Video
Telephone
60895559
95803362
Opening Hours
Today
15:00 - 00:00
Mon - Sun
15:00 - 00:00
Above information is for reference only. Please check details with the restaurant.
About Reward Scheme
⚜️今日熊妹同樹熊去荃灣行下，行下行下發現了位於聯仁街一間隱世的串燒小店，下午四點幾食返幾串小食都好喎！📌店舖唔算好大，但已經有六人大枱、四人枱同二人枱，足以多人聚餐同二人撐枱腳。📌牆上又掛滿日本風情海報同放上各款清酒🍶，走日本居酒屋風格。蟹籽沙律，$40熊妹餐前一定要食個沙律清新一下口腔同腸胃先！串燒店來講都係蟹籽沙律最吸引。清新的青瓜絲配撘沙律醬，仲有少許蟹柳絲同蟹籽，各款材料比例剛好，係唔錯的前菜沙律！牛肉稻庭烏冬（午餐），$58五點前仲有得叫午餐，午餐有飯同烏冬，大概$50-$60，包一客小食同飲品，幾抵食喎！大大大驚喜🤩，一碗午餐份量的烏冬係大大碗！用上味噌鹹味湯底加入一堆海苔，浸淋左都好有味道，重點在牛肉，係厚實的嫩牛肉，食落勁粉嫩，無根無渣啖啖肉好有咬口，仲要份量好多，成碗烏冬超抵食。明太子薯條，跟餐小食小小一碟，都有十條八條！炸薯條好脆口，係脆身款，面頭淋上明太子醬一啲都唔吝嗇，午餐仲有小食食下過下口癮，開心🥳！燒芝士腸，$10燒燒賣，$12燒花枝丸，$14串燒店竟然有平時一般燒烤食物，腸仔、燒賣、花枝丸、紅腸、鴨胸等等，驚喜地搽上了蜜糖去燒🍯，十足十bbq的味道！牛油粟米，$14半條粟米搽上牛油🧈同蜜糖去燒，夠入味又不失粟米水份，🆗！燒雞腎，$18燒雞軟骨，$18雪梨牛肉卷，$38各款肉類串燒都好齊全，豬、牛、羊、雞大路部位都有，全部都灑上椒鹽去燒，上枱好香，雞腎，雞軟骨都係串燒必叫之選，特別在雪梨牛肉卷，薄切的牛肉燒得好香，包裹著清甜的雪梨🍐，減輕了油膩加了清新感覺💫，兩者配撘得幾特別。娃娃菜，$16燒西蘭花苗，$20當然要點菜類喇！燒菜🥬充滿醬油味，加埋本身菜的水份，濕濕地一啲都唔乾，食啲菜又有纖維感覺健康啲。焦糖菠蘿，$32菠蘿面頭加了蜜糖去烤，變成焦糖脆面，瀑汁的菠蘿🍍酸酸甜甜加埋蜜糖味，非常解膩！芝士流心蛋大啡菇，$36一大個大啡菇面頭加了流心蛋同一整片芝士覆蓋著，切落去蛋黃即時流出來，仲加了洋蔥粒🧅有點爽口口感，要趁芝士🧀熱食溶化的口感最佳。月見免治雞肉軟骨棒，$38月見雞肉棒從來都係熊妹最愛的串燒，月見燒汁加了一隻日本蛋黃，雞肉同雞軟骨攪碎後製成的雞肉棒啖啖肉又多點雞軟骨的脆口，呢款串燒的美味係會令人一試愛上！汁燒牛舌尖，$38牛舌尖👅有三大件，超級厚切一件，牛舌尖比牛舌質感軟淋一點，更能滲入醬汁味道，熊妹認為淋身的牛舌尖比起爽口的牛舌更為滋味。雞泡魚干，$46下酒菜一流的雞泡魚干🐠係令人難以抗拒的㕋食，塗上醬汁燒烤，收乾醬汁水份變得醬油味好濃稠，一條條再點埋沙律醬，真係超好送酒的下酒菜。羊架，$48灑上椒鹽的羊架🐩做到一啲羊騷味都無，啖啖肉咁食真係大快朵頤，仲有少少肥美的羊脂位加重羊架的滋味！燒聖子（蒜蓉），$42聖子今日的巿價$42一隻，食海鮮一定係加蒜蓉，係加左好多好多蒜蓉，燒出個鮮味，聖子好爽口，蒜蓉味濃🧄，海鮮黎講唔錯選擇！薑蜜樂，$26青檸梳打，$26📌本身唸住食幾串過下口癮，點知叫下叫下，叫左十幾款叫到成枱都係，串燒小小地都可以吃到好飽！📌小小店鋪食得出用心製作，大眾化的口味！熊妹下次黎開荃灣都會再encore!
