巴蜀軒豬扒酸辣米線

Open Now

Now Closed

本人前兩天睇到生果報話有間米線十分鐘食完個超級麻辣米線就免費～咁本人今日下午2：45去試下～，叫左個雞扒超級麻辣米線～味道不錯～但係麻過於辣～不過十分鐘內完成真係唔洗＄＄。下次再去試下佢D其他菜式

我本身唔係點食辣野，但星期六行去那邊，聞到陣香味，身旁食辣的朋友話係麻辣的香味，咁就入去試下。地方唔算大，我又係晚上九點幾的情況，所以無發生前邊用家講等餐等好耐的情況，不過坐位就直望叫到後欄位有職員做野有野，唔知早上係咪咁，關左度門會好d。職員都幾好禮貌，我同朋友都叫左豬扒米線，佢辣我唔辣，仲有碟雞翼。想等別講下小食雞翼，師傅拆左雞翼由雙骨變單骨，食個陣好方便，可能因為咁外邊炸得脆得黎，裡面又唔會話唔熟。走個陣，兩個人一百元有找。出到去後朋友話一股麻辣香味仍在口邊，似乎對食辣的朋友來講是口福，而我就鐘情d雞翼。會邊去再試!!

呢間鋪開左唔係好耐，不嬲都想試下佢，今日終於有機會!本來想堂食，但一入去見到鋪面好細得4張枱左右，每枱坐左5、6個人，所以都費事入去逼..於是就改叫外賣算...雖然見到收銀處有3大袋外賣，心諗可能要等好耐，算，照叫~叫左個豬扒四川粉小辣，估唔到唔洗5mins就有我一度懷疑係咪俾錯，但當時外賣自取得我一個，真係估唔到快成咁拎到返公司打開個袋，有一碗湯(雲吞麵果d膠碗，但蛭面d湯只得一半，冇渣)一碗豬扒四川粉，先飲一啖湯，好夠熱，雖然飲得出係味精湯，但都飲到瘦肉味(唔知咩野湯黎)，都幾好飲再試下個粉，一打開見到有5、6舊已切好既豬扒，份量唔算少，ok既，一啖咬落去，幾淋喎都!而且幾香!又唔痴牙，都唔錯!再試下個粉，我第一次食四川粉，估唔到都幾多配料，有十幾粒脆花生、少量蔥段、大概一湯匙既豬肉碎(唔係好碎，有d大概有半cm咁大)、大量咸酸菜等，而d四川粉外面有少少油，半透明，外形有d似瀨粉，食落同瀨粉差唔多(其實可能真係食緊瀨粉)將配料同四川粉撈一撈就食得，以為係撈野就唔太熱啦，但估唔到第一啖食落都幾熱架播味道ok啦，又唔係好覺好特別，我本身係食得辣既人，但叫小辣都覺得ok了，怕太辣會遮哂所

我今日同我同事見新開,放左工過去試吓啦~我就叫左個豬扒加紫菜蟹柳卷酸辣米線,我同事就叫左水餃加單骨雞翼酸辣米線,豬扒食落有少少麻,幾特別,我同事話個水餃皮好薄好好味,因為我都幾鐘意食米線又係係CWB返工,所以好多係CWB既米線都食過,佢個湯同其他米線唔同,唔會好多油同好重味精,少辣就真係唔係好辣,下次可以試中辣,每個人$34左右,價錢都係CWB啲價囉

我聽朋友講話附近開佐間酸辣米線，今日放假落假。我呢D懶人一族當然唔會煮飯啦。就落街試下個招牌菜豬扒酸辣米線。D豬扒夠Lum同好有肉香的鮮味，米線夠爽口彈牙，湯夠香夠麻辣。個人認為OK，師傅手勢好

我住灣仔又鍾意試新嘢......咁啱屋企附近又開多咗間新嘢叫巴蜀軒....咁就梗係試吓啦......地方都好細吓....未入門口已經聞到有陣好香嘅味,點知入到去仲大陣味....叫個侍應嚟問吓佢呢陣係乜味啦....佢答我係麻辣味喎.....我都唔食辣概.....本來想走架啦.....點知個男人答我話都有唔辣架......我心諗一定係搵人笨啦....呢個一定係老闆啦.....睇吓個餐牌D嘢又唔算太貴喎....算啦....試吓啦......Order咗個(招牌豬扒麻辣四川粉+雞翼小小辣)......碗粉都唔係太辣....好香...OK嘅.....豬扒夠霖同有好重嘅麻香味單骨雞翼都有D麻香味嘅.....食完之後成個口麻晒.......番到屋企之後都有少少感覺....間嘢都OK概.......我諗一定有下次啦......(如果想麻吓自己)

見屋企附近新開,, 聞到都幾香, 就叫左個"招牌豬扒酸辣米線"小辣外賣自取, 個時lunch hour, 好多人,我唔介意等.但一等等左半個鐘..唔夠人手.d侍應又好生手..等到一d都唔想食..優點係外賣自動會幫你湯,米線分開裝,,味道都ok.豬扒好香胡椒味,,都夠lum,,d米線都唔太lum,,我呻左小辣,但係一dddd辣都無..唔知係咪落錯單,個湯底好重味精!要一路食就要一路飲水...勁口渴!!!!!!!!會比多次機會ge,,如果唔使wait半hour!

碰巧今天中午沒有帶飯, 同事就說公司附近新開的巴蜀軒還可以, 接電話個阿姐勁無禮貌, 知道只有我一個外買, 就說...等下啦, 待會順便送過來, 哼!我就叫了一個 "札肉蟹柳四川撈烏冬", 本來滿心期待, 等了半個小時才送來, 拜託, 只是一街之隔~~~把飯盒打開, 嘩!!!! 看到幾條札肉絲/蟹柳連同一些辣椒放在一起, 其餘的都是白色烏冬, 味道, 還好, 夠麻辣.....但收我這個價錢, 菜少得可憐.還有, 附送餐湯, 本來打算喝的, 但一看到盛湯的發泡膠碗竟然融了!!!!!! 如何喝得下????這家店, 恐怕我只可一, 不可再!!!