BB開心茶座

Open Now

Now Closed

和朋友去粉嶺行山，從小巴總站落車時發現了這家店。我們點了燜火腩飯，豬肉燉得入味，肥瘦適中。同行的朋友要了牛腩飯，中規中矩的牛腩味。以前的評價有提到老闆態度不好，我們去到時候好像餐廳已經轉手了，老闆娘比較熱情禮貌。但是餐具不潔的問題還存在，店裡不知為何使用的是一次性餐具，枱面和椅子上都有點髒，潔癖甚入。

簽到天后呢間茶室，腦海浮現「老字號」嘅畫面📸。揀左個經典「美式早餐」，個盤仲蒸騰熱氣㗎！多士軟硬啱啱好，沾上咖啡色嘅牛油，咬落去「卡滋卡滋」嘅聲音咁滿足😌。蛋黃煎到外熟內流，攪一攪都似準備做愛情大餐嘅前戲。煙肉同餐肉佢哋都幾正点，不過如果有啲更脆口就更加得意。多謝店家提供脆皮豬肉腸嘅選擇，咬一啖，韌而不柴，香氣四溢，真係幾足料🤤。講到店面，嗰啲相片真係有＂文青＂feel，牆上掛滿名人，有種時光倒流嘅錯覺。豆腐花滑溜溜，而家少有嘅石膏味，食落去有屋企嘅熟悉感覺。個薑汁芝麻糖丸算係驚喜之選，每粒都似手工造，非常人情味嘅感覺。啱哂就拉埋一班朋友，喺呢度嘆番個下午悠閒嘅時光。員工服務態度好有心，似香港街坊咁親切。總體黎講，呢度既美食又有格調，值得再嚟！👍

嚟到呢間茶座，第一樣就係點咗款嘅薑汁豆花🍮。食落去真係滑唔溜丟，豆香四溢，再配上自製嘅辣辣地嘅薑汁，啱晒喜歡嘅食客。話說返呢個牛腩飯，雖然我身為個唔食牛嘅人，都忍唔住望咗兩眼 — 味道夠哂香濃，肉質軟爛得嚟唔失咸鮮。再講講隔離桌嘅豬扒，色澤誘人，煎得啱啱好，外皮帶點酥脆，肉質鬆軟，咬落去真係好有滿足感。喺鄉村嘅寧靜環境下，飲杯凍嘢，食塊好味嘅食物，真係一種小確幸。店內放滿咗明星嘅簽名照，令到呢間富有人情味嘅茶座更添色彩。對於店員嘅細心服務，真係要讚一讚，見到客人有需要，唔計形象地即刻幫手，俾人一種溫馨嘅感覺。總括來講，如果想享受陽光同好食嘅同時，又想感受下地道嘅客家人情味，呢度絕對值得一嚐！👍🤤

呢個位置比較獨特以往都係俾啲車友聚腳嘅地方嚟呢度嘅朋友如果揸車的話千祈唔好喺舖頭出邊雙黃線停車因為好快會俾人趕同埋抄牌我嗰日嚟到人煙三四隻唔好抱咁大期望就唔會失望因為呢個地方真係有啲似地盤工友吃飯個中感覺冇裝修可言膽粗粗地叫咗碗豆腐花同埋杯奶茶質素普普通通接近$100邊境美食要俾啲premium 😂

去鹿頸、鳳坑、谷埔行完山，因為是閒日，多間士多都沒有開舖，沒有機會試下村郊的特色菜。返回鹿頸，只有BB開心茶座有開店，已過了飯巿，看看時間是2:45pm, 店內都有很多食客，本來沒有什麼期望的，只想醫肚！店面只有一位阿姐負責樓面，落單、收錢、送餐，所以見她忙到團團轉，看來看去餐牌，唯一吸引我的只有鹽焗雞飯，65元比較貴一點，不過想想這是郊外地方，而且又註明是走地雞，貴一點也應該！所以點了一個鹽焗雞飯，果然雞是不錯👍，有雞味，肉質結實，真的是走地雞，沙薑醬調得味道不錯，一碟真是不夠喉，下次一定叫半隻！

食具不潔，衛生有問題！！！有光顧的食客都不能借用店的洗手間，如果可以，要打 零星，一星俾多了！！！店員服務極差，好似食客欠佢錢咁！咁樣的店，應該快執食了 西式 All Day Breakfast, 仲衰過我自己在家整，收50元，簡直離譜！！！差評差評差評

第一次去叫過全日早餐，茄汁豆係凍嘅，啲餐放咗喺廚房好耐先至攞出嚟，食物冇質素第二次去佢比較忙，等咗15幾分鐘先至肯有人寫order，同我講全日早餐冇得叫，咁咪叫其他嘢啦，第二台第二個人落order就有全日早餐，咁我都已經叫咗餐蛋麵諗住簡單啲，諗住可以快啲，點知都等咗半個鐘，個面半生熟，啲湯都唔係熱，只係暖暖地🤦🏻‍♂️去得呢間嘢食就預咗受氣，服務態度差，唔好諗住啲嘢會喺好食，就算你等咗半個鐘頭唔代表一定係會熱嘅俾你，你預咗所有食物係暖嘅熟過食物，只作食飽用途，冇質素可言，坐低之前大家記住睇吓張枱污糟污糟線，因為佢哋只係收咗啲食完嘅餐具，唔會抹枱唔會做清潔，祝大家好運

