Beerliner German Bar & Restaurant (Closed)

去沙田ikea買完野去食晚飯，一樓勁多餐廳入面揀左德國野。因為太耐無食過啦，突然好想食德國腸😋-德式香腸拼盤($238)有五款腸，但total有成11條腸，我地兩個人食，好飽😂佢拼盤原本係配燒薯，但可以轉薯蓉👍🏻我自己比較鍾意細細條，帶啲辣味個款腸，應該就係迷你辣肉腸，好惹味👅另外就係大條紅色個款，墨西哥辣芝士腸，雖然佢肉質實啲，但有芝士又香好多！個底墊左酸椰菜同薯蓉，薯蓉同平時食開既唔同，呢度既薯蓉帶黏口感🥔-自家製鄉村肉批配薯餅煎蛋($83)個肉批食落有啲似午餐肉，係厚實版既午餐肉🤣不過配埋蛋黃一齊食又幾正，下面墊底既炸薯絲餅就岩哂我食，好好味又香口😝-自家製德式小粉團配燒豬腩卷($165)第一次食小粉糰，見個名幾得意就試下，啲粉糰好香牛油味帶少少蒜香👍🏻煙煙韌韌咁，幾好味。豬腩卷肥膏位比較多，所以有點油膩🐷-我點左杯Ginger lemonade 好飲！再薑啲仲好😋

近日工作非常忙碌，為了獎勵自己，決定好好的吃一餐。今日點了:1.煙三文魚泡芙2.秘製德國豬手3.冠軍肉腸煙三文魚泡芙 $73作為前菜，分量剛好。想不到泡芙也可以作為鹹點，感覺很新鮮。泡芙內有煙三文魚、少量沙律菜和醬料，吃下去有少許鹹加點酸酸的，很開胃。冠軍肉腸盤 $169這個有3大條肉腸、酸椰菜、長青豆和焗薯。平日吃肉腸最怕過鹹或吃下去滿口是油，幸好這裡的鹹度適中，也不太油膩，這個有兩小碟醬汁的，一個是黃芥辣，一個是甜的，我個人比較喜歡甜的那個，味道較為特別。肉腸下的蔬菜也不錯，不會過熟。說真的，我和男友都不愛酸椰菜，最後也只吃了兩口。秘製德國豬手 $238侍應送上時有點嚇怕，這個份量我倆可以吃畢？侍應放下豬手後便幫忙分解它，服務不錯。豬手入味十分而不過鹹，不會弄得過熟，豬皮十分脆口，口感不錯。不過豬手配搭的薯蓉比較一般，應該是用粉開的，可能用焗薯會更好。

要吃德國菜一定會想起這家店豬手香腸等都令肉食者欣喜若狂琳瑯滿目的餐牌叫人花多眼亂二人來用膳最好就是點二人套餐套餐包含每人一杯無酒精雞尾酒我點的這杯是薑味味道清新又特別套餐份量巨型有脆皮豬手一大隻豬皮烤得脆脆帶點脂肪非常香口肉質也相當嫩滑吃罷已飽了一大半香腸有芝士腸和豬肉白腸芝士腸香料味又辛辣又惹味白腸味道較淡口但肉味突出墊底有德國酸椰菜和薯蓉薯蓉極幼滑似用薯粉開薯條新鮮炸起口感香脆值得一提是附上的甜芥辣很好吃點豬手或點薯條都畫龍點睛

新城市嘅Beerliner我都係第一次食 夜晚佢個Menu選擇其實唔係好多 望吓個Menu先不過當然要食招牌嘅豬手啦 我哋兩個人仲叫咗一個沙律同埋一個叫做煙三文魚泡芙 泡芙好有驚喜 兩舊好似麵包嘅物體夾一齊食味道都幾好味 沙律就普普通通啦 最期待嘅係豬手 佢擺上台嘅時候見到我哋成枱都係野 個侍應就話佢喺入面幫我地切埋先再拎出嚟啦 嘩!原來有得幫埋切豬手服務㗎 咁都幾好喎 等我唔使切得咁辛苦 望落去真係好大分 兩個人食晒真係超級飽啊佢豬手個皮好脆 有啲位就有好大舊肥肉 但係最唔好嗰樣嘢就係返到屋企係好頸渴 可能佢豬手落得太重味精 太多調味料啦 呢個要扣番啲分食豬手點可以唔配埋啤酒架 我哋叫咗兩支德國手工啤 一支係黑啤 另一支係甜甜地嘅好易入口Overall嚟講野食不過不失啦 唔會話好有驚喜

