蔥仔越南包

Open Now

Now Closed

在op搵餐廳，無意見到這間，個名幾特別喎😅，咁多好評既，又是在奧運，就入去睇下，幾好咁喎，即要放工買返屋企試😃在地鐵行黎3min就搵到，鋪頭細細，有兩個工作，有兩個在等外賣，地上貨滿貨，行入去有點迫😅，我未食過，就要半份越南包啦，單點半3個包，30蚊，套餐有兩2款，套餐A, 38蚊，湯或兩款蔬菜（不知是否天天一樣，今日是西蘭花加椰菜），套餐B是湯和菜都有，45蚊，我揀左B😊, 我比錢時，佢話這裡是自助的，放在收錢處可以了👍，整包的男仔就叫個人比個湯和前我，佢就比兩碗我，心諗沒有手抽？我話等埋一陣先，佢就話咁放在枱先啦😂，聽到個人叫多醬，我又要多醬😅，整包都係都好快整好比個包我，我問無手抽？佢有禮貌地話自助的，在前面拿就可以😃返到去，個包是用個半透明既袋入好，幾好喎👍，食一啖，好食喎，個湯是南瓜粟米，好cream, 正喎😃，個菜好多的，仲好新鮮，返黎都不用加熱都好食，要再去買啊😃👍

今日在家，就試試附近的這家長期排隊的越南包，三十元半個，不算太大，但是女仔夠吃了，裡面有胡蘿蔔絲等蔬菜絲，酸甜的醬汁，唯一不鍾意其中的是麵包，覺得咬起來有點費牙

法包：包9"焗脆揸鵝肝醬，札肉墊底，中元茜酸蘿蔔絲，面頭加辣椒，肉鬆，燒雞肉碎and 醬汁。味道very good.湯：mushroom 湯好味足料，對得住天地良心。菜：新鮮好味，有麻油good.

呢一間小店主打越南法包，法包可以揀全份或者半份，但無論份量幾大都好，配料都相當充足，令成個包都好有層次感。（咀仔細啲都食唔到）餐廳由兩公婆主理，先落單，然後佢會派一個號碼牌俾你等候取包。餐廳更加有茶水自助，當日飲嘅有少少香茅檸檬味道，好fresh ~講返個包，有蘿蔔絲、青瓜絲、扎肉、鵝肝醬等，加埋即刻烘烤的法包皮，咬落去相當實的的之餘，外皮仲好鬆脆添！呢間小店位置有少少偏僻，附近冇乜食肆，需要大家專登行過去懲罰下佢！但絕對值得花上腳骨力啊！

想當年，想吃越南法包，第一個想到的名字一定是歷史悠久，屹立佐敦渡船角的「添記」，時移勢易，經過無情的歲月洗禮，香港早已面目全非，吃越南法包的店舖，也多了不少後起之秀，而這一間「蔥仔越南包」，正是其中備受好評的一間。這一晚，還未到晚上六時，店舖還未開始晚市，我便與太太來到這小店等候它開門然後入內。說是小店，一點沒錯，店用除了向著一面牆壁的四個座位和一張二人小桌子外，便再無容納客人堂食的地方。一早來到的我，在坐到面壁的座位後，左右兩旁已無空間讓其他顧客就坐，所以快快地吃過這裡的招牌出品越南法包後，我便結帳離開，好讓後來的客人不用再在店外等候。原來這兒晚市只接待五十位客人，在坐下之前，客人先要在店內近門口處拿取籌號，我既是這晚的第一個顧客，拿的當然是1號籌。其實這兒無論堂食還是外賣，都是拿取相同的號碼籌，這兒的生意又好，外賣頗多，以我估計，不用八時，這兒的招牌法包一定能夠賣光。兩夫妻都不太肚餓，所以都只是點了半份「經典越南法包」配「餐湯」一碗和「蔬菜」兩份的「套餐B」（$45）做晚餐。這兒的越南法包材料有扎肉、烤肉、甘筍、蘿蔔、肝醬、蛋黃醬、青蔥、芫荽、辣椒和豬肉鬆，我點的是不辣的版本，沒下

今日我去了大角咀商場行市集竟然發現食開的墨魚漢堡包已經結業了😭於是打算乘小巴回家，小巴又走了看到對面有間隱世小店好想試叫蔥仔越南包，我好想食越南包半份才30元，9寸要50元真的好彩有叫全份做外賣，外賣同樣好食從來未食過正宗又超好食的越南包之前在深水埗食的小店不好食這個包，我才等了八分鐘，店員即整我覺得好吃主要來自它的酸菜甜甜酸酸的蘿蔔絲和甘筍絲配上肉嫩的火腿和好新鮮的芫茜包上有少少肉醬，法包又脆，絕不鞋口令我有衝動想自己整越南包，但是這個好味酸菜我卻弄不到