continue reading
早排夜晚11點宵夜時間經過呢間串燒竟然都座無虛席，於是今日同朋友決定一早嚟試，好彩黎得早，一到七點就full晒，就知道值得了！呢度嘅食物都幾高質素，我哋為咗叫多啲嘢食，淨係叫一個主食，就係牛肉烏冬，烏冬可以選擇加唔加蔥同海帶，兩樣都加就令個湯更加濃郁。一開始我以為牛肉係普通嘅急凍肥牛，但原來係新鮮牛肉，好有牛味，唔會太韌。食串燒我哋就最鍾意食海鮮，我哋叫咗扇貝、帶子、青酒煮蜆。扇貝同帶子同樣地都係揀咗蒜蓉味，不過兩者之間，扇貝嘅肉係比較嫩、帶子嘅肉質係比較實。相比較之下，比較喜歡帶子嘅味道。至於清酒煮蜆朋友就讚不絕口，因為蜆肉飽滿，味道非常鮮甜，非常推介。肉類嘅串燒，我哋叫咗羊架、鹽燒牛小排、明太子雞翼同芝士腸等等。羊架同牛小排係燒到剛剛好，唔難咬；明太子雞翼係好飽滿，明太子係有少少辣，雞翼嘅外皮係脆脆哋，增加口感。芝士腸都有佢嘅特別之處，外皮好脆，但完全唔會乾身影響內裏嘅肉質，都幾令人驚喜。我哋仲叫左個比較少見嘅肉鬆茄子，原來呢個配搭都幾惹味，好似平時食小炒嘅感覺。食串燒點可以少得有飲品同甜品呢，我哋叫咗大話七同埋青檸梳打。兩杯嘢飲都好大杯，而且好夠氣同味！最令我驚喜嘅係呢度有自家製嘅焦糖芝士蛋糕，表面嘅脆卜卜既焦糖同芝士蛋糕非常之夾，芝士非常軟身，好推介！
continue reading
好耐冇食串燒再啤一啤，今晚就黎到呢間朋友介紹好抵食的串燒店到食，好在有訂枱，好快就full House。呢度啲串燒都有好多類別，雞，牛，羊，豬，海鮮，仲有炸物，飯類，麵類，同一品料理，真係好多選擇。薯蓉沙律 $38份量好多，中間會食到啲青瓜粒同薯仔粒，作為一個開胃前菜幾好。焦糖菠蘿 $30呢個真係好推介，表面燒到焦脆，菠蘿入面keep到好水潤同仲好甜，細心地切到一小塊，好方便食。焦糖骰仔豬手 $22搽咗蜜糖作表面再燒，好香焦糖味，個豬手肥瘦比例剛好，送酒一流。鹽燒牛舌 $48有三塊，好香口。燒白鱔 $42燒到個皮好脆，食到白鱔肉仲好嫩。鹽燒牛小排 $45呢個我都好推介，有肉汁得黎又好香牛肉味，掂。鹽燒五花腩 $28肥瘦比例適中，一入口油脂作口腔入面爆發。鹽燒手羽 $28正常水準燒魷魚板 $25個辣汁好惹味，會令人想食完一嚿再一嚿。燒聖子 $42揀咗蒜蓉口味，個蒜蓉味超香，但又冇搶到聖子的鮮味。芝士年糕 $32有兩舊，入口好軟糯嘅口感。雞泡魚乾 $46燒到一啲都唔乾，仲keep到juicy，又係送酒一流。姿燒黃花魚 $95呢個好大條呀，魚皮燒到好脆身，入面啲魚肉仲好鮮好嫰滑，配上惹味嘅泰式汁，好快就KO左條魚。Sapporo 330ml $38食串燒點可以唔飲啤酒呢。凍蜂蜜生薑蜜 $26好好飲丫，覺得好夠薑，夠甜，如果冬天飲呢個熱飲會好正。呢度食物水準非常之高，難怪見keep住有人入黎幫襯，大推👍👍👍👍👍
