Ben哥米線

Open Now

Now Closed

欣賞佢啲湯底都好有特色，有九款湯底選擇，梗有款啱你！我同朋友各點了一碗米線。兩碗米線都大大碗，好抵食呀！蟹柳芫茜菠菜湯米線將菠菜磨醉成湯底，令湯底變成一片綠色。芫茜菠菜湯好香，鍾意芫茜嘅朋友一定唔可以錯過！個湯可以飲埋，飲完好舒服～估唔到米線仲可以揀！有原味米線同埋五穀米線。我好好奇咩係五穀米線就叫黎試吓。原味米線比五穀米線腍，我就鍾意五穀米線較硬身。食五穀米線比人感覺更健康！藥膳麻辣湯五穀米線藥膳杞子一粒勁濃酒味，真係食一粒都醉呀！配菜揀左豬紅、通菜同蜂巢豆腐。豬紅夠腍。蜂巢豆腐索曬d湯，一咬d湯就「咇晒出嚟！五式雞翼(即柚子、黑糖薑母、蜜糖黑椒、麻辣)($38)一款雞翼(五隻)$33 剩係可以食到一隻味。加多$5就可以一次過試勻五隻味，正！隻隻雞翼都好肥美，啖啖肉，皮脆肉嫩～最印象深刻係麻辣雞翼。加左辣粉，食落香口惹味。😋麻辣墨魚頭係冷盤。墨魚質地挺實彈牙，有少少辣油，好惹味～😋腐乳通菜通菜新鮮爽脆，本身味道清淡嘅通菜加上腐乳同吃，加添鹹味，味道剛好。12:30前埋單重有9折添！

觀塘Ben哥米線。喺🐽仔番工附近。午市優惠食米線送飲品。1200黎到食個Early Lunch 😬。order紙前後兩頁。湯底有9個味道。要咩辣。米線多d定少d。芽菜芫荽蔥要唔要。全部自己剔。簡單易明😬。蕃茄米線～配料揀咗🐷紅。🐷皮。🐷大腸。食完唔好變🐷就得啦🤣。揀咗五榖米線。食落健康d。望見都開心d😆。🐽仔揀咗腐竹。豆卜。🐷大腸沙爹豬骨湯米線。沙爹味濃濃的。真係有d驚喜😜。飲品+$3飲椰青水。100%pure。飲得安心❤️。

今日早放，下午同朋友一齊收工，他說觀塘鴻圖道有間叫Ben哥米線好好食，有沒有興趣一齊去食，我咁喜歡食米線一定去啦！疫情下進入餐廳前當然要量體温，2人一枱剛剛好，他說平時lunch 好多人食，現在下午餐時間無咁多人真好彩不用等枱。睇完menu就叫左個小鍋米線＄28，可選擇原味米線，選擇一半米線分量，避免浪費食唔晒，內有酸菜、韭菜、芽菜、芫西、蔥、米線好彈牙原味湯底好清甜，酸菜微酸，芽菜爽口，大致都好清爽口味，加左豬耳＄10，爽口切得好薄，份量都很多；豬軟骨＄12，好腍好入味，軟骨味道剛好！朋友選擇左芫茜菠菜湯米線＄28，要五穀米線，整碗充滿綠油油既感覺，有五種顏色嘅米線（有米線、玉米、蕎麥、黑米、高梁）味道都幾特別一樣很爽口，內有芽菜和芫茜，加豆卜＄7，豆卜吸左芫茜菠菜湯很入味，豬大腸＄10，豬腸很腍，洗得很乾淨，不會有壓味。可選擇1/3米線，或一半米線也可選擇加底＄8，十分貼心也不會浪費，食得更健康、更有營養！另外還叫左一個腐乳通菜$22，上面好多腐乳，通菜十分新鮮，份量也很大碟，通菜爽口脆嫩！蒜香雞翼尖＄18: 蒜香味好濃郁，食食下有些少微辣，用來送酒最一流，雞翼尖那蒜香撲鼻， 辛辣