朋友聚會，今次揀左位於沙田新城市廣場既連鎖德國餐廳，地理位置方便，幾易搵到。一行五個人，我地就叫左個豬手同小食拼盤。因為我地人多，所以就叫左個豬手set，入面有一份德國鹹豬手，德國腸同埋薯條。鹹豬手炸得好脆，幾好食，惟味道鹹左少少，不過食得多會覺得口渴，豬手下面鋪左酸菜同薯蓉，一啖酸菜一啖豬手可以解膩，而配薯蓉就可以中和下鹹味。另外，豬手本身並唔係完全切好，要我地自己切，豬手本身偏硬，所以都切得幾攰。另外，個小食拼盤都包左好多小食，有炸雞槌、煙三文魚泡芙、蘑菇酥、燒豬手卷，同埋魷魚圈。小食都幾創新，幾有心機，味道都好食，略嫌上碟時唔夠熱，蘑菇蓉同酥皮唔太夾🤔，其他都還可以。飲品方面，叫左一杯叫hulahoop既飲品，入面溝左不同既水果果汁，味道清新，幾好飲👍🏻

朋友生日近近地收工去新城市廣場食德國菜。叫左兩份牛扒，煎得好金黄好香，肉質琳牛味重。配菜好juice.特色德國黑麥脾燒豬，燒得外皮脆口裡面肉汁豐富嫩滑。飲品都幾有特色，顏色吸睛，好有夏日色彩。

記得對上一次食 Beerliner German Bar 係屯門食，當時都係食 lunch，食物質素同味道都相當出色，所以好想再食，今日黎開沙田見有分店就入咗去食 lunch 喇。Lunch Set : 蟹肉及蕃茄沙律配紅酒醋汁、龍蝦濃湯、煙鴨胸及牛肝菌意式燴飯、意大利雪糕。蟹肉及番茄沙律配紅酒醋汁 : 蟹肉好鮮甜，薯仔蕃茄亦新鮮爽口，超級好食。龍蝦濃湯 : 味道好奇怪，有苦澀味，而且連少少配料都無，飲左一半就放棄咗，實在太難飲，十分失望。煙鴨胸及牛肝菌意式燴飯 ($118) : 上枱時香噴噴，但成個飯啲汁太多，同只食到咸咸地既味。意大利雪糕 : 只食到甜味，完全食唔到係咩味既雪糕。以後只會去屯門幫襯呢間餐廳，因為實在差得太遠啲水準。

之前見到佢個午餐餐牌幾抵食 ，最平88元包餐湯、前菜 、主菜、甜品、飲品。 今日終於等到黎食佢啦。炸魚藜麥沙律前菜係炸魚藜麥沙律。 炸魚新鮮， 藜麥沙律調味幾好，唔錯喎。龍蝦湯味道嚟講冇咩問題嘅 ，偏向似羅宋湯，不過加咗啲龍蝦湯嘅味道。好可惜個湯唔夠滑身， 似係煲好既羅宋湯再打碎 ，但係打得唔夠滑， 令到個湯好多渣，有點'濁'喉。牛面頰意粉好大份，一般OL應該冇可能食得曬吧😅味道方面 ，夠熱， 多汁 。個人認為好味嘅 ，但係牛面頰嘅肉質得好奇怪 ，太軟淋，淋到似豬潤嘅口感。意大利雪糕榛子味嘅雪糕 ，個人認為可以，冇特別。不過午餐包埋甜品，真係讚讚讚!

突如其來的八號風球令大家多左半天假期，咁難得當然要出去食個飯啦，因為天文台話2點會掛起，我地到左沙田有些餐廳也開始截單了，中菜和日本菜成日都食，於是試試德國菜而入左Beerliner，睇到個lunch set 都有啲啱心水，於是同朋友叫左2個午餐，包括餐湯、頭盤、主菜、飲品和甜品。餐湯：龍蝦湯(無影相)龍蝦湯偏酸，個人不太喜歡頭盤：炸魚手指配蘭度豆沙律炸魚手指新鮮炸起熱辣辣，雖然係雪藏貨但都好味，至於蘭度豆就唔係咁啱食主菜：香煎德式膽薄豬柳配煎蛋, 紅菜頭及薯條薄豬柳大過塊面食唔晒，味道不錯夠香夠脆，我還是更喜歡配菜紅菜頭及薯條，好味主菜：自家製德式香腸拼盤配酸椰菜及焗薯朋友喜歡德國香腸，我都試左少少，味道香濃，酸椰菜唔係個個啱食，如果改為白飯就感覺咁滯，始終香港人都係鍾情有啖飯落肚飲品：咖啡合心意的咖啡甜品：意大利雪糕唔知係焦糖定咖啡味，甜左啲不過都很香滑總括而言：德國菜很滯很重味，可能配杯啤酒會比較好

喺公司做左10幾年，每日返工共事的同事有時真係見得多過屋企人，人夾人緣有d 同事好傾d ，她要走當然會有些不捨！轉眼間芝姐已經到左退休嘅時間，可以好好享受接下來的退休新生活😊👍🏻今晚我地來左近近地嘅沙田新城市食德國豬手飲德國🇩🇪啤，唔知係味肚餓關係，反而覺得餐前小食同沙律好食d，等左半個鐘嘅豬手感覺上唔夠脆口，其餘食物都幾好，可惜用餐時間只得90分鐘，想飲多杯都無時間！香港地真係想慢活都好珍貴！😔

