BBQ 7080 (Closed)

韓風濃烈,所有朋友都話要食韓燒,今晚一於盡情食!去到原來係食放題,...放題,呢兩隻字令我有少少驚😨...得唔得架閨密示意我,轄出去吧!先點食物,好多選擇,豬腩肉,牛舌,豬肉,豬皮,梅頭,牛肋骨,牛排,牛肉,魷魚,生蠔,芝士蛋,豬腸....淨係每樣食兩三件都夠塞飽你個胃😂仲有炒年糕,泡飯,湯...根本好難食得哂咁多😂😂上面4層飲品任飲,最下層係唔同味道嘅燒酒,另外加錢.我食完上面呢d已經攬住個肚叫投降!! 雖然係放題,但質素真係唔差,不過好多食物食完第一回合就好快無哂無得再加,去食真係要有攻略先得😂場內氣氛好好,店員大部份係韓國人,都好有禮貌,見佢地馬不停蹄不斷為客人fill食物,加蛋漿,忙到顛!對比幾個月前黎到無放題之下,明顯係做到顛哂. 178一位加一,真係值回票價蛋漿+$3有芝士,蛋漿無限加,好味

成棟兆萬都係放題任食集中地最後揀左去bbq 7080到食以前既bbq 7080係單點叫 每次埋單都要5 6百蚊依個佢改變左經營方式 變左可以任食真係好抵但可能因為抵食 9點去到都無位 好在有客人結帳 唔洗等好耐前菜有泡菜 翠肉瓜同蘿蔔 個泡菜夠酸 唔太辣食完好開胃坐低左 職員好快手幫你開爐 同倒爐邊蛋加左$3加芝士 d蛋連埋溶左既芝士食落口比起就咁食蛋真係好食得多!!!!$3芝士 抵 必加!!!!另外所有肉都可以任叫 想食好d仲可以比錢叫upgrade肉 不過我無加 叫左普通既牛肉 豬肉 雞肉 羊肉 咩種類既肉都叫曬平時比較喜歡食牛同雞既我 今次覺得bbq 7080既豬肉最好食特別係五花腩 因為切到好薄 燒一燒就熟 夠薄身食落口唔覺好油而且各款肉類都醃得好入味 燒完唔洗點醬汁 已可食如果食厭左傳統韓燒 同自助任食不坊去bbq 7080食 完全arm曬年青人口味

香港人是追求進步及創新的。 韓風愈吹愈盛， 即便是任食的韓燒亦不能求求其其。 7080的裝修跟足韓國某間很出名的燒肉店。隨身物品可以放在紅色的火水筒內。雖然是任食， 食品質素卻絕不參差。 五花腩十分出色， 沒有豬肉腥味， 如果燒的時間把握得好， 燒到皮有一點焦脆， 而肉質仍然多汁彈牙， 用生菜包上肉及泡菜一起吃，簡直一流。牛肉就普通了，畢竟香港人食牛當食生菜，有太多食牛肉出色的地方了。雖然主打燒肉， 但原來熟食都不參差， 韓式炒粉絲，水冷面，辣豆腐湯，款款都十分到味，最喜歡水冷面， 食太多燒肉熱氣的時間，最好用水冷面過一過冷湯，解一解膩後又可以食多兩件五花腩。

韓式嘅格局，枱與枱嘅距離好近，感覺親切，頓時覺得好似去咗韓國咁～今晚未夠7點，食店嘅客人未算好多，早食飯確係有好處，起碼唔駛等位!店員好有禮貌，上菜快手，又細心提點，笑容十足，服務幾唔錯喎！坐低未開始order，店員就好快手上前菜（凍豆腐）同配菜（泡菜、洋蔥、生菜）！烤五花腩 $118肥瘦剛好，用生菜包住食，配上泡菜同麻油，唔會覺得肥膩！烤雞肉(調味) $98調咗味，味道唔會死鹹，燒完都幾嫩滑，唔錯！烤調味雪花牛肉 $168雪花唔少，燒一燒兩邊就食得，肉質夠嫩，好味呀！辣泡菜湯配白飯 $68唔食得辣嘅朋友就未必啱食，因為都幾辣，不過鍋入面有好多菜、金菇同豆腐，加埋白飯當泡飯食，好味呀！石鍋什錦飯(牛肉) $98好豐富嘅配菜，啖啖飯都有餸，落埋辣醬食更加好，而且飯焦脆卜卜，幾唔錯呀～