continue reading
[ 夜燒站 ]荃灣街坊都未必知嘅日式串燒店🍡！有串燒、唐揚物、佐酒小食、主食等，串燒超過70款，即叫即燒，每串只係$10起，價錢親民，而且用餐時間無限制👍、免收加一服務費🆓。前菜·沙律🥗✿ 牛滂漬 $30/份開胃前菜有好幾款，牛滂漬鹹香爽脆。串燒🍡有肉類(雞、牛、豬、羊)、海鮮、菜類串燒，超過70款。肉類🥩✿ 燒雞腎 $18/串 🐔✿ 雞腳筋 $26/串✿ 明太子芝士雞肉串 $26/串✿ 燒雞胸軟骨 $28/串✿ 燒雞皮 $29/串✿ 鹽燒牛骨髓 $28/串 🐮✿ 鹽燒牛舌 $48/串✿ 蒜蔥封門柳 $49/串肉類串燒有驚喜😍！款式、部位多選擇之外，串燒火候控制得剛剛好，肉質軟嫩仲好夠肉汁，而且調味適中，唔會過鹹👍。海鮮🦪🐟✿ 蟶子(蒜蓉/明太子) $41/隻✿ 燒白鱔 $42/串✿ 燒生蠔(蒜蓉/蛋黃醬) $43/隻海鮮串燒同樣出色😋，火候都係控制得剛剛好，又夠多汁。蟶子同埋燒生蠔口味仲好創新，有明太子、蛋黃醬味道選擇。菜類🥒🍆✿ 惹味蒜芯 $14/串✿ 鹽燒秋葵 $18/串✿ 燒菠蘿 $30/份食到尾聲叫咗個燒菠蘿🍍，原來係焦糖菠蘿😳，外層脆脆裡面甜又多汁。唐揚🔥✿ 炸七味雞軟骨 $46/份雞軟骨份量好多，每粒都好大嚿👍，炸粉脆口，配埋雞軟骨口感更加爽脆，佐酒一流。主食✿ 燒櫻花蝦飯團 $28/個 🍙主食有燒飯糰、飯類、烏冬、蕎麥麵等，好多選擇。呢個燒飯糰有誠意，慢慢煎烤到外層香脆有鍋巴😍，飯糰裡面都有櫻花蝦好足料。飲品🍻🍹✿ Hoegaarden (peach) $25/枝✿ 靜岡綠茶可樂 $34/枝有酒類、非酒類飲品，食串燒飲有氣嘅飲品爽哂😝！總結🫦 串燒店食物即點即整，味道有質素。用餐時間無限制(開下午3點至晚上12點)，而且免收加一服務費🆓！足以叫多幾款串燒食😜。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿夜燒站地址：荃灣聯仁街18號地舖電話：6089 5559 / 9580 3362✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
continue reading