係大角咀好多唔同種類既食店，唔想餐餐都係豬牛雞，有時都想食light d , 但又唔想食大舖又凍又貴既麵包，食空氣又唔好食。係富多來呢度就有間細細的法包小店，一位主廚打理，加一至兩位助理，進入舖頭，記得攞返個細細既黃色號碼牌，等待叫號。佢整既法包十分足料，新鮮處理，可以選擇全條或者半條法包，配上淡淡既酸紅/白蘿白絲，碎碎的辣椒，絲絲的扎肉，小小肉鬆，非常好味。套餐可以加配 南瓜湯/蔬菜小碟，足以飽肚及回味。

今日終於走去試吓大角咀呢間越南包， 12:15去到堂食，老闆已經好忙咁整緊外賣，跟住就越來越多人入嚟買包，好彩比佢哋早一步。由於所有食物和飲品都係老闆一腳踢，大家最好預早WhatsApp落單先，如果唔係都需要等。本來想試佢哋嘅椰子咖啡，但由於實在太多人呀，老闆都唔得閒冲⋯⋯ 所以下次先有機會試。不過店舖很貼心，堂食可以飲自家製的菊花茶，清熱解毒，讚👍🏻。越南包預先韓國，所以愛皮好趣，用了亦都非常充足。扎肉好好味。可以揀辣或者唔辣。蘑菇湯好Queenie，蔬菜份量亦都夠。半個包加湯或兩款蔬菜賣$38。一個包加湯或蔬菜兩款$58，價錢okay 👍🏻👍🏻 會再試😋

食過最好食嘅越南包估唔到係喺大角咀 鋪頭細細疫情下全部轉曬外賣 但係個個包都即叫即整 而且就算有好多張單老闆依然係認真咁製作 冇偷工減料 可以感受到佢對食物的熱情 全店主要食物就淨係得越南包 可以選擇加湯或者蔬菜伴碟 今次要一個九吋越南包 即使買到返屋企食 個包依然係脆身煙韌 裏麵包住餡料非常豐富 每一啖都咬到唔同嘅滋味 有爽脆嘅 醃蘿蔔絲 鹹香嘅肝醬 軟滑入面有粒粒爽口嘅扎肉 蒜香雞肉 再加埋蔥芫茜 同埋辣椒 滋味喺口中爆發 每一樣食物獨當一面 但又唔會互搶風頭 食完超級滿足 欲罷不能 要啜乾淨每一隻手指💛鋪頭細但午市生意好，如果唔想等太耐要WhatsApp 落定單。

第一次去食～聽朋友讚過好多次！ 呢排武漢肺炎第三波香港實行晚市禁堂食我就下晝3點左右去到以為呢個時間ok原來只做外賣呀！可惜不能坐低嘆 可能因為鋪仔細細堂食風險較高，都明白既 結果我拎左去街尾企響度食 法包入面夾住大量凍冰冰、爽脆、酸甜岩岩好既紅白蘿蔔幼絲+扎肉+辣椒粒+雞肉+沙律汁（大概係呢啲材料，我都唔知有冇食錯） 好！好！味！夏日炎炎我仲曬住太陽呢，真係好fresh好爽😆 由於我顧得個口罩又顧唔到電話我係冇影相，食完包飲蘑菇湯，死啦又係好！好！飲！ 好香蘑菇同香草味，稀杰適中，啲菇仲爽口冇林晒，要去飲呀你地～～ 越南係法國前殖民地，呢種法包三文治係佢地既街頭小食之一，我上網睇左話，越南人整法包除了用麵粉，仲會加米粉，質感比一般法包脆啲，唔，我唔係好識食，但諗番又的確冇平時食法包咁韌 期待下次堂食我可以一啖包一啖湯冇咁狼狽，去去武肺走！

依間蔥仔法包 每日12:30開門 3點左右就賣哂 晚黑就會有其他野食 我上次夜晚想去食法飽 結果食左個牛肉飯 都好食既☺️ 大家都可以去試下法包呢有兩個size 4.5 同9吋 我就叫左個9吋 排隊既時候不斷有人流 果然 好野係需要排隊的😂 仲有一樣特別既野係 由於老細不斷整緊法包 所以佢唔可以整污糟手去掂錢 所以有個玻璃兜自己放錢落去自己找贖 都係一個信任黎💛💛講返個法包 我無加到蔬菜同湯 因為一個包已經好大了 入面又好足料 有辣有唔辣任君選擇🌶🌶 扎肉 烤肉 醃左既甘筍 蘿蔔 肝醬 蛋黃醬 蔥 芫茜 肉鬆 辣椒 每一啖都滿滿既餡料 真係幾過癮 我個人認為食9吋 分兩次食會剛剛好 9吋一次過食 個口會好攰 因為法包始終比較硬😂 9吋真係好大個 又好足料 咬到好攰 但係係好食既 店入面仲有提供菊花茶可以飲 唔錯唔錯😋

