BBQ Chicken Premium Chicken (Closed)

最近木嘴個嘴真係好繁忙，今次因為中學同學就結婚，佢要搵機會派炸彈俾木嘴，所以促成左今次既飯局。我心諗既然俾人炸，咁就提議食下韓國炸雞啦，我又俾人炸隻雞又俾人炸，命運一樣，夠晒應景。木嘴既朋友又話想食喎，咁最後就揀左呢間喺銅鑼灣既韓國炸雞喇。8點零鐘去到間舖，食客唔多，唔洗驚會比人催交檯，有咩都可以慢慢傾。見佢墊檯紙寫住叫我忘記以前既炸雞，心諗有無咁浮誇咁有自信呀，木嘴仲以為呢個世界上無人浮誇得過自己，去到呢間鋪先至發現遇到對手。另外，周圍又貼滿雜誌報導講呢間炸雞店評分最高，林林總總，令木嘴既懷疑，又有D期待呢度D野食有幾巴閉。睇睇Menu，發現炸雞都有好幾款選擇，而由於木嘴同朋友夾埋只係得三條友，就算個個胃生蟲都無可能試晒咁多款，最終揀左個雙拼炸雞 (蒜味雞x甜辣炸雞) 同埋 芝粉雞。嗌完之後等候時間普通啦，我地飲完1 round之後D炸雞就出爐食得。先試左個蒜味炸雞，蒜味濃，皮脆，仲帶D甜味，我估係加左蜜糖。肉質亦唔鞋口，不過最大問題係有一兩舊雞比較重腥味同紅紅地色，似係雪左好耐，今木嘴食欲大減。反而隻甜辣炸雞木嘴我就幾鐘意，佢入口係辣既，但唔係辣到食到出晒汗果隻。濃稠既醬汁辣辣地又

晚上10點，肚餓仔，但同一班勁勁勁人，跑完定向仍然有氣有力由灣仔行到黎銅鑼灣食野，超驚嘆。毫無準備下，就行到黎食到炸雞，超級開心到一個點我地一行5人，超perfect,試到勁多野食孖寶炸雞蜂蜜粟米片同芝士粉炸雞各有特色，同樣好味，皮脆肉juicy, 除咗G 字頭炸雞外我另一超級推介既炸雞當然我私心就投票俾蜂蜜炸雞呢個係龍蝦汁海鮮飯個汁好濃味，成個飯都係好味既海鮮面睇個樣係heahea 地，不過面好彈牙，湯都係好味既粉絲炒年糕另一個我的推介佢年糕同粉絲既份量好balance, 粉絲勁煙un, 好耐冇食過呢種唔辣又高質既粉絲年糕總體來講，超推介呢間餐廳

韓國文化真是十分強勁，無論無影視，食物，美容及衣著都影響到好多不同的地方，令我也深深愛上韓國的食物！ 星期五的晚上又約左好朋友一起去食炸雞🍗🍗🍗啦！今次d間食肆係朋友選擇的，8點幾去到并不需要等位！一眼已經被menu的食物吸引，好似好勁咁！一心想食炸🍗🍗，當然要叫啦佢有多種選擇分別有原味，柚子味，芝士味，蒜蓉味等等...我叫的是蒜蓉味！最少叫10件雞，上面已淋上醬汁及有點蒜蓉！炸漿較硬，不夠鬆脆，但雞肉不會過老，味道尚算okay,不會過咸！芝士牛肉鍋飯～攪拌時芝士起絲，十分邪惡，牛肉好嫩不會老，小小辣！喜出望外的選擇！叫了杯特飲，芒果涼浸浸特飲芒果味不算突出，但有汽lemonade 酸酸地幾醒神！如果想試炸雞的朋友，在銅鑼灣應該會有幾好的選擇！

好耐都冇係香港食過炸雞今年食過幾次炸雞都係係韓國食啱啱8月食個間真心好好食之後就開始挑起咗我條根番到香港無時無刻都好想好想食炸雞第一次食呢間bbq chicken既原因係因為秀智係代言人所以黎試下捧下場今次就係友人話想再encore黎食今次我哋冇叫有cheese個個炸雞就叫咗個最原本既炸雞即係黃金橄欖炸雞同埋一個小型部隊鍋首先講下個部隊鍋先size就真係好小型有午餐肉餃子蟹柳丸大荳芽菜當然就係有主打既韓國拉麵啦不過就真係好辣好辣我本身只係食到少少辣所以就梗係覺得好辣但同行友人都算食得辣既人都覺得好辣所以怕食辣既就唔好叫呢一個啦呢度既炸雞係暫時我係香港食既炸雞算係最好個間雞好嫩滑而炸粉既份量啱啱好唔會話一食落去個感覺成口都係粉但食完又唔會話覺得特別熱氣呢個係6件雞2個人share每人3件都夠哂