我每次去鹿頸…除咗要飲冰凍可樂之外，另一個必食之選就係佢嘅牛腩飯。因為佢嘅牛腩真係問得好唸， 好入味！牛筋幾乎係入口即溶！個菜就比較老，不過這個不是重點。食飽飽，繼續餘下旅程！

行完鹿頸一帶見到一間舊式茶座。本身想食隔離陳鳳記但睇 open rice 發現已結業。 入到店見到舊式的紙皮石地板和鋪滿明星相的牆壁，就知道間鋪頭有d料到。望見個menus 最吸引我地嘅係 all day breakfast ！就叫了一個美式一個英式 all day breakfast 。兩者分別只係多了一塊火腿一塊午餐肉，不過價錢相差甚還，有D O嘴。 另外我地每人仲加左5蚊一塊薯餅。薯餅有種特別的味道，好似有先調味過才炸，呢5蚊就幾值得加。

放假啦！放假啦！假日同朋友出去郊遊出發之前梗係要充吓電食啲嘢先啦！上網查一查發現呢間都幾出名特別係佢嘅all day breakfast🍳 而且發哥都嚟過唔少次🤣 所以就入嚟試吓！茶座有室外同室內，嘢食方面都幾多選擇有中有西，早餐仲分埋美式同英式添！不過今次就想食返啲小菜～ 有機會再試吓佢嘅早餐套餐！🍗 金牌鹽焗走地雞 $120 半隻其實唔係好食得出普通雞同走地雞嘅分別不得不讚的確整得幾好食嘅😂 雖然偏油但係個雞幾滑嫩而且個皮都唔算太過肥！加埋少少鹽放喺上面，送飯真係一流😋🍲 金牌炒飯 $65啲飯粒粒分明，而且都幾有蛋香味但有少部份嘅位置未係炒得好好不過整體來講都算唔錯🤪！🥬 清炒/蒜茸炒時菜 $78 因應返當時嘅季節唔同時段有唔同時菜供應所以要問返老闆娘當日有咩菜可以揀！我哋嗰日去到有菜心、生菜同埋油麥菜而我哋就嗌咗油麥菜！雖然望落去個樣非常之油但係唔油嘅話又會炒得唔夠香😅 食落去明顯感覺到油麥菜幾新鮮而且份量都算多，整體來講都幾推介！⭐️ CP值：🐘🐘🐘⭐️ 打卡able：🐘🐘.5⭐️ 舒適度：🐘🐘.5⭐️ 再食指數：🐘🐘🐘（5 星為滿分）

侍應態度好差，幾乎去到呼喝等級，聽到隔離台仲要邊個高大兇神惡殺o既侍應兇。食物質素都係差，特別係碗牛腩，差過一般茶記，牛腩完全係渣黎，完全唔見有幾馳名，建議大家忍忍口唔好食左垃圾先。

中午時份入去鹿頸行山，回程出來已是三時多，正好吃個下午茶。等小巴的車站不遠處有間茶座，就選這間。茶座有室外和室內，因為行完山比較熱，所以我們選擇坐室內，平日人少室內場就只有我們一檯。餐牌上標示的食品種類很多，有中有西，我們點了一碗牛筋腩麵和一份英式早餐。牛筋腩麵份量適中，幼麵的麵身爽口彈牙，牛筋軟滑，但牛腩比較嚡，生菜有好幾條，嫩綠新鮮，湯底不過鹹，吃完不口乾。英式早餐是全日供應，與美式早餐的分別是少了火腿和午餐肉，不想吃太多肉，所以選英式。兩隻太陽蛋，蛋汁滿滿，用來醮多士吃很好味，半個大番茄和茄汁豆，酸甜開胃，香草腸啖啖肉，煙肉煎得過火，變成煙肉乾另有一番口感，多士正常烘焗。飲品我選橙汁，用錫杯上，十分保冷，果汁先生的味道，內有碎碎橙肉。

今日去鹿頸郊遊 小巴站56k一落車就有BB開心茶室醫肚如果唔係就要行多十分鐘先有餐廳HKD50全日早餐個煙肉幾好食個薯餅可以另外再加HKD50 豬扒麵可以選擇粗麵或幼麵，湯味道較淡HKD50餐廳推介既走地雞麵呢道餐廳既走地雞出名，味道普普通通不是特別出色，湯味道較淡

當日行完「鹿頸」最岩係臨走前食一碗冰震豆腐花！豆腐花$12好快就送上～果然天氣咁熱食碗豆腐花係特別透心涼～食完仲會有份滿足感～☺豆腐花整體不錯～夠滑，豆味都出～係唔錯既選擇😉據說呢個餐廳都有唔少明星黎過光顧有機會都想試吓呢到既小菜😉

老闆一早過嚟接我去遊車河 話要帶我去食好西。原來係去咗鹿頸食野，中午時間嚟到啱啱好冇乜人。可以即刻有位熱熱地 即刻叫杯凍檸多涼下先 由於我係第一次嚟 所以老闆介紹我食豬扒或者鹽焗雞 ，我就索性一次過打孖嚟。雖然碗麵係貴嘅 索價$60，但係佢又真係幾足料，豬扒醃得好夠味 鹽焗雞啲肉唔會好鞋 。仲有個面底真係出前一丁 起碼唔會呃我係頂好伊麵 ，之後老闆就叫咗一支唔記得咗叫乜嘢嘅涼茶同埋一碗豆腐花。埋單2百令蚊左右 ，如果咁啱揸開車去嗰頭 我覺得不妨一試