約左美女朋友食lunch，我話想食湯粉麵/米線濕下口，唔想食飯，所以佢就帶咗我去佢公司附近嘅ben哥米線度食嘢呢度有午市套餐價錢都幾優惠，仲有嘢飲包埋添美女朋友話呢度嘅麻辣湯底好出色，不過我就唔食辣，所以試下佢哋個小鍋米線先呢度最特別嘅係可以揀普通米線或者係五色米線，兩款米線既價錢係一樣架而且呢度都有一啲小食可以加配，價錢都好大眾化我哋先叫咗一份“自家糖心蛋”HKd$10再要左一份五隻既“黑椒蜜糖雞翼”HKd$33呢度既米線好足料～兩碗都好大碗！！！五色米線雖然食落既味道同普通米線差唔多，但係吸睛程度遠超普通米線朋友第一次試呢度既酸辣蕃茄湯底，佢話好濃茄味仲酸酸辣辣咁，所以好開胃午市會送熱飲，而轉為凍飲都只係雖要加3蚊所以我地都分別轉飲凍檸茶同椰青水原來12：30前離座仲會有9折添架

lunch time好多人幫襯，環境半開放式，座位多。✨味道65分，服務不錯，衛生一般般。.🔸酸辣蕃茄米線($47)下午茶時間去，$41兩餸，包嘢飲。揀左五穀米線，唔同顔色，用五種殼去整，口感較煙韌。酸辣蕃茄湯底，蕃茄味非常濃郁，酸酸地幾開胃，辣度自己調節，呢間嘅辣唔算好辣。揀左豬耳，爽口，腩肉不過不失。.🔸時令藥膳麻辣湯米線($58)冬天凍冰冰，揀左個藥膳味嘅湯底幾啱季節，冬菇好巨型，煮得好稔，唔錯。鴨血兩塊，口感ok，唔夠入味。韓國魚蛋，好大片，不過凍凍地，唔太好味。.🔸五式雞翼($38)想食雞翼，但係揀唔到咩味，揀咗每隻味都有一隻，啱晒選擇困難症。有甜，有辣，有香，總體味道還好。.🔸腐乳通菜($22)正常一碟菜，食食吓見到有小昆蟲，覺得衛生一般。

最近鍾意嚟觀塘發掘好野食，搜尋到呢個間隱世之店，一向鍾情麻辣米線，見到呢間坐爆食客，一於試下，果然有驚喜。皆因呢度嘅湯底唔只係麻辣咁普通，仲有藥膳，混入杞子一齊食，又可以中和一下麻辣嘅燥熱。有不同辣度選擇，味道真心唔錯，好夠味。配料揀咗蜂巢豆腐，吸哂d湯底，好正。見到有台灣麻辣鴨血，唔係四圍有，滑到好似豆腐花咁，好好食呀🥰加咗碟「蒜香雞翼尖」香濃惹味。激讚👍🏻食完終於明白點解咁多人。下次一定再嚟食😍

朋友話佢媽媽喺觀塘返工，lunch好多時都係去食呢間Ben哥米線。今日我又去開觀塘，自己一個食又冇乜想食，一於就去試下呢間Ben哥米線啦。呢間米線店嘅座位比我想像中多，地方又幾闊落，唔錯唔錯。呢到係自己寫紙落單嘅，可以揀湯底、配料、辣度，仲有得揀走肉碎、走蔥、走芽菜、走韭菜嗰啲，又有得揀加底/三分一米線/一半米線。幾乎平時落單嗰陣可以諗到嘅要求都有得自己喺張紙都剔返，好方便。我揀左一份五式雞翼做小食，咁既然已經有五隻雞翼食，米線嘅配料我就揀左生菜，唔再揀肉啦。五式雞翼 $38我本身淨係諗住食三隻雞翼嘅，但見到呢到有五款雞翼可以揀，選擇困難嘅我乜都好想食，都唔知點揀好。好彩我突然見到原來有個五式雞翼可以揀，係有齊曬五款雞翼嘅，咁我就乜都可以試下啦。佢每款雞翼都有一隻，有Ben哥烤雞翼、柚子雞翼、黑糖薑母雞翼、蜜糖黑椒雞翼同埋麻辣雞翼。每款雞翼嘅味道都好出，一食就知自己食緊邊款。每隻雞翼嘅外皮都烤得好脆，入面啲肉又滑，好食。我覺得最正係蜜糖黑椒雞翼，成個味道最夾，好似食緊蜜糖黑椒薯仔牛柳粒咁，不過變左好食嘅烤雞翼咁。時令藥膳麻辣湯底五穀米線 $32（生菜 +$7）呢個湯底好少見，第一次見藥