之前趁着同朋友一齊有假放就去咗銅鑼灣行下街，中午來行街之前就去食個午餐，就想食韓國嘢，BBQ Chicken呢間野之前去韓國玩都見到呢個標籤，證明真係過江龍唔係流嘢喎！入去之後睇睇餐牌，選擇都幾多！就諗返起之前去咗食嘅金沙蝦球，呢個白金沙炸雞＄148有10隻仲要係限量供應。未黎嘢食之前，首先有前菜蘿蔔同埋泡菜～白金沙炸雞果然外皮做得好香脆，好粉嘅感覺。裏面的雞肉同時好鮮嫩同埋保持左裏面嘅水份，不過兩個人食嘅話10件就真係比較多，建議三至四個人先至叫會比較好🤣隔離仲有一啲已經炸過嘅葉（可以食）。醬牛花卷$68（16件）本身諗住揀蟹肉花卷，點知暫停供應，咁就唯有揀過第二樣，牛都唔錯。裏面啲牛肉唔會太有鬆肉粉嘅感覺，整體做得幾好，細細舊但係飯粒都幾軟熟夠水份，唔會太硬。而且裏面除咗牛之外，亦都有蘿蔔、青瓜同埋芝麻、所以配搭辣醬係口感非常豐富。紫薯雪山＄63通常紫薯都係中伏，不過今次就真係「明知山有虎、偏向虎山行」試一試佢。來到個紫薯味道真係非常之紫薯，而且雪山啲冰都算係幼細，不過當然都有少少大粒嘅，不過咁大舊都好難避免冇可能全部都整得咁均一。分量都係好大，仲要隔離有啲藍莓都幾健康。由於選擇轉

今日是人生首次吃咸蛋味炸雞，其實之前在韓國慶洲和釜山吃炸雞已經覺得好好味，難怪炸雞亦是韓國人開餐之列，韓國炸雞一般夠juicy，而呢間BBQ Chicken 亦可以做得到，但醬牛花卷則比較失色，可能佢selling point係炸雞.所以不致於太失望白沙金炸雞

最近才有空去試呢間之前排哂長龍既炸雞店，但今次夜晚去已經唔洗排隊，睇黎炸雞熱潮已過去，但成間餐廳都幾有氣氛，似真係飛左去韓國食炸雞咁由於兩個人去食，唔算太肚餓，就叫左個自選雙拼炸雞同一碟韓式炒粉絲自選孖寶醬汁炸雞($148、十件)兩人份量我覺得剛剛好，叫左蜜蜜脆脆味同秘制炸雞味蜜糖脆脆味好好食，鐘意食甜既朋友就一定要叫呢隻味，不過另外一隻味就好一般仲叫左碟年糕炒粉絲 味道都唔錯 粉絲醬汁甜甜地 幾好食唔會好油膩，不過年糕就有d硬

專登搵間韓國野食，唸住唔知差得去邊，仲有好多人話好味，點知難食到呢，食左三啖已經食唔到落去我叫芝士雞，d 雞係雪藏味，事但喺上面加兩野酸甜汁，個底d 洋蔥出哂水，我真係唔識形容呢兜野真係真心差到要寫食評，服務又差

happy friday 首選因為近港鐡站, 放工過去勁方便 韓國炸雞店-BBQ Chicken Premium Chicken 一直是在口袋裡待嚐店由韓國男團BTS防彈少年團代言<—只記住代言人的偽韓妹BBQ 是全球連鎖的韓式炸雞店 炸雞份量有3種選擇<—-通常炸雞店只可選半份或1份的店裡招牌蜂蜜脆片炸雞, 另外點了我喜歡的芝士口味老實說, 沒想到是KFC 的味道………醬汁都普通我想食韓式炸雞, 不是美式的 ORZ一整個很失望用貴的價錢吃了KFC 味的炸雞-“- 再加點泡菜煙肉炒年糕年糕好橙XDQ彈性不錯, 味道就普通辣炸雞啤酒神組合+無敵男主宋仲基

條街好熱，坐sofa都好熱，冷氣可能壞左，叫杯梳打飲下先。點餐時間19:06分, 飲品5分鐘上齊，炸雞等了又等。叫了炸雞孖寶，蜂蜜脆片炸雞5件同韓式香蒜炸雞，等了好耐，眼見不停出delivexxx外賣，完全無視堂食，怪不得餐廳內都無人。不用堂食，以後外賣好了。炸雞，三十分鐘上了，一追就有，味道一般的。花卷拼盤，也是一般的。食物質素，不用多説，就是要等，喝梳打已飽了。

