Beanswork (Closed)

朋友介紹哩間cafe, 近地鐵站好方便，地方細細，坐得都算舒服，唔太壓迫。大蝦冬陰功意粉，微辣，易入囗少有焙茶latte, 至愛丫，為左焙茶而來，仲有靚靚拉花美國肉眼扒沙律，啖啖肉，好在有沙律菜配搭一下，個橙汁原來配肉係甘夾

今日難得熊妹都放正紅日，岩哂同放銀行假的office女郎們卡卡小姐同倩女見面喇。就佢地黎左港島區，揀左旺區銅鑼灣的呢間轉角cafe試試。熊妹知道《BEANSWORK》係新開無幾耐，好似評價都幾唔錯。1點幾黎到，唔知係咪因爲紅日啲人未咁早出街，店內無咩人，好似包場咁濟，太好了。又係一間年青人主導的cafe，餐牌好似唔係太多選擇，可能想重點主打幾款招牌菜。卡卡小姐本身想食all day breakfast，不過見eggs benedit 吸引啲，就揀佢喇。$108，有兩件都幾唔錯喎，一件係parma ham，一件係smoked salmon。熊妹先試左parma ham，原來又幾夾喎，薄薄的parma ham 咸咸地，都好大塊下，配埋荷蘭流心蛋黃汁，仲有好多沙律配菜夾埋一齊食，加埋有烤過的英式軟鬆包，成件事有動物同植物蛋白質，有菜又有澱粉質，實係健康之選。另外配smoked salmon的就無咩特別喇，塊煙三文魚無parma ham咁大塊，咸味都無parma ham咁出。可能因為一般eggs benedit都係配smoked salmon，熊妹係一面倒投哂分俾parma ham既。熊妹跟住

今日中午同朋友黎到，人唔多唔洗等位。閒日所有意粉減$20，再包餐湯同飲品。餐湯係蕃茄湯，份量好少但味道濃郁，唔會過咸，少少辣幾惹味👍🏻龍蝦意粉賣相勁靚，本身都怕龍蝦味好假，但呢個好自然，食落仲覺得幾似蝦膏，鍾意食蝦可以試下。隻蝦好有鮮味，煮到適中唔會太硬，好好味！.什莓窩夫雖然冇雪糕，但原來啲忌廉好清好易入好，唔似一般好肥，食完都唔覺得好濟。楓糖冇想像中咁甜👍🏻👍🏻如果可以多啲水果仲好～兩個人分食完都幾飽～有機會會再黎食。

餐廳位於電車路邊，富豪香港酒店對面，員工態度良好，主動介紹Menu及套餐，讚。星期六Lunch time沒有Set menu，a la carte上的pasta、burger及main dish都可加$35包湯同飲品。番茄湯味濃，甜度酸度適中，幾口就完成。香辣蒜蓉意大利麵，簡單而考功力。麵條有口感，辣椒同herb的份量恰到好處。忌廉白汁黑松露野菌闊條麵，天呀份量好多，好香松露味，滿分。carbonara是女士至愛系列之一，這個算及格，蛋黃是畫龍點睛，沒有了蛋就沒了靈魂。Ice mocha沒有加cream，更容易嚐到咖啡的味道。咖啡同朱古力都飲到，不算很甜。

大年初一, 同家人行完大運, 還諗緊去邊度下午茶好, 見到銅鑼灣呢間咖啡店有開一入到去, 個Waitress 都幾有禮貌同我地點餐同安排坐位,  雖然我地來到時已4 點幾, 其實我地都未食lunch, 於是我地點個漢堡包, 肉丸意粉, 牛扒沙律同個滑蛋卡邦尼意粉, 全部都好滿意, 初時以為年初一無咩人手, 可能會普普通通, 點知幾好食, 其中年長D 既家人都讚..雖然我沒有相片Upload 和華麗既食評用詞, 但是由店裡內外, 廚房, 水吧以至侍應的年青人都有heart 有禮貌, 年初一都開工, 還保持水準, 真係要係度讚一讚!

