巴蜀軒豬扒酸辣米線

Open Now

Now Closed

十年前常吃石塘咀分店，最愛麻脆雞排，忘不了那又熱又脆又麻的快感，今天經過就想重溫一下。點了麻脆雞排酸辣米線，但出餐有點慢，同桌的客人比我遲來五分鐘食物也先上桌，所以更期待雞排會是新鮮熱辣。之後來到的雞排外表如十年前一樣，但入口不脆不麻不熱，很奇怪為什麼煮那麼久？酸辣米線雖然點的小辣，卻也是不辣不酸，淡而無味。或許是我期望太高？有機會再重訪石塘咀分店一探究竟。

試咗嗰間嘅酸辣米線，真係唔係太滿意。先講服務質素，唔中意收硬幣。坐低食嘢，雖然冇其他客搭檯，但係店員推晒枱上面嘅嘢，搞到逼擠。酸辣米線嘅味道都只係得閒閒，同我想像嘅差啲。希望店方可以正視問題，無論係服務態度定食物質素，都要再做好啲，咁客人才會開心再嚟帮襯啦。

酸辣米線真係百吃不厭夏天熱辣辣唔太開胃就要食啲酸野開心下今次呢間見到出名豬扒於是就叫咗個豬扒酸辣米線再加咗紫菜魚卷小辣個湯底偏辣但唔太酸，算岩我胃口肉碎夠多，啖啖米線再加肉碎加啖湯，好惹味呀～～豬扒好味，醃得好入味！又煎到香香地口～要特別讚佢個紫菜魚卷好好味！建議一定要加！！雖然睇落唔太特別但都算合理味道。見到隔離有人叫咗雞扒係分開上仲炸到脆卜卜咁，下次會想試吓不過如果食唔到辣嘅話要叫bb辣，因為佢嘅小辣都真係唔惹少

叫咗米線、另外有一杯凍檸蜜、凍檸蜜飲咗大概大半嘅時候、發覺有一隻已經死咗嘅蒼蠅俾啲冰壓住響杯底入邊、同店員講、女店員若無其事攞走隻杯、其間重複講咗兩次”隻烏蠅仲郁個喎”隻烏蠅仲識郁”,意思即係佢將凍檸蜜交俾我嘅時候,凍檸蜜裏便係冇烏蠅嘅,隻烏蠅係之後我飲飲下嘅時候先至跌咗入杯凍檸蜜嗰度,事實上我發現隻烏蠅嘅時候,隻烏蠅已經係死咗同埋俾啲冰壓住，所以一定係佢沖杯凍檸蜜嘅時候，隻烏蠅已經喺個杯裏邊🤮

今日朋友帶我來試這間餐廳，環境真是好地道，窄，細地方，排長龍朋友好喜歡食這個酸辣米線，出名系豬扒米線但豬腩肉彈牙，米線入味，酸辣足夠酸不食飯，叫些小食，手撕雞食落口感好似食梅瘦肉，而且加左麻辣醬食落不是爽口感覺，麻辣青瓜都可以，拍青瓜，但青瓜不入麻辣味，只是表面辣

今日咁岩經過就入去試下，天氣咁熱，梗係食一碗撈麵！首先，麵條的口感非常出色，彈性十足，讓人愛不釋手。青瓜米線的加入為這道麵食帶來了清爽的口感和獨特的嚼勁，同時給整碗麵增添了一抹綠意。紅腸和午餐肉是這碗撈麵的亮點之一。紅腸的香氣和午餐肉的鮮美與麵條相融合，為整體味道增添了豐富的肉香。配料的組合使每一口麵都充滿了層次感和滿足感。推薦下午茶來吃會有飲品送！

由粉麵達人朋友繼續帶星加坡朋和我食好西！放工秒閃過銅鑼灣試下巴蜀軒，聽聞過佢豬扒不錯吃，今次還是第一次試☺️粉麵達人試咗豬扒小辣米線，我試咗豬腩肉小小小小小….辣米線，竟然我果碗十小辣仲辣過小辣😵‍💫鼻涕要失控🤧整體上不過不失，不錯吃！但豬腩肉味道及烹調方法，唔係我喜歡嘅風格🫢

本身諗住食譚仔等過馬路嘅時候轉咗駄🙈無轉錯！叫咗豬扒麻辣米線一上已經好香配料好足！花生肉碎榨菜酸蘿蔔芽菜個人覺得湯底偏咸，但麻得好過癮！小辣對我嚟講啱啱好食到個口辣辣地，chur返啖冰凍椰汁，好爽！豬扒正常最麻煩係成日食到花椒(?)要吐返出嚟Btw, playlist好有親切感～

🧡 巴蜀軒豬扒酸辣米線📍 灣仔駱克道368號百玲大廈地下G1舖------------------------------1️⃣ 招牌豬扒酸辣米線（小辣）$53（跟凍檸茶）推薦指數：👍🏻👍🏻👍🏻不算太酸 味道一般😆2️⃣ 招牌豬扒酸辣米線（不辣）$53（跟凍檸水）推薦指數：👍🏻👍🏻豬扒厚且多汁 好食😋 惟不辣的肉碎有股雪藏的味道☹️建議食麻辣的3️⃣ 秘製單骨雞翼 $65雞翼入味 炸得香脆🥰------------------------------座位不多 屬快餐😂食完即走 而且很多人會外賣😆是譚仔以外另一個選擇總評味道：⭐️⭐️⭐️環境：⭐️⭐️⭐️服務：⭐️⭐️⭐️