真心好想嗌自己叫做韓國炸雞達人，無論乜嘢日子，同邊個都好，我都想食韓國炸雞，韓國炸雞一種莫名嘅吸引力，令到你就算變肥都唔驚！喲！喲！喲！我一定要嗌甜辣醬炸雞！來吧！我哋一齊留意住 #MFL韓國炸雞達人尼一間係銅鑼灣極具人氣嘅炸雞店，之前已經唔聽嘅豐功偉績啦！終於都有機會去排隊試試，實在太興奮喇！🔺秘製炸雞(甜辣醬)醬汁:甜中帶一點辣，但係唔算太辣啦，呢一間嘅甜辣醬真係非常之開胃！係普羅大眾都會好鍾意嘅味道！炸雞嘅嫩滑度:外層脆得尼都可以保持到雞裏面嘅嫩滑！一句講哂:完全可以再嚟排隊再嚟食呀！真係好欣賞佢嘅甜辣醬，因為其他店有陣時實在太重蕃茄醬味(真莫名的）！另外係圖片可以見到嘅🔻芝士炒雞，芝士就非常之多，佢地落芝士完全冇手軟架，用啲薯仔夾芝士食，原來係好好味！好入味！好霖架！反而啲雞就麻麻地啦！

呢間炸雞店值得一試，除了炸雞外仲有好多選擇。同朋友兩人點左田園沙律（$58）份量都算大，蟹肉紫菜卷（$7x-8x唔係幾記得價錢）都唔錯。雙色炸雞～黃金橄欖炸雞&甜辣脆槳皮稍硬但雞肉都夠juicy.如果可以再鬆化D就perfect 侍應服務態度都好好～menu 仲有好多推介，蟹兵蟹將海鮮鍋同泡菜煎餅留待下一次試最後2個人叫3款食物1杯飲品埋單$356 都算係咁啦價錢亦經濟，食物味道不俗款式多一定會再encore

某N字頭同某G字頭炸雞都食過，而今次見到BBQ Chicken就打算試下新野啦，但無下次😤我地兩個人食就嗌份細既炸雞啦，醬汁都還可以，但以咁既價錢份量真係少左啲呢個就係煎餅，味道一般般，但食落乾左啲，同想像中有落差，不太好最重點就個炒年糕，由圖都可以見到份量係真係好少好少，裏面既餸有煙肉西蘭花同面頭既紫菜，而重點既年糕我想信廿舊都無🤥味道算正正常常，但份量真係如圖見係咁多，食兩舊就無了。對於成間舖既感覺，都係嗰句，咁既價，咁既份量同質素，絕對無下次😵😵

收工突然好肚餓 見到韓國炸雞鋪頭即時令我炸雞癮急升收工十點半撞啱佢哋嘅宵夜時段就買盒韓式宵夜炸雞返屋企食仲好記得去韓國個次旅行，晚晚都買炸雞返屋企食order時店員話要等10分鐘，點知坐低唔係好耐就有，我諗大概5分鐘左右。係銅鑼灣返屋企，仲要咁夜，半個鐘都唔洗就返到屋企。摸摸盒面仲好熱拎出黎仲有埋手套同乾/濕紙巾，非常貼心今次order左「甜辣炸雞」，宵夜時段$145有10件打開原來要自己點醬，醬汁香辣惹味，可惜分量太少，食到第6件已經覺得唔夠醬咬落去脆到不得了，好熱氣既感覺，略為少肉汁，比較乾身。

星期日同男朋友去街想食炸雞，咁岩見到呢一間好似成日都見到嘅炸雞店就有入嚟試吓。最近成日都想飲酒今次就試咗呢一隻果汁溝啤酒，又唔會太苦好啱飲，又可以解左雞嘅油膩感覺。叫左個小型部隊鍋試吓，OK喎！麵質in in un un,而且個味道都唔錯,肉嘅份量都多,不過對我來講就辣咗小小啦,如果食得辣嘅朋友的確可以試吓，唔會令你失望嘅應該!主角炸雞黎啦，我哋叫咗呢一個蜂蜜脆片炸雞，蜂蜜好好味呀配埋啲炸雞加埋個脆片口感好好，而且佢既雞係非常滑，而佢嘅雞皮都唔係好厚唔會有個種炸粉好厚既感覺，所以食咗好多都冇覺得話好濟。朋友大讚！！同埋佢好似話係用低溫油炸所以食多多都唔會話太熱氣xd最後叫咗呢一個棉花冰，口感都唔錯甜甜地，而且價錢都好平可以試吓。之前其實見過呢間都有好多負評不過我覺得其實佢嘅雞味道真係唔錯！