BBQ 7080 (Closed)

感覺退步了的7080最初7080剛係香港開, 便去了尖沙咀果間食, 是order形式的, 影像中唔算平但好好食, 第一次食燒豬皮仲係果度!聽朋友講7080都有任飲任食仲要二百蚊唔洗, 初二就約埋友人一起去食啦!!MENU都算多選擇都幾多人, 一路食一路有客入似足係韓國食唔知點解D食物相唔見左,遲D再補返上來!但感覺上唔知係咪任食關係, D食物全部都無咩味, D蠔連殼燒, 出來已經超細超瘦, 燒完後係唔食得, 個泡菜煎餅就太過油, 而燒豬皮已經唔同哂了!生菜任加, 蒜頭,辣醬, 啤酒汽水自己拎! 總結, 如果只係當普通韓燒都算OK的, 總比出面D老牌任食韓燒店好

旺角區始終是飯局聚腳的好地方，朋友又想食韓烤和爐邊蛋，但旺角區食韓烤的選擇也很多，於是上open rice 看comnent也不錯，便選了這間好有韓國本土感覺 ，坐鐵筒椅的BBQ7080試吓。餐廳燈光偏暗，枱與枱的空間也算濶絡，而食物質素和選擇也是一般般，肉類，海鲜的選擇都多，但好不好吃，見人見智，又講不上新鮮，總之無咩要求，是是但但一餐的話，咁試吓都無防，邊爐蛋也當是點綴一吓視覺，整體只是中等水準.沒有想再食的衝動。

放工約了同事食飯～約了去九點場7080任食，等了十分鐘到入坐。點菜到送上枱都好快，無浪費你時間推介～生蠔，牛👅⋯⋯野食新鮮⋯⋯又有韓國啤同黑啤～男仕最愛。二小時都不停食⋯⋯飽飽收工

BBQ 7080超級超值。為了同TING小姐慶祝生日，百忙之中都要抽一抽時間出來。當天下午時份Book 的，七時半有位。一到就即有位了，但另外見有人等位，不過店員都好快安排入座。見到點餐紙，其實以任食來說不算少了！又有生的肉類，海鮮外，還有熟食！每人都只係178 加一，絕對抵食。見到有海鮮，當然要點！蠔比想像中大隻，而且好味！雖然要預多一點時間燒！但值得！蝦這個就一般，蝦肉有點霉。但是仍可一試！帶子原本是抱最大期望，但是卻令人很失望。第一是好細一隻，第二是有點腥，第三就是咬到砂。鯖魚好味！我們點了兩次！醃得好入味，而魚上面撒了粗鹽，燒完出來的效果好靚又好好味！五花腩這個五花腩真是超級好味！這個我們點了兩次，必食之選！很厚切，很厚切！燒完之後剪開成小塊的，夾埋生菜一起食，好好味！其他的肉類都不錯，以任飲任食的餐廳來說，這家的品質真是好高質！

其實韓燒唔係任食的話，都真係幾貴下不過成日覺得韓燒放題好唔正宗好似好多都係bbq野食咁又冇燒酒、馬格利飲今次試左7080覺得幾ok!泡菜、生菜、小菜都可以refill泡菜有少少辣 幾好食我好鍾意食五花腩依到唔係個隻五花腩薄片而係厚厚地既個隻燒完唔會覺得好肥煙煙un un 包埋生菜蒜頭食👍🏻最估唔到既係佢連海鮮都有大蝦、扇貝都唔錯，覺得幾新鮮野飲方面部分酒係要另計既例如燒酒同米酒咁但有兩款啤酒任飲仲有好多非酒精飲品都任飲真係幾抵食！啲staff幾nice係咁叫佢地refill 換板都好快手美中不足就係冷麵賣哂食完燒肉咁重口味，冇得清清個嘴不過都係勁滿足既一餐！

今日工作超級唔順利成日都好嬲好嬲好想食韓燒生菜包黎減壓！即刻諗起7080有得任食兩小時6點bk食730都ok喎實在太好終於有件事係順利架喇😭一開始係有張食物紙 底面都有野食燒物種類唔算多都係有豬 雞 牛 海鮮但都好夠食 一定比港式韓燒出色！淨食爐邊蛋都抵😍後面係d熟食 正常野都有齊既泡菜煎餅 湯飯 拉麵 冷麵 都有d第一波點左勁多野食 佢5分鐘內係可以上晒！當然係燒海鮮先喇扇貝燒完好細粒 不過都ok既蝦幾好食蠔好正佢本身令張枱都有碗芝士for爐邊蛋但我覺得蛋都係原味最好食所以加左落d蠔度熟食叫得比較少因為得主要目標係食生菜包肉但係係呢方面就有少少失望因佢既配菜得泡菜以前佢有洋蔥同芽菜架不過有咁多肉食都抵番晒喇勁燒肉！！同埋爐邊蛋真係好好食 勁滑！燒完呢轉忍唔住叫佢換左個爐勁多焦！我地自己整左幾次焦出黎已經係開小火都可以咁勁不過換完爐又可以開心繼續燒😆食物質素我覺得ok既而且野飲可以任飲179+1 埋單二百唔洗一位講真 單點韓燒兩個人食三碟肉都呢個價真係抵食之選！唯一唔滿意既竟然係冇凍水提供！韓燒食到太飽最後都會想飲番杯凍水但問埋員工都答我冇好奇怪...