本來唔係特別話鐘意食越南包 覺得無咩特別 但自從果次食完大角嘴依間蔥仔就不得了～完全係上左癮！ 之前都食過幾間出名既越南包(九龍城 深水埗既）都唔夠依間蔥仔勁～叫左一個全包同人兩份食 對女仔黎講半個都好飽～ 最欣賞既當然係入面既肉,肝醬同埋蘿蔔 唔好睇少蘿蔔 調味過既真係好好食 完全係大件夾抵食 溫馨提示 如果唔鐘意食芫荽 記著叫走 佢一個set有埋湯同菜 好抵食 蘑菇湯必加 茶refill 鋪頭好細 預左坐得唔耐 但老細好好人 同好有心機

呢排天口熱…胃口差哂😂😂…所以搵D輕食😏…揀左食越南包入門口記得攞個籌先…呢度幾啱有選擇困難既朋友…因為得越南包揀…仲要得一款…你既選擇係辣定唔辣…同埋4.5”定9”…當然你要都諗下加唔加湯同菜…既然胃口唔好加輕食就點左9”要辣同加菜同湯…是日餐湯係蘑菇湯同南瓜湯…點左最愛既蘑菇湯同加碟菜…菜就普通烚菜加左D醬汁(唔知係咪越南style)…正常…蘑菇湯好飲喎…好多蘑菇好香…個湯又夠滑…最緊要夠熱主角黎啦…首先跟據餐牌…越南包成份係有越南包…扎肉…烤肉…甘荀…蘿蔔…肝醬…蛋黃醬…青蔥歲月…芫荽(第二個字點讀🤔)…辣椒同豬肉鬆。 好鬼多餡😍😍😍…個包好鬆脆…唔會好似石頭咁…黎時仲要暖笠笠…蘿蔔應該醃製過酸酸May May…即刻開胃左少少…其他d肉都好好味…雖然一齊食唔太分到…最緊要有辣…正…好好味👍👍全速食左4.5”…即刻要轉低波…上斜又無牙力了…後尾欄下欄下就ko埋剩番嗰4.5”店員好好禮貌…野食又好味…推介。(呢度係係個兜度自己俾錢同找錢…我話你都好信d客人…佢就話會昅實喎😏😏)

上次下午4點來到已經賣完提早關門,今次再接再厲,提早在下午1點半到達選擇堂食(其實只有3個位,通常都外賣)。慶幸這次終於買到,其實我覺得未吃午餐的話,就直接選擇9寸法包加湯加蔬菜,無須多想,因為吃完你一定唔會後悔~選擇只有一款,但卻做到極致,確實是香港難得一見的越南優質小店。入門記住先取號碼牌,方便老闆計數,大約每個人等3-5分鐘,因為即叫即做,相當新鮮,你會覺得值得等待。9寸越南法包   4.5/5分   65元1. 法包本身夠脆又不會太硬,可以用口咬開,如果可以稍微焦一些及有微溫會更佳2. 配料不用挑剔,肯定是我在香港見過最多配料又吻口越南口味的法包,特別是酸蘿白絲好突出,如果鵝肝醬再多D就完美!3. 今次沒有選擇辣,還是建議大家選吃辣會更好味有越南的味道蘑菇湯  5/5分   65元絕對是我飲過最好飲的湯,每口都充滿蘑菇的野菌味,即使在夏天飲熱湯都覺得好正,下次想試南瓜湯~!蔬菜兩份   4/5分   65元西蘭花和椰菜的份量不算少,上面加了一些甜甜的醬油,令兩種本身無味的蔬菜變得好味,非常健康的想法我可以講,蔥仔越南包是香港暫時最好吃的法包。請自備現金自行找續,方便老闆啊~請支

🌸 #girlsfoodies荔枝角#girlsfoodies港式 🌸​【💛 黃店 #GF_List 】​🉑：外賣自取​⭐評分: 9/10​——————————————————​終於食到啦！佢哋嘅法包好快賣哂，所以要食都要講彩數，去過越南食法包嘅小編，覺得呢到嘅法包非常好食，係全港數一數二之選！——————————————————​▪️經典越南法包 半個 & 蔬菜套餐 ($38)38蚊係咩事，平到傻咗！半個已經有4.5寸，所以普通食量已經夠㗎啦！去到老闆會要求你拎一個牌仔，應該係用嚟mon法包數量😂啲牌仔無哂就等於賣哂每日嘅蔬菜款式都唔同，今日係秋葵、翠玉瓜同娃娃菜，全部都好新鮮，淋上特製鹹鹹辣辣嘅醬，好有住家餸feel😋個法包烘熱過，外脆內軟得嚟，唔會好似食豬仔包個種又硬又介傷上顎，一路咬都好舒服😂仲要由頭到尾個包都係填到滿哂，唔會有機會比你食到齋包，最怕你個口唔夠大一啖食落，芫荽香氣第一時間彈出嚟，之後就到肝醬鹹鮮再加蘿蔔爽脆又酸酸甜甜，咬大啖啲，就可以食埋彈牙嘅扎肉同鬆化烤豬肉，嗒真啲，靠近法包嘅位置有堆肉鬆同搽咗蛋黃醬，令口感更有層次又圓潤啲，真係超超超超滿足😭😭😭😭利申非打手