好耐冇食過串燒啦，突然興起想同朋友食日式串燒傾心事，見呢間鋪開到凌晨1點，係夜燒之選，地點雖然稍為偏遠，唔近大街，但店舖串燒選擇類型非常多，有肉類、蔬菜同海鮮，我認為係物超所值～未有野食之前就已經有碟免費送嘅芝麻醬青瓜牛肉粒做前菜🐮唔好諗住前菜就好求其，食落味道絕對唔一般，滿滿既芝麻醬覆蓋所有青瓜同牛肉粒，非常開胃🫶焦糖菠蘿🍍必推招牌菜之一，焦糖味好出，表面脆口，甜度岩岩好唔乾身，好值得推介👍芝士流心蛋大啡菇🍄🟫呢個又必試推介，大啡菇上面加左隻流心蛋，一切開就爆哂流心蛋黃漿，連埋洋蔥粒同埋燒過嘅原塊芝士，洋蔥爽脆大啡菇軟熟蛋黃滑溜口感超豐富😋原條肉碎茄子🍆超級大條茄子份量充足，燒出黎絕對唔乾身，茄子肉濕潤麩滑，上面仲鋪咗好多肉碎😮，配上蒜香，一試難忘🫶製作需要，如果要食記得預早少少嗌，唔好後期加單，如果唔係就要等好耐了⏱️蛋黃醬焗蠔🦪一上檯就有驚喜，估唔到燒嘅蠔都咁大隻!! 絕對對得住個價錢💵食得出隻蠔非常鮮味，配合蛋黃醬非常夾，蛋黃醬份量較多，非常適合重口味人士娃娃菜🥬燒菜成日都好怕會燒到乾爭爭，但呢度就係非常出色娃娃菜燒到淋身，而且仲保持到好多水份，食咁多肉之餘食番串菜絕對係健康之選😝牛油焗雜菌🍲一打開錫紙包芳香撲鼻，食慾大增，而入面包住超級多金菇同埋各種雜菇，如果牛油味再勁啲就更好😝牛油粟米🌽呢個就稍為普通，牛油味唔夠同埋稍嫌乾身🫣燒雞軟骨🍗雞軟骨好爽脆，有口感得黎又唔會硬，加埋檯上面既七味粉送啤酒一流🍺燒明太子雞翼🍗脹卜卜既雞翼入面塞滿明太子，明太子嘅咸香同微辣刺激住味蕾，如果唔係食得太飽勁想再嗌多一串🤭月見免治雞肉軟骨榡🥓免治雞肉加埋雞軟骨棒呢個鋪搭本身已經好無敵，一啖咬落又軟又爽脆仲有濃濃雞肉香，配合埋燒汁生蛋黃，味道豐富無得輸🩷蒜蔥封門牛柳🥩牛柳上面鋪滿厚厚嘅蒜蓉，如果齋計味道唔計口感嘅話會以為食緊蒜泥白肉🍗封門牛柳肉質嫩滑，加埋蒜蓉蔥花更有層次，可惜略嫌較細串，CP值比較低🧐豚肉雞蛋卷🫔呢個賣相相當吸引，豚肉片包住半隻半熟既流心蛋，食落竟然出奇地夾!!豚肉片燒到好似煙肉咁脆，連埋流心蛋外脆內軟非常特別🍳芝麻多春魚🐟呢個係當晚唯一點嘅炸物，本身想食燒多春雨，但見到圖片好吸引所以轉嗌左呢個多春魚俾滿滿嘅芝麻包住哂，一啖咬落去芝麻連同多春魚喺個口度卜卜咁爆開，比起就咁燒更有多一份層次，絕對值得一試😍燒花枝丸🍡花枝丸彈牙爽口，上面鋪滿蜜糖甜甜地幾好味，如果佢原粒唔係切開一半就更抵食了😝鹽燒秋葵及燒蘆筍🥗食咁多肉點都要食少少蔬菜中和一下，厚厚嘅蘆筍肉清甜多汁，燒到恰到好處鹽燒秋葵同樣唔會乾哂，非常有水準，絕對係健康之選🥬最後梗係唔少得要嗌個甜品啦，我哋叫咗一件焦糖芝士蛋糕作為呢餐既完結，相當滿足🩷📌夜燒站 (荃灣)荃灣聯仁街18號地舖利申：本人真金白銀消費，非打手，真心評語
continue reading