因為男友生日想吃韓燒~要選任食,又有爐邊蛋,而又不是漢x 苑的風格~~~看過評價,,說算了這間位於旺角的bbq7080~之前和友人吃過太子的分店是每份計,,質素也不錯..就來一試放題的味道如何~到達時雖然已book ,,但也要等等,,,像是經理的店員的態度很好~一坐下...店員便放下簡單的配菜及倒下蛋漿等吃~~限時120分鐘~~我倆都是"吃得之人"~大約叫了3-4轉肉~~而且可以選擇的食物不少,,除了豬牛雞肉..還有冬菇,,和我最最最愛的豬大腸~~肉來了~~擺盤及肉質都不及單點的分店好...但牛舌及五花腩的味道不錯~而燒蠔加上芝士來燒...很juicy..而且沒有腥味...不感說它很新鮮,,但味道不錯,,,可惜吃了一轉已經沒有供應了~爐邊蛋更是可以讓我diy的部分,,加入芝士、泡菜和肉...做成不同的味道~~男友想吃鰻魚...因此額外追加(~$48)想不到這個有驚喜~不吃魚的我,..試了一口燒得外皮脆脆的鰻魚...肉質竟然入口軟滑,,又不會太乾,,,雖然只用盬及檸檬調味,,味道簡單得來很清新,,沒有一點魚腥味~~我也忍不住吃了一整件~~是日的晚餐我倆都滿意...店內的員工勤快..會主動

上兩星期有朋友生日，約在這家店食飯，第一次試，食物款式不算多，不過飲品還ok,重有酒精類選擇，曼魚超腥，牛肉不錯，豬皮也好食，不過建議豬皮上既毛如果可以清理乾淨就更佳！

排左大約30分鐘先入得, 都係值得既爐邊有燒芝士蛋, 超嫩超軟, 蛋味好濃, 又夠滑, 好好味咯基本上大部份野食都係任食, 牛肋骨, 牛小排, 豬頸肉好有咬口, 肉類好JUICY, 點一點燒汁認真正自費既就叫左帶子, 好鮮嫩, 好Q彈, 口感吾錯喎!!人好多, 但服務都叫做OK啦, 少漏單, 真心讚

第一次食韓燒係咁少食物種類選擇，叫咗好多都無得食 賣晒。飲品又少選擇。最敗筆既係 個烤板好易燒燶野食，就算叫人換過新烤板 放食物上去燒，都好快就燶晒，變咗其後燒既野食 都變晒黑色。如果好似其他烤肉店咁 烤板上放張紙，食物無咁快燶！另外如果有雪糕雪條就好啦！

放工與同事探病後黎搵食，同事想試呢間我都無所謂其實韓燒成個場都係年輕人，我與同事顯得有點格格不入去相先其實以每人二百零蚊任食黎講真係算抵食，燒肉食左二轉，有牛豬雞等等，味道不錯，有調過味，有蠔比你ORDER黎燒真心有D驚喜，而且熟食類的海鮮餅(?)，麵食類都好好食。同事食到唔停口，仲話下次叫多D人黎

之前食過一次，嗰陣係散叫嘅形式，六個人食，每人二百幾，價錢都ok，上網見到轉咗做放題，即刻食番一轉。肉質預料之中無以前咁好，但還可以，其他食品水準一般，夜晚七點半食就已經無晒我最愛食嘅豬皮，失望每人$199加一都係抵食之選。

7月份係吉地的生日，朋友請食生日飯，唔好意思揀咁貴，但又想韓燒，上去Openrice搵左 7080，原來佢依家有任飲任食，都係$178 +10%。抵過我之前一樣樣叫，又食唔到好多款而且仲有熟食叫，真係幾多選擇不過好公平既咁樣任飲任食，個人覺得質數冇之前逐樣叫咁好食，但都ok的。咁多選擇中，牛肉中的牛排骨係最入味，最甜的，以前d人話邊d肉最好食？就係痴住骨個舊肉最好食，我都認同。而五花腩就係豬肉中最好味，始終要有點肥膏滲點豬油出黎既香味混埋豬肉到係最好食。哈哈～仲有豬皮，我終於可以一試，其實都有d難度燒，因為塊豬皮一落爐燒一陣就變孿弓蝦米，所以要剪開少片，免得佢一面焦一面生。D豬皮都幾好食，有少少gel既感覺，充滿豬味的骨膠原😋爐邊黃色既係蛋漿，食落有似蒸蛋，不過好清，冇咩味😅

是次同屋企人慶生日，早兩日bk位，去到俾左細房自成一角，放題竟然有生蠔、帶子任叫，食左好多轉，肉類份量好足、無醃味過濃，大大塊5花腩，豬皮脆卜卜，食左2個鐘切埋蛋糕都無趕我地，實在盡慶！每位唔洗200，真心推介

牛系好食D既 好厚既五花腩 燒既時候 D油系甘彈 之後有個waiter幫手👍🏻👍🏻👍🏻唔建議食豬難燒 配菜有好多 好味 去到啲位都冇乜人食 記住去佢間鋪頭雖然唔記得係幾樓 但係記得係要搭lif先去到 扶手電梯係去唔到