同男朋友去銅鑼灣食飯 佢揀咗呢間之前好多朋友都有推介過價錢ok又好味嘅beanswork 冇令人失望想坐得舒服啲朋友就記得book位喇 我哋冇book 7點幾去到就得返bar枱位🙊由於唔係好肚餓嘅關係 我哋淨係叫咗一款小食同一款主菜 (咪做大嘥鬼!)小食我哋要咗 Baguette Pizza ($68)法包脆得嚟又唔硬 味道本身都幾豐富 配埋啲橙西柚同沙律菜 又清新番啲😚主菜我哋就叫咗意大利肉丸鮮茄意粉 ($108) 加＄35就可以有埋是日餐湯同飲品 唔知點解餐牌上面冇寫 係店員同我地講先至知🤣餐湯係南瓜湯 飲品要咗cuppucino 都係正常發揮 拉花幾靚🤗 個意粉就真係幾好味 al dente得嚟個汁唔會一大陣茄膏味 酸酸甜甜幾fresh😛 肉丸入面又有紅蘿蔔粒粒 唔會好heavy或者好實 連粒車厘茄都好甜！😚😚😚最後埋單210幾蚊 簡簡單單又滿足

同好友行山前，先去食個早餐，而家開始喜歡飲咖啡（雖然唔係好深究）自己會搵啲咖啡小店試！今次揀咗呢間，去到無客人，不規則形狀，紅磚牆，黑水管，烏絲燈，配合一齊形格，我哋揀咗一張4人枱坐低，餐牌坐英文真係有啲難度！落單後要耐心等！Benedict set($108)賣相靚，材料多！一層層都係驚喜，唔係用蛋黃醬配蛋，係用牛油果醬加不同芝士、鹹香煙肉，雖然班尼迪蛋做唔到主角，不層層味道好夾，底層麵包鬆軟！芝麻菜爽嫩！好味！Avocado Salad($88)芝麻菜、火箭菜、菠菜葉撈埋黑醋汁，好開胃，呢度嘅黑醋汁幾杰身，好香濃，牛油果🥑落得幾重手！軟滑好味！Flat White:綠色瓷杯幾厚身，拉花靚，奶泡較薄，咖啡味濃，唔會酸澀，易入口順喉！好味！Manuka Latte($46)朋友飲！得一個店員一腳踢，落單上菜沖咖啡整食物！有禮斯文，唔會多說話環境舒服嘅咖啡店，靜靜的食一個早餐

今日一個人lunch，係公司附近周圍行下睇下有咩食，行到ceo附近見到間cafe，就入去試下啦！原來星期一至五午餐時間叫餐牌內意粉全部減$20，仲送埋餐湯同咖啡！咖啡可以揀cappuccino 同latte都唔洗加錢架！意粉都有好多款式揀，我揀左signature dish鮮茄牛肩押肉丸意粉。先黎個餐湯，係蕃茄濃湯，酸酸地好開胃！意粉份量都幾大，我係正常女仔食量，食唔晒！牛肉丸應該係自家製，幾好味！咖啡呢，我叫左soy latte，因為係soy milk整，比較難拉花，所以賣相唔會有咩期待。意粉$108，減$20，$80埋單，無加一添！$80有意粉有湯有咖啡，有質素，係銅鑼灣黎講真係好抵食！

第一次食乳豬burger最上下層係超級脆卜卜嘅乳豬😍中間有雙層芝士, 仲有好juicy嘅牛扒, 同埋新鮮蔬果, 呢個真係非一般嘅burger!!! 邪唔邪惡? 😈 哈哈~~唔理咁多, 食咗先講🤣🤣Beanswork嘅原隻波士頓龍蝦都係必食, 不過我哋唔記得預先book, 今次試唔到添, 下次再嚟試🤪咁就order龍蝦汁虎蝦意大利麵啦~ 佢地龍蝦汁係每天新鮮餚製, 令到意粉每啖都有鮮甜龍蝦味, 虎蝦亦非常爽口彈牙👍🏻美國頂級肉眼扒沙律配自製香橙橄欖油, 賣相已經好吸引, 嫩嫩嘅肉眼扒配上好多色彩繽紛嘅水果,好開胃~