大家應該都聽過食韓國燒烤的BBQ7080，前排hit到傻，加上太陽的後裔的效應，你我他都瘋狂愛吃韓國野食。不過下下燒烤真係唔係好過癮，熱氣得很又唔係人人喜歡，至少唔是我的首要喜歡，當他們說想任食韓國菜時，我求神拜佛佢地千萬不要去那個什麼高乜麗乜，幸好佢地最後將任務放係我身上。有時候，和家人食飯都是傷神，特別是任食場，太難食唔得，太貴又唔好，當我看到旺角的BBQ7080有得任吃的時候，我二話不說立刻訂了。之前都以為只有尖沙咀的分店，原來還有旺角分店，更加適合我們這些中西區之友，星期日的晚上就來了吃個晚飯。最好的地方是這裡除了有韓燒任食，還有得選擇打邊爐，然後還有韓國料理任吃，我最喜歡其實係最後個part，因為食得韓國野，拉麵石頭飯湯飯粉絲年糕，你如果唔夠多人，三心兩意樣樣想食會非常困惑，但呢度就冇呢個問題，你可以隨自己想法任點任叫。在燒烤和打邊爐之間，我選了打邊爐，無咁熱氣，而且選擇唔會全部都係肉，有時家人吃飯都是喜歡清清地。先講這裡的打邊爐，菜式選擇有很多，可能你會覺得BBQ7080的烤肉咁好，點解你咁傻仔會吃打邊爐，枉你仲話自己係什麼資深食家，但我告訴你這裡的打邊爐真是一點也不失禮。

今次係7080 變左放題形式後 , 第1次黎食, 10點入坐, 每位$148, 仲可以任飲, 價錢好吸引呀!!一入到黎, 即刻寫紙點, 但WAITER告知有好幾項, 感覺上較貴價GE任食項目已經賣哂, 如生蠔, 魷魚, 蝦, 水冷面...令人不禁會諗, 係咪因為優惠時段,所以冇得點呢? 不過冇計啦, $148任食燒肉, 係抵GE~食物質素同之前散叫冇乜差別, 我最中意的牛肉, 唔記得叫咩名, 總之係一卷野, 要自己剪果塊, 依然係咁好食!!! 仲有骨膠原豬皮>< 夾肉GE生菜好新鮮, 爽甜~爐邊蛋同芝士任FILL唔嬲~食到滯都要係咁食!!就係爐中果舊肉...好好食!!!呢堆野似打邊爐多d lol爐邊蛋ge煲煲~好攪笑~畫到佢咁仲有汽水可以任飲~個APPLE CIDER超好飲~不過飲到尾比人拎哂><得番提子味...就麻麻地~另外要一提的係WAITER很好好, 見我地掛住食, 一有時間便會過黎幫我地燒~完全好似起韓國食燒肉咁, 很好服務, 又好有禮貌問我地洗唔洗REFILL各種配菜...$148任食任飲又有高質SERVICE...係得呢間做到!!

韓食+韓燒+火鍋任食放題!! BBQ7080現在好像轉形為放題店? 總結來說 就是推薦和抵食 每人二百有找(included加一) 超飽! 肉類選擇算多 雖然比不上非放題韓燒的質素 但也很不錯 推介五花腩和牛肋肉 生菜爐邊蛋汽水任添 而且還有生蠔 比期望中高質 新鮮有鮮味其中一個我最喜歡的地方是每桌也有一碗碎芝士 可以自創不同的拉絲芝士料理 我就嘗試了 燒芝士蠔 芝士爐邊蛋 芝士辣年糕 芝士拉麵!!吃完燒肉可叫店員把燒爐轉成火鍋 因為剛才吃燒肉已經很油膩所以點了很多蔬菜 值得一讚是所有蔬菜類都很新鮮 用作生菜包的生菜也是! 最後當然點個拉麵和粥底作結韓食試了三款 分別是辣炒年糕 炒粉絲 純豆腐海鮮湯 但很一般 建議還是留肚吃燒肉和火鍋吧

相約大學好友兩夫婦聚聚舊。地點選在人氣相當沸騰的這間韓式BBQ連鎖專門店....早了上來，店還未開門做生意，可以讓我們三人四圍大拍特拍。不然等過了一陣子，到了店擠得水洩不通之時，要想拍一下便極難矣....檯上例牌放有一小碟生蒜瓣加青辣椒及辣醬。韓人最喜歡在食燒物 (特別是肉類) 時加入生蒜及辣醬再用生菜包來吃。這裡當然亦不例外....友人曾向我提及這兒用的生菜片不是那麼新鮮....但今天晚上我所見到的倒不是太差嘛，色澤蠻算綠油油的也夠濕潤脆爽的....今晚所吃的是以韓燒加上火煱的二重奏。本來二重奏之後還有最後壓軸的甜粥，但在食完三重奏後基本上已是飽得要命了，再加上看到一眾店員已忙到氣也喘不過來，也就不太好意思再打攪他們....想不到現在韓燒BBQ也攪甚麼混醬的這噱頭....相信可能這和有火煱邊爐的存在有關吧....著友人夫婦在點菜紙上大劃特劃，自己曾忙著出去混醬加拿飲料....點過菜後，夾起一小撮泡菜放入口，其味是屬比較"新"一點的泡菜，辛與辣度兼備但層次則嫌未夠豐富。不過若用之和燒肉一同夾進生菜片同食倒是還可以的....由於老友不能食牛及海鮮，故此這晚點的肉大部份都是和豚肉及雞有關.

數月前首次光顧BBQ7080，到了她天后的店，非常欣賞其食物質素，肉類及海鮮皆新鮮上乘，我亦很有心思地寫了一篇詳盡而又獲編輯推介的食評，近日得知其旺角店搞新意思，說明以相同質素的食材作放題，而且不只燒烤、火鍋及粥物同時供應，好奇心驅使下，相約三位好友，一行四人訂位7點，體驗一下限時二小時的三式放題。 身為搞手自當提早到場，六時五十分抵達，門口已有人龍，原來大家尚未可以進入大廳，其實用餐區內似乎已經準備就緒，碗筷生菜等排列整齊，綱面圓桌，油桶椅子長煙筒，統一的裝置。 但牆上的油畫就與天后店不同，這處以風景為主，色彩鮮明，迎合年輕人的的喜好。 七時正準時開始，店員安排座位，大家亦可上行動，開始在點心紙上選材料，爭取分秒。 其實我們並不貪心，只選精的，首輪是豬牛拼、羊架及鮮蠔，看色澤，皆知道新鮮。 當中最愛牛，調味的烤LA牛排骨，近骨之肉素來最嫩，再加以果汁調味，份外鬆軟； 有個光陽調味的烤牛肉，可能因為切了條子，面積更大，醃得更是入味，必吃之選。 朋友亦十分欣賞烤生蠔，肥美大只。兩轉燒物後，大家挑了幾款料理，水準相比想像出色。韓式炒粉絲 粗身著之色的粉絲外表平凡，配料亦只有

就黎10點收工後，想跟朋友們吃韓燒，而吃的精明的我們，發現BBQ 7080在旺角開了分店，而且還可以用openrice coupon，2小時任食三合一(燒肉+火鍋+邊爐粥)，連10%服務費也只係HK$163。2小時內就可以韓燒、火鍋、爐邊蛋、料理、飲品，吸引到我們心動！每桌都會有泡菜、醃菜、生菜等， 都可以無限添加的，也有至愛的芝士爐邊蛋， 亦是無限添加的啊！燒肉方面，肉類新鮮，牛胸肉、五花牛、牛舌、LA牛骨排、牛肋骨肉、豬頸肉、豬腸、梅頭等；基本上豬、牛同雞都有近6款以上嘅選擇！相對海鮮類就只有魷魚，生蠔同八爪魚三款。味道方面，樣樣燒果陣都散發著超重肉香，特別係牛嘅騷香味就更加吸引，以及燒八爪魚既鮮味！Yummy！而且仲有型男幫我們燒食物，Nice

入去餐廳時都不算多人,可能仲早掛,到7點多就開始多人人,就full了每一張枱都有個燈, 在配上一個抽氣喉, 減少油煙的味道, 所以燒完, 衣服上都無燒烤味!!牛排骨仲以因為有骨,原來沒有,濃郁牛肉味,帶點油脂,不軟不硬口感佳, 厚實的帶子肉十分鮮甜，口感爽脆芝士和蛋漿是韓國燒肉的良伴，攪拌好的蛋漿注入凹槽，燒熟後嫩滑得很, 蛋香四溢, 包住未經醃製的豬肉同吃，相當惹味. 豬梅肉味道香濃，新鮮燒製，能夠突出本身的豬梅肉味, 生菜包住食, 為烤肉減膩添口感. 燒廣島蠔, 煮過後肉質也不會變韌, 鮮味不減, 正! 

近幾年韓風侵港, 好多朋友也愛上韓食, 我的朋友也不例外, 其中韓烤是大家熱門選擇之一.今次我地去了位於旺角的BBQ 7080, 這裡是任點任食兩小時.我地本身約咗七點, 因店未完全準備好, 去到才說要七點半才可以進入, 但事前又無電話通知, 希望佢地下次遇到同樣情況可以處理得更好.這裡的牆畫幾靚.坐下後, 店員先奉上泡菜和醬汁.另外, 也我愛食的爐邊蛋. 飲品是自助形式, 任拎, 大約有五至六款選擇.我地先點了一些肉類, 包括烤牛肉, 烤豬肉, 烤牛舌.烤牛肉本身有調味, 所以味道剛好, 不用點醬汁.牛肉夠薄身, 好快就熟, 又夠腍身, 這個好啱我口味.烤豬肉同樣也是調好味道, 烤的時間較長, 但也是腍身和夠味.仲要啖啖肉, 最啱懶人的我.我特別推介這兩款, 來這裡要一試.另外, 我地也點了帶子, 蝦和鮑魚仔, 這三款要額外加錢, 每款加$38至$58不等.當中最愛食帶子.帶子算幾大隻, 也算鮮味.而蝦也可以, 幾爽口彈牙.鮑魚仔就正常, 無太大驚喜.生蠔當然不少得.除了就咁燒外, 我地也放了一些芝士碎在蠔面上. 兩款食法也不錯, 加了芝士就多了一份芝士的香味.烤小八爪魚也是一款幾特

第一之幫襯7080係喺佢哋嘅銅鑼灣分店，當時埋單近三千蚊，不過勝在質素高，食品選擇多，所以呢個價錢都係比得舒服！不過今次嚟到旺角呢間新開嘅BBQ7080，個價錢平到自己都唔信，以為行錯餐廳睇錯menu！頂著7080呢個生招牌，而個價錢卻又咁吸引，自然更加要試！食物選擇同食過嘅銅記分店基本上相同，甚至有更多新嘅選擇，例如佢呢間就有得食火鍋！肉類新鮮，牛胸肉、五花牛、牛舌、LA牛骨排、牛肋骨肉、豬頸肉、豬腸、梅頭等，基本上豬、牛同雞都有近6款以上嘅選擇！相對海鮮類就只有魷魚，生蠔同八爪魚三款。味道方面，樣樣燒果陣都散發著超重肉香，特別係牛嘅騷香味就更形吸引！好開心佢有呢個壚邊蛋同芝士！可借只有一次，refill就要加錢lu～

BBQ7080 一向給我的感覺都是好味道又抵食!上次試過了尖沙咀店後真的一試難忘!雖然只可以吃二小時, 但是每款食物都新鮮上菜又快, 漏單情況又少見旺角分店又開幕了於是上星期來這間新店試試它!旺角店人真的很多很多很多!!!!可能是在兆萬中心樓上的闗係客人多是年輕人, 在LIFT口等位是一LOT 又一LOT進了去不到數分鐘, 另一LOT的朋友又上了來如在周未晚上去, 要有耐性的等待呢~~~上次在尖咀店我們點餐牌上的食物和肉類但今次就是試它的任點任食在二小時內, 可以無限次添加餐單上的食物手快點可以叫多點~而且它是一味二食吃完BBQ後, 可以麻煩服務生換上窩子做打邊爐感覺上很抵吃又可以變出不同食法! BBQ 選擇有很多, 包括豬肉類, 肉類, 牛肉類, 海鮮類, 飲品,另還有其它韓國料理和蔬菜~想吃得招積, 可以另再加HKD 38 點Premium menu內裡有矜貴的濟刬島黑毛豬面青, 後頸肉, 五花腩和梅頭肉另有豬頸背肉, 烤蝦, 烤鰻魚, 牛小腸, 鰻魚和烤帶子選擇都有數十款不過由於只有二小時吃東西再加上這裡偶有漏單情況所以這二小時基本上是相當忙碌一邊烤一邊吃一邊再re order

週末行旺角， 其實都幾怕人迫車迫，尤其是下雨天， 濕濕漉漉的，最好去韓燒熱一熱。之前試過幾間韓燒， 輪食物種類、質素、價格， BBQ 7080比較深得我心。經過兆萬中心，發現有BBQ 7080分店, 今晚晚餐就這間吧!牆壁上都有繪圖， 另有兩個房， 大伙兒的也不怕吵。$198 (另加一) 兩小時內可以韓燒、火鍋、爐邊蛋、料理、飲品。每桌會有泡菜、醃菜、生菜等， 都可以無限添加的!至愛的芝士爐邊蛋， 亦是無限添加的啊！燒肉方面， 有加$38的濟洲豬，但其實任點的豬肉類都已經好足夠， 五花腩、豬頸肉都是必點的。店員幫忙， 把五花腩都燒得好靚， 最好卷著生菜，加點辣醬、青辣椒、蒜頭， 清除熱氣與油膩感。烤雞肉(調味)， 肉質適中，雖然調味料，但味道不誇張，只是輕輕的提鮮與調味，不錯。雞翼芝士腸鮮冬菇，甚麼都有。海鮮雖然生蠔、魷魚、八爪魚， 但晚上7時已沒有生蠔了......魷魚出水量低， 好鮮甜爽脆。為了滿足海鮮癮， 追加生蝦及帶子，其實都幾抵食， 帶子份量多，而且非常厚， 好有口感，只是略鹹了一點。雖然燒烤已夠吃， 但為了讓喉嚨不適的小女孩可吃得清淡一點， 點了料理中的濟洲島黑毛豬肉湯飯，