼看還以為洋蔥圈，平平穩穩的魷魚圈，不乏軟彈的口感，再蘸上蒜蓉醬，卻換來另一種特別的美味。 牛肝菌鵝肝批、西班牙羊奶芝士 牛肝菌加入鵝肝批的元素，鵝肝帶有幽幽的菌香，還有羊奶芝士作搭配，味道變得更豐盛，豈止頭盤那麼簡單。 香煎海蝦沙律 色彩繽紛，就如一個生果盤，放了好幾款生

家有喜事 , 心情大好 ....一於到 荃灣 - 悅來酒店 的 Balcony 大吃大喝一番 ~餐廳的地方寬敞 , 一派雅緻又富朝氣的格局 , 典雅之中帶點優閒 , 座位舒適 , 氣氛輕鬆 ~我們點了 " Love to Share " Feast , [ 愛。分享 ] 盛宴 $ 1098 ~ 頭盤 - 雜菜沙律 & 橄欖 : 清新爽口的蔬菜配上橄欖 , 當然是最健康的頭盤 ~頭盤 - 牛肝菌鵝肝批、西班牙羊奶芝士 : 牛肝菌鵝肝批 , 其外層的質感粗糙 , 吃落又覺有鵝肝的軟滑 , 也吃得到有牛肝菌軟粒 ~ 西班牙羊奶芝士 , 羊羶味不重 , 只會吃得出是香濃又帶鹹味的芝士味 , 怕羊羶味的朋友也可放心吃 ~頭盤 - 意式炸鮮魷魚配蒜蓉醬 : 魷魚圈炸得金黃香脆 , 魷魚仍然鮮味 , 配以味道微酸帶甜又有蒜味的醬汁 , 實是不俗 ~頭盤 - 蟹肉椰菜花奶凍 : 賣相精巧 , 椰菜花奶凍香滑柔和 , 一梳梳的新鮮蟹肉鮮甜無比 , 跟椰菜花奶凍的味道十分匹配 , 味道複習又奢華 ~頭盤 - 薄切吞拿魚刺身配柚子汁 : 賣相美觀 , 極有 西、日 fusion 色彩的一道菜 , 吞拿魚刺身

〖Sharing is FUN 〗 我家的小朋友從小都會聽到這句說話， 因為我們的家庭教育是建立在這層面上。 人類是群居的生物，人與人之間的聯系是緊密的，理應和平共處， 分享會是人類的基本禮儀 ! ? 這個晚上會與朋友分享，分享美味食物的盛宴。 密麻麻的文字，這場『盛宴』是足夠四位享用，價格 $ 1098，加一後即是每位大約付出 $ 300 多一些些便可以享用由開胃頭盤至精緻甜品、餐後飲品的美妙時光。 總共是五道菜的晚餐，單是 頭盤 已可以 自選五款 配 雜菜沙律： 頭盤 1、2 牛肝菌鵝肝批、西班牙羊奶芝士 這道凍批的入口是涼涼的，吃下去有雙層的質感，粗糙之後便是鵝肝的軟滑，粗糙的部份是有點似未煎的午餐肉，卻帶重牛肝菌軟粒，整體吃是不會膩因為牛肝菌的濃郁菌香能對鵝肝抵擋。 至於這份羊奶芝士 ... 對個人來說是羊羶味香濃，乾碎碎的質感，鹹味足夠，若能配一杯砵酒來享用，美妙至極 !頭盤 3 蟹肉椰菜花奶凍 極盡奢華的味道，新鮮蟹肉的鮮甜能溶在椰菜花奶凍內，奶凍軟滑，除了有奶油的香甜外，椰菜花自身的菜甜味也不遑多讓。頭盤 4 薄切吞拿魚刺身配柚子汁 擺盤是美，吞拿魚刺身新鮮，配上清香