早排去完工展會，見到呢間餐廳有好多食客，心諗味道一定唔差，所以就同朋友係度共享晚餐～～ 我地先叫左一個沙律～牛油果蘆筍沙律 $88 牛油果擺放得好靚，好似一朵花一樣，牛油果又腍又香，伴住黑醋汁，成個沙律都好開胃！我地加左錢轉了dinner set，有餐湯同飲品～餐湯份量唔算超級多，但飲得出好足料，啖啖蘑菇香！ 慢煮乳豬 $148 第一次食慢煮既乳豬，皮好脆，肉汁幾juicy，好嫩唔會整到乾身，充滿油脂香！ 伴碟仲有薯條同沙律，薯條係厚身個款，所以我好中意🤣 龍蝦汁波士頓龍蝦闊條麵 $168 龍蝦肉彈牙肉腍，但覺得龍蝦汁唔係太濃，闊條麵厚度適中，但汁唔夠食落有啲乾身😣 薯條配黑松露醬 $68 純粹滿足下我朋友既薯條癮，呢間既薯條勝在厚身，而且調味夠！ 焦糖燉蛋 $52 係焙茶味呀，茶香味濃，勁正，口感好滑，一口一口好快清晒😝 . 飲品分別要了凍朱古力同焙茶latte~~ 個人認為焙茶latte夠香濃! 餐牌

星期日，想到銅鑼灣走走，買些東西。時間尚早，先找了間咖啡店，呷口咖啡，悠閒一下，畢竟我也是咖啡系偽文青一名 (誤)。說到咖啡店，隨著近年大家對咖啡的要求日漸提升，咖啡店不再局限於樓上cafe的質素，食客漸漸懂得欣賞精品咖啡。這間咖啡店位處銅鑼灣怡和街，靠近圓形天橋，但人流不算多，我們在找路時兜了個大圈，反而遇見不少週日休假中的家傭姐姐。咖啡店舖面不大，大約二十個座位左右，裝修有點工業風。我們坐在店內唯一的靠牆四人桌，開始品味咖啡。我們各自點了一杯咖啡和一碟沙律，算是一個小小的下午茶吧。首先上枱的是fifty fifty，餐牌寫的是1/2 coffee 1/2 chocolate，說穿了就是mocha，但又比一般mocha更具香濃的朱古力味，奶味亦較香，愛喝咖啡的人可能會覺得咖啡味不夠。接著是蘆筍牛油果沙律，賣相不錯，半份牛油果切片並排成玫瑰花狀，香煎過的蘆筍圍在碟邊，牛油果之下就是沙律菜。沙律菜配以香醋汁，剛好辟掉沙律菜的苦澀味，非常醒胃。手沖咖啡我選了來自埃塞俄比亞的咖啡豆，根據店員所說這種咖啡豆在處理過程中加入了蜜糖，而咖啡豆本身亦帶蜜糖味。沖製之前，店員還特意把已經磨好的咖啡豆給

你間餐廳係銅鑼灣不算好起眼，但係果然隱世小店嘅味道真係唔錯。餐牌上面超多選擇，我同朋友兩個人食咗好多唔同嘅嘢。牛油果蘆筍沙律 88，牛油果好新鮮上面會有蘆筍酸酸甜甜，另外沙律菜好多。牛油果都別有心思，捲到好似玫瑰花嘅形狀黑松露雜菌芝士卷 62，想試吓啲特別嘅嘢所以就叫左呢個雜菌卷，下邊有蔬菜同埋少少水果，番茄同埋橙。包得幾好入邊嘅醬汁亦都令佢唔會太乾。龍蝦汁波士頓龍蝦闊條麵168波士頓龍蝦嘅闊條麵真係好正，蝦肉非常彈牙，味道亦都唔會太濃烈搶咗龍蝦嘅鮮味，d汁好惹味。脆炸薯條配黑松露醬 68食薯條嘅醬汁非常之重要除咗茄汁之外呢一度嘅黑松露醬非常出色。而且醬汁好多，香濃嘅黑松露口味令人非常之想念。楓糖雜莓窩夫 108番茄湯(餐湯）35，另外我哋仲叫咗個餐湯想試吓呢一度嘅湯係咪都唔錯，蕃茄味好香，Pink French Rose -Tea 40Pink Lemon grass- Tea 40Cappuccino -coffee 大杯Valrhona Cocoa-Drink 不杯另外由於係Cafe食嘢所以一定要試吓佢嘅飲品，下午茶一定要你試吓佢嘅咖啡，沖得非常之香、拉花漂亮，唔會太苦澀亦都唔會