今日兩公婆路經觀塘商場，俾佢餐牌吸引左入去😀有一款米線🍜～五穀米線我未試過，因為平時食開連鎖店都冇呢種米線!!口感非常彈牙之餘，顏色好吸引、夠哂健康、加上我叫左個小窩清湯，再配埋酸菜非常野味😋反而老公叫咗一碗沙嗲米線～同我哋平時食沙嗲好有分別,味道好特別，唔知點講好好食，暥後成碗清晒😙另外再叫多三款小食、尖椒皮蛋、流心蛋、蜜糖黑椒雞翼，全部都非常出色，全部清晒😋估唔到米線鋪都咁有水準！好滿足😝

Lunch time近近地去左Ben哥度食米線🍜呢度都幾大幾多位 不過食飯時間都人頭湧湧好彩有得flexible 食飯所以下午茶時段先黎-#時令藥膳麻辣湯底x五穀米線x牛丸;魚蛋 $43藥膳湯底係秋冬時令嘅特別湯底裏面有好多杞子 d杞子仲要好甜而我地叫左小小辣嘅麻辣湯底 非常惹味🌶呢個辣度就算唔係好食得辣嘅朋友都可以食到同埋感受到麻辣獨有嘅麻痹感-#酸辣米線x五穀米線x韓國魚蛋;腩肉 $44酸辣湯底都夠酸同入味至於五穀米線係呢度嘅特色本身以為會好似紅米咁比都較硬同難消化點知食落嘅口感同普通差唔多😋一樣咁滑 下次當然會繼續叫五穀米線呢個健康之選！而且韓國魚蛋超大塊 腩肉都好腍吸晒d湯-#鹽酥雞（蒜味） $22大大粒鹽酥雞配上炸蒜粒 見到都流晒口水🤤仲要熱辣辣 好juicy-#招牌麻辣墨魚頭 $28估唔到原來係冷盤黎呢個麻辣真係好辣 同湯麵嘅小小辣完全唔同🌶🌶🌶墨魚頭嘅份量好多🦑-#時令油菜 $18食左咁多肉同辣野最好就加個菜心健康d菜心用左鹼水淥所以好好味保持到蔬菜外脆內軟🥬-#凍鴛鴦 +$0 & #100%椰青水 +$3本身冇留意原來下午茶時段米線叫兩餸以上就免費送飲品！真係

星期六番工，依頭已經無咩餐廳開估唔到宏利仲有ben 哥開ben 哥出名既五穀米線一定要試試我地點左佢招牌既麻辣墨魚頭， 有麻辣味，少少辣，墨魚頭夠爽口酸辣蕃茄湯 小辣都唔算好辣，腩肉有三大塊，肥瘦岩岩好，兩款菜食落都唔錯湯底酸味差d, 但蕃茄味都夠濃，下次要叫中小辣五穀米線有幾隻色，食落同一般米線差唔多，都幾滑同彈牙，唔會好易斷同碎麻辣藥膳湯有驚喜一啖飲落去，藥膳味都幾出，之後麻辣味先係後勁，依碗叫左小小辣，岩岩好，唔會搶左藥膳既味少有麵檔既鴨血，有兩大塊，食落都唔錯，夠滑口米線份量都幾多下，我地都食唔哂，唔怪之得張紙可以tick 少米線兩個湯底都唔錯，但藥膳底更優勝

今日同妹去觀塘鴻圖道經過Ben哥車仔麵，地方係較為偏僻，於是一齊入去試下，分別叫左藥膳麻辣湯底小小辣，第一次藥膳+麻辣幾特別，必試鴨血，大大塊滑溜溜，韓國魚🐟蛋🥚，並不是圓形，係韓劇入面睇一串串簿魚片，魚皮餃，金錢展，肥牛🐂，同一杯凍咖啡，特別推薦藥膳麻辣湯🥣底，另外值得推薦鴨血，食落去超滑，而配上第一次食五穀米線，有三隻色的米線都係第一次有創意，鐘意食淋的可以試下都唔錯；小食叫左麻辣墨魚頭，少少辣但好爽脆；而我妹就叫左酸辣湯底，中小辣，配上豬🐷大腸，豬🐷軟骨，墨魚丸，配正常米缐同一杯熱菜蜜；分量好大🥣碗出乎意料；喜歡食新意米線的可以試下Ben哥！