同老公星期日去食晏，見佢好似好豐富就試下。餐廳幾好情調，不過啲枱就好近，好容易聽到隔離傾計內容。Set lunch有沙律，湯，主菜，甜品同餐飲，總算大堆頭，一定飽。煙三文魚包配鮮菜沙律個包無咩特別，反而沙律新鮮又開胃。炸魚手指配蘭度豆沙律炸魚有雪藏味， 蘭度豆太乾唔太好食。青豆蓉煙肉湯侍應見我哋食曬沙律收埋碟先至會上湯，唔會一次過所有嘢上曬枱。個湯暖暖地，味道不過不失。燴牛肉扁意粉配迷迭香汁($108)雖然睇相睇唔到啲牛柳絲，但其實入面有好多。意粉好多汁，份量亦好大，推介!自家製德式香腸拼盤配酸椰菜及燒薯($148)有四款香腸， 要食啲酸椰菜先可以平衡到腸嘅鹹味。分量都算好大，見到好多人都食唔曬。海鹽焦糖意大利雪糕配蛋白脆脆雪糕都幾好食，不過唔係蛋白脆脆係oreo餅碎。總結係，包你食得飽嘅濃味之選。

本來諗住父親節帶父親大人來吃德國菜飲啤酒。點知……我們一行四人被安排在水吧附近位置。而餐廳的職員就像茶餐廳夥計一樣「出力」工作。 全餐飯都被侍應們掉刀、叉、杯、碟玻璃水杯嘅聲音陪伴着。 短短45分鐘，佢哋打爛咗兩隻水杯。食物方面1. 麵包同湯都夠熱，尚算可以。2. Meatball with linguine in gravy，來到變咗豉油皇燴意粉。Meatball 被太多香料蓋過味道，根本唔知食咗啲乜。3. Pork cordon bleu 又乾又鹹4. Roast salmon 算最好，可惜伴碟嘅French beans 都係鹹到震成件事令人失望到極點。甜品同咖啡都冇要就叫人來埋單⋯⋯

好耐冇食過德國🇩🇪菜！所以趁著今晚能夠與兩位朋友共進晚餐，就選擇來到沙田新城市地下呢間Beerliner German Bar & Restaurant試試😋單睇舖面既設計就感到充滿著德國🇩🇪文化氣色，相當吸引😍。秘製德國鹹豬手及德式香腸😋來到德國餐廳，食呢隻烤焗豬手當然唔少得啦！豬手加上三款不同既醬一齊食，十分香口美味😋🐷👋🏻而且呢個拼盤有三款不同既德國香腸，辣肉腸就是其中既一款，其他兩款香腸也相當好味🤤。當然個拼盤上也有德國人食左可以消膩消滯的酸椰菜，d酸椰菜食落令人感覺很開胃。而我就比較愛吃酸椰菜旁邊既一d薯蓉，可以增加我既飽肚感。總括而言，這個套餐十分豐富又能吃到德國🇩🇪既特色食物，所以黎到一定要試試😋。

廚師精選拼盤有豬手，香腸，薯條，2杯飲品豬手上菜時哥哥會幫你切埋豬手肉味道也還可以但配芥末還是不配芥末，我會選擇配皮 不是脆 而是硬利刀都切唔開實際地 客人枱上的刀鋒利程度只屬牛油刀水平酸菜味道 恰到好處薯蓉有點蔬菜味各式洋腸醃製食物通常都好吃~整體黎講 li 一餐好'漏'Hula Hoop莓類沙冰 有濃郁水果puree, 應該是芒果吧Erdinger Weissbrau 黑啤~ 第一次飲，原來都幾好飲，好香煙三文魚薯餅唔係普通薯餅而係刨薯絲後再煎鬆散，唔熱，偏硬

預早用openrice訂位在指定日期時間有折，剛好星期五晚六點也可以有折，限用餐一小時30分鐘，餐牌單點食物都有5折，太好了，但飲品就正價。 我們4人點了一個德國豬手，夠脆皮有肉汁，德國腸拼盤三款腸都好味，芝士黑松露炸薯條夠香脆食到唔停口。因我們點了德國豬手職員說會有個棉花糖甜品送的，另外點了一個蘋果批外皮鬆脆幾好 。訂位時說有朋友生日，問過如果自帶蛋糕要收$150切餅費，如點甜品就可以點枝生日蠟燭, 那就叫職員幫忙上甜品時點生日蠟燭好了， 當上甜品時看見沒有蠟燭就算吧照食，但突然職員再送上一杯點了蠟燭的甜品上來說是送的，因之前職員忘記點蠟蠋，嘩，太好了，我們沒出聲但職員有留意到默默跟進及安排，令我們有意外驚喜，可以唱到生歌給朋友，朋友也很開心。謝謝你們!