這天到銅鑼灣教協買熱水煲， 之後順道 約了朋友在銅鑼灣食飯， 走到近富豪酒店ceo對面怡和街地鋪有間 cafe， 落地玻璃裝修優雅細緻好有外國feel。本應打算飲杯cafe 來個小吃， 但餐牌非常吸引有很多美味菜式可供選擇。先來一杯Iced mocha(都是跟餐)。 賣相很罪惡( 個人喜好必定會加cream)朱古力味香濃， 和咖啡比例 調和適中。惠顧主菜或意粉可加35元加餐飲及餐湯。蕃茄湯打得好濃好杰身， 飲得出沒打芡。美國頂級肉眼扒配沙律及自製橙味橄欖油 $128牛扒呈五成熟 ，切成條狀鋪在沙律菜上， 沙律菜伴入各式各樣生果粒，並有紅桑子藍莓襯托， 清新得嚟又豐富。 再配以橙味橄欖油， 鮮甜彈牙和一般強烈的醋汁有不同風味， 值得一試。龍蝦汁波士頓龍蝦配闊條麵強調是波士頓龍蝦，那就非常抵吃。 雖然是開邊，但都啖啖肉。 龍蝦汁鮮味濃郁，恰好沾上每條闊條麵 ， 闊麵表面質感粗糙，好有handmade feel, 更吸醬汁。另外我們点了一個慢煑乳豬漢堡。 最初真的以為是夾著的肉是乳豬。 原來講緊用乳豬夾住其他材料。 這款有芒果，青瓜，厚切蕃茄 黃大量蔬菜伴碟。 慢煮下的乳豬肉質果真與燒烤做法

一間細細的餐廳, 有工業風的裝修, 落地大玻璃, 係繁忙銅鑼灣的一角帶點休閒感, 晚餐就決定係到食啦.有點肚餓的關係, 都點了不少. 先黎肉眼扒沙律和煙三文魚沙律. 兩者的沙律菜都新鮮的, 肉眼扒就煎得比較熟, 比較可惜但都軟腍的. 沙律中會夾帶一些士多啤梨和藍莓, 食落清新, 再配橙味醬汁可以減輕食肉的油膩感, 唔錯. 煙三文魚就砌咗朵玫瑰花, presentation都幾特別. 用上黑醋做汁, 唔酸反而係甜的.小食都點了兩個, 芝士煙肉釀烤菇和炸薯條配黑松露醬. 烤菇配芝士煙肉係無得輸, 而烤菇夠厚身, 多汁. 薯條炸得剛剛好, 外邊夠脆, 中間仲有薯肉食到. 而且凍咗都仲好脆. 至於黑松露醬味道不錯, 松露味夠突出.主菜要了個龍蝦汁虎蝦意大利麵, 每條意粉都吸收到龍蝦汁, 味道夠晒濃郁, 虎蝦爽口但不夠大隻.最後甜品係楓糖什苺窩夫和法式焦糖燉蛋(自家烘焙茶味). 窩夫賣相幾靚, 可惜唔脆, 有點腍身. 燉蛋甜度適中, 不過茶味不夠濃, 唔係好食到茶味.最後, 因室內空間不大, 同隔離張枱都非常近, 完全聽到人地講緊咩.

一開始見openrice都多人讚呢間餐廳，所以去試下，但實在令人太失望了！首先一入去已經覺得樂少位，吾夠台，bar台位置太多，原本我地想坐普通台，但侍應竟然叫我地坐bar 台，又吾叫其他客人將袋移開俾我地坐，坐bar 台勁吾舒服。之後order 左龍蝦扁意粉份量極少但價錢卻很貴，要$168，只有兩啖肉，龍蝦頭完全冇膏，用芝士遮住，意粉又凍！再order左一個小食拼盤，真係中伏！！！炸魷魚圈同雞肉勁咸，要用水過一過先食到，完全不可接受，不會再幫襯！