今日去咗觀塘鴻圖道78號1樓既ben 哥米線食野。因為呢度有我一直想食嘅台灣鴨血。佢呢度點餐好似叫車仔麵一樣，都係自己寫紙仔揀食咩湯咩面咩餸。藥膳麻辣湯米線：叫咗小辣，佢嘅麻辣燙都幾正宗，配上鴨血非常之夾。佢嘅鴨血同平時打邊爐嘅差唔多，口感幾好，好似午餐肉咁大件，下次再嚟都會再叫。另外叫咗花枝捲同豬軟骨，個花枝捲有驚喜，口感紮實。豬軟骨都唔錯，合格有餘。蕃茄酸辣湯米線：試咗佢嘅五穀米線，味道上覺得同普通嘅冇乜分別，不過視覺上覺得都幾得意。個湯除咗有平時嘅蕃茄味仲多咗一份酸辣，食得幾過癮。雞肉係一塊塊 算幾大塊 食落比譚仔好味麻辣墨魚頭：呢一個原來係冷盤嚟嘅，墨魚頭好爽口，配上麻辣嘅味道，都幾唔錯。

我有時都想吃下米線， 但我著重健康會想吃啲健康少少的米線餐廳的，而最近我去了位置係觀塘有間叫 「ben哥米線」真的滿足到我的要求， 其實簡單但用心機的小店！觀塘上班人士要支持下啦！我一個人便點了碗莞茜湯配以大大件冬菇加肉類的腩肉片米線，米線是健康一點的五穀類米線，而腩肉是自家製煮特別腍而好味喎！ 再叫埋一碟通菜配腐乳醬，最後仲有支100%椰青水呢！ 我一人吃都好滿足啦！Ben哥米線觀塘鴻圖道78號1樓3號舖

無辣不歡嘅我每個星期都會拉埋同事一齊陪我食返個辣辣lunch，今日我地就黎到鴻圖道78號呢間ben哥米線，一坐底就我就俾佢地嘅「時令藥膳麻辣湯底」有台灣鴨血仲有多款配菜配搭！我就叫左五殼米線，顏色吸引口感彈牙又好食，最緊要夠哂健康香濃嘅藥膳味加麻香麻辣味超激刺超好味，愛辣人士未食！配料新鮮好味，而且份量又岩岩好！小食我就叫左五色雞翼$38/5隻每款口味一隻，包括有：Ben哥烤雞翼：好有好喉既烤雞翼，惹味香口柚子雞翼：柚子味濃甜甜地同雞翼好夾味黑糖薑母雞翼：黑糖唔會太甜薑味唔會太搶，絕配蜜糖黑椒雞翼：蜜糖香甜似bbq咁麻辣雞翼：麻香香口惹味又，我至愛

今早天氣涼涼地，就去官塘海濱花園跑跑步，暖暖身 先由官塘碼頭慢跑至牛頭角，再回頭慢步至官塘，除可在跑道公園慢跑，伸展一下身體外，另一面可眺望郵輪碼頭及維港風景，吹吹海風，放鬆一下心靈 身心寧放鬆後，個胃就發出警號，通知我係要食嘢時間，鍾意麵食的我，就搜尋附近餐廳，找美食醫肚😋 Ben哥米線位近觀塘碼頭，由宏利金融中心一樓，向鴻圖道方向就可直達酸辣米線配金錢展、墨魚頭、響鈴卷 酥脆的響鈴卷，浸滿酸辣湯汁，真係又邪惡，但又美味的配搭，墨魚頭口感脆彈，金錢展，入口有濃香鹵水味，口感軟腍 辣味鹽酥雞，以雞肉沾粉，外面炸至金黃香脆，裏面雞肉仍然鮮嫩多汁，入口酥脆香滑，加上勁辣的辣粉，真是超好食 腐乳通菜，只＄22，腐乳的咸香味，加上通菜，真係惹味的配搭 最後加一杯凍檸蜜，甜甜酸酸，可以消滯解膩