夜晚放學後與男友會合未肚餓就係銅鑼灣周圍行下沿路一直行到灣仔開始想搵野食經過見到呢間酸辣米線，不如簡單的食米線做晚餐-入內環境較細，坐得迫夾少少睇過餐牌後，見推薦都係豬扒，一於試下～招牌豬扒酸辣米線 少少辣上菜時已經好香～湯頭較淺色但都夠辣飲落略有蕃茄的味道加埋酸菜，好開胃豬扒外表呈深啡色的焦脆，肉質細密飽滿入味巴蜀麻脆雞扒麻辣四川粉脆雞扒外表酥脆香口，內裡軟滑多汁而另外用碟上就唔怕淋哂湯頭麻味勁香，辣得夠過癮四川粉比米線更煙韌和爽滑個人覺得脆雞扒更好食整體味道相當不錯，而食完唔會好口渴可以再來～

唔知你係咪同好多香港人一樣鐘意食譚仔三哥雲桂香呢？呢間位於灣仔銅鑼灣交界嘅小店可能啱你胃口！舖面門口唔太起眼 不過仔細發現都有傳媒報導過佢嘅麻辣湯底 值得一試食物質素佢哋嘅主打係招牌豬扒酸辣米線 辣味較酸味突出個人更喜歡佢嘅四川粉 因為米線較粗身 四川粉較少地方食到都唔會煮到好淋豬扒份量夠好有咬口 肉汁豐富 加分位係佢會剪成一小塊方便食用單骨雞翼同雞扒都不錯 全部都有蘇脆嘅口感 湯㡳辣度十足 建議量力而為 環境氣氛茶餐廳環接 4張圓枱 店面較細 燈光較暗 服務 & 衛生網上好多人話灣仔呢間 姐姐服務態度差 不過個人而言 去咗10次有多都冇咩事 普通茶記服務 不過未試過催單 茶記水平嘅衛生水平 玻璃肚男朋友間中食會肚痛定價窮人恩物 同連鎖米線店價格相若 50蚊以下都有交易 午市半價加飲品Tips 1.預咗呢間多人要等 打工仔lunch hour 可以打電話落單再嗌2.建議撈下先食 有時啲醬料會沉咗喺底影響味道‘-‘-‘-‘-‘-‘-‘-‘-‘-‘-‘-‘-‘-‘-‘

📍 巴蜀軒(西環)🍽 招牌豬扒酸辣米線😋由細到大已經好鍾意食佢哋嘅米線！諗唔到食咩好嘅時候揀佢哋就啱曬🍜招牌豬扒酸辣米線（小辣）有5舊豬扒，配料有肉碎、酸菜、花生同蔥，份量好多！豬扒外脆內軟又厚身，咬落好多汁，超滿足^^💰$41

🍜巴蜀軒豬扒酸辣米線灣仔駱克道368號百玲大廈地下G1舖以前反工每日7點幾路就聞到陣陣既香味傳出黎搞到一OT 就會第1時間想食既餐廳🤣如果LUNCH係附近反工 就一定係叫外賣拎走因為店舖唔大得4,5張細枱仔 個個都會話佢服務態度差🙃不過真係睇你點睇 忙起上黎真係得佢地2個人呢到係主打豬扒🐷米線及麻辣湯底不過我最中意食麻脆雞扒🐣同單骨雞翼巴蜀麻脆雞扒麻辣米線🍜(炸雞扒🐣係另上)呢到芽菜酸菜份量好足 叫左個中辣🌶BB辣已經唔夠我食啦其實中辣已經好辣 但愈辣愈過癮 食到流曬汗🤧🤧麻辣米線的湯底好麻香而唔痺唔係辣到講唔到野果D😶配料肉碎、榨菜、蔥份量都多雞扒成塊係碟到🐷仲會幫你剪開埋上枱果陣你會睇到😆😆😆雞肉係肉嫩皮脆 幾脆幾香單骨雞翼🐥將雞翼開半勁方便 份量正常 係價錢有D貴都6X蚊架 但作為小食 真係好好食同好香呢個係用左花椒、紅椒及孜然調味 超級入味😋😋😋😋入口果陣少少麻辣 仲要香炸夠哂滋味 仲要唔使用手食如果係經過又唔想成日食譚仔可以黎一試呀!👍🏿👍🏿

第一次就中伏，千萬唔好lunchtime 去食，等左差唔多成一個鐘先有得食，由12點等到1點，明明做唔切啲單，成堆人積曬到等，但就不停咁接，然後同人講等3-4個字，其實係等成粒鐘。然後又唔理堂食，係咁整外賣單，堂食一碗都冇出，外賣啲單又唔係跟次序，94號外賣單快過88號，94號係遲過曬啲堂食落order，但已經有得拎，堂食就一個都未有，外賣同堂食啲人問店員有未，就係咁用單要排隊做藉口，但大家都等左已經成粒鐘。其實接唔到咁多單就唔好接！店員服務態度又差，呼喝啲叫左外賣嘅人出返去。但雞排係幾好食，不過份量細！

未見過咁差態度嘅食店，上至老闆下至員工態度統一惡劣，等左45分鐘都未有得食，問一句係咪漏咗單，個阿姐即刻燥底發脾氣同你講：「催催催！而家咪排緊隊同你做！」食碗米